Fréttablaðið - 27.03.2008, Blaðsíða 36

27. MARS 2008 FIMMTUDAGUR8 ● fréttablaðið ● vinnuvélar
Klæðning ehf. er fyrirtæki sem sérhæfir
sig í gatnagerð og vegagerð en vinnur
einnig mikið í húsgrunnum. Nýlega
keypti fyrirtækið tæki sem verður not-
að til að þrífa alla undirvagna bíla þess
áður en þeim er ekið út á vegina. Þetta
er gert til að vera í sátt við íbúa og veg-
farendur við starfsstöðvar fyrirtækisins.
„Með hliðsjón af aukinni umræðu um um-
hverfisvernd og eins vegna svifryks, sem
er alls staðar, er það orðin krafa hjá verk-
kaupa eins og Reykjavíkurborg að menn
þrífi bílana áður en þeir fara út á götur
borgarinnar,“ segir Karl Helgi Jónsson,
yfirverkstjóri hjá Klæðningu, um ástæð-
ur fyrir kaupunum. „Þetta er svo við séum
ekki að dreifa moldinni um allar götur eins
og víða er gert. Enda er það krafa í útboð-
um núna.“
Þvottakerfið er af gerðinni MobyDick
Quick 400 G. Því er komið fyrir á fjög-
urra metra langri kerru, heldur breiðari
en flutningabíll. Vatni er sprautað frá hlið-
um kerrunnar undir miklum þrýstingi og
við það losnar um drullu á dekkjum og
undirvagni. Drullan fellur niður í gegnum
grindur á gólfi kerrunnar og rennur þaðan
með vatninu í söfnunartank. Föstu efnin
setjast í botninn en vatnið er notað aftur
og aftur að sögn Karls.
„Við ákváðum að vera fyrstir í þessu,
drífa okkur í að kaupa þetta tæki og vera
með það framvegis alls staðar þar sem
við verðum í svona uppúrtekt,“ segir Karl
Helgi og bætir við að tækið sé sérpantað
frá Englandi. „Til lengri tíma litið munum
við spara okkur tíma og fyrirhöfn. Ég
var alltaf með Hreinsitækni í Kópavogin-
um í kringum Smáralind að hreinsa fyrir
mig göturnar tvisvar á dag, og það safnast
fljótt kostnaður í kringum það.“
Þess má geta að þvottastöðvar sem
þessar eru notaðar víðs vegar um heim
og meðal annars í Alaska, þar sem er afar
frostasamt, og því bendir ýmislegt til að
tækið reynist vel hérlendis.
„Það tekur bara nokkrar sekúndur að
keyra í gegnum þetta,“ segir Karl Helgi.
„Svo erum við með öfluga rafstöð sem
þetta gengur fyrir, þannig að maður þarf
ekki alltaf að sækja um rafmagn á hverj-
um stað.“
- nrg
Spúlar trukka á nokkrum sekúndum
Karli Helgi Jónsson, yfirverkstjóri hjá Klæðningu, er hæstánægður með nýju þvottastöðina sem spúlar alla bíla í eigu fyristækisins áður en haldið er út á götur
borgarinnar. FRÉTTABLAÐIÐ/ANTON
Vatni er sprautað frá hliðum kerrunnar undir
miklum þrýstingu en við það losnar um drullu á
dekkjum og undirvagni.
Þvottastöðvar sem þessar eru notaðar víðs vegar
um heim, meðal annars í Alaska, þar sem er frosta-
samt, og því bendir ýmislegt til að stöðin henti vel
hérlendis.
● SNÚNINGAPILTUR
Liðléttingur er eflaust ekki tæki
sem hringir bjöllum hjá mörg-
um. Þrátt fyrir að orðið liðlétt-
ingur geti þýtt lélegur verk-
maður er vinnuvélin bæði lipur
og öflug. Önnur merking orðs-
ins er snúningapiltur og á það
betur við vélina því hún hentar
vel í þar sem þrengsli eru, eins
og í fjósum, og hefur reynst ís-
lenskum bændum vel. Liðlétt-
ingur er knúinn af vatnskældri
díselvél og með vökvadrif á
öllum hjólum. Mikið úrval er af
aukabúnaði, svo sem rúlluspjót,
snjóblásari og svo framvegis.
Schäffer framleiðir vélarnar sem
fást í ýmsum gerðum, í svoköll-
uðum, 2000-, 3000- og 5000-
línum. Þær fást meðal annars
hjá Jötunn Vélar hf. og Bújöfur
búvélar hf. og eru báðar versl-
anirnar á Selfossi.