Fréttablaðið - 08.06.2008, Side 6

6 8. júní 2008 SUNNUDAGUR
DÓMSMÁL Karlmaður hefur verið
dæmdur í 30 daga fangelsi fyrir
að stela búnaði frá vinnuveitanda
sínum, Íslenskum aðalverktökum,
og senda til heimalands síns,
Póllands. Dómurinn er skilorðs-
bundinn.
Auk vinnufatnaðar stal
maðurinn slípirokk, smíðabelti,
kíttisbyssu, hníf, byssu á lofts-
löngu, dúkahnífum, tommustokk,
tússpennum, tréblýöntum og
límbandsrúllum, auk fleiri áhalda.
Auk þessa fannst slatti af
vinnuhönskum, hurðarhúnasett
og fleira, einnig frá ÍAV, við
húsleit hjá manninum. Hann
játaði sök. - jss
Þrjátíu daga fangelsi:
Stal búnaði og
sendi heim
NOREGUR, AP Norsk stjórnvöld
hafa í nokkur ár með leynd reynt
að miðla málum milli Kína-
stjórnar og Dalaí Lama, hins
andlega leiðtoga Tíbeta. Norska
dagblaðið Verdens Gang skýrði
frá þessu.
Fulltrúar Noregs hafa átt
fundi ýmist með kínverskum
ráðamönnum eða með Dalaí
Lama, bæði í Noregi og utan
Noregs. Kínverjar hafa þó ekki
enn viljað hitta Dalaí Lama sem
fer fyrir útlagastjórn Tíbeta á
Indlandi.
Talsmaður norska utanríkis-
ráðuneytisins vildi ekkert segja
um þessar viðræður.
Í Verdens Gang segir að
Kínverjar hafi lagt mikla
áherslu á að þær færu fram með
leynd.
- gb
Norðmenn bak við tjöldin:
Ræða við Kína
og Dalaí Lama
KÍNA Gerður Gunnarsdóttir
listakona hlaut sérstaka viður-
kenningu á úrslitakvöldi alþjóð-
legrar höggmyndasamkeppni sem
fór fram í Peking í Kína í lok maí.
Viðurkenninguna hlaut hún fyrir
verkið „To the Olympics - in Peace
and Harmony“.
Listamenn frá níutíu löndum
sendu inn ríflega 2.400 verk í
keppnina. Af þeim voru síðan 290
verk valin á farandsýningu um
Kína. - ghs
Alþjóðleg samkeppni:
Gerður fékk
viðurkenningu
VERKIÐ Gerður við verkið sitt.
GUANTANAMO, AP Khalid Sheikh
Muhammed, sem ákærður er
fyrir að hafa skipulagt árásirnar á
Bandaríkin 11. september 2001,
segist fagna dauðadómi.
„Ég vil verða píslarvottur til
langframa,“ sagði hann við réttar-
höld, sem hófust á fimmtudag í
herstöð Bandaríkjanna við Guan-
tánamo-flóa á Kúbu.
Réttarhöldin yfir Khalid Sheikh
Muhammed og fjórum öðrum
grunuðum hryðjuverkamönnum
eru mikilvægasta prófraun sér-
dómstólanna umdeildu, sem stofn-
aðir voru sérstaklega í því skyni
að dæma í málum fanga Banda-
ríkjahers á Kúbu.
Löglærðir hermenn, sem skip-
aðir voru verjendur eins sakborn-
inganna sögðu á öðrum degi rétt-
arhaldsins í gær að hinir
sakborningarnir hefðu beitt hann
þrýstingi til að hafna málsvörn
fyrir sig. Allir sakborningarnir
fimm kváðust myndu verja sig
sjálfir.
Hæstiréttur Bandaríkjanna
mun á næstu vikum kveða upp
dóm um það hvort þessir sérskip-
uðu herdómstólar standist stjórn-
arskrá Bandaríkjanna.
Khalid Sheikh Muhammed var
handtekinn í Pakistan árið 2003 og
var honum haldið með leynd í
fangelsum bandarísku leyniþjón-
ustunnar CIA þangað til hann var
fluttur til Kúbu haustið 2006. Í
febrúar síðastliðnum viðurkenndi
Bandaríkjastjórn að hann hefði
verið beittur pyntingum í yfir-
heyrslum leyniþjónustunnar. - gb
Réttarhöld hafin í herstöð Bandaríkjamanna við Guantánamo-flóa:
Höfuðpaur vill dauðarefsingu
RÉTTARHÖLD Í TJÖLDUM Í þessari tjald-
borg fara réttarhöldin fram. FRÉTTABLAÐIÐ/AP
STJÓRNMÁL Guðjón Arnar Kristjánsson, formaður
Frjálslynda flokksins, varar við því að ef atvinnuleysi
vaxi við núverandi aðstæður muni margir erlendir
innflytjendur sem hér hafa sest að, skrá sig á
atvinnuleysisbætur þar sem þær séu hærri en laun
heima fyrir.
Guðjón sagði þetta í ræðu á Landsráðsfundi
flokksins sem fram fór á Laugavatni í gær. Hann
telur að hvetja eigi til fjárfestinga og stöðva þá hörðu
lendingu sem nú stefnir í.
Þá sagði Guðjón mikla skuldaaukningu í kjölfar
lánasprengingar og verðbólgu fylgifisk innrásar nýju
einkavæddu bankanna á húsnæðismarkað. Fasteigna-
verð hafi hrunið og veð standi ekki undir ofurvöxtum
og verðtryggingu.
Formaðurinn telur að ekki eigi að fara eftir ráðgjöf
Hafró um þorskkvóta. Hann vill setja á jafnstöðuafla,
220 þúsund tonn, næstu þrjú árin. „Metum síðan
árangurinn. Ég spái því að hann verði betri en það
sem við höfum gert frá 1984 með kvótabraskkerf-
inu,“ sagði Guðjón Arnar í ræðu sinni.
Þá vill hann stöðva alla leigu og sölu á kvóta á
milli útgerða frá og með næstu áramótum og setja
lög um að aðeins ríki og sveitarfélög megi leigja
kvóta til útgerðar. Guðjón sagði leyfðan þorskafla
nú þann minnsta í 98 ár. - kóp
Guðjón Arnar varar við ásælni innflytjenda í atvinnuleysisbætur:
Varar við vaxandi atvinnuleysi
GAGNRÝNINN Guðjón Arnar Kristjánsson var mjög gagnrýn-
inn á stefnu ríkisstjórnarinnar á Landsráðsfundi Frjálslynda
flokksins. FRÉTTABLAÐIÐ/VILHELM
STJÓRNMÁL Þingmenn Sjálfstæðis-
flokks segja nauðsynlegt að
stjórnarflokkarnir endurskoði
verklag sitt í ljósi þeirra yfirlýs-
inga sem ráðherrar Samfylkingar
hafa sent frá sér. Vísa þeir þá til
yfirlýsingar Ingibjargar Sólrún-
ar Gísladóttur utanríkisráðherra
um að stjórnvöldum beri að læra
af málslyktum Baugsmálsins og
yfirlýsingar fyrir hönd allra ráð-
herra Samfylkingar um að verið
væri að fórna meiri hagsmunum
fyrir minni með því að heimila
hvalveiðar.
„Ég ætla ekkert að tjá mig efn-
islega um yfirlýsingu Ingibjargar
Sólrúnar,“ segir Kristján Þór Júlí-
usson, þingmaður Sjálfstæðis-
flokks. „En mér finnst yfirlýsing-
ar sem þessar bera það með sér
að það þurfi að slípa samstarf
stjórnarflokkana betur til.“
„Ég fæ ekki séð að það tengist
embættisfærslum Ingibjargar
Sólrúnar að vera að senda sér-
staklega frá sér yfirlýsingar
vegna eins dómsmáls,“ segir Sig-
urður Kári Kristjánsson, þing-
maður Sjálfstæðisflokks. „Þetta
er ekki eina tilfellið þar sem ráð-
herrar Samfylkingarinnar eru að
senda frá sér slíkar yfirlýsingar
og ég er sammála Kristjáni að
þetta getur ekki verið reglan hjá
ráðherrum ríkisstjórnarinnar.
Ekki fer menntamálaráðherra að
senda frá sér yfirlýsingu um
uhverfismál, svo dæmi séu tekin.
Mér finnst þetta satt að segja
óheppilegt og tel að þeir sem eiga
í hlut eigi að velta þessu fyrir
sér.“
„Það að stjórnmálamenn láti
skoðanir sínar í ljós tel ég frekar
vera heilbrigðisvottorð en tákn
um örðugleika,“ segir Lúðvík
Bergvinsson, formaður þing-
flokks Samfylkingar. „Enda er
það svo að samstarfið gengur
mjög vel og flest af því sem talað
er um í stjórnarsáttmálanum er í
undirbúningi eða þegar klára, ég
tel nær að dæma samstarfið út
frá því.“
jse@frettabladid.is
Vilja að ráðherrar
hugsi sinn gang
Þingmenn Sjálfstæðisflokks segja að ráðherrar verði að endurskoða verklag sitt
í samstarfi flokkanna eftir yfirlýsingar ráðherra Samfylkingar. Frekar að dæma
samstarfið út frá góðum árangri segir formaður þingflokks Samfylkingar.
INGIBJÖRG SÓLRÚN GÍSLADÓTTIR OG ÖSSUR SKARPHÉÐINSSON Yfirlýsingar ráðherra
Samfylkingarinnar eru óheppilegar að mati þingmanna Sjálfstæðisflokks. Þeir vilja að
þessi háttur verið tekinn til endurskoðunar. FRÉTTABLAÐIÐ/ÞÖK
KRISTJÁN ÞÓR
JÚLÍUSSON
SIGURÐUR KÁRI
KRISTJÁNSSON
LÚÐVÍK
BERGVINSSON
Á að slaka á reglum um veðmál
hér á landi?
JÁ 33%
NEI 67%
SPURNING DAGSINS Í DAG
Horfðir þú á opnunarleikinn
í Evrópukeppninni í knatt-
spyrnu?
Segðu skoðun þína á vísir.is
KJÖRKASSINN