Fréttablaðið - 24.04.2008, Síða 74

42 24. apríl 2008 FIMMTUDAGUR
Jazzhátíð Garðabæjar hefst í kvöld og
stendur í þrjá daga, en þetta er í þriðja
skipti sem hátíðin fer fram. Listrænn
stjórnandi hátíðarinnar er tónlistarmaður-
inn og fyrrverandi bæjarlistamaður Garða-
bæjar, Sigurður Flosason.
„Það er afar rökrétt að bærinn standi fyrir djasstón-
listarhátíð þar sem furðumargir þjóðþekktir djassar-
ar hafa sterka tengingu við bæinn. Þeirra á meðal eru
til að mynda systkinin Ragnheiður og Haukur
Gröndal, sem bæði eru uppalin hér, sömuleiðis
bræðurnir Óskar og Ómar Guðjónssynir. Einnig hafa
Hilmar Jensson og Matthías Hemstock verið búsettir
hér og svo mætti lengi telja. Hátíðin tekur nokkuð
tillit til þessa og því er hlutfall Garðbæinga hátt á
meðal þeirra tónlistarmanna sem koma fram á henni,
en þó hleypum við íbúum annarra bæjarfélaga líka
að,“ útskýrir Sigurður og hlær.
Að vanda hefst hátíðin með stórtónleikum kl. 20 að
kvöldi sumardagsins fyrsta. Að þessu sinni verður
það söngstjarna bæjarins, Ragnheiður Gröndal, sem
kemur fram í sal Fjölbrautaskólans í Garðabæ með
tveimur ólíkum hljómsveitum, Stórsveit Tónlistar-
skóla Garðabæjar, Tríói Sigurðar Flosasonar og svo
gítarleikaranum Guðmundi Péturssyni. Á meðal
annarra atriða á hátíðinni eru Haukur Gröndal og
Nardona Musika, Tríó Sunnu Gunnlaugs og hljóm-
sveitin BonSom. „Dagskráin í ár er sérstaklega
metnaðarfull og spennandi,“ segir Sigurður. „Ungt
fólk og eldri flytjendur leiða saman hesta sína svo
úr verður fjölbreytt flóra tónlistar sem þó má fella
undir hatt djassins. Það er óhætt að segja að flestir
ættu að geta fundið eitthvað við sitt hæfi á hátíð-
inni.“ Dagskrá hátíðarinnar má kynna sér nánar á
heimasíðu Garðabæjar, www.gardabaer.is.
Vert er að geta þess að frítt er inn á alla tónleika
hátíðarinnar í boði menningar- og safnanefndar
Garðabæjar og Menningarsjóðs Glitnis. Til að
tryggja sér sæti er tónlistarunnendum þó bent á að
sækja sér miða fyrirfram í útibúi Glitnis að Garða-
torgi 7, en einnig verður hægt að fá miða á tónleika-
stað.
vigdis@frettabladid.is
Djassað í Garðabæ
RAGNHEIÐUR GRÖNDAL Söngstjarna Garðabæjar kemur fram
á djasshátíð í kvöld.
Djasspíanistinn Agnar Már Magn-
ússon kemur í kvöld fram ásamt
hljómsveit á tónleikum á Domo,
Þingholtsstræti 5, kl. 21. Agnar og
félagar leika tónlist af plötunni
Láð sem kom út síðastliðið haust.
„Tónlistin er eftir mig, en hún
byggir á íslenskum þjóðlögum og
rímnastefjum, mismikið þó. Sum
laganna halda sig nokkuð nálægt
þjóðlögunum, en önnur detta út í
meiri djassspuna,“ útskýrir
Agnar.
Láð var lofi hlaðin þegar hún
kom út og heillaði tónlistargagn-
rýnendur upp úr skónum. Eitt lag-
anna af plötunni fékk Íslensku
tónlistarverðlaunin sem besta
djasstónsmíð seinasta árs. „Það
var óneitanlega gaman að fá verð-
launin og gott að finna aukinn
áhuga á plötunni í kjölfarið,“ segir
Agnar. „Annars er ég ekki viss um
að svona verðlaun skipti í raun
miklu máli fyrir söluna, enda selj-
ast djassplötur sjaldnast í bílförm-
um, ekki einu sinni þær sem ganga
best. En, jú, það var skemmtilegt
að fá þessa viðurkenningu.“
Á tónleikunum í Iðnó verða með-
leikarar Agnars þeir Valdimar
Kolbeinn Sigurjónsson á kontra-
bassa og Matthías Hemstock á
trommur, auk blásarasveitar sem
skipuð er Martial Nardeau á alt
flautu, Emil Friðfinnssyni á
franskt horn, Rúnari Óskarssyni á
bassaklarinett og Rúnari Vilbergs-
syni á fagott. - vþ
Þjóðlög yfir í spuna
AGNAR MÁR MAGNÚSSON Leikur tónlist
af plötu sinni Láð á Domo í kvöld.
Útvarpsþátturinn framtakssami
Hlaupanótan, sem sendur er út á
Rás 1, stendur fyrir tónleikum í
Listasafni Reykjavíkur í Hafnar-
húsinu í dag kl. 16.08. Frumflutt
verða fimm rafverk sem öll eru
byggð á tónsmíðum tónskálda sem
eiga stórafmæli á árinu.
Flutt verða verk eftir Hildi Ing-
veldardóttur Guðnadóttur, Guð-
mund Vigni Karlsson, Gunnar
Andreas Kristinsson, Ríkharð H.
Friðriksson og Þuríði Jónsdóttur
sem byggja á verkum afmælistón-
skáldanna Atla Heimis Sveinsson-
ar, Þorkels Sigurbjörnssonar, Jóns
Ásgeirssonar, Páls P. Pálssonar og
Jórunnar Viðar. Aðgangur að þess-
um spennandi tónleikum er ókeyp-
is og öllum heimill, en þeim sem
ekki eiga heimangengt sal bent á
að tónleikarnir verða jafnframt
sendir út beint á Rás 1.
- vþ
Hlaupanótan í Hafnarhúsi
ATLI HEIMIR SVEINSSON Eitt tónskáld-
anna sem heiðrað er á tónleikum
Hlaupanótunnar í dag.
LAUGARDAGUR 26. APRÍL KL. 20
PÍANÓTÓNLEIKAR – TÓNÓ RVÍK
HALLA ODDNÝ MAGNÚSDÓTTIR
AÐGANGUR ÓKEYPIS!
SUNNUDAGUR 27. APRÍL KL. 16
FIÐLUTÓNLEIKAR - LHÍ
BJÖRK ÓSKARSDÓTTIR
AÐGANGUR ÓKEYPIS!
ÞRIÐJUDAGUR 29. APRÍL KL. 20
TÍBRÁ: SEMBALTÓNLEIKAR
JORY VINIKOUR LEIKUR
GOLDBERGTILBRIGÐI BACHS.
VERÐ 2000/1600 KR.
Samtök um sorg og sorgarviðbrögð
Fræðslufundur í Safnaðarheimili Háteigskirkju
í kvöld 24. apríl kl. 20.
Fyrirlesari Árelía Eydís Guðmundsdóttir. Allir velkomir.
Vonin og lífið
Þjóðleikhúsið
um helgina
Afgreiðsla miðasölu á Hverfisgötu er opin frá kl. 12.30–18.00 mán. og þri.
Aðra daga frá kl. 12.30–20.00. Símapantanir frá kl. 10.00 virka daga.
Miðasala í síma 551 1200 og á www.leikhusid.is ÞJÓÐLEIKHÚSIÐ
Engisprettur e. Biljana Srbljanovic
sýn. fim 24/4, fös. 25/4 örfá sæti laus
Sólarferð e.Guðmund Steinsson
Tvær sýningar lau. 26/4 örfá sæti laus
sýn. sun. 27/4 örfá sæti laus
Vígaguðinn e. Yasminu Reza
sýn. lau. 26/4 sýningum að ljúka
Skilaboðaskjóðan e. Þorvald Þorsteinsson
sýn. sun. 27/4 uppselt
Athugið aukasýning 4. maí!
Sá ljóti e. Marius von Mayenburg
sýn. fim. 24/4 uppselt, fös. 25/4 uppselt