Fréttablaðið - 09.05.2008, Blaðsíða 32

Hverjum hefði dottið í hug að
nautasteik á skyndibitastað
væri æt? Hamborgarabúlla
Tómasar sannar þessa kenn-
ingu því nautasteikin þar er
algert lostæti. Með frönskum
og ekta bearnaisesósu erum
við að tala um herramanns-
mat og þangað flykkjast þeir
sem meira mega sín í þjóð-
félaginu og gúffa í sig þess-
um gómsæta bita.
Nautasteik á Búllunni
Það geislaði af Regínu Ósk á Hlustendaverðlaunum
FM957 en það fór ekki framhjá neinum að kílóin hafa
hrunið af henni síðan hún sigraði undankeppni Euro-
vision í Sjónvarpinu í febrúar. „Ég hef ekki hugmynd
um hvað ég er búin að léttast um mörg kíló því ég stíg
eiginlega aldrei á vigt, en ummálið hefur minnkað í
sentímetrum. Ég er í miklu átaki, búin að taka matar-
æðið í gegn og svo er ég hjá einkaþjálfaranum Lindu
Jónsdóttur sem hefur reynst mér vel,“ segir Regína
Ósk þegar Föstudagur hefur samband við hana. „Mér
finnst kílóafjöldinn samt ekki skipta neinu máli því
aðalmálið er að vera fitt og passa í fötin sín.“ Þegar
hún er spurð að því hvernig átakinu sé háttað segist
hún forðast alla óhollustu. Hún borði til dæmis ekki
majones og franskar, sleppi öllu gosi og reyni að
borða sem minnstan sykur. „Ég hef aukið prót-
einið í fæðunni og reynt að borða á þriggja tíma
fresti. Það sem háir okkur nútímakonunum er
að við gleymum að borða í annríki dagsins og
þá borðum við allt of mikið því við erum svo
svangar,“ segir hún og hlær. Þegar hún er
spurð að því hvort það verði ekki erfitt að
halda sér við holla mataræðið þegar
þau fara til Serbíu segir hún svo
ekki vera. „Við Friðrik Ómar
erum samstiga í að hugsa
vel um okkur. Það er nóg af
grænmeti, ávöxtum og sóda-
vatni alls staðar í heiminum,“
segir hún. Friðrik Ómar hefur
einnig verið duglegur við að losa sig
við aukakílóin en fyrir nokkrum árum
var hann þrjátíu kílóum þyngri en hann er í
dag. „Í þessum bransa þarf að líta
vel út og vera í formi því það er
meira en að segja það að vera uppi
á sviði í nokkra klukkutíma.“
Spurð að því hvernig hún verðlauni
sig fyrir góðan árangur nefnir hún fata-
kaup eða ferðir á snyrtistofuna. „Ég verð-
launa mig allavega ekki með mat. En þegar
ég vil gera extra vel við mig þá fæ ég mér
grillmat en gæti þess vel að sleppa sós-
unum því þær eru svo hættulegar,“ segir
hún og hlær. martamaria@365.is
Kílóin hrynja af Regínu Ósk þótt hún stígi aldrei á vigtina
Mörgum
sentímetrum mjórri
Þessi mynd var
tekin af Regínu
árið 2005, munur-
inn leynir sér ekki.
Í stuði á Hlust-
endaverðlaun-
unum, Friðrik
Ómar, Regína
Ósk og Svenni,
kærasti hennar.
Verslunin Júníform, sem selur
hönnun Birtu Björnsdóttur fata-
hönnuðar, verður opnuð í Ing-
ólfsstræti 8 í dag. „Við breyttum
húsnæðinu eftir okkar höfði og
saumastofan er inni í miðri búð,“
segir Birta í samtali við Föstudag.
Spurð að því hvernig stemningin
sé í nýja húsnæðinu segir hún að
heimilislegur bragur sé ríkjandi.
„Þetta er bara í okkar stíl. Ég
fann gamalt veggfóður í bílskúr
í Breiðholti og svo steinlögðum
við veggi og reyndum að halda í
allt þetta gamla sem prýðir hús-
næðið.“ Þegar hún er spurð að því
hvort þetta breyti einhverju fyrir
hana segir hún svo vera. „Þetta
breytir öllu, vinnuaðstaðan er
miklu betri enda vorum við löngu
búin að sprengja hitt húsnæðið
utan af okkur. Hér er líka tölu-
vert rólegra, ekki eins mikil um-
ferð og á Hverfisgötunni og næg
bílastæði,“ segir Birta, alsæl með
nýju verslunina.
Birta opnar nýja
Júníform-verslun
Birta í nýju Júníform-versluninni.
MYND/ANTON
4 • FÖSTUDAGUR 9. MAÍ 2008