Fréttablaðið - 01.05.2008, Blaðsíða 8

8 1. maí 2008 FIMMTUDAGUR
1 Hvað heitir dóttir Josefs Fritzl
sem hann lokaði inni ásamt
börnum þeirra feðgina í kjall-
ara í Austurríki?
2 Er formaður Framsóknar-
flokksins hlynntur eða andvígur
því að Íslendingar sæki um
aðild að Evrópusambandinu?
3 Hver leikstýrir verkinu Ást
sem verður sett upp í London?
SVÖRIN ERU Á SÍÐU 50
BRETLAND, AP Niðurstöður sveitar-
stjórnarkosninga, sem haldnar
verða í Bretlandi í dag, gefa vænt-
anlega góða vísbendingu um stöðu
ríkisstjórnar Verkamannaflokksins
og Gordons Brown forsætisráð-
herra sem tók við af Tony Blair síð-
asta sumar.
Nái Verkamannaflokkurinn ekki
góðu fylgi má búast við innri átök-
um í flokknum. Vaxandi efasemda
muni gæta um að Brown verði sig-
urstranglegur í baráttunni gegn
David Cameron, leiðtoga Íhalds-
flokksins, í þingkosningunum sem
haldnar verða á næsta eða þar næsta
ári.
Athyglin beinist þó ekki síst að
borgarstjórakosningum í London,
þar sem íhaldsmaðurinn Boris
Johnson gerir sér vonir um að sigra
vinstri róttæklinginn Ken Living-
stone.
Livingstone hefur verið borgar-
stjóri í London í tíu ár, hægri mönn-
um til mikillar armæðu. Living stone
hefur verið óhræddur við að gefa
umdeildar yfirlýsingar, meðal ann-
ars gjarnan lýst aðdáun sinni á
Hugo Chavez, hinum umdeilda for-
seta Venesúela.
Johnson þykir þó ekki síður sér-
stakur en Livingstone. Hann er
fyrrverandi blaðamaður og þekktur
fyrir að missa út úr sér mismæli og
skrýtin ummæli.
Þriðji frambjóðandinn, frjáls-
lyndi demókratinn Brian Paddick,
þykir ekki eiga mikla möguleika.
Hann er fyrrverandi lögreglustjóri
og fer ekki í felur með samkyn-
hneigð sína. - gb
Sveitarstjórnarkosningar í Bretlandi gefa vísbendingar um stöðu Gordons Brown:
Hörð keppni um London
BORIS JOHNSON Hægrimaðurinn sem
vill taka við af Ken Livingstone, borgar-
stjóra í London. FRÉTTABLAÐIÐ/AP
TYRKLAND, AP Tyrkneska þingið
samþykkti í gærmorgun, eftir
næturlangar umræður, breytingu
á lögum sem takmarka málfrelsi.
Mannréttindasamtök segja
breytinguna ekki ganga nógu
langt, en í yfirlýsingu frá
Evrópusambandinu er breyting-
unni fagnað sem skrefi í rétta átt.
Breytingin er aðeins orðalags-
breyting á umdeildu lagaákvæði,
sem óspart hefur verið notað til
þess að þagga niður í gagnrýnis-
röddum.
Til þessa hefur verið bannað að
„móðga allt sem tyrkneskt er“, en
nú banna lögin fólki að „móðga
tyrknesku þjóðina“. - gb
Tyrkneska þingið:
Hömlur á mál-
frelsi mildaðar
MÓTTAKA UMSÓKNA ER HAFIN
UMSÓKNARFRESTUR ER TIL 5. JÚNÍ
Háskólinn á Akureyri
Viðskiptafræði
Námið nýtist mér á hverjum
einasta degi. Ég nýti það sem
ég lærði í stefnumótun, gerð
rekstrar- og fjárhagsáætlana,
vöruþróun, gæðastjórnun,
markaðssetningu og starfs-
mannastjórnun en ekki síður það
sem ég lærði af samnemendum
mínum í verkefnavinnu. “
Viðskiptafræði við Háskólann á Akureyri er bæði í boði sem staðar- og fjarnám.
Fjarnámið er skipulagt þannig að hægt sé að stunda það samhliða starfi.
Áherslusvið eru:
Fjármál - Stjórnun - Markaðsfræði
Sigríður Margrét Oddsdóttir,
framkvæmdastjóri Skjá miðla, sem reka Já og Skjáinn.
Kynntu þér nám við Háskólann á Akureyri
á www.haskolanam.is
DÓMSMÁL „Það er nú óumdeilt að
samráð olíufélaganna olli neytend-
um tjóni og það er það sem þessi
dómur segir okkur,“ sagði Steinar
Þór Guðgeirsson, lögmaður Sig-
urðar Hreinssonar, húsasmiðs frá
Húsavík, sem í gær voru dæmdar
fimmtán þúsund krónur í skaða-
bætur vegna samráðs olíufélag-
anna Kers, áður Olíufélagsins,
Skeljungs og Olís. Þetta er fyrsti
dómurinn sem fellur í máli ein-
staklings sem höfðar mál á hendur
olíufélögunum vegna samráðs olíu-
félaganna á árunum 1993 til og með
meirihluta árs 2001.
Sigurður höfðaði mál gegn Keri
þar sem hann átti öðru fremur við-
skipti við það félag á fyrrnefndu
tímabili.
Mál á þriðja hundrað einstakl-
inga bíða þess nú að vera tekin
fyrir í dómstólum, á grundvelli
dóms Hæstaréttar, en Lögfræði-
stofa Reykjavíkur vinnur að fram-
gangi þeirra í samráði við Neyt-
endasamtökin.
Kristinn Hallgrímsson, lögmað-
ur Kers, segir niðurstöðu dómsins
vera vonbrigði. „Það var hátt reitt
til höggs í málinu. Það sem eftir
stendur er innan við fimm prósent
af upphaflegri kröfugerð og að því
leyti er niður-
staðan ánægju-
leg. Hins vegar
er hún óvænt,
þar sem við
bjuggumst við
sýknu í málinu,
og að því leyti til
er niðurstaðan
vonbrigði.“
Kristinn seg-
ist jafnframt
líta svo á að dómurinn sé á skjön
við fyrri dóma í skaðabótamálum.
„Ég tel að þessi dómur feli í sér
algjörlega nýtt fordæmi á sviði
íslensks skaðabótaréttar. Það er
verið að gefa óviðundandi afslátt á
venjubundnum reglum um sönnun.
Við leyfum okkur að fullyrða að
niðurstaðan sé upp á kant við öll
dómafordæmi á sviði skaðabóta-
réttar.“
Í dómnum segir meðal annars að
Ker hafi ekkert „fært fram í mál-
inu, sem staðið geti í vegi þeirri
ályktun að tilgangur samráðsins
hafi verið að hækka tekjur Kers
með því að selja bensín á hærra
verði en annars hefði verið.“
Keri var auk þess gert að greiða
Sigurði 400 þúsund krónur í máls-
kostnað. magnush@frettabladid.is
Samráðið olli
hærra verði
Sigurði Hreinssyni, húsasmiði frá Húsavík, voru í
gær dæmdar bætur vegna samráðs olíufélaganna.
Óumdeilt að samráðið olli viðskiptavinum félag-
anna tjóni, segir lögmaður Sigurðar.
KRISTINN
HALLGRÍMSSON
HÆSTIRÉTTUR Hæstiréttur dæmdi í gær Ker, áður Olíufélagið, til þess að greiða
Sigurði Hreinssyni fimmtán þúsund krónur í bætur vegna samráðs olíufélaganna á
árunum 1993 til og með meirihluta árs 2001.
VEISTU SVARIÐ?