Fréttablaðið - 18.05.2008, Blaðsíða 8

8 18. maí 2008 SUNNUDAGUR
Miðvikudaginn 14. maí á Hótel KEA, Akureyri
Fimmtudaginn 15. maí í Víkinni, Hafnargötu 80, Reykjanesbæ
Mánudaginn 19. maí í Gistihúsinu, Egilsstöðum
Þriðjudaginn 20. maí í Skrúðgarðinum, Akranesi
Þriðjudaginn 27. maí í Tryggvaskála, Selfossi
Fundirnir hefjast kl. 20 – Allir velkomnir!
Nánari upplýsingar á www.samfylking.is
SVEITARSTJÓRNARMÁL Þátttaka
íslenskra sveitarfélaga í Evrópu-
samstarfi hefur stóraukist á síð-
ustu árum, enda eiga þau mikilla
hagsmuna að gæta í því. Þetta
segja Halldór Halldórsson, bæj-
arstjóri á Ísafirði og formaður
Sambands íslenskra sveitarfé-
laga, og Anna Margrét Guðjóns-
dóttir, forstöðumaður Brussel-
skrifstofu sambandsins sem
opnuð var fyrir tveimur árum. Í
samtali við Fréttablaðið nefna
þau þessu til vitnis að það er verk-
efni sveitarfélaga að framfylgja
minnst helmingi allra EES-gerða
sem innleiddar eru á Íslandi.
Þau segja opnun Brusselskrif-
stofunnar hafa breytt miklu í
hagsmunagæslustarfinu gagn-
vart löggjafarferli Evrópusam-
bandsins og EES. En það hamli
því starfi að í EES-samningnum
er ekki gert ráð fyrir neinni
aðkomu sveitarfélaga að því ferli.
Unnið sé að því að ráða bót á
þessu með því meðal annars að fá
EFTA-ríkin til að koma á fót eigin
vettvangi fyrir sveitarstjórnar-
stigið, sem speglað gæti Héraða-
nefnd Evrópusambandsins sem
er sú stofnun þess sem gætir
hagsmuna sveitar- og héraðs-
stjórnarstigsins innan ESB.
Nú fer hagsmunagæslustarf
íslenskra og norskra sveitarfé-
laga, það er sveitarfélaga EFTA-
ríkjanna í EES, að mestu fram í
gegnum Evrópusamtök sveitarfé-
laga, CEMR, en stefnumótunar-
nefnd þeirra samtaka fundaði
nýlega í fyrsta sinn á Íslandi.
Þetta starf fer að sögn Önnu Mar-
grétar einnig fram með persónu-
legum tengslum við meðlimi við-
eigandi fagnefnda Evrópuþingsins
og Héraðanefndar ESB, en þeir
eru flestir sjálfir sveitarstjórnar-
menn, tilefndir af landssamtök-
um sveitarfélaga í aðildarríkjun-
um. Þá sé líka mikilvægt að vera í
tengslum við þá stjórnsýsludeild
framkvæmdastjórnar ESB sem
sinnir þessum málum („DG
Regio“).
Aðspurður segir Halldór að
Samband íslenskra sveitarfélaga
hafi sem slíkt ekki tekið afstöðu
til þess hvort það telji hagsmun-
um íslenskra sveitarfélaga betur
borgið með fullri aðild Íslands að
Evrópusambandinu, en full
ástæða sé að hans dómi til að sam-
bandið kanni betur þá kosti og
galla sem aðild myndu fylgja.
Með þeim aðgangi að byggðaá-
ætlunum og uppbyggingarsjóð-
um sambandsins sem aðild myndi
fylgja gæti vissulega verið eftir
miklu að slægjast fyrir íslensk
sveitarfélög, einkum þau sem
liggja fjarri höfuðborgarsvæð-
inu, en þar sem skipuleg úttekt á
því hefur ekki farið fram væri
lítið hægt að segja um það á þessu
stigi.
Halldór bendir á að íslensk
stjórnvöld hafi „keypt sig inn í“
eina af byggðaáætlunum ESB og
til skoðunar sé að taka þátt í fleir-
um. Þessar áætlanir opni íslensk-
um sveitarfélögum möguleika á
margvíslegu samstarfi við sveit-
arfélög í ESB-löndum. Norðmenn
hafi keypt sig inn í fjölda þeirra.
audunn@frettabladid.is
Ekki gert ráð
fyrir sveitar-
félögum í EES
Íslensk sveitarfélög hafa margvíslegra hagsmuna
að gæta í Evrópusamstarfi. Formaður Sambands
íslenskra sveitarfélaga vill skoða betur kosti og galla
Evrópusambandsaðildar fyrir sveitarfélögin.
MIKLIR HAGSMUNIR Í HÚFI Halldór Halldórsson, formaður Sambands íslenskra sveitar-
félaga, og Anna Margrét Guðjónsdóttir, forstöðumaður Brusselskrifstofu sambandsins.
FRÉTTABLAÐIÐ/GVA
BRETLAND, AP Gordon Brown, for-
sætisráðherra Bretlands, er að
reyna að ná vopnum sínum á ný,
meðal annars með því að íhuga í
alvöru að taka þátt í raunveruleika-
sjónvarpsþætti.
„Þurri Skotinn“ eins og Brown er
stundum kallaður leiddi Verka-
mannaflokkinn til sögulegs ósigurs
í sveitarstjórnarkosningum í Eng-
landi og Wales á dögunum og trú-
verðugleiki stefnu hans í efnahags-
málum hefur beðið hnekki vegna
lánsfjárkreppunnar og óvinsælla
skattabreytinga. Þetta hefur orðið
til þess að málsmetandi samflokks-
maður hans hefur sagt að Brown
muni líklega verða að víkja fyrir
nýjum flokksleiðtoga fljótlega.
Gegn þessum mótbyr teflir
Brown fram ýmsum tillögum sem
líklegar eru til vinsælda. Í vikunni
staðfesti hann að ríkisstjórnin hefði
ákveðið að taka 2,7 milljarða punda
að láni sem varið verður til að bæta
tekjulágu fólki upp afnám lægsta
tekjuskattsþrepsins, sem Brown
viðurkennir að hafi verið mistök.
Að auki hefur það lekið út að
Brown sé að íhuga að taka þátt sem
dómari í nýjum hæfileikaleitar-
þætti í breska ríkissjónvarpinu
BBC. Vinnutitill þáttarins kvað
vera „Junior P.M.“ eða ungdóms-
forsætisráðherra. - aa
Gordon Brown íhugar þátttöku í raunveruleikaþætti:
Reynir að auka vinsældir
BROSANDI BROWN „Þurri Skotinn“ reynir
að fríska upp á ímyndina. FRÉTTABLAÐIÐ/AP
FÉLAGSMÁL Bifreiðastyrkir
hreyfihamlaðra verða endurskoð-
aðir þegar
styrkirnir færast
undir félags-
málaráðuneytið
á næstunni.
Þetta kom fram í
máli Jóhönnu
Sigurðardóttur
félagsmálaráð-
herra í ávarpi
hennar á fundi
Sjálfsbjargar á föstudag.
Uppbætur og styrkir hafa ekki
hækkað í mörg ár, og endurskoða
þarf þann tíma sem líður milli
úthlutana, sagði Jóhanna. Hún
sagðist einnig til viðræðu um
hvort breyta þurfi skilyrðum
fyrir styrkveitingum, og óskaði
eftir sjónarmiðum hreyfihaml-
aðra um málið. - bj
Ráðherra á fundi Sjálfsbjargar:
Bifreiðastyrkir
endurskoðaðir
JÓHANNA SIG-
URÐARDÓTTIR
MENNTAMÁL Háskólinn á Akureyri
býður nú í haust, fyrstur háskóla í
heiminum, upp á nám í heim-
skautarétti.
Heimskautaréttur tekur til
þeirra lagareglna sem gilda um
heimskautasvæðin tvö. Að því er
fram kemur í kynningarefni á
hinni nýju námsbraut er áhersla
lögð á viðeigandi svið alþjóðarétt-
ar, svo sem umhverfisrétt, haf-
rétt, auðlindarétt og á réttindi
frumbyggjaþjóða. Þá nær hann
einnig til fullveldismála og ágrein-
ings um lögsögumörk á landi og
sjó, ásamt fleiru.
Stjórnandi nýju námsbrautar-
innar er Guðmundur Alfreðsson,
prófessor í alþjóðarétti við Háskól-
ann í Lundi í Svíþjóð, en meðal
samstarfsaðila Háskólans á Akur-
eyri í þessu verkefni eru Fróðskap-
arsetrið í Færeyjum, háskólinn í
Nuuk á Grænlandi og í Rovaniemi í
Finnlandi. Þá verður einnig haft
samstarf við háskóla í Kanada,
Alaska, Rússlandi og Noregi.
Margt veldur því að heimskauta-
svæðin eru nú æ meir í brenni-
depli alþjóðamála. Bráðnun heim-
skautaíssins getur opnað nýjar
siglingaleiðir og aðgang að nátt-
úruauðlindum. „Þetta veldur snar-
aukinni eftirspurn eftir fólki með
sérfræðiþekkingu á málefnum
heimskautasvæðanna,“ segir
Ágúst Þór Árnason, sem fyrir hönd
HA hefur haft veg og vanda af
undirbúningi nýju námsbrautar-
innar. Hann tekur fram að námið
sé opið bæði löglærðum og fólki úr
öðrum greinum félagsvísinda. - aa
Heimsnýjung við Háskólann á Akureyri:
Meistaranám í heimskautarétti
FINNLAND Finnski aðmírállinn
Georgí Alafuzoff segir að taka
þurfi tillit til þess að rússneski
herinn styrkist stöðugt og að sama
gildi um rússneskan efnahag.
Rússar hafi fimmta stærsta
efnahagskerfi heims og þeir muni
lenda í miklum átökum á næstu
áratugum.
Jyri Häkämies, varnarmálaráð-
herra Finnlands, segir í norska
dagblaðinu Aftenposten að gangi
Finnar og Svíar í Atlantshafs-
bandalagið vegi norrænu þjóðirnar
þungt í bandalaginu. Það myndi
ekki aðeins styrkja norrænt
samstarf heldur einnig hafa áhrif
á tengsl NATO og Rússlands. - ghs
Varnarmál Finna:
Ráðherra mær-
ir vægi NATO
HÁSKÓLINN Á AKUREYRI Sjónum beint að
málefnum norðurslóða. FRÉTTABLAÐIÐ/ÆGIR
1 Hvaða leikari fékk á dög-
unum sendar ársbirgðir af
svitalyktaeyði?
2 Hvar eru verslanirnar þrjár
sem BT ætlar að loka?
3 Hvaða íslenski knattspyrnu-
maður lék á Wembley í ensku
bikarkeppninni í gær?
SVÖRIN ERU Á SÍÐU 34
VEISTU SVARIÐ?