Fréttablaðið - 14.06.2008, Blaðsíða 2
2 14. júní 2008 LAUGARDAGUR
FÓLK „Já, sennilega er þetta lengsta
brú landsins í einkaeigu,“ segir
Guðjón Júlíus Halldórsson á Fitj-
um, sem er að byggja tuttugu
metra langa brú yfir Leirvogsá.
Fitjar eru norðan Leirvogsár á
móts við flugvöllinn í Mosfellsbæ.
Þaðan er drjúgur spölur upp á
Vesturlandsveg, sem nú þarf að
fara til að komast inn í Mosfells-
bæ. Guðjón segir hvorki hægt
fyrir börn hans að hjóla né ganga
þá löngu leið vegna hættu af
umferðinni. Þá sé fjölskyldan með
hesta og vilji komast á reiðleiðir
handan árinnar.
„Brúin er hugsuð fyrir gang-
andi, ríðandi og hjólandi fólk
neðan við húsið hjá okkur. Þegar
ána leggur er ekki einu sinni hægt
að komast ríðandi yfir hana þannig
að það varð úr að fá að byggja
þessa brú,“ útskýrir Guðjón.
Fitjar tilheyra Reykjavík frá
því Kjalarneshreppur sameinaðist
höfuðborginni. Mun styttra er þó
fyrir börn á þessum slóðum að
sækja skóla í Mosfellsbæ en alla
leið upp á Kjalarnes og á nýja
brúin einmitt að greiða fyrir því
eins og öðrum erindum fjölskyld-
unnar inn í bænum.
Búið er að steypa stöpla brúar-
innar en eftir er að hlaða að henni
grjót og leggja að henni reiðveg.
Guðjón segir að gert verði hlé á
verkinu þar til laxveiðitímabilinu
ljúki í haust til að trufla ekki fiski-
gengd. „Við vonumst til að taka
brúna í notkun áður en frystir. Það
sem er annað sérstakt við þessa
brú er að hún er að ég held sú eina
á landinu sem verður með snjó-
bræðslukerfi. Það verður
skemmtilegt að sjá hvernig þetta
allt kemur út.“
Guðjón segir það hafa kostað
mikla vinnu að fá brúarsmíðina
leyfða. „Þetta er auðvitað að
mörgu leyti stórmerkilegt verk-
efni. Þetta er brú sem einkaaðilar
standa fyrir og er á milli tveggja
sveitarfélaga. Það þótti framandi
og tók hartnær þrjú ár að fá hana
samþykkta. Á endanum úthlutuðu
þeir landi undir þetta og málið er í
höfn. Nú er brúin loks komin á
stöplana og verður vonandi mörg-
um til gagns og góðs.“
gar@frettabladid.is
Það sem er annað sérstakt
við þessa brú er að hún er
að ég held sú eina á landinu sem
verður með snjóbræðslukerfi. Það
verður skemmtilegt að sjá hvernig
þetta allt kemur út.
GUÐJÓN JÚLÍUS HALLDÓRSSON
BRÚAREIGANDI Á FITJUM
Byggir 20 metra brú
fyrir fjölskyldu sína
Guðjón Júlíus Halldórsson á Fitjum reisir lengstu brú landsins í einkaeigu yfir
Leirvogsá eftir margra ára baráttu. Brúin, sem verður með snjóbræðslukerfi,
mun greiða hestafjölskyldunni á Fitjum leið inn í Mosfellsbæ.
Bergur, ertu mjög köttaður?
„Já ég er helköttaður, með gott
„herkött“ og kattliðugur.“
Bergur Ebbi Benediktsson, lögfræðingur
og söngvari Sprengjuhallarinnar, hyggst
gefa Kattholti 50 þúsund krónur sem
hann fékk til úthlutunar sem gestaritstjóri
Grapevine.
EFNAHAGSMÁL Tekjuafgangur ríkis
og sveitarfélaga nam 16,2
milljörðum króna á fyrsta
ársfjórðungi ársins. Það er um
fjórðungs samdráttur frá fyrsta
ársfjórðungi í fyrra þegar
tekjuafgangurinn nam 21,5
milljörðum. Þetta kemur fram í
Hagtíðindum Hagstofunnar.
Tekjuafgangurinn á fyrsta
fjórðungi ársins mælist 1,2
prósent af landsframleiðslu, eða
10,2 prósent af tekjum hins
opinbera.
Tekjur ríkis og sveitarfélaga
hafa vaxið um 3,2 prósent að
meðaltali milli hvers ársfjórð-
ungs frá árinu 2004. - bj
Tekjuafkoma hins opinbera:
Verri afkoma á
fyrsta fjórðungi
LÖGREGLUMÁL Rannsókn lögreglu á
pókermóti sem fram fór 16. júní í
fyrra er enn ekki lokið. Dráttur á
rannsókninni er óheppilegur, en
kemur til vegna manneklu, segir
Karl Ingi Vilbergsson, lögfræðing-
ur hjá lögreglu höfuðborgarsvæð-
isins.
„Ef þetta lægi ljóst fyrir væru
þeir löngu búnir að ákæra mig,“
segir Sindri Lúðvíksson, sem stóð
fyrir mótinu. Þar greiddu um 150
spilarar 4.000 króna þátttökugjald,
samtals um 600 þúsund krónur.
Gjaldið átti að renna óskipt í vinn-
inga. Á milli 20 og 30 sátu að spilum
þegar lögregla stöðvaði mótið.
Aðgerð lögreglu hefur ekki
stöðvað aðra í því að halda póker-
mót. Þau eru þó smærri í sniðum og
gjarnan haldin fyrir afmarkaða
hópa fólks.
Sindri var yfirheyrður í kjölfar
aðgerða lögreglu og hald lagt á
verðlaunafé og spilabúnað að and-
virði um 400 þúsund króna. Fyrir
sex mánuðum var sagt frá því í
Fréttablaðinu að lögregla hyggðist
yfirheyra Sindra öðru sinni. Karl
Ingi staðfestir að það standi til, en
hafi ekki enn verið gert.
Sindri segir málið fordæmisgef-
andi, en ekki hefur verið haldið
opinbert pókermót á höfuðborgar-
svæðinu síðan lögreglan skarst í
leikinn fyrir ári síðan. Hann hyggst
ekki standa fyrir öðru móti á meðan
á rannsókn lögreglu stendur. Þrátt
fyrir það sé hann handviss um að
engin lög hafi verið brotin með
mótinu. - bj
Lögreglan viðurkennir óheppilegan drátt á rannsókn á pókermóti fyrir ári:
Mannekla tefur rannsóknina
PÓKER Þátttakendur á pókermótinu
voru um 150 talsins. Mót með svipuðu
fyrirkomulagi hafa farið fram annars
staðar á landinu án afskipta lögreglu.
FRÉTTABLAÐIÐ/VALLI
GUÐJÓN JÚLÍUS HALLDÓRSSON Eigandi Fitja við uppsteypta einkabrú sína yfir Leir-
vogsá. Lokið verður við frágang brúarinnar eftir laxveiðitímabil sumarsins.
FRÉTTABLAÐIÐ/ARNÞÓR
PARÍS, AP George Bush forseti
Bandaríkjanna sagði í gær að
Evrópa og Bandaríkin þyrftu að
halda áfram þrýstingi í Afganist-
an og láta hryðjuverkamenn
aldrei ná þar aftur völdum.
Hann fagnaði ákvörðun
Nicolas Sarkozy að senda fleiri
hermenn til Afganistan og tók
fram að önnur Evrópulönd
þyrftu að láta meiri peninga og
herlið í baráttuna gegn hryðju-
verkum.
Forsetinn hefur verið í
opinberum heimsóknum í ýmsum
löndum Evrópu og heimsótti
páfann í gærmorgun. -vsp
Evrópuferð George Bush:
Vill meira her-
lið í Afganistan
SIMBABVE, AP Uppgjafarhermenn,
sem börðust í sjálfstæðisstríði
Simbabve gegn Bretum, munu
berjast á nýjan leik beri stjórnar-
andstaðan sigur úr býtum í
forsetakosningunum þann 27. júní.
Þetta sagði forseti landsins, Robert
Mugabe, á föstudag. Mugabe
sagðist jafnvel vera tilbúinn til að
ganga til liðs við hermennina.
Í síðustu viku var sjálfstæðum
hjálparstofnunum í Simbabve
skipað að hætta störfum. Í vikunni
var svo matarsendingu frá
Bandaríkjunum stolið og hún gefin
stuðningsmönnum Mugabes. - þeb
Uppgjafarhermenn Mugabes:
Hóta andstæð-
ingum stríði
IÐNAÐUR Vinna við umhverfismat
vegna fyrirhugaðs álvers Alcoa á
Bakka við Húsavík er hafið. Í
drögum að tillögu að matsáætlun
kemur fram að álverið verði 250
þúsund tonn.
Þar segir að fáist orka til
stækkunar geti framleiðslugetan
aukist. Fari svo verði kannað
hvort nýtt umhverfismat þurfi.
Byggingartími mun ákvarðast
af áætlunum um orkuframleiðslu.
Áformað er að hefja framleiðslu
á áli á árabilinu 2012 til 2014, háð
orkuframboði. Áætlað er að
álverið nái fullum afköstum 2015.
Hægt er að skila athugasemd-
um við drögin til 5. júlí.
- bj
Matsferli vegna Bakka hafið:
Álver stærra
en 250 þúsund
tonn mögulegt
LÖGREGLUMÁL Skýrslutökum efna-
hagsbrotadeildar ríkislögreglu-
stjóra í Byrgismálinu er um það
bil að ljúka, að sögn Helga Magn-
úsar Gunnarssonar saksóknara.
Rannsókn er þar með að mestu
lokið. Síðan verða gögn málsins
yfirfarin með tilliti til ákæru.
Rannsókn efnahagsbrotadeild-
ar RLS beinist að meðferð fyrr-
verandi forráðamanna, einkum
Guðmundar Jónssonar fyrrver-
andi forstöðumanns meðferðar-
heimilisins Byrgisins, á fjármun-
um þess. Guðmundur var nýverið
dæmdur í þriggja ára fangelsi
fyrir að misnota fjóra skjólstæð-
inga Byrgisins.
Skattamál Byrgisins eru einn
þáttur í meðferð fjármuna fyrr-
um meðferðarheimilisins sem
rannsókn efnahagsbrotadeildar
ríkislögreglustjóra beinist að.
Embætti skattrannsóknarstjóra
hafði þann þátt til rannsóknar og
kærði niðurstöður hennar til efna-
hagsbrotadeildarinnar. Þetta
þýðir að talið er að um sé að ræða
stórfelld refsiverð brot hvað varð-
ar skattamálin sem ekki hafi verið
hægt að afgreiða í yfirskatta-
nefnd, heldur yrði málið að fara
til rannsóknar hjá lögreglu. - jss
Rannsókn á meðferð forráðamanna Byrgisins á fjármun um þess:
Rannsókn efnahagsbrotadeildar á
fjármálum Byrgisins á lokastigi
GUÐMUNDUR JÓNSSON Rannsókn á
fjármálaþætti Byrgisins langt komin.
Tvennt slasaðist í árekstri
Árekstur varð á Sæbraut við Laugar-
nes í gærkvöldi þegar bíll klessti á
staur á milli akreina. Tvennt slasaðist
og var flutt á slysadeild. Ekki er vitað
um líðan þeirra.
LÖGREGLUFRÉTTIR
SKIPULAGSMÁL Hafist hefur verið
handa við að mála tvö illa farin
hús í miðborginni. Annað þeirra
er Bergstaðastræti 20. Að sögn
Magnúsar Sædals Svavarssonar,
byggingarfulltrúa Reykjavíkur-
borgar, leit ekki út fyrir að
úrbætur yrðu gerðar á húsinu og
því greip Reykjavíkurborg til
þess að mála húsið.
Húsið við Frakkastíg 16 var
svo málað í gær, en þar var
tónlistarverslunin Rín til húsa.
„Húseigendur tóku vel í það að
gefa húsinu hressingu,“ sagði Jón
Halldór Jónasson, upplýsingafull-
trúi Reykjavíkurborgar. -vsp
Reykjavíkurborg lætur mála:
Hresst upp á
miðbæjarhús
BERGSTAÐASTRÆTI 20 MÁLAÐ Tvö hús
fá nýtt útlit nú um helgina
SPURNING DAGSINS