Fréttablaðið - 09.05.2008, Blaðsíða 64
32 9. maí 2008 FÖSTUDAGUR
menning@frettabladid.is
Saxófónleikarann Sigurð
Flosason þarf vart að
kynna; hann er óumdeilan-
lega eitt af stórmennum
íslenskrar djasstónlistar.
Nú um hvítasunnuhelgina
stendur hann fyrir djass-
hátíð í Fríkirkjunni þar
sem hann lítur til baka yfir
fimmtán ára hljóðritunar-
feril sinn.
„Hugmyndin að baki þessari hátíð
er sú að nota það sem maður
hefur búið til og að skemmta sér
aðeins í leiðinni,“ útskýrir Sig-
urður, spurður um kveikjuna að
hátíðinni. „Það er einkennilegt
ferli að leggja sig allan í eitthvert
verkefni, eins og til dæmis plötu,
fylgja henni aðeins eftir og snúa
sér svo alfarið að næsta verkefni.
Mér þykir eitthvað spennandi við
það að heimsækja þessi gömlu
verkefni á ný og leika mér með
þau.“
Sigurður hefur verið virkur í
tónlistarlífi þjóðarinnar lengur
en í fimmtán ár, en fyrsta platan
sem hann gaf út undir eigin nafni
hét Gengið á lagið og kom út 1993.
Síðan þá hefur hann sent frá sér
fimmtán geisladiska sem hafa
spannað vítt svið tónlistar. Sig-
urður segir það ekki alltaf vera
auðvelt verk að fara yfir útgáfur
sínar. „Það er óneitanlega fremur
ógnvekjandi að líta yfir ævistarf-
ið; ég þarf dálítið að horfast í
augu við sjálfan mig. Þetta
útgefna efni er það sem ég skil
eftir mig á áþreifanlegan hátt og
verður áfram til eftir minn dag.“
segir Sigurður.
Tónleikar Sigurðar í Fríkirkj-
unni verða fjórir nú yfir hvíta-
sunnuhelgina. Á morgun kl. 20
kemur hann fram með kvartettin-
um Bláir skuggar og leikur tón-
list af diskunum Bláir skuggar og
Blátt ljós, sem báðir hlutu góðar
viðtökur. Á sunnudag kl. 16 kemur
Sigurður fram með Gunnari
Gunnarssyni og leikur nýjar
sálmaútsetningar í bland við efni
af geisladiskum þeirra félaga.
Sama dag kl. 20 leiða söngkonan
Kristjana Stefánsdóttir og Kvart-
ett Sigurðar Flosasonar saman
hesta sína og flytja nýja og eldri
söngtónlist Sigurðar við ljóð Aðal-
steins Ásbergs Sigurðarsonar.
Lokatónleikar hátíðarinnar fara
svo fram á mánudag kl. 20, en þá
flytur Kvartett Sigurðar Flosa-
sonar efni af geisladiskunum
Gengið á lagið, Gengið á hljóðið
og Leiðin heim, í bland við ný lög.
Af þessari upptalningu er þó ljóst
að Sigurður nær ekki að fara yfir
allan útgáfuferil sinn á hátíðinni.
„Kannski held ég bara fleiri tón-
leika seinna, til að ná að leika allt
efnið sem ég hef sent frá mér.
Það er í það minnsta afar gaman
að rifja upp samstarfið við tón-
listarmennina sem hafa leikið
með mér á plötunum; ég gæti vel
hugsað mér að halda því áfram,“
segir Sigurður.
Miðar á staka tónleika kosta
2.000 krónur, en hægt er að kaupa
miða á alla hátíðina á 3.500 kr.
Miða má nálgast á www.midi.is.
vigdis@frettabladid.is
Útgáfuafmæli og djasshátíð
SIGURÐUR FLOSASON Lítur yfir farinn veg í Fríkirkjunni um helgina.
Kl. 17
Nemendur í mótunardeild Myndlistar-
skólans í Reykjavík hafa tekið
húsnæðið á Laugavegi 33 í sína
þjónustu og opna þar áhugaverða
sýningu á verkum sínum kl. 17 í dag.
Þar má sjá verk unnin úr gleri,
silíkoni, postulíni, pappír og fleiru.
Þessi mikli fjölbreytileiki í efnisvali
endurspeglast einnig í verkum og
tilraunum nemendanna.
Upplýsing, félag bókasafns- og upp-
lýsingafræðinga, afhenti Friðriki G.
Olgeirssyni verðlaun fyrir fræðibók ársins
2007 við athöfn í Þjóðarbókhlöðunni fyrr
í vikunni. Friðrik hlaut viðurkenninguna
fyrir bók sína Sáðmenn sandanna, Saga
landgræðslu á Íslandi 1907-2007.
Í rökstuðningi matsnefndar segir
meðal annars að mikill fengur sé að
bókinni því Sáðmenn sandanna sé
aðgengileg handbók um landgræðslu á
Íslandi sem standist jafnframt fræðilegar
kröfur. Bókin hafi mikið notagildi fyrir þá
sem vilji kynna sér sögu elstu land-
græðslustofnunar í heiminum og hvernig
takist var á við gróður- og jarðvegseyð-
ingu með samstilltu átaki víða um land.
Matsnefndin ber einnig lof á stíl bókar-
innar sem hún segir fallegan og málfar
frjótt og lifandi líkt og gróðurinn sem
fjallað er um. Þá segir að fagmennska og
vandvirkni hafi verið í fyrirrúmi við allan
frágang.
Það var Landgræðsla ríkisins sem stóð
að útgáfu bókarinnar í tilefni af 100 ára
afmæli skipulags landgræðslustarfs á
Íslandi. Sveinn Runólfsson landgræðslu-
stjóri var viðstaddur verðlaunaafhending-
una og þakkaði við það tækifæri Upplýs-
ingu fyrir heiðurinn og Friðriki Olgeirssyni
fyrir frábær og vönduð vinnubrögð. Hann
segir viðurkenninguna útgefendum
mikils virði því hún staðfesti að sú alúð
sem lögð var í ritun bókarinnar og útgáfu
sé metin að verðleikum. Að sögn Sveins
er nú unnið að þýðingu bókarinnar á
ensku en mikil eftirspurn hefur verið eftir
jafn yfirgripsmiklu efni um þessa merku
sögu á erlendum tungumálum. Stefnt er
að því að ensk útgáfa bókarinnar komi út
fyrir lok ársins.
- vþ
Sáðmenn sandanna bók ársins
FRIÐRIK G. OLGEIRSSON Höfundur bókarinnar
Sáðmenn sandanna sem hlaut nýverið verðlaun
Upplýsingar.
Fjöldinn allur af kórum heldur vor-
tónleika um þessar mundir. Einn
þeirra er kvennakórinn Vox fem-
inae sem heldur tónleika í Hafnar-
borg, menningar- og listastofnun
Hafnarfjarðar, í kvöld kl. 20.30.
Efnisskrá kórsins er metnaðar-
full að vanda; verkin sem flutt
verða eiga öll rætur sínar að rekja
til Vínarborgar og er yfirskrift tón-
leikanna Valsar og Vínarljóð. Flutt-
ur verður hluti af Liebeslieder
Waltzer op. 52 eftir Johannes
Brahms, auk annarra þekktra Vínar-
ljóða. Einnig verða fluttir óperu-
kórar úr þekktum óperum eftir
Mozart, Rossini, Verdi og fleiri.
Kórnum berst liðsauki frá sópran-
söngkonunum Auði Gunnarsdóttur
og Xu Wen sem báðar syngja ein-
söng. Að auki koma fram með kórn-
um þær Sigrún Eðvaldsdóttir fiðlu-
leikari og Arnhildur Valgarðsdóttir
píanóleikari. Listrænn stjórnandi
tónleikanna er Margrét J. Pálma-
dóttir. - vþ
Vortónleikar Vox Feminae
VOX FEMINAE Kórinn heldur vortónleika sína í Hafnarborg í kvöld.
Í fyrramálið er haldið áfram þinghaldi í
röð Arkitektafélags Íslands, Kynningar-
miðstöðvar myndlistar, Listaháskólans og
Norræna hússins um hafnarborgir.
Ráðstefnan hefur það að markmiði að opna umræður
og beina sjónum að borgarhönnun og hlutverki lista í
opinberu rými hafnarborga. Fyrsti hlutinn fór fram
25. apríl og hafa í millitíðinni verið haldnir tveir
málfundir um borgarskipulag í Norræna húsinu sem
hafa verið frábærlega vel sóttir þótt þar hafi enn ekki
sést borgarfulltrúi úr Reykjavík, hvað þá nálægum
sveitarfélögum, að bestu manna yfirsýn.
Síðari hluti Hafnarborgaþingsins lýtur að endur-
byggingu hafnarborga.
Frummælendur koma víða að og greina frá
raunverulegum verkefnum: Martin Biewinga, West 8
(Rotterdam), Jürgen Bruns-Berentelg, HafenCity,
(Hamburg), Freee art collective, (London), Louise
Mielonen Grassov, Gehl Architects, (Kaupmanna-
höfn), Yvonne P. Doderer, Office for Transdisciplin-
ary, Research and Production, Stuttgart, Vito Acconci
(New York).
Hafnarborgir hafa mótast af iðnvæðingu og
alþjóðaviðskiptum. Síðustu ár hafa hafnir, og starf-
semi í kringum þær, verið fluttar í úthverfi. Um leið
hafa eldri hafnarsvæði fengið nýtt hlutverk. Endur-
skipulagning og breytt ímynd hafnarborga er áskorun
fyrir borgarhönnuði og listamenn sem búa og vinna á
þessum svæðum. Einkafyrirtæki og fjárfestar hafa
aukið vald og áhuga á uppbyggingu eldri borgarhluta
sem gefur listamönnum einstakt tækifæri til að
endurskoða þeirra eigin möguleika á að taka þátt í
mótun og þróun opinberra rýma. - pbb
Þingað um hafnarhverfin
SKIPULAG Víða eru hafnarborgir búnar að taka stakkaskiptum
með breyttum samgöngum og flutningsmátum.
M Ó T E T T U K Ó R H A L L G R Í M S K I R K J U
VESPER
eftir S E R G E I R AC H MA N I N O V
Í HALLGRÍMSKIRK JU
ANNAN Í HVÍTASUNNU
12. MAÍ 2008 KL. 17.00
L I S T V I N A F É L A G H A L LG R Í M S K I R K J U 2 6 . S TA R F S Á R
l i s t v i n a f e l a g . i s
m i ð a v e r ð
3000 / 2500 kr.
s t j ó r n a n d i
HÖRÐUR ÁSKELSSON
e i n s ö n g v a r a r :
Vladimir Mil ler B A S S O P R O F O N D O
Nebojsa Colic TENÓR
Auður Guðjohnsen A LT
TÓNLISTARSJÓÐUR
MENNTAMÁLARÁÐUNEYTISINS