Fréttablaðið - 01.05.2008, Blaðsíða 66

46 1. maí 2008 FIMMTUDAGUR
FRÉTTABLAÐIÐ SPÁIR FJÖLNI 10. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 3. sæti í B-deild 2006 3. sæti í B-deild 2005 4. sæti í B-deild 2004 7. sæti í B-deild 2003 2. sæti í C-deild 2002 3. sæti í D-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
4 3
2KRISTJÁN HAUKSSON
ÓLI STEFÁN
FLÓVENTSSON
ÓLAFUR PÁLL
SNORRASON
> LYKILMAÐURINN
Gunnar Már Guðmundsson hefur
verið leiðtogi Fjölnisliðsins og aðal-
maðurinn á bak við magnaðan
árangur liðsins síðasta sumar.
Gunnar lék frábærlega í 1.
deildinni á síðustu leiktíð og
verður áhugavert að sjá
hvernig hann spjarar sig í
deild þeirra bestu. Gunnar
lék 20 leiki fyrir Fjölni í 1. deild-
inni í fyrra og skoraði 12 mörk í
þeim leikjum.
> X-FAKTORINN
Ágúst Þór Gylfason var lengi vel
með sterkari leikmönnum deildar-
innar en hefur dalað nokkuð síðustu
ár. Reynsla hans mun þó líklega vega
þungt í sumar og mun Fjölnir græða
vel á því ef Ágúst nær að sýna gamla
takta.
Fjölnir úr Grafarvogi leikur í efstu deild í
sumar í fyrsta skipti í skammri sögu félags-
ins. Velgengni félagsins hefur verið með
hreinum ólíkindum og árangur liðsins síð-
asta sumar undir stjórn Húsvíkingsins
vaska, Ásmundar Arnarssonar, er lyginni
líkastur.
Ásmundur stýrði Fjölni ekki bara upp í
efstu deild í fyrra heldur fór hann einnig
með liðið alla leið í bikarúrslitin þar sem
Fjölnir laut í lægra haldi fyrir FH í mögnuð-
um leik. Gríðarleg barátta, góð liðsheild og
samheldni einkenndi þetta Fjölnislið í fyrra
og verður eðlilega aðalsmerki liðsins í
sumar.
Ásmundur hefur verið klókur á leik-
mannamarkaðnum í vetur og styrkt liðið
með reynsluboltum og veitir ekki af þar
sem flestir leikmanna liðsins eru ungir að
árum og fáir með reynslu í efstu deild. Þar
ber líklega hæst koma þeirra Óla Stefáns
Flóventssonar og Ágústs Gylfasonar.
Óli Stefán hefur verið hjarta Grindavík-
urliðsins síðustu ár og reynsla hans mun
vega þungt fyrir Fjölni.
Fjölnir fékk svo mikinn happafeng í varn-
armanninum unga, Kristjáni Haukssyni,
sem er að láni frá Val og svo hefur reynslu-
boltinn Ólafur Páll Snorrason haft vista-
skipti aftur í Fjölni en hann hefur verið hjá
FH-ingum síðustu ár.
Það er engin pressa á Fjölnisliðinu í sumar
og leikmenn liðsins munu mæta til leiks
með allt að vinna en engu að tapa.
Engin pressa á nýliðunum
FÓTBOLTI Landsbankadeildarlið Fram sendi frá sér
yfirlýsingu í gær þar sem Fram kom að samkomu-
lag hefði náðst við Danann Hans Mathiesen um
að slíta samningi. Tímasetning þessarar aðgerð-
ar vekur óneitanlega athygli en örstutt er í mót.
Samkvæmt heimildum Fréttablaðsins var
samningur Hans við Fram í dönskum krónum og
hafa laun hans því rokið upp úr öllu valdi
síðustu vikur. Framarar hafi því eðlilega
viljað taka í taumana.
„Það er ekki ástæðan en það er eins með
okkur og alla aðra þessa dagana að við
þurfum að skoða reksturinn í þaula en það
kom þessu ekkert við. Samningur er samning-
ur og við hefðum staðið við hann hefði þess
þurft,“ sagði Lúðvík Þorgeirsson, formaður
Fótboltafélags Reykjavíkur.
„Við erum að skoða alla samninga og það er
rétt að þegar gengið fer á fleygiferð þá
töpum við eins og margir aðrir,“ sagði
Lúðvík en það hafa flogið margar fiskisögur
upp á síðkastið um bágan fjárhag Framara
sem og að FL Group væri á leiðinni út.
Lúðvík segir ekkert hæft í þeim sögum.
„Það hefur í rauninni ekkert breyst hjá okkur. Við
erum með samning við FL Group sem er til 2009
og engin breyting orðið á því. Við erum samt
klárlega með aðhald í rekstrinum og það er
ekkert launungarmál. Ég sé fyrir mér að
landslagið sé að breytast hjá félögunum og
þegar það verður samið næst verður það á
öðrum forsendum. Launin hér á Íslandi
eru allt of há,“ sagði Lúðvík.
Hans Mathiesen var frekar daufur í
dálkinn þegar Fréttablaðið heyrði í
honum í gær. Hann sagðist vera að pakka
og hefði ekki hugmynd um hvert hann væri
að fara. Það yrði ákveðið á næstu dögum.
Hann sagðist ekki vera kominn með samning
við neitt annað lið en sagðist vel vera til í að
skoða að spila áfram hér á landi hefðu
einhver lið áhuga á sér. - hbg
Hans Mathiesen leystur undan samningi og Fram í aðhaldsaðgerðum:
Allt of há laun í íslenska boltanum
TAKK FYRIR MIG Hans Mathiesen hefur leikið sinn síð-
asta leik fyrir Fram. Hann útilokar ekki að spila áfram á
Íslandi. FRÉTTABLAÐIÐ/DANÍEL
KÖRFUBOLTI Það er ljóst að
draumar stórstjarnanna Shaquill-
es O‘Neal og Jasons Kidd um
meistaratitil í NBA verða ekki að
veruleika þar sem San Antonio
Spurs sló út Phoenix Suns og New
Orleans Hornets sló út Dallas
Mavericks.
Spurs vann Phoenix 92-87 þar
sem Tony Parker og Tim Duncan
fóru fyrir meisturum Spurs. San
Antonio vann einvígið 4-1.
New Orleans vann Dallas 99-94
þar sem Chris Paul fór á kostum
að vanda og var með þrefalda
tvennu. Hornets vann einvígið 4-1
og mætir þar með Spurs í annarri
umferð úrslitakeppninnar. - óþ
Úrslitakeppni NBA:
O‘Neal og Kidd
komnir í frí
GLEÐI OG SORG Tim Duncan og Kurt
Thomas fagna en vonbrigðin leyna sér
ekki hjá Steve Nash. NORDIC PHOTOS/GETTY
KÖTTARABALL!
Föstudagskvöldið 2. maí
í félagsheimili Þróttar, Laugardal
Húsið opnar kl. 20 - verð kr. 1.000
ALLIR KÖTTARAR...KONUR OG KARLAR!
Mætum og komum okkur í gírinn fyrir sumarið
18 ára aldurstakmark
• Ceres 4
• Sólmundur Hólm, eftihermukóngur Íslands
• Splunkunýtt Þróttaralag frumfl utt
• Opnun nýrrar Köttararsíðu
• Leikmenn mfl . karla kynntir
• Ársmiðar á Köttuðu tilboðsverði
• Glæný Köttaraskírteini seld á staðnum
• Dj Ellert & Schram leika fyrir dansi fram á rauðanótt
FÓTBOLTI Avram Grant tókst í gær
það sem José Mourinho tókst
aldrei - að koma Chelsea í úrslit
Meistaradeildarinnar. Chelsea
lagði Liverpool, 3-2, í mögnuðum
leik sem varð að framlengja. Didi-
er Drogba svaraði gagnrýni Benit-
ez með því að skora tvisvar.
Eins og búast mátti við fór leik-
urinn rólega af stað. Liverpool
fékk fyrsta hættulega færi leiks-
ins er Fernando Torres slapp í
gegnum vörn Chelsea. Petr Cech
lokaði markinu og varði vel. Kalou
komst í ágætt færi skömmu síðar
eða á 33. mínútu, skaut að marki
en Reina varði. Drogba var fyrst-
ur að átta sig, náði frákastinu og
þrumaði boltanum í nærhornið
niðri. Glæsilegt mark. Drogba
fagnaði með því að renna sér á
maganum en hann var mjög ósátt-
ur við myndbandið sem Rafa Ben-
itez, stjóri Liverpool, gerði af
„dýfunum“ hans fyrir leikinn.
Hann stóð fljótt upp og renndi sér
aftur fyrir framan markið hjá
Liverpool, Benitez eflaust til mik-
illar „skemmtunar“.
Ræða Benitez hefur verið öflug
því strákarnir hans mættu
grimmir til leiks og í tvígang á
upphafsmínútunum skall hurð
nærri hælum hjá Chelsea-mark-
inu. Leikmenn Liverpool héldu
áfram að bæta í sóknarþungann
og á 64. mínútu átti Youssi Benayo-
un frábæran sprett sem endaði
með laglegri stungusendingu á
Torres í teiginn sem kláraði færið
eins og stakur fagmaður. 1-1.
Hvorugu liðinu gekk að skapa sér
færi það sem eftir lifði venjulegs
leiktíma og því varð að fram-
lengja.
Framlengingin byrjaði með
látum og Essien skoraði fljótlega
mark fyrir Chelsea sem var dæmt
af vegna rangstöðu en sóknarmað-
ur Chelsea var talinn trufla Reina
í markinu. Skömmu síðar var brot-
ið á Ballack í teignum og réttilega
dæmd vítaspyrna. Frank Lamp-
ard, sem missti móður sína fyrir
viku, tók vítið og hann skoraði af
feiknaöryggi.
Liverpool vildi fá víti þegar
það virtist vera brotið á
Hyypia en ekkert var
dæmt.
Didier Drogba skor-
aði síðan rétt fyrir lok
fyrri hálfleiks fram-
lengingar og
Chelsea í topp-
málum. Ryan
Babel minnkaði
muninn þegar
þrjár mínútur
lifðu framleng-
ingar með lang-
skoti og líflína fyrir Liverpool.
Tíminn reyndist aftur á móti
ekki nægur og Chelsea komið
í úrslit.
„Þetta er mjög sérstakt og ég er
ánægður fyrir hönd félagsins enda
höfum við beðið lengi eftir þessu,“
sagði Didier Drogba eftir leik.
„Benitez er frábær stjóri og það
sem hann sagði um mig er ekki got
fyrir ímyndina. Ég held að hann
hafi gert þetta því hann taldi að
Chelsea væri einfaldlega of sterkt
fyrir Liverpool og því varð hann
að gera eitthvað til þess að koma
okkur úr jafnvægi.“ - hbg
Riddarar Romans til Moskvu
Chelsea tókst loksins að slá Liverpool út úr Meistaradeildinni í gær. Eftir að hafa tapað tvisvar í undanúr-
slitum fyrir strákunum frá Bítlaborginni kláruðu riddarar Romans dæmið og þeir munu því marsera til
Moskvu. Þetta er í fyrsta skipti í sögu Chelsea sem liðið kemst í úrslit Meistaradeildar Evrópu.
SÆT STUND Frank Lampard
sýndi stáltaugar með því að
skora úr víti í gær. Hann
fagnaði með því að minn-
ast móður sinnar sem
lést fyrir viku síðan.
NORDIC PHOTOS/GETTY IMAGES
ÓTRÚLEGUR Didier Drogba lofaði því að láta verkin tala á vellinum og hann stóð við
stóru orðin með því að skora tvisvar í gær. NORDIC PHOTOS/GETTY IMAGES