Fréttablaðið - 05.06.2008, Blaðsíða 20
20 5. júní 2008 FIMMTUDAGUR
nær og fjær
„ORÐRÉTT“
„Við erum að berja saman lögin fyrir nýju plötuna,“ segir Georg
Kári Hilmarsson, bassaleikari í Sprengjuhöllinni, en þeir félagarnir
æfa stíft þessa dagana. „Við æfum upp á hvern dag.“ Nýja platan
kemur líklega út í október. „Ég er sannfærður um að fólk verður
ánægðara með hana en þá fyrri. Fólk mun sjá þróaðri og betri
Sprengjuhöll.“
Strákarnir eru nýkomnir úr vel heppnaðri tónlistarferð um
Kanada og Bandaríkin, þar sem þeir spiluðu meðal annars á
Vestur-Íslendingahátíðinni Nú/Now í Winnipeg og á skemmti-
staðnum El Mocambo í Toronto, þar sem Rolling Stones tóku
upp plötuna Love You Live.
„Það er þó erfitt að lifa aðeins á því að vera tónlistarmaður,“
segir Georg sem selur einnig auglýsingar fyrir Viðskiptablaðið.
Georg tók á sínum tíma þátt í Morfís-ræðukeppninni fyrir
Menntaskólann við Hamrahlíð, keppti fimm sinnum og þjálf-
aði síðar ræðulið skólans í tvö ár. Óvíst er um framhaldið í þeim
efnum: ,,Ég er búinn að vera í Morfís detoxi undanfarið.“ Hann dæmdi
þó fyrstu Morfís-keppnina í vetur og var ánægður með reynsluna. „Hver
veit nema maður taki aftur að sér þjálfun?“
HVAÐ ER AÐ FRÉTTA? GEORG KÁRI HILMARSSON TÓNLISTARMAÐUR
Hleypur hálfmaraþon
Í Tennishöllinni í Kópavogi er öflug
starfsemi og verður fjöldinn allur af
námskeiðum í sumar, bæði fyrir börn
og fullorðna. Fjölmargir þjálfarar
starfa á námskeiðunum. Þeirra á með-
al eru fjórir erlendir þjálfarar, sem
þó eru búsettir á Íslandi, frá Svíþjóð,
Marokkó, Rússlandi og Brasilíu.
„Ég hef spilað tennis frá því ég var þriggja
ára,“ segir Soumia Islama, einn þjálfaranna í
Tennishöllinni. Hún er frá Marokkó en hefur
búið á Íslandi undanfarin átta ár. „Ég keppti á
mótum í útlöndum og var eins konar atvinnu-
maður. Ég kenndi líka tennis í Marokkó áður
en ég kom hingað,“ segir hún. „Ég kenndi
tennis í Svíþjóð en byrjaði aftur að kenna
þegar ég flutti hingað fyrir fimmtán mánuð-
um,“ segir Yousef Sheikh frá Svíþjóð, sem
einnig þjálfar í Tennishöllinni. Þau tala bæði
íslensku og segja tenniskennsluna hafa
hjálpað þeim við að læra. „Maður lærir af því
að þufa að tala við börnin,“ segir Soumia og
Yousef bætir því við að þar sem hann vinni í
skóla hafi hann þurft að læra að tala við
krakkana þar líka.
Yousef og Soumia eru sammála um að mik-
ilvægt sé að læra tungumálið í því landi sem
búið er í. „Eftir að ég lærði íslensku fannst
mér ég taka miklu meiri þátt í öllu, og vera
meiri hluti af þjóðfélaginu hér,“ segir Soum-
ia.
Fyrir utan venjuleg námskeið í Tennishöll-
inni verður í sumar boðið upp á helgarnám-
skeið fyrir byrjendur. Innifalið í námskeið-
inu er tíu tímar í tennis og hádegisverður á
veitingastaðnum Nítjándu í turninum í
Smáranum.
Bæði segja þau Soumia og Yousef að
tennisiðkun sé öðruvísi á Íslandi en þau eigi
að venjast í heimalöndum sínum. „Það er lítil
tennismenning hér á landi,“ segir Soumia en
bætir því við að fjöldi námskeiða og bygging
Tennishallarinnar hafi verið stórt skref í
rétta átt. thorunn@frettabladid.is
Reyna að bæta tennismenninguna
TENNISHÖLLIN Í KÓPAVOGI Yousef Sheikh er einn erlendu þjálfaranna í Tennishöllinni. Að auki eru þrjár konur,
Soumia Islami, Anna Podolskaia og Carola Frank Aðalbjörnsson. Þau eru öll búsett á Íslandi. FRÉTTABLAÐIÐ/ANTON
Leikskólinn Krakkakot á Höfn í
Hornafirði var í síðustu viku við-
urkenndur sem heilsuleikskóli.
Unnur Stefánsdóttir, formaður
Samtaka heilsuleikskóla, afhenti
starfsfólki viðurkenningarskjal,
við mikinn fögnuð krakkanna.
Markmið heilsuleikskóla er að
stuðla að heilsueflingu leikskóla-
samfélagsins með áherslu á nær-
ingu, hreyfingu og listsköpun í
leik.
Snæfríður Magnúsdóttir, leik-
skólastjóri á Krakkakoti, segir
viðurkenninguna vera mjög
ánægjulega. „Við höfðum ómeð-
vitað stefnt að þessu og vantaði í
raun lítið upp á að ná þessu. Við
höfðum lagt ríka áherslu á heilsu-
eflingu í okkar starfi,“ segir hún.
Mikil áhersla er lögð á hreyf-
ingu samkvæmt stefnunni og
krakkarnir fá reglulega tíma í
íþróttahúsi bæjarins. Þá er rík
áhersla á hollt mataræði.
„Þá erum við bara að ræða um
hollan, venjulegan heimilismat,“
segir Hulda Björk Svansdóttir
leikskólakennari. „Þetta er engin
öfgastefna í mataræði, en við
gefum mikið af ávöxtum og notum
lítið af harðri fitu. Við hættum til
dæmis að vera með morgunmat og
gefum ávaxtabita aðeins síðar í
staðinn.“
Allir krakkarnir fá heilsubók og
í hana eru upplýsingar um þroska
og mataræði skráðar. - kóp
Krakkakot á Höfn í Hornafirði fær viðurkenningu:
Ávextir og hreyfing
STARFIÐ VIÐURKENNT Hulda Björk, Snæfríður og krakkarnir eru öll ánægð með
viðurkenninguna. FRÉTTABLAÐIÐ/ANTON
Megum engan hvítan
missa.
„Þetta var ljótt. Ekki það sem
við Íslendingar þurfum á
þessum dökku tímum.“
VIÐAR GUÐJOHNSEN, UNGUR
FRJÁLSLYNDUR, UM DRÁPIÐ Á
HVÍTABIRNINUM.
Innrás pylsugerðar-
mannanna?
„Já, síðan pylsan var tekin af
mér til förgunar finnst mér ég
vart hafa þverfótað fyrir inn-
fluttu ósoðnu kjöti og pylsum
í ýmsu ástandi.“
SVANFRÍÐUR JÓNASDÓTTIR BÆJAR-
STJÓRI MÁTTI EKKI FLYTJA PYLSU TIL
LANDSINS.
„Mér fannst nú
menn ganga
dálítið hratt til
verks,“ segir
Ísólfur Gylfi
Pálmason,
sveitarstjóri í
Hrunamanna-
hreppi, um
drápið á ísbirnin-
um í Þverárhlíð
í Skagafirði á
þriðjudaginn. „Hins vegar voru þetta
flóknar aðstæður. Það var talað um
þoku og að menn væru hræddir
um að týna ísbirninum í þokunni en
þegar sjónvarpsmyndavélin sýndi
heiðarnar sá ég ekki mikla þoku.
En auðvitað vita allir að ísbirnir
eru hættuleg dýr og þá þarf að
umgangast af mikilli varúð. Menn
myndu hlaupa upp til handa og fóta
ef ísbjörninn réðist á manneskjur
svo það er erfitt að taka afstöðu í
svona máli. En mér fannst þeir vera
býsna fljótir að drepa ísbjörninn og
ég hefði kosið að menn hefðu ekki
flýtt sér alveg svona mikið.
Ég er alveg viss um að ef sambæri-
legt mál kemur upp aftur munum
við standa öðruvísi að því.“
SJÓNARHÓLL
ÍSBJÖRNINN FELLDUR
Of fljótir að
fella dýrið
ÍSÓLFUR GYLFI
PÁLMASON Sveitar-
stjóri Hrunamanna-
hrepps.
■ Hvítabjörninn er stærsta
núlifandi rándýr sem fyrirfinnst
á landi. Hann er um tvisvar sinn-
um þyngri en Síberíutígrar og
ljón. Flest karldýrin eru um 400
til 600 kíló að þyngd, en geta
náð allt að 800 kg þyngd.
Kvendýrið (sem kallað er
birna) er um helmingi minna en
karldýrið eða um 200 til 300 kg.
Afkvæmi bjarna nefnast húnar
og vega um 600 til 700 grömm
við fæðingu.
Gagnstætt skógarbirni frænda
sínum er
ísbjörn algert
rándýr. Hann
lifir nær
einungis á
kjöti.
HVÍTABJÖRN:
ALGERT RÁNDÝR