Fréttablaðið - 05.06.2008, Blaðsíða 80

56 5. júní 2008 FIMMTUDAGUR
folk@frettabladid.is
Siggi Sigurjóns, Karl Ágúst Úlfsson og
Örn Árnason ætla að endurvekja einka-
spæjarana Harrý og Heimi. Leiksýning
verður sett upp í haust og spil gefið út um
þá félaga. Auk þess verða gamlar upptökur
gefnar út á geisladiski.
„Við tókum upp mikið af efni með þeim fyrir
Bylgjuna á sínum tíma og ákveðið hefur verið að
gefa þetta efni út á næstu vikum. Magnað efni
sem hefur staðist tímans tönn þó ég segi sjálfur,“
segir Sigurður Sigurjónsson leikari.
Ákveðið hefur verið að gefa út disk með
útvarpsefni sem hann ásamt Karli Ágústi Úlfs-
syni og Erni Árnasyni vann fyrir Bylgjuna á
sínum tíma sem fjallar um einkaspæjarana Harrý
og Heimi. Í haust ætla þeir félagar svo ásamt
Erni Árnasyni, sem verður sögumaður, að setja
upp leiksýningu sem snýst um þá Harrý og
Heimi. Hún mun heita Án landamæra.
Blaðamaður Fréttablaðsins náði tali af Sigga
Sigurjóns á golfvellinum í góðu skapi. Hann benti
vinsamlegast á að nú skipti máli að þessi frétt
yrði skrifuð af tilhlýðilegri virðingu því hann sé
nýkrýndur bæjarlistamaður Hafnarfjarðar. „Já,
ég er stoltur Hafnfirðingur,“ segir Siggi.
Útvarpsleikritið um Harrý og Heimi naut
mikilla vinsælda en það hóf göngu sína fyrir 20
árum. Og þeir hafa svo skotið upp kollinum hér og
þar til dæmis í Spaugstofunni. „Við höfum verið
að hlusta á þetta efni og verið að skemmta okkur
eins og vitleysingar yfir þessu,“ segir Siggi. Hann
telur diskinn úrvals ferðafélaga í bílnum fyrir
alla fjölskylduna í sumar. Sena kemur að útgáf-
unni og mun aðstoða við dreifingu disksins. Og
svo í haust fer upp leiksýning sem snýst um þá
leynilögreglumenn.
„Það verður leikhús þar sem allt er leyfilegt.
Það sem hefur verið óleyfilegt fram til þessa
verður leyfilegt þar. Við Karl og Örn verðum allt í
öllu, leikum og gerum það sem að sýningunni
snýr. Við lofum flugeldasýningu. Þetta er gælu-
verkefni sem hefur verið lengi í deiglunni. Hefur
haldið okkur gangandi. Nú verður flórinn mokað-
ur. Þetta er eitthvað sem verður að klára,“ segir
Siggi.
Og það stefnir í að Harrý og Heimir verði
áberandi á árinu. Því samhliða sýningunni
stendur til að gefa út sérstakt spil um þá félaga.
Sigurður Sigurjónsson segir það rétt, það sé í
pípunum en veit ekki meira um það verkefni en
að þar sé mikið lagt undir: „Þetta verður spennu-
spil og í fyrsta skipti sem slíkt verður gefið út á
Norðurlöndum.“ jakob@frettabladid.is
Harry og Heimir snúa aftur
STOLTUR BÆJARLISTAMAÐUR Siggi er nú ásamt Karli og Erni í
óðaönn við að undirbúa sýningu um þá Harrý og Heimi sem
fer upp í haust.
> MYNDI ALA UPP BÖRN Í
EVRÓPU
Lindsay Lohan segist myndu
flytja til Evrópu ef hún eignað-
ist börn. Leikkonan segist vera
hrifin af mismunandi menning-
arheimum og finnst flest Evr-
ópulöndin vera kjörinn stað-
ur til að stofna fjölskyldu. Einn-
ig er hún sannfærð um að hún
myndi tala þrjú tungumál ef
hún byggi í heimsálfunni
en ekki í Bandaríkjunum.
Í dag er heimsumhverfisdagur-
inn og Paul McCartney lætur
ekki sitt eftir liggja í baráttunni
fyrir betri heimi. Gestir á
heimasíðu hans – paulmccartn-
ey.com – geta skráð sig í
sérstakt „sýndarboð“ þar sem
bassaleikarinn er í hlutverki
gestgjafa. Jamie Oliver sér um
veitingar (uppskriftir) og þeir
sem leggja 25 dali eða meira að
mörkum til samtakanna Adopt-
a-Minefield, sem vinna að
hreinsun á jarðsprengjumeng-
uðu landi, fá að hlaða niður
glænýju lagi með Paul.
Netboð
McCartneys
„Við hjóluðum fyrst í þetta síðasta
sumar. Leigðum okkur bústað og tókum
upp fullt af lögum,“ segir tónlistarmað-
urinn Sigurjón Brink en hann ásamt
Gunnari Ólasyni úr Skítamóral vinnur
nú hörðum höndum að gerð „partí-
disks“. „Upphafið að þessu er Hverfis-
barsgiggið okkar,“ segir Sigurjón, eða
Sjonni eins og hann er kallaður. Þeir
félagar spila á Hverfisbarnum hvert
fimmtudagskvöld og hafa gert í nokkur
ár. Sjonni hefur gert það enn lengur en
hann byrjaði að spila þar ásamt
Jóhannesi Ásbjörnssyni, Idolkynni og
bankamanni með meiru. Þeir Sjonni og
Gunni spila víðar en á Hverfisbarn-
um, meðal annars fyrir fyrirtæki og
ferðamenn. „Við höfum oft verið
spurðir af útlendingum sem eru að
bóka okkur hvort þeir geti fengið að
heyra eitthvað með okkur. Þetta er
ekki síst hugsað til þess,“ segir Sjonni
og kemur með góða samlíkingu. „Ef
maður væri að bóka trúbador í Litháen
sem á að kunna á gítar, þá segir það
voða lítið. Betra ef hann hefði tekið
eitthvað upp,“ segir hann. Sjonni segir
óráðið hversu stór í sniðum útgáfan
verður. „Við ætlum bara að byrja á því
að setja lögin inn á myspace-síðuna
okkar og leyfa fólki svolítið að velja,“
segir Sjonni „Við byrjum bara á að
prenta diskana sjálfir og svo sjáum við
til hvort þetta verði alvöru útgáfa.“
Á dögunum tóku þeir svo upp tvö
kvöld á Hverfisbarnum með mynd-
bandsupptökuvélum og fyrsta flokks
hljóði og útilokar Sjonni ekki að DVD
diskur með þeim upptökum muni verða
í boði þegar fram líða stundir. Lög
Sjonna og Gunna má finna á myspace.
com/sjonnigunni
- shs
Taka upp partíplötu
SJONNI OG GUNNI Hverfisbarsgiggin skila sér
á disk.
TAKTU ÞÁTT!
7. JÚNÍ 2008
SJÓVÁ KVENNAHLAUP ÍSÍ
Strandgötu 43 | Hafnarfirði
Sími 565 5454