Fréttablaðið - 27.03.2008, Blaðsíða 40

27. MARS 2008 FIMMTUDAGUR
MHG verslun hefur hafið inn-
flutning á Gehl-smágröfum.
Gehl-gröfur eru bandarískar
og eru frá samnefndu fyrirtæki
sem var stofnað árið 1859 og verð-
ur því 150 ára á næsta ári. Hilmar
Árnason framkvæmdastjóri hjá
MHG verslun sem er umboðsaðli
fyrir Gehl hér á landi segir hinum
nýju smágröfum hafa verið vel
tekið og að margar fyrirspurn-
ir hafi borist um þær. „Verðið
virðist líka hagstætt miðað við
verð á sambærilegum vélum hér
á markaði,“ fullyrðir hann.
Hilmar segir fyrirtækið Berg-
risann ehf. hafa fest kaup á
fyrstu Gehl-vélinni og láti það vel
af henni. Grafan flýti mikið fyrir
og létti starfsmönnum Bergris-
ans vinnuna eins og vænta má.
Nú ráði fyrirtækið líka við marg-
slungnari verk en áður.
- gun
Ný smágrafa gerir sig
gildandi á landinu
Hér er GEHL-grafa Bergrisans við störf á lóð stúdentagarðanna í Hafnarfirði.
Samtök verslunar og þjónustu munu
á næstu vikum funda með Vegagerð
ríkisins og samgönguyfirvöldum
í Reykjavík og bera fram kvört-
un yfir því að flutningafyrirtæki
hafi gleymst við hönnun umferðar-
mannvirkja í borginni og nágrenni
hennar.
Sumir vörubifreiðastjórar hafa
nefnt veginn á leiðinni Reykjavík/
Borgarnes sem versta vegarspotta
landsins. Það er vegna hinna mörgu
hringtorga á þeirri leið. Stórar
vörubifreiðar með tengivagna eiga
oft í stökustu vandræðum með að
aka um þau án þess að taka yfir
næstu akrein líka og sömuleiðis að
sneiða fram hjá umferðareyjum án
þess að keyra upp á þær. Einkum
hafa menn áhyggjur af öryggis-
málunum því hætta er á að farmur
falli af bílum við svona aðstæður.
Göngubrýr eru líka þrándur í götu
vöruflutningabíla. - gun
Þröngt um trukkana
Stórslys geta hlotist af ef tengivagn fer á hliðina eins og hér hefur gerst.
● FLEIRI HESTÖFL FRÁ ZETOR Zetor kynnti nýja gerð af For-
terra dráttarvél í febrúar síðastliðnum.
Á búvélasýningu í Louisville í Bandaríkjunum þann 13. febrúar
kynnti dráttarvélaframleiðandinn Zetor nýja viðbót við Forterra-línuna,
Forterra 13241. Þessi nýja vél er ein af þremur nýjum Forterra-gerðum,
fjórhjóladrifin með 132 hestafla vél og hönnuð til að mæta hörðustu
kröfum í nútíma búskap. Zetor leggur áherslu á sterkan undirvagn úr
járni í allar gerðir véla sinna og er nýja vélin
engin undantekning.
Meðal annars er stýrishúsið sérstaklega
styrkt til að tryggja öryggi og stöðugleika.
Zetor er einn þekktasti dráttarvélafram-
leiðandi í Evrópu en fyrirtækið var stofnað
fyrir rúmum sextíu árum. Vélarnar eru
framleiddar í Brno í Tékklandi og eru
í notkun á bóndabæjum í yfir hundr-
að löndum um allan heim.