Fréttablaðið - 29.05.2008, Síða 10

10 29. maí 2008 FIMMTUDAGUR
MJÓLKURPÓSTUR Á HEIMLEIÐ Þessi
indverski mjólkurpóstur í Amritsar er
á heimleið eftir að hafa farið hringinn
með daglega mjólkurskammtinn handa
viðskiptavinum sínum. NORDICPHOTOS/AFP
FISKVEIÐAR Yfir 80 prósent af fiski-
stofnum heimsins eru í alvarlegri
hættu vegna ofveiði. Þetta er full-
yrt í niðurstöðum skýrslu sem
tekin var saman að frumkvæði
samtakanna „Oceana“, sem beita
sér fyrir vernd heimshafanna. Því
skora samtökin á Heimsviðskipta-
stofnunina, WTO, að gera það sem
í hennar valdi stendur til að þvinga
aðildarríki stofnunarinnar til að
hætta að ríkisstyrkja fiskveiðar.
Skýrsla Oceana er byggð á rann-
sókn á nýjustu tölum úr ársskýrslu
Matvælastofnunar Sameinuðu
þjóðanna, FAO. Oceana kemst að
þeirri niðurstöðu að einvörðungu
um 17 prósent þeirra fiskveiða
sem stundaðar eru í heiminum nú
séu sjálfbærar.
Aftur á móti sé ofveiði stórkost-
legt vandamál, einkum á mikil-
vægum miðum í Atlantshafi, vest-
anverðu Indlandshafi og
norðvesturhluta Kyrrahafs.
Oceana telur að sjávarútvegur
fái minnst andvirði 148 milljarða
króna árlega í ríkisstyrki. Það
samsvarar fjórðungi verðgildis
alls heimsaflans. - aa
Hafverndarsamtökin Oceana leggja mat á ofveiði:
Yfir 80 prósent fisk-
veiða ósjálfbærar
RÁNYRKJA Samtökin Oceana leggja til að ríkisstyrkir til sjávarútvegs verði afnumdir.
NORDICPHOTOS/AFP
UMHVERFISMÁL Skipulagsstofnun
vísar gagnrýni Samorku, Samtaka
orku- og veitufyrirtækja, sem sagt
var frá í Fréttablaðinu í gær, á
bug. Í athugasemdum frá stofnun-
inni segir að henni beri samkvæmt
reglugerð að gera grein fyrir for-
sendum umhverfismats.
Í reglugerð um mat á umhverf-
isáhrifum segir að Skipulagsstofn-
un skuli gera grein fyrir forsend-
um matsins og niðurstöðum sínum
um mat á umhverfisáhrifum. Þetta
telur Skipulagsstofnun að hún hafi
gert með áliti sínu um Bitruvirkj-
un.
Stofnunin tekur fram að hún
hafi hvorki lagst gegn né hafnað
byggingu virkjunarinnar; slíkt sé
ekki hennar hlutverk. Hún bendir
á að í aðeins þremur álitum af tólf
á síðustu þremur árum, hafi niður-
staðan verið að umhverfisáhrif
yrðu óásættanleg og óafturkræf.
Þá bendir Skipulagsstofnun á að
í lögum segi að ef hún telji að setja
þurfi frekari skilyrði fyrir fram-
kvæmd en koma fram í mats-
skýrslu, eða gera frekari mótvæg-
isaðgerðir, skuli stofnunin
tilgreina skilyrðin. Þá verði hún
að færa rök fyrir mótvægisað-
gerðunum sem hún leggur til. Það
sé því rangt að segja að stofnunin
hafi farið út fyrir valdsvið sitt.
- kóp
Skipulagsstofnun svarar gagnrýni Samtaka orku- og veitufyrirtækja:
Ber að meta umhverfisáhrif
HELLISHEIÐI Mikill styr hefur staðið um
virkjun háhitasvæða á Hellisheiði, ekki
síst við Bitru. FRÉTTABLAÐIÐ/GVA
ALÞINGI Umhverfisnefnd vill að
veðurstofustjóri verði áfram
kallaður veðurstofustjóri en ekki
forstjóri Veðurstofu Íslands.
Í frumvarpi umhverfisráðherra
um sameiningu vatnamælinga
Orkustofnunar og Veðurstofunn-
ar er lagt til að æðsti yfirmaður
stofnunarinnar kallist forstjóri.
Í áliti nefndarinnar kemur
fram að Veðurstofan telji sig
þurfa aukafjárveitingu þar sem
átta starfsmenn geti átt rétt á
biðlaunum við sameiningu
stofnananna. Fjárlagaskrifstofa
fjármálaráðuneytisins telur á
hinn bóginn að stofnunin eigi að
geta borið kostnaðinn. - bþs
Álit umhverfisnefndar:
Verði áfram
veðurstofustjóri