Fréttablaðið - 14.05.2008, Page 23

MIÐVIKUDAGUR 14. maí 2008 5
Loftræsting knúin sólarorku
getur verið góð lausn fyrir
sumarbústaðinn.
„Þetta hefur reynst mjög vel og
það skemmir ekki fyrir að þetta er
alveg umhverfisvænt,“ segir Guð-
mundur Guðlaugsson, fram-
kvæmdastjóri Esjugrundar ehf.,
sem hefur til sölu sólarknúin hita-
og loftræstikerfi frá danska fram-
leiðandanum Solarventi. Um er að
ræða hitakassa sem festir eru á
húsveggi. Þegar sólin skín hitnar
loftið í kassanum og vifta sem
knúin er sólarrafhlöðu fer í gang
og blæs lofti inn í húsið. Loftið í
húsinu endurnýjast svo raki og
ólykt hverfur. Á sama tíma gefur
kerfið góða viðbót til upphitunar
enda getur blásturinn verið allt að
30 gráðu heitur. Kerfið starfar
óháð öðrum hitakerfum og fer
sjálfkrafa í gang fyrir tilstilli
sólarinnar.
„Þetta hentar sérstaklega vel
þar sem ekki er hitaveita til upp-
hitunar, til dæmis í sumarbústöð-
um. Í húsum sem standa auð mynd-
ast oft raki og fúkkalykt en kerfi af
þessu tagi kemur í veg fyrir það,“
segir Guðmundur og útskýrir að
með því að nota loftræstingu og
hitakerfi af þessu tagi megi stór-
lækka rafmagnseikninginn.
Guðmundur segir að sólarleysið
á Íslandi komi alls ekki í veg fyrir
að búnaðurinn virki. „Það þarf í
raun bara smá glætu til þess að
búnaðurinn fari í gang en auðvitað
eru afköstin meiri eftir því sem
sólin skín meira,“ segir Guðmund-
ur og bætir því við að best sé að
koma búnaðinum fyrir mót suðri
þar sem sólar nýtur lengst.
Kerfin fást í ýmsum stærðum og
gerðum og þau stærstu ráða við 140
fermetra rými. Nánari upplýsingar
má nálgast á heimasíðunni www.
esjugrund.is thorgunnur@frettabladid.is
Umhverfisvæn loftræsting
Kassarnir láta lítið yfir sér en
það stórmunar um þá þegar
rafmagnsreikningurinn er
skoðaður.
Við stöndum upp úr
í nýjustu könnun Capacent
Fréttablaðið er með 41% meiri lestur en 24 stundir
og 93% meiri lestur en Morgunblaðið
Allt sem þú þarft... ...alla daga
Fí
to
n/
SÍ
A
Meðallestur á tölublað m.v. höfuðborgina, 18–49 ára. Könnun Capacent í febrúar–apríl 2008.
49,72%
36,30%
69,94%
Fréttablaðið
24 stundir
M
orgunblaðið