Fréttablaðið - 09.05.2008, Blaðsíða 74
42 9. maí 2008 FÖSTUDAGUR
FRÉTTABLAÐIÐ SPÁIR FH 2. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 2. sæti í A-deild 2006 1. sæti í A-deild 2005 1. sæti í A-deild 2004 1. sæti í A-deild 2003 2. sæti í A-deild 2002 6. sæti í A-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
2 4
0TOMMY NIELSEN DAVÍÐ ÞÓR VIÐARSSON
JÓNAS GRANI
GARÐARSSON
> LYKILMAÐURINN
Tryggvi Guðmundsson er hreinlega eins og gott
rauðvín og virðist bara verða betri með
aldrinum. Er enn á fullu gasi og á nóg
eftir. Tryggvi skorar ekki bara mörk
heldur leggur hann upp flest mörk
FH-liðsins. Er einnig gríðarlega
drífandi leikmaður sem leggur sig
alltaf 120 prósent fram. Verður
örugglega áfram enn af betri
leikmönnum deildarinnar.
> X-FAKTORINN
Arnar og Bjarki Gunnlaugs-
synir virðast ekki geta hætt í
fótbolta og ætla að taka slaginn
aftur í sumar. Tveir af hæfileikaríkari
knattspyrnumönnum þjóðarinnar frá
upphafi og töfrar þeirra gætu gefið
FH-liðinu mikið.
Það verður verulega áhugavert að fylgjast
með FH-liðinu í sumar. Eftir að liðið varð
Íslandsmeistari þrjú ár í röð var því velt af
stalli af Völsurum í fyrrasumar. Í kjölfarið
hætti Ólafur Jóhannesson með liðið og
nýliðinn Heimir Guðjónsson fær það verð-
uga verkefni að halda FH-ingum í toppbar-
áttunni.
Heimir er búinn að vera lengi í Hafnar-
firðinum, fyrst sem fyrirliði liðsins og síðan
sem aðstoðarmaður Ólafs, og veit því
nákvæmlega að hverju hann gengur og
hvernig hlutirnir ganga fyrir sig hjá FH.
Nokkrar breytingar hafa orðið á FH-lið-
inu í vetur. Sverrir Garðarsson fór til Sví-
þjóðar, Auðunn Helgason fór í Fram, Allan
Dyring í Árbæinn, Ólafur Páll Snorrason til
Fjölnis og svo lagði Sigurvin Ólafsson skóna
á hilluna.
Í staðinn hefur Heimir endurheimt Jónas
Grana Garðarsson frá Fram en hann var
markakóngur Landsbankadeildarinnar í
fyrra. Höskuldur Eiríksson kom frá Víkingi
og Leiknismaðurinn efnilegi, Halldór Krist-
inn Halldórsson, reynir sig með FH-ingum í
sumar. Gamla brýnið Gunnar Sigurðsson
dró svo hanskana niður úr hillunni og mun
veita Daða Lárussyni keppni.
Verkefni Heimis er verðugt en erfitt. Það
eru gerðar miklar kröfur í Hafnarfirðinum
og hann þekkir það manna best.
Það getur reynst erfitt að taka stökkið í
aðalþjálfarastólinn en Fréttablaðið telur
Heimi valda því og spáir því FH öðru sæti.
Verðugt verkefni fyrir Heimi
KÖRFUBOLTI Jón Arnór Stefánsson
og félagar í Lottomatica Roma
hefja leik í úrslitakeppninni á
sunnudaginn þegar þeir mæta Tis-
ettanta Cantu í átta liða úrslitun-
um. Þetta er þriðja árið í röð sem
Jón Arnór spilar í úrslitakeppn-
inni á Ítalíu, hann hefur komist í
undanúrslitin tvisvar en nú segist
hann vera orðinn hungraður að fá
tækifærið til að spila um titilinn.
„Það er alltaf skemmtilegt að
spila í úrslitakeppni þar sem
stemningin er mikil,“ segir Jón
Arnór en andstæðingurinn er Tis-
ettanta Cantu sem endaði í 7. sæti
deildarinnar.
Skemmtilegra á útivöllum
„Þeir eru með rosalega sterkan
heimavöll og svakalega áhorfend-
ur. Það eru mikil læti og þetta er
frekar lítið íþróttahús þannig að
það skapast alveg svakaleg
stemmning,“ segir Jón.
„Mér finnst rosalega skemmti-
legt að spila við svona aðstæður
og oft finnst mér bara skemmti-
legra að spila á útivöllunum en
heima,“ segir Jón Arnór, sem var
sem dæmi með 13 stig og 60 pró-
senta þriggja stiga nýtingu í úti-
leiknum gegn Cantú í vetur. Í
vetur hefur Jón Arnór skorað
10,7 stig í leik á útivelli en 6,4
stig í leik á heimavelli.
Lottomatica endaði í 2. sæti
í vetur en var engu að síður
sextán stigum á eftir toppliði
Montepaschi Siena. „Á papp-
írnum er búist við að við mætum
Siena í úrslitunum en þetta verður
erfitt enda geta allir unnið alla í
þessu, sem hefur sýnt sig í ár. Við
höfum verið að æfa á fullu og
höfum fengið góðan tíma til þess
að undirbúa okkur fyrir úrslita-
keppnina. Við verðum að passa
okkur að hugsa ekki bara um Siena
og úrslitin því við þurfum náttúru-
lega að komast í gegnum þessar
fyrstu tvær umferðir fyrir það,”
segir Jón Arnór.
Jón Arnór hefur glímt við
meiðsli í vetur. „Við
höfum verið
óheppnir með
meiðsli í ár.
Þetta er búið að
vera mikið basl
og það er því
alveg ótrúlegt
hvað okkur tókst
að komast langt
bæði í Evr-
ópu
og
í
ítölsku deildinni miðað við allt,“
segir Jón sem er kominn á fullt á
ný eftir sín meiðsli.
Orðinn góður af meiðslunum
„Ég er nokkuð góður en hef
kannski ekki verið alveg samur
eftir þessi meiðsli. Ég hef ekki
spilað eins vel og ég gerði áður.
Þar hafði líka eitthvað að segja að
það komu nýir leikmenn og leik-
skipulagið hefur aðeins breyst.
Ég kominn í hörku form núna og
er alveg heill og tilbúinn í úrslita-
keppnina,“ segir Jón Arnór.
Jón Arnór hefur stórt hlutverk
hjá Roma og þá ekki síst varnar-
lega. „Það þarf að hafa einhvern
til þess að deila boltanum, spila
vörn og setja jafnvægi í sókn og
vörn. Ég er í því hlutverki. Það
koma síðan leikir þar sem ég er að
hitta vel og fæ þá meira
hlutverk í sókninni. Ég
er ekkert að láta töl-
fræðina stressa mig.
Ég veit hvenær ég á
góða leiki og hve-
nær ég á ekki
góða leiki og
það hefur ekk-
ert með töl-
fræðina að
segja,“ segir
Jón og hann er ánægður með vetur-
inn.
„Þetta er klárlega besta tímabil-
ið mitt á Ítalíu. Ég var alveg í ofsa-
lega góðu formi og var að spila
mjög vel fyrir meiðslin,“ segir Jón
Arnór. Varnarleikurinn er aðall
liðsins, sem sést ekki síst á því að
tólf lið í deildinni skoruðu meira í
leik í vetur en Roma en liðið náði
engu að síður öðru sætinu.
Miklu stærra hlutverk í ár
Jón Arnór hefur ekki verið í byrj-
unarliðinu nema í 7 af 27 leikjum í
vetur en hann setur það ekkert
fyrir sig.
„Ég er bara þessi sjötti maður í
liðinu og þjálfarinn hefur talað við
mig um það. Hann vill að ég komi
með kraft inn af bekknum og ef
við byrjum illa þá er ég fljótur að
koma inn á. Hann hefur sett mikla
pressu á mig að koma inn með
mikla orku varnarlega og gíra
menn upp. Ég veit alveg hvert
mitt hlutverk í liðinu er, sem er
rosalega gott. Ég hef miklu stærra
hlutverk í ár.“
Fram undan er spennandi
úrslitakeppni og Jón Arnór hefur
trú á að Roma geti farið alla leið.
„Við erum með mjög gott lið og
höfum sýnt það í ár þegar við
höfum verið að vinna öll bestu
liðin í Evrópu léttilega. Við eigum
alveg bullandi möguleika og
maður er ekkert smá hungraður
að ná í titil. Ég er ofsalega ángæð-
ur með þetta tímabil og það myndi
toppa það að ná titli,“ segir Jón
Arnór að lokum. ooj@frettabladid.is
Vill toppa flott tímabil með titli
Þriðja árið í röð er Jón Arnór Stefánsson að fara að spila í úrslitakeppni ítalska körfuboltans, þar sem
saman koma frábær lið og brjálaðir stuðningsmenn sem gera allt til þess að hafa áhrif á andstæðingana.
BESTA
TÍMABILIÐ
Jón Arnór
Stefánsson
hefur aldrei
spilað betur en í
vetur. FRÉTTABLAÐIÐ/E.ÓL.
SKÍÐI Dagný Linda Kristjánsdótt-
ir, fremsta skíðakona Íslands um
árabil, hefur ákveðið að leggja
skíðin á hilluna og hætta æfing-
um og keppni en hún hefur glímt
við erfið meiðsli í hægri fótlegg í
vetur og þarf að fara í aðgerð.
„Ég var ekki viss um að þessi
aðgerð myndi skila bata þannig
að ég ákvað að þetta væri komið
nóg,“ segir Dagný Linda, sem
hefur verið í sambandi við tvo
lækna á Íslandi og fór síðan að
hitta þann þriðja í Svíþjóð. „Við
ræddum þetta fram og til baka og
síðan er ég búin að hugsa málið í
nokkra daga,“ segir Dagný, sem
segir veturinn hafa verið ónýtan.
„Ég hef nánast ekkert verið á
skíðum í vetur þótt ég hafi verið
að æfa og keppa því ég var alltaf
að drepast í fætinum. Þessi vetur
fór algjörlega í vaskinn,“ segir
Dagný Linda.
„Ég er með mjög ánægð með
minn feril og ég er alveg sátt við
þessa ákvörðun þó að hún hafi
verið erfið. Það er pínulítið svekk-
elsi að ná ekki að klára fram að
Ólympíuleikum eins og markmið-
ið var en það er engin eftirsjá,“
segir Dagný Linda, sem alls tók
þátt í 316 alþjóðlegum mótum í
þrettán þjóðlöndum.
Árangurinn hefur líka verið
góður en hún hefur verið í einu af
fimm efstu sætunum á 87 alþjóð-
legum mótum, þar af 35 sinnum í
fyrsta sæti og 17 sinnum í 2. sæti.
En hver er stærsta stundin?
„Ætli það sé ekki Ólympíuleik-
arnir í Tórínó 2006. Ég náði góðum
árangri eftir að hafa verið nýbyrj-
uð á skíðum aftur. Ég var búin að
vera sex mánuði á skíðum eftir
tuttugu mánaða meiðsli og náði
óvænt góðum árangri,“ segir
Dagný Linda, sem einnig tók þátt
í leikunum í Salt Lake City árið
2002.
Dagný Linda vann sína síðustu
titla á Skíðamóti Íslands á dögun-
um en alls hefur hún unnið átján
Íslandsmeistaratitla á skíðum.
„Það var mjög gaman að geta
varið þessa titla frá því í fyrra og
hitt í fyrra. Ég var samt að drep-
ast allan tímann en ég var ánægð
með að hafa látið mig hafa það,
sérstaklega núna eftir að maður
hefur tekið þess ákvörðun,“ segir
Dagný Linda. Katrín systir henn-
ar var tvisvar með henni á verð-
launapalli á Skíðamótinu, þar af
urðu þær tvær efstar í svigi.
„Hún er enn ung og á langt
eftir. Hún er að standa sig frá-
bærlega og ég hef fulla trú á að
hún feti í mín fótspor og lengra,”
segir Dagný um systur sína, sem
er á leið í sama skíðaskóla í Nor-
egi og hún fór á sínum tíma. - óój
Fremsta skíðakona Íslands um árabil, Dagný Linda Kristjánsdóttir, er hætt vegna erfiðra meiðsla:
Ég er með mjög ánægð með minn feril
FRÁBÆR FERILL Dagný Linda
Kristjánsdóttir komst á pall á 64
alþjóðlegum mótum.
NORDICPHOTOS/GETTY
FÓTBOLTI Fyrirliðar allra liða í
Landsbankadeild karla og kvenna
skrifuðu undir yfirlýsingu í gær
undir yfirskriftinni fótbolti án
fordóma.
Þar heita fyrirliðar deildarinn-
ar að sýna gott fordæmi í leikjum
sumarsins með því að koma fram
af heiðarleika, níða ekki andstæð-
inga niður og koma í veg fyrir
fordóma og dónaskap. Fyrirlið-
arnir skora í leiðinni á áhorfend-
ur að gera slíkt hið sama. - hbg
Samtök knattspyrnumanna:
Án fordóma
SAMEINAÐIR Leikmenn úr Landsbanka-
deildinni 2008 FRÉTTABLAÐIÐ/ARNÞÓR
HANDBOLTI HSÍ veitti í gær
verðlaun fyrir bestu frammistöðu
í lokahluta N1-deildanna.
Haukamaðurinn Arnar Pétursson
og Stjörnustúlkan Alina Petrache
voru valdir bestu leikmennirnir
meðal annars. - hbg
N1-deildirnar:
Arnar og Alina
valin best
BEST Arnar og Alina. FRÉTTABLAÐIÐ/STEFÁN
N1-DEILDIRNAR
Verðlaun fyrir umferðir 22-28 í N1-
deild karla:
Besti leikmaðurinn: Arnar Pétursson
Besti þjálfarinn: Aron Kristjánsson
Besta umgjörð: Haukar
Besta dómarapar: Anton Gylfi Pálsson
og Hlynur Leifsson.
Úrvalslið umferðanna:
Markvörður: Egidijus Petkevicius, HK
Lína: Arnar Pétursson, Haukar
v. horn: Freyr Brynjarsson, Haukar
v. skytta: Gunnar B.Viktorsson,
Haukar
Miðjumaður: Andri Stefan, Haukar
h. skytta: Rúnar Kárason, Fram
h. horn: Ragnar Hjaltested, HK
Verðlaun fyrir umferðir 19-27 í N1-
deild kvenna:
Besti leikmaðurinn: Alina Petrache
Besti þjálfarinn: Aðalsteinn Reynir
Eyjólfsson og Ragnar Hermannsson,
Stjarnan
Besta umgjörð: Fram
Úrvalslið umferðanna:
Markv.: Kristina Matuzeviciute, Fram
Lína: Pavla Nevarilova, Fram
v. horn: Dagný Skúladóttir, Valur
v. skytta: Alina Petrache, Stjarnan
Miðjumaður: Eva Barna, Valur
h. skytta: Birgit Engl, Stjarnan
h. horn: Sólveig Kjærnested, Stjarnan