Fréttablaðið - 05.06.2008, Blaðsíða 12
12 5. júní 2008 FIMMTUDAGUR
DÓMSMÁL Annar tveggja fyrrver-
andi tollvarða, sem ákærðir eru
fyrir brot í starfi, játar sök vegna
minnisleysis. Hann segist treysta
framburði stúlknanna sem hann
er sakaður um að brjóta gegn.
Mönnunum er gefið að sök að
hafa í ölæði framvísað tollvarðar-
skilríkjum sínum á dansgólfi
Hressingarskálans, sagst vera að
leita að fíkniefnum og í krafti
stöðu sinnar þuklað á tveimur
konum og hnuplað veski annarrar
þeirra. Annar þeirra játar sem
áður segir að hafa þuklað á konun-
um, sem hann man þó ekki eftir að
hafa gert. Tollverðir mega þó
aðeins leita á fólki af sama kyni.
Hann neitar hins vegar að hafa
hlaupið burt með veskið, enda
fannst það ekki í fórum hans þegar
hann var handtekinn skömmu
síðar.
Hinn neitar alfarið sök. „Ég leit-
aði ekki á þessum stúlkum,“ segir
hann. Hann hafi sannarlega verið
staddur með hinum tollverðinum
á Hressingarskálanum umrætt
kvöld, en hafi engin afskipti haft
af konunum tveimur. Önnur
stúlknanna sagðist þess samt
nokkuð viss að hann væri sá sem
tekið hefði töskuna.
Aðalmeðferð fór fram í málinu
á mánudag. Mennirnir starfa ekki
lengur sem tollverðir, en annar
starfar enn hjá tollstjóraembætt-
inu við skrifstofustörf. - sh
Fyrrverandi tollverðir ákærðir fyrir brot í starfi á skemmtistað í Reykjavík:
Játar þukl en man ekki neitt
HRESSINGARSKÁLINN Konurnar voru á
dansgólfinu þegar mennirnir sýndu skil-
ríki og heimtuðu að fá að leita á þeim.
VIÐSKIPTI Seðlabankinn gaf í gær
út nýjar og hertar reglur um
gjaldeyrisjöfnuð fjármálafyrir-
tækja sem gildi taka 1. júlí.
Meginbreytingin frá fyrri reglum
er að misvægi á milli gengisbund-
inna eigna og skulda fjármálafyr-
irtækja skal mest nema 10% af
eigin fé hverju sinni en var 30%.
Lægra misvægi, sem nýju
reglurnar fela í sér, er ætlað að
draga úr áhættu og stuðla að
virkari verðmyndun gjaldeyris á
millibankamarkaði, segir í tilkynn-
ingu Seðalbankans.
Bankinn bendir á að til varnar
neikvæðum áhrifum af breyting-
um á gengi krónunnar á eiginfjár-
hlutfall geti Seðlabankinn veitt
fjármálafyrirtæki heimild til þess
að hafa sérstakan jákvæðan
gjaldeyrisjöfnuð utan við almenn-
an gjaldeyrisjöfnuð. - bih
Gjaldeyrisjöfnuður:
Seðlabankinn
herðir reglur
Marel Food Systems hf.
Birting lýsingar
Marel Food Systems hf. hefur gefið út og birt lýsingu vegna útboðs á
nýjum hlutum í félaginu og töku hinna nýju hluta til viðskipta á OMX
Nordic Exchange Iceland hf.
Nálgast má lýsinguna næstu 12 mánuði á vef Marel Food Systems hf.,
www.marelfoodsystems.com. Prentuð eintök er hægt að nálgast hjá
útgefanda, Marel Food Systems hf., Austurhrauni 9, Garðabæ.
Hinir nýju hlutir í Marel Food Systems hf. verða seldir í hlutafjárútboði,
dagana 5. og 6. júní 2008. Boðnir verða út 156.440.000 nýir hlutir í
Marel Food Systems hf. að söluverðmæti kr. 13.923.160.000. Verði
umframeftirspurn í útboðinu hefur Stjórn Marel Food Systems hf.
áskilið sér rétt til þess að fjölga þeim hlutum sem boðnir verða til sölu
í útboðinu um allt að 40.115.000 hluti. Heildarfjöldi hluta sem seldir
verða í útboðinu er því að hámarki 196.555.000 hlutir, að söluandvirði
kr. 17.493.395.000. Stefnt er að því að hinir nýju hlutir verði teknir til
viðskipta á OMX Nordic Exchange Iceland hf. eigi síðar en 18. júní 2008.
Allir hlutir í Marel Food Systems hf., þar með taldir hinir nýju hlutir, eru
í einum flokki og eru jafnréttháir. Ákveði stjórn Marel Food Systems hf.
að fjölga ekki þeim hlutum sem boðnir verða til sölu verður heildarfjöldi
hluta í Marel Food Systems hf. að hlutafjárhækkun lokinni 560.225.697
hlutir. Verði hlutum í útboðinu fjölgað að ákvörðun stjórnar, verður
heildarfjöldi hluta í Marel Food Systems hf. að hlutafjárhækkun lokinni
að hámarki 600.340.697 hlutir.
Nánari upplýsingar um útboðið og skilmála þess má finna í lýsingu
Marel Food Systems hf., sem er dagsett 4. júní 2008.
Reykjavík, 5. júní 2008.
BANDARÍKIN, AP John McCain, for-
setaefni Demókrataflokksins í
Bandaríkjunum, skoraði í gær á
Barack Obama að mæta sér á tíu
kappræðufundum víðs vegar um
Bandaríkin, þar sem almenningur
hefði tækifæri til að leggja fyrir
þá spurningar.
„Ég held að við þurfum enga
stóra viðburði sem stjórnað yrði
af fjölmiðlum, engar spurningar
frá fréttamönnum, engin spuna-
herbergi,“ sagði McCain í gær.
„Aðeins tveir Bandaríkjamenn
sem bjóða sig fram í besta landi
heims að svara spurningum frá
því fólki, sem við þurfum að vinna
traust hjá.“
Á þriðjudaginn lýsti Obama yfir
sigri í baráttunni um að verða for-
setaefni Demókrataflokksins.
Hann hafði tryggt sér nægan
meirihluta sama daginn og síðustu
prófkjör flokksins í sex mánaða
linnulausri törn lauk. Eins og spáð
var vann Obama sigur í prófkjöri
flokksins í Montana á þriðjudag-
inn, en tapaði óvænt fyrir Hillary
Clinton í Suður-Dakóta.
Hann verður fyrsti þeldökki
forsetaframbjóðandinn í Banda-
ríkjunum, en stendur nú frammi
fyrir því verkefni að fá stuðnings-
menn Clintons til þess að fylkja
liði að baki sér.
„Við skulum nú fara að starfa
saman,“ sagði hann við þúsundir
stuðningsmanna sinna í St. Paul á
þriðjudagskvöldið.
Hillary Clinton var hins vegar
ekki reiðubúin til að viðurkenna
ósigur á þriðjudaginn, heldur
ætlar hún að ráðgast við stuðn-
ingsfólk sitt næstu daga til að
ákveða framhaldið.
Ráðgjafar hennar segja að þótt
Obama hafi nú fengið stuðnings-
yfirlýsingar frá nógu mörgum
ofurfulltrúum til að tryggja sér
meirihluta, þá geti hann ekki
treyst í blindni á atkvæði þeirra.
Margir demókratar telja að hún
hafi ákveðið að bíða með yfirlýs-
ingar á meðan þrýst er á Obama
um að velja hana fyrir varafor-
setaefni sitt. Sjálf sagði Clinton á
fundi með stuðningsfólki sínu í
New York á þriðjudag að hún gæti
vel hugsað sér það, ef það gæti
hjálpað demókrötum að sigra í
forsetakosningunum í haust.
„Ég er opin fyrir því,“ sagði
hún. „Ég vil það sem ég hef alltaf
barist fyrir: Ég vil að þær nærri
18 milljónir manna sem kusu mig
njóti virðingar og að á þá verði
hlustað.“
Ættingjar Baracks Obama í
Kenía fögnuðu sigri hans ákaft í
gær.
„Það væri gott ef hann yrði for-
seti Bandaríkjanna,“ sagði stjúp-
amma hans, Sarah Hussein Obama.
„Barack gæti hjálpað okkur við að
byggja skóla í Kenía, og sjúkra-
hús, og hjálpa munaðarleysingj-
unum hér.“
gudsteinn@frettabladid.is
Obama biður
um samstarf
Barack Obama skorar nú á demókrata að standa
saman í baráttunni gegn John McCain, forsetaefni
repúblikana. McCain skorar á hann í tíu einvígi.
AÐ LOKINNI LANGRI TÖRN Barack Obama og eiginkona hans, Michelle, að lokinni
sigurræðu hans í St. Paul á þriðjudagskvöld. FRÉTTABLAÐIÐ/AP