Fréttablaðið - 05.06.2008, Blaðsíða 76

52 5. júní 2008 FIMMTUDAGUR
Eftir nokkrar magrar framtíðarmyndir með Will Smith þar
sem hann berst við óargadýr og vélmenni um yfirráðin á
jörðinni eru aðdáendur vísindaskáldskapar (e. science fict-
ion, eða Sci-Fi) orðnir langeygir eftir einhverju af viti úr
þessum geira. Frétt Empire af næsta verkefni Ridley Scott
hefur orðið þess valdandi að þessir nirðir eru margir hverjir
búnir að opna einn bjór og skála í tilefni dagsins, því Scott
upplýsir í samtali við tímaritið Eclipse Magazine að næsta
mynd hans verði einmitt slík mynd. „Ég er búinn að bíða
eftir þessari bók í tuttugu ár og fer í að gera kvikmynd eftir
henni þegar við erum búnir með Hróa Hattar-myndina sem
ég er að gera núna með Russell Crowe,“ sagði Scott, sem
vildi þó ekki gefa upp hvaða bók þetta væri.
Þessar fréttir eru slík gleðitíðindi fyrir þessa gerð kvik-
mynda að blaðamaður Empire ræður sér vart fyrir kæti.
Og ekki nema von. Scott er snillingur í að gera drunga-
lega framtíðarsýn og mönnum nægir að leigja sér Blade
Runner til að sannfærast um snilli leikstjórans. Sé hún
ekki nóg mælir Empire með því að næstu fimm klukku-
stundum verði varið í áðurnefnda Blade Runner og Alien
og þá hljóti menn að vera reiðubúnir til að fallast á alhæfingar
Empire-tímaritsins: Ridley Scott
sé einfaldlega bestur
þegar komi að Sci-
Fi.
Ridley Scott til bjargar Sci-Fi>INDVERSKA UNDRABARNIÐ Nýjasta kvikmynd M. Night Shyamal-
an verður frumsýnd um helgina.
Að þessu sinni er það heimsendir
sem er Shyamalan hugfólginn í The
Happening með Mark Wahlberg.
Af öðrum frumsýningum má nefna
Zohan með Adam Sandler
og 88 minutes með Al
Pacino.
bio@frettabladid.is
RIDLEY SCOTT Aðdá-
endur Sci-Fi eru ákaf-
lega spenntir yfir yfirlýs-
ingum Ridley Scott um
að hann ætli að snúa
sér aftur að þessari
gerð kvikmynda.
Guy Ritchie, maðurinn hennar
Madonnu, ætlar að leik-
stýra kvikmynd um Sher-
lock Holmes, þekktustu
persónu Arthur Conan
Doyle. Ritchie hefur
hingað til verið hug-
fanginn af breskum
durgum og óþjóða-
lýð en ætlar nú að
snúa frá villu vegar
og fjalla um glæpi
frá hinni hliðinni.
Að sjálfsögðu ligg-
ur myndasaga til
grundvallar en það
þykir væntanlega tíð-
indum sæta að hún er ekki eftir
Frank Miller heldur Lionel Wigram.
Sú á að reisa þessa goðsögn upp
á afturlappirnar með aðeins
meiri hasar og spennu en
aðdáendur Holmes eiga að
venjast. Gert er ráð fyrir
því að Holmes og Watson
snúi aftur á hvíta tjaldið
árið 2010.
Holmes vaknar
HOLMES NÆSTUR Guy
Ritchie ætlar að spreyta sig
á Sherlock Holmes, frægustu
persónu Arthur Conan Doyle.
Madonna fær vonandi ekki
hlutverk í myndinni.
Matt Damon hefur fallist á að
leika ruðningskappa á móti
Morgan Freeman í kvik-
myndinni The Human Fact-
or eftir Clint Eastwood. Sam-
starf Freemans og Eastwoods
hefur oft leitt af sér gullnar
styttur og þakkarræður í
Kodak-höllinni og því
skyldi enginn úti-
loka þótt Damon
fetaði í fótspor
Hillary Swank
sem fékk Óskar
fyrir leik sinn í
Million Dollar
Baby.
Damon hefur
vart undan að
anna eftirspurn
í draumaverksmiðjunni. Hann er
nýbúinn að leika í Green Zone í
leikstjórn hins magnaða Pauls
Greengrass en hún fjallar um
græna svæðið í Bagdad.
Myndin er byggð á bókinni
Imperial Life in the Emerald
City sem vakið hefur mikla
athygli. Þá er Damon að
leika í The Informant
undir stjórn Stevens
Soderbergh þannig að
hann ætti að geta átt
fyrir salti í grautinn
næstu mánuði.
Damon önnum kafinn
Á FULLU Þrjár myndir
eru væntanlegar með
Matt Damon á einu ári.
Stúlkurnar í Beðmálunum
áttu í fullu tré við hinn
roskna Indiana Jones sem
sannar hið fornkveðna
að fátt þykir konum jafn
skemmtilegt og að láta sig
dreyma í kvikmyndasöl-
unum. Fréttablaðið leitaði
eftir „bestu stelpumynd-
um“ sögunnar og þrátt
fyrir að listinn sé síður en
svo fullkominn gefur hann
hugsanlega vísbendingu um
hvernig kvikmyndafram-
leiðendur geta malað gull.
Hægt er að skipta „stelpu-mynd-
um“ upp í nokkra flokka. Gróflega
væru það dansmyndir, söngva-
myndir, rómantískar myndir, stíl-
iseraðar myndir og dramatískar
myndir. Þegar fyrsti flokkurinn er
tekinn í gegn kemur í ljós að ekki
er um neinn sérstaklega auðugan
garð að gresja. Hiphopp-dans-
myndirnar hafa ekki notið neinnar
sérstakrar hylli og dansmyndir
áttu helst upp á pallborðið í kring-
um 1940 og 1950 þegar Fred
Astaire og Ginger Rogers dönsuðu
sig í gegnum lífið. En árið 1987
breyttist allt þegar Patrick Swayze
sýndi ballett-fimi sína í djörfum
dansi með Jennifer Grey. Og allar
strákarnir urðu að gjörasvovel að
kynna sér allt um fótafimi
Swayzes. Heyra mátti saumnál
detta, jafnvel ekkasog á sumum
sýningunum þegar Baby og
Johnny tóku síðasta dansinn.
Swayze átti reyndar hug og hjörtu
kvenþjóðarinnar þetta stutta tíma-
bil því ófáar stúlkurnar dreymdi
um að leika eftir senuna í Ghost.
Glamúrgellur og vændiskonur
En Dirty Dancing og Ghost eru
börn síns tíma og þótt sumar
stelpur leigi sér hana í einhverju
„flippi“ þá komast þær fljótlega í
raun um að allar ’80-myndir eru
hvorki fugl né fiskur. Hins vegar
hefur Breakfast at Tiffany’s með
Audrey Hepburn verið meðal
kvenþjóðarinnar frá því að hún
var frumsýnd árið 1961. Þar gaf
Hepburn hinum víðfræga svarta
kjól eilíft líf og hvítu hanskarnir
og munnstykkið fengu að fylgja
með. Slíkur er áhrifamáttur
myndarinnar að stelpur byrjuðu
að reykja eftir upplifun sína af
henni. Skemmtistelpan og sendi-
tíkin Holly Golightly er þó ekki
eina glamúrgellan sem stelpur
hafa hrifist af og elskað.
Árið 1990 tók Julia Roberts
heiminn með trompi þegar hún
brá sér í líki Vivian Ward, hórunn-
ar sem heillar auðkýfinginn
Edward Lewis upp úr skónum.
Pretty Woman er í raun nútíma
Öskubuskusaga þar sem Gere
kemur ríðandi á svartri limmós-
ínu í lokin og þau lifa hamingju-
sömu lífi það sem eftir er. Ward
birtist kvikmyndahúsagestum
sem stolt kona en það reyndist
Lewis jafnframt auðvelt að töfra
hana til sín með háum ávísunum í
frægustu tískuhús New York-
borgar. Slíkar dekurrófur eru
ekkert síður vinsælar hjá konum
og frægasta dæmið um það er
vafalítið Scarlett O’Hara í Gone
with the Wind. Eflaust þyrfti að
múta hverjum og einasta karlpen-
ingi með dýrindis nautasteik og
knattspyrnuleik ef hann ætti að
horfa á þessa fjögurra tíma kvik-
mynd þar sem logandi Suðurríkja-
hitinn og rafmagnað samband
Rhetts og Scarlett umlykur allt.
Sem betur fer geta konur gert
tvennt í einu, ólíkt körlunum, og
þær eiga því fremur auðvelt með
að þola þessa hádramatísku
mynd.
Jafnréttisbarátta
En konur elska ekki bara ein-
hverjar draumsýnir, slóttugan
Clark Gable, vændiskonu í New
York og svartklædda Audrey
Hepburn. Þeim þykir líka ákaf-
lega gaman þegar kvikmyndir
gera raunverulegu hlutskipti
þeirra góð skil og lýsa jafnvel
baráttu þeirra fyrir jafnrétti.
Working Girl með Sigourney
Weaver og Melanie Griffith lýsti
vel því erfiða hlutskipti sem
fylgdi því að vera útivinnandi
kona í harðnandi heimi á níunda
áratugnum þar sem Gordon
Gekkóar réðu yfir Wall Street.
The Color Purple með Opruh Win-
frey er jafnframt sterk og hefur
haft mikil áhrif á kvennabaráttu
um allan heim.
Konum þykir ekkert síður fynd-
ið þegar gert er grín að veikleik-
um þeirra, tiktúrum og öllum
þessum skrítnum hlutum sem
karlmenn skilja hvorki upp né
niður í. Bridget Jones (fyrsta
myndin) er eflaust skýrasta
dæmið um það. Bók Helen Field-
ing hafði selst í bílförmum og
Renée Zellweger þótti fara vel
með hina sérlunduðu og sein-
heppnu Jones. Ekki skemmdi
fyrir að allar konur töldu sig eiga
sitthvað í Bridget Jones, áhyggj-
um hennar og óstjórnlegri hrifn-
ingu af „vonda“ stráknum.
Þegar allt kemur til alls þá er
til sægur af stelpumyndum. Kvik-
myndagerð þar sem karlar standa
hreinlega á öndinni yfir hrifningu
konunnar og skilja ekkert í spúsu
sinn. Rétt eins og þegar konur
undra sig á því þegar karlinn
heldur að Toyota Corolla-bifreið-
in hafi umbreyst í Aston Martin
og húsbóndinn er farinn að tala
með enskum hreim um Dry Mart-
ini.
freyrgigja@frettabladid.is
Frá O‘Hara til Bridget Jones
EKTA KONA Bridget Jones þótti einstak-
lega vel heppnuð stelpumynd því konur
sáu öllu sín vandamál birtast í einni og
sömu konunni.
FRÆGUR KJÓLL Þessi klæðnaður Audrey
Hepburn hefur birst ófáum konum í
draumi og þær geta horft á Breakfast at
Tiffany‘s aftur og aftur vegna hans.
ELDHEITT SAMBAND „This is an honorable proposal of marriage made at what I
consider a most opportune moment,“ sagði Rhett við Scarlett, sem brást ókvæða
við. Ein mesta og lengsta stelpumynd sögunnar.
Vi
nn
in
ga
r v
er
ða
a
fh
en
di
r h
já
B
T
Sm
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
1
49
k
r/
sk
ey
tið
.
HVER VINNUR!
9.
SENDU SMS BTC LT
B
Á NÚMERIÐ 1900
OG SVARAÐU EINNI SP
URNINGU OG ÞÚ GÆTI
R UNNIÐ!
AUKAVINNINGAR: TÖLV
ULEIKIR OG DVD MYNDI
R OG FLEIRA
LENDIR 6. JÚNÍ!