Fréttablaðið - 05.06.2008, Blaðsíða 42
[ ]Fæturnir okkar eru viðkvæmir fyrir sveppasýkingum. Í sumar þegar við erum meira berfætt og förum oftar í sund en ella þarf að fylgjast vel með iljunum og tánum okkar og grípa strax inn í ef sýking gerir vart við sig.
Salt í grautinn
MARGIR ERU AFAR SÓLGNIR Í SALT
EN OF MIKIL SALTNEYSLA GETUR
VERIÐ VARASÖM.
Ekki aðeins þeir
sem þjást af of
háum blóðþrýst-
ingi þurfa að
huga að salt-
neyslu. Of mikið
salt getur nefni-
lega verið slæmt
fyrir alla. Það veld-
ur vökvasöfnun í líkamanum sem
getur komið fram í svima, appels-
ínuhúð og bjúg. Salt getur einnig
hindrað nýtingu ýmissa næringar-
efna í fæðunni. Ekki er mælt með
því að borða meira en 5 grömm af
salti á dag og vilji maður minnka
neysluna er ekki nóg að hætta að
salta matinn. Saltið leynist nefni-
lega víða, til dæmis í unnum mat-
vælum, smurostum, morgunkorni
og tilbúnum réttum.
Svimi getur stafað af miklu salti.
NORDIC PHOTOS/GETTY
Kvennahlaup Sjóvá verður
haldið í nítjánda sinn næst-
komandi laugardag. Sigríður
Sigurjónsdóttir ætlar ekki að
láta sig vanta.
Slagorð Kvennahlaups Sjóvár í ár
er heilbrigt hugarfar, hraustar
konur og liturinn fjólublár, en nýr
litur er valinn á boli hlaupsins
árlega.
Fjölmennustu hlaupin eru í
Garðabæ og Mosfellsbæ, en hlaup-
ið er um allt land sem gerir þenn-
an íþróttaviðburð áberandi. Í fyrra
tóku um fimmtán þúsund konur
þátt í hlaupinu.
Sigríður Sigurjónsdóttir, nemi
og starfsmaður í ráðstefnumót-
tökunni á Grand Hótel, ætlar að
hlaupa í Kvennahlaupinu á laugar-
daginn og er það í þriðja sinn sem
hún tekur þátt. Hún ætlar að
hlaupa ásamt nokkrum bekkjar-
systrum sínum úr MPM, meistara-
námi í verkefnastjórnun við
Háskóla Íslands.
„Við unnum verkefni í vetur
sem tengist Kvennahlaupinu. Við
gerðum verk- og markaðsáætlun
fyrir hlaupið og reyndum að koma
með nýjar hugmyndir sem gætu
nýst í markaðsetningu hlaupsins á
komandi árum,“ útskýrir Sigríð-
ur.
Sigríður hefur ekki æft sérstak-
lega fyrir hlaupið en hún gengur
með saumaklúbbnum sínum að
meðaltali einu sinni í viku.
Yngri systir Sigríðar dró hana
upphaflega með sér í Kvenna-
hlaupið og Sigríður sér ekki eftir
því. „Það er þessi samstaða kvenna
sem maður upplifir í Kvenna-
hlaupinu sem er svo ánægjuleg.
Andrúmsloftið í hlaupinu er alveg
sértakt,“ segir Sigríður.
Sú nýjung varð á í fyrra að
konur gátu sent inn myndskeið
sem tengdist hlaupinu. Mikið var
sent inn af skemmtilegu efni.
Dregið er úr þeim nöfnum sem
send eru inn og vinningurinn er
dekur fyrir átta manns. Í hlaupinu
í ár verður tekin í notkun ný teg-
und hlaupabola úr þægilegu efni.
Til að skrá sig í hlaupið þarf ein-
ungis að kaupa sér bol og borga
skráningargjald sem er þúsund
krónur. Bolirnir eru seldir á lík-
amsræktarstöðvum og í helstu
íþróttavöruverslunum.
Í boði er að hlaupa 2,5 eða 10
kílómetra. Nánari upplýsingar um
hlaupastaði og skráningu má finna
á www.sjova.is.
klara@frettabladid.is
Samstaðan ánægjulegust
Sigríður Sigurjónsdóttir tekur nú þátt í hlaupinu í þriðja sinn.
Mikil stemning hefur verið í Kvennahlaupinu síðustu ár.
Heilsustofnun Náttúrulækn-
inga félags Íslands í Hveragerði
býður upp á rólegt sumarfrí.
Náttúrulækningafélag Íslands,
sem rekur Heilsustofnunina í
Hveragerði, var stofnað árið árið
1939.
Jónas Kristjánsson læknir var í
forsvari fyrir þetta frumkvöðla-
starf og var stofnun heilsuhælis
frá upphafi aðaláhugamál náttúru-
lækningamanna. Heilsuhælissjóð-
ur var stofnaður árið 1944 en varð
að veruleika rúmum tíu árum
síðar og hóf starfsemi 24. júlí árið
1955. Boðið er upp á tvo valkosti
við dvöl á Heilsustofnun Náttúru-
lækningafélags Íslands, HNLFÍ.
Annars vegar læknisfræðilega
endurhæfingu og hins vegar hvíld-
ar- og hressingardvöl. Til að kom-
ast í læknisfræðilega endurhæf-
ingu, sem er að stórum hluta
niðurgreidd af ríkinu, þarf tilvís-
un frá lækni. Innifalið er öll með-
ferð, gisting og fullt fæði ásamt
allri annarri þjónustu. Dvalargest-
ir hafa frían aðgang að sundlaug
og æfingasal á auglýstum tímum
auk almennrar dagskrár. Hins
vegar er boðið upp á heilsueflingu
fyrir þá sem vilja koma til hvíldar,
hressingar og til að efla heilsuna
vegna forvarna eða til að temja
sér nýjan lífsstíl. Gesturinn ber
allan kostnað sjálfur við slíka dvöl
og þá er ekki þörf á tilvísun frá
lækni. Sérstök áhersla er lögð á
heilnæmt mataræði við stofnun-
ina, auk þess sem aðgangur er að
lækni, sjúkraþjálfun, snyrtistofu
og hárgreiðslustofu. Einnig eru í
boði stakar meðferðir eins og nála-
stungur, heilsubað, sjúkranudd og
leirbað. Sjá allar frekar upplýs-
ingar á www.hnlfi.is. - rh
Hvíld og ró í sumar
Sundlaugin er opin
fyrir alla gesti við
Heilsustofnun Náttúru-
lækningafélags Íslands í
Hveragerði. FRÉTTABLAÐIÐ/VALLI
Taktu hjólið með
- settu það á toppinn.
www.stilling.is // stilling@stilling.is
Skeifan 11, 108 Reykjavik | Bíldshöfði 12, 110 Reykjavík | Smiðjuvegur 68, 200 Kópavogur
Dalshraun 13, 220 Hafnarfjörður | Draupnisgata 1, 600 Akureyri
Eyrarvegur 29, 800 Selfoss. | Sími: 520-8000
Allar upplýsingar um er að finna á
vef Stillingar www.stilling.is
THULE ProRide 591
Einfaldar og stílhreinar hjólafestingar.
Auðveldar í notkun.
THULE OutRide 561
Fyrir þá sem eru vanir. Hjólið fest í framgaflinum.