Fréttablaðið - 15.05.2008, Síða 16

16 15. maí 2008 FIMMTUDAGUR
ÍSRAEL, AP George W. Bush Banda-
ríkjaforseti sagði í Jerúsalem í
gær að sextíu ár lýðræðis í Ísrael
gæfu tilefni til bjartsýni á lýð-
ræðisþróun um öll Mið-Austur-
lönd. „Það sem gerðist hér er
mögulegt alls staðar,“ sagði hann
við upphaf ferðar um Mið-
Austurlönd í tilraun til að blása
lífi í friðarviðræður Ísraela og
Palestínumanna.
„Markmið Bandaríkjanna verð-
ur að vera að styðja okkar helsta
bandamann og vinaþjóð í Mið-
Austurlöndum ... og tala jafnframt
um framtíð sem lofar góðu,“ sagði
hann eftir viðræður við Shimon
Peres, forseta Ísraels.
Bush hefur sagst vongóður um
að mögulegt sé að ná samkomu-
lagi um frið milli Ísraela og
Palestínumanna og stofnun pal-
estínsks ríkis áður en forsetatíð
hans lýkur í janúar næstkom-
andi. Bandaríski utanríkisráð-
herrann Condoleezza Rice lýsti
því yfir fyrr í vikunni að það væri
„ósennilegt, en ekki ómögulegt“
að ná slíku samkomulagi á næstu
átta mánuðum.
Tveir óbreyttir palestínskir
borgarar og þrír skæruliðar voru
í gær drepnir af ísraelskum her-
mönnum á Gaza-ströndinni.
Sprengiflaug sem varpað var frá
Gaza sprakk í verslunarmiðstöð í
ísraelska bænum Ashkelon.
Fjórtán manns særðust.
- aa
BANDAMENN Olmert, Bush og Peres
snúa bökum saman í Jerúsalem í gær.
FRÉTTABLAÐIÐ/AP
Bush Bandaríkjaforseti tjáir sig um friðarhorfur á ferð um Mið-Austurlönd:
Segir Ísrael fordæmi lýðræðisþróunar
DÓMSMÁL Ólafur Páll Sigurðsson
var í Héraðsdómi Austurlands
sýknaður af því að hafa slegið í
lögreglubíl. Framburður lögreglu-
manna þess efnis dugði ekki til
sakfellingar þar sem ekki lágu
aðrar sannanir fyrir.
Fjórir lögregluþjónar voru á
eftirlitsferð við Snæfellsskála.
Þeir báru allir að drifið hefði að
þeim fólk sem látið hefði illilega.
Ólafur Páll hefði verið sýnu æst-
astur og þegar bílnum var ekið
hægt að hópnum hefði hann lamið
nokkrum sinnum á vélarhlífina,
sparkað í hlið bifreiðarinnar og
lamið í hliðarrúðu við aftursæti.
Þá hefði hann tekið upp stein, en
lögreglumennirnir yfirgefið vett-
vanginn við svo búið.
Ólafur Páll sagði allt aðra sögu
af atvikinu. Hann hefði staðið á
móts við bifreiðina, sem allt í einu
hefði farið á fleygiferð og hann
kútvelst upp á vélarhlífina. Þar
hafi hann náð að bera hendurnar
fyrir sig.
Lögreglumennirnir báru að
skemmdir hefðu verið á vélarhlíf-
inni og af þeim hefðu verið teknar
myndir. Þær voru ekki lagðar
fram fyrir dómi, né heldur var
rætt við önnur vitni á staðnum. Þá
var ekki lagður fram sundurliðað-
ur verkstæðiskostnaður fyrir við-
gerðum á meintum skemmdum.
Héraðsdómur sýknaði því Ólaf
Pál af ákærunum. Málsvarnarlaun
hans greiðast úr ríkissjóði. - kóp
Mótmælandi við Kárahnjúka sem ákærður var fyrir að berja utan í lögreglubíl:
Sýknaður af ákærum lögreglunnar
SÝKNAÐUR Ólafur Páll er stofnandi
Saving Iceland. Hann segir lögreglu hafa
keyrt vísvitandi á sig.
NEYTENDUR Talsmaður neytenda
hefur boðað fulltrúa Símans og
Vodafone á fund sinn. Farið
verður yfir nýleg tilmæli um
tilkynningar til neytenda um
verðhækkanir og hvernig þau hafa
verið, eða verða, uppfyllt.
Fyrirtækjunum ber að tilkynna
viðskiptavinum sínum um
verðhækkanir með mánaðar
fyrirvara, samkvæmt tilmælun-
um. Fulltrúar þeirra beggja féllust
á að fylgja tilmælunum. Viðræður
hafa staðið yfir um hvernig form
tilkynninganna skuli vera.
Verði farið eftir tilmælunum
hyggst talsmaður neytenda ekkert
aðhafast frekar. - kóp
Talsmaður neytenda:
Boðar símafyr-
irtæki á fund
Allir velkomnir
í Bása!
Kaupþing og Pro Golf bjóða landsmönnum
öllum frítt í Bása laugardaginn 17. maí frá
klukkan 10.00-18.00.
Mætið snemma því fyrstir koma, fyrstir fá.
Dagurinn er fyrir alla fjölskylduna og verður
Grafarkotsvöllur fullur af skemmtilegum
þrautum fyrir hressa krakka.
Á staðnum verða golfkennarar frá Pro Golf
ásamt kynningu og spennandi tilboðum frá:
PROGOLF
PERÚSKUR SKÆRADANS Þessi bóndi
frá Ayacucho í Perú sýndi mikla fimi
þegar hann á þriðjudag dansaði hefð-
bundinn skæradans í Lima, höfuð borg
Perú. ERNESTO BEAVIDES/AFP PHOTOS
ÍTALÍA, AP Eiginkona egypsks
múslimaklerks, sem var rænt af
götu í Mílanó í febrúar 2003, lýsti
fyrir rétti þar í borg í gær
pyntingunum sem hún segir mann
sinn hafa mátt þola í fangelsi í
Egyptalandi sem fangi bandarísku
leyniþjónustunnar CIA.
Réttarhöldin eru hluti af
málaferlum gegn 26 liðsmönnum
CIA og ítölskum samverkamönn-
um sem ítalskir saksóknarar hafa
efnt til í því skyni að upplýsa mál
Osama Mustafa Hassan Nasr, sem
hinir ákærðu eru sakaðir um að
hafa rænt og látið pynta í leynilegu
varðhaldi í fjórtán mánuði, í nafni
„stríðsins gegn hryðjuverkum“.
Dómari hefur ákveðið að Silvio
Berlusconi, forsætisráðherra
Ítalíu, skuli stefnt sem vitni fyrir
réttinn. - aa
Réttarhöld í Mílanó:
Meðferð meints
CIA-fanga lýst