Fréttablaðið - 05.06.2008, Side 89

FIMMTUDAGUR 5. júní 2008 65
HANDBOLTI Útlit hornamannsins
Alexander Petersson vekur mikla
lukku hjá hinum strákunum í
landsliðinu þessa dagana.
Félagi Alexanders hafði skorað
á hann að vera með yfirvarar-
skegg, eða hormottu eins og menn
vilja kalla það, ef Íslandi tækist að
komast á Ólympíuleikana.
Þar sem markmið landsliðsins
náðist þarf Alexander að vera með
mottuna góðu í tvær vikur og má
ekkert eiga við hana.
Hann mun því skarta mottunni
myndarlegu þegar síðari leikur
Íslands og Makedóníu fer fram
um aðra helgi í Höllinni.
Það verður síðasta tækifæri
landans að sjá Alex með mottuna
því hann sagðist aðspurður ekki
vera spenntur fyrir því að halda
þessu útliti til frambúðar og hann
stórefaðist einnig um að konan
hans myndi hvetja sig til þess að
halda mottunni. - hbg
Útlitsbreytingar á Alexander Petersson eftir Póllandsförina:
Kominn með myndarlega mottu
FLOTTUR Alex tekur sig vel út með nýja
yfirvararskeggið. FRÉTTABLAÐIÐ/HBG
KÖRFUBOLTI Lokaúrslit NBA-deild-
arinnar hefjast í nótt þegar Bos-
ton Celtics tekur á móti Los Angel-
es Lakers. Þarna fara tvö
sigursælustu félög NBA-sögunnar
og þau eru að fara að mætast í
fyrsta sinn síðan þau háðu sígild
einvígi sín á níunda áratugnum.
Það er enginn búinn að gleyma
baráttu Larry Bird og Magic John-
son og nú þegar liðin mætast aftur
eftir 21 árs bið vonast allir eftir að
draumaúrslitin standi undir vænt-
ingum. Þetta er í ellefta skipti sem
Boston og Lakers mætast í lokaúr-
slitum NBA-deildarinnar og þó að
Boston hafi unnið átta af þessum
tíu skiptum þá benda menn á það
að Lakers hefur unnið í tvö síðustu
skiptin (1985 og 1987).
Phil Jackson, þjálfari Los Ang-
eles Lakers, getur orðið fyrsti
þjálfarinn til þess að gera tíu lið
að meisturum og með því myndi
hann bæta afrek Red Auerbach
sem gerði Boston 9 sinnum að
meisturum.
Þrátt fyrir að Boston sé
með heimavallarréttinn spá
flestir spekingar að Los
Angeles Lakers muni
vinna. Á heimasíðu
ESPN spá níu af tíu
spekingum Lakers
sigri og aðeins tveir
þeirra telja að liðið
þurfi fleiri en sex leiki
til þess að tryggja sér
titilinn.
Þetta hefur verið
tímabilið hans Kobe
Bryant sem hefur bæði
unnið stóra sigra innan
sem utan vallar þar sem
hann hefur lagað ímynd
sína mikið. Bryant
hefur leikið mjög vel í
úrslita-
keppn-
inni og
margsannað
að það er enginn betri í
að klára leiki en einmitt
hann.
Boston vann báða leiki lið-
anna í vetur með 16 stigum
að meðaltali en spænski
miðherjinn Pau Gasol var
ekki með í þessum leikj-
um. Það er einkum inn-
koma hans í Lakers-liðið
sem hefur gert liðið svona
gríðarlega sterkt. Gasol er
mjög óeigingjarn í sókninni
og hann og Bryant ná mjög
vel saman.
Boston-liðið hefur sýnt á
sér veikleikamerki í
úrslitakeppninni til þessa
og þeir unnu ekki útileik
fyrr en í úrslitaeinvígi Aust-
urdeildarinnar á móti Detroit.
Fyrsti leikurinn fer fram í Bos-
ton klukkan eitt í kvöld og liðin
mætast síðan aftur á sama stað á
sunnudagskvöldið áður en liðin
flytja sig yfir til Los Angeles. Það
þarf fjóra sigra til að verða NBA-
meistari. - óój
Lokaúrslit NBA-deildarinnar hefjast í kvöld og verða í beinni á Stöð2 Sport:
Flestir spá Lakers NBA-titlinum
GEFUR ALLT SITT Kevin Garnett hefur
leikið vel með Boston. NORDICPHOTOS/GETTY
SÁ BESTI Kobe Bryant hjá Lakers treður hér
í körfuna með miklum tilþrifum.
NORDICPHOTOS/GETTY
TÍUNDI Á LEIÐINNI? Phil
Jackson getur búið til
NBA-meistara í 10.
sinn.
NORDICPHOTOS/GETTY
FERÐAST ÞÚ MEÐ
GÖMUL DEKK
Í EFTIRDRAGI?
Nú eru ferðadagar hjá N1. Þú færð ný dekk
fyrir hjólhýsið, fellihýsið eða tjaldvagninn
hjá Hjólbarðaþjónustu N1.
Viðskiptakortshafar fá 25% afslátt af dekkja-
skiptingunni á hjólhýsum, fellihýsum og tjaldvögnum
þegar þeir kaupa umgang af nýjum dekkjum.
25%
afsláttur af
dekkjaskiptingu!
F ll úl 24 Ré hál i 2 Æ i íð 102 L 1
N1 HJÓLBARÐAÞJÓNUSTA, SÍMI 440 1000.