Fréttablaðið - 14.06.2008, Blaðsíða 4
4 14. júní 2008 LAUGARDAGUR
Lucia Celeste Molina Sierra sagð-
ist fyrir Héraðsdómi Reykjavíkur í
fyrradag hafa misst vini, en ekki vinnu
eins og stóð í Fréttablaðinu í gær.
LEIÐRÉTTING
DÓMSMÁL Robert Dariusz Sobiecki, pólskur ríkis-
borgari um tvítugt, var í gær dæmdur í Héraðsdómi
Reykjavíkur í þriggja ára fangelsi fyrir að nauðga
stúlku á salerni á Hótel Sögu aðfaranótt 17. mars á
síðasta ári. Hann var jafnframt dæmdur til að greiða
henni eina og hálfa milljón króna í skaðabætur.
Mál þetta hefur vakið athygli vegna ferlis þess í
dómskerfinu. Héraðsdómur Reykjavíkur sýknaði
manninn síðastliðið sumar og vísaði bótakröfu
stúlkunnar frá dómi. Í dómsniðurstöðu þá kom fram
að maðurinn og stúlkan, sem þekktust ekkert, höfðu
orðið samferða niður að salerninu, hann haldið utan
um hana og þau átt orðaskipti. Síðan ýtti maðurinn
henni inn í salernisklefann, læsti að þeim, dró niður
um hana, ýtti henni niður á salernið og hafði við hana
munnmök. Síðan ýtti hann henni niður á gólfið og
hafði við hana samræði.
Maðurinn neitaði sök um kynferðisofbeldi gegn
stúlkunni og kvað samræðið á salernisgólfinu hafa
farið fram með fullum vilja stúlkunnar, sem þá var
orðin töluvert ölvuð.
Dómurinn taldi að í ljósi atburðarásar hefði
manninum ekki hlotið að vera ljóst að samræðið og
kynferðismökin væru gegn vilja stúlkunnar. Þá hefði
verknaðurinn ekki talist ofbeldi í skilningi ákvæðis í
almennum hegningarlögum.
Ríkissaksóknari áfrýjaði málinu til Hæstaréttar.
Þar kvað við annan tón en í héraðsdómi. Í niðurstöðu
Hæstaréttar segir að þótt fólkið hafi orðið samferða
að salerninu sé það mat héraðsdóms að stúlkan hafi
ekki getað talist andhverf frekari samskiptum ekki á
grunni reist. Þá verði ekki horft framhjá því að
maðurinn hafi farið inn á kvennasalerni og beðið þar
eftir stúlkunni fyrir framan lokaðan klefa áður en til
athæfis hans kom.
Hæstiréttur ómerkti því dóminn og vísaði honum
aftur til héraðsdóms til aðalmeðferðar og dóms á
nýja leik.
Héraðsdómur, skipaður öðrum dómurum en áður,
leit svo á nú að athæfi mannsins yrði metið sem
ofbeldi í skilningi laganna.
Hann er nú sakfelldur fyrir alvarlegt kynferðis-
brot gagnvart stúlku sem var nítján ára þegar brotið
var framið. Í dómnum segir að brotið hafi verið
ófyrirleitið og til þess fallið að valda stúlkunni
verulegum skaða. Vísað er til þess að hún glími við
andlega vanlíðan, öryggisleysi og hræðslutilfinningu.
Eigi hún erfitt með að vera í fjölmenni, sé uppburð-
arlítil og kvíðin fyrir framtíðinni. Maðurinn eigi sér
engar málsbætur. jss@frettabladid.is
Hótel Sögu-nauðgari
í þriggja ára fangelsi
Karlmaður um tvítugt var í gær dæmdur í þriggja ára fangelsi fyrir að nauðga
stúlku á kvennasalerni á Hótel Sögu í fyrra. Héraðsdómur hafði áður sýknað
manninn. Hæstiréttur ómerkti þann dóm og sendi aftur heim í hérað.
LÖGREGLUMÁL Fíkniefnadeild
lögreglunnar á höfuðborgarsvæð-
inu handtók mann með umtals-
vert magn af hassi og peninga í
fórum sínum í fyrrakvöld. Við
húsleit hjá manninum í Breið-
holti, sem gerð var að undan-
gengnum úrskurði, fannst tæpt
kíló af hassi og tvö hundruð
þúsund krónur í peningum.
Maðurinn, sem er 25 ára, hefur
áður komið við sögu lögreglu.
Hann sat inni fram eftir degi í
gær og sætti yfirheyrslum.
Annar karlmaður, 23 ára, var
handtekinn um leið og hinn fyrri,
en honum sleppt fljótlega.
Aðgerðin var liður í skipulagðri
baráttu gegn sölu- og dreifingar-
neti fíkniefnasala. - jss
Karlmaður handtekinn:
Tekinn með
kíló af hassi
KVENNASALERNIÐ Kvennasalerni í kjallara Hótel Sögu þar
sem maður beitti stúlku sem þá var innan við tvítugt kyn-
ferðislegu ofbeldi. Hann var dæmdur í þriggja ára fangelsi
í gær.
17. mars 2007
Robert Sobiecki nauðgar konunni á salerni í kjallara
Hótels Sögu.
5. júlí 2007
Fjölskipaður Héraðsdómur Reykjavíkur sýknar Sobi-
ecki af nauðgunarákæru.
14. febrúar 2008
Hæstiréttur ómerkir dóm Héraðsdóms Reykjavíkur og
vísar málinu aftur í hérað.
13. júní 2008
Fjölskipaður Héraðsdómur Reykjavíkur, skipaður
öðrum dómurum, dæmir Sobiecki í þriggja ára fang-
elsi fyrir nauðgunina.
FERILL MÁLSINS
ÍS
L
E
N
S
K
A
S
IA
.I
S
S
F
G
4
20
40
0
4.
20
08
PAKISTAN, AP Bandarísk yfirvöld
greindu frá því í gær að þau myndu,
í samstarfi við Pakistan-stjórn,
rannsaka hvað í raun gerðist í hern-
aðaraðgerð við landamæri Pakist-
ans og Afganistans í vikunni, en
Pakistanar segja ellefu hermenn
sína hafa fallið í henni.
Yfirvöld í Pakistan segja her-
mennina hafa látið lífið er Banda-
ríkjamenn gerðu loftárás, sem hafi
verið tilefnislaus og huglaus. Til að
svara fyrir sig birtu bandarísk yfir-
völd myndband af árásinni á
fimmtudag. Á því má sjá um sex
menn, sem meðal annars kasta
handsprengjum og skjóta á her-
menn Bandaríkjahers. Mennirnir
sjást síðar fara í felur og þá sést
hvar sprengjum er varpað á þá.
Bandaríska varnarmálaráðu-
neytið segir að þessir sex menn,
sem hafi verið talíbanar eða hlið-
hollir þeim, hafi látið lífið. Hins
vegar sé of snemmt að segja til um
hvort pakistönsku hermennirnir
hafi fallið í árásinni. Utanríkisráðu-
neyti Bandaríkjanna hefur þó beð-
ist afsökunar á árásinni og sagt
hana áminningu um að betri sam-
skipta væri þörf á milli samherja-
herliða á landamærum.
Samstarf við Bandaríkjamenn er
óvinsælt í Pakistan, þar sem nú er
reynt að ná friðarsamkomulagi við
talíbana sem dvelja á landamærun-
um að Afganistan. Ráðamenn
vestra óttast að slíkt samkomulag
muni gefa talíbönum og Al-Kaída
meira svigrúm til að fremja hryðju-
verk. - þeb
Pakistanar bera Bandaríkjaher á brýn að hafa drepið 11 hermenn að tilefnislausu:
Boða sameiginlega rannsókn
BORINN TIL GRAFAR Þorpsbúar í Pesha-
war bera einn þeirra ellefu manna sem
létu lífið í árásinni á þriðjudag til grafar.
FRÉTTABLAÐIÐ/AP
DÓMSTÓLAR Karlmaður á Akureyri
hefur verið dæmdur í fjögurra
mánaða fangelsi, skilorðsbundið,
fyrir að ganga í skrokk á sambýl-
iskonu sinni.
Hann réðst á konuna þar sem
hún svaf og misþyrmdi henni
síðan með hrindingum, höggum
og spörkum. Konan komst ekki
undan manninum fyrr en henni
tókst að komast inn í svefnher-
bergi og gat læst að sér. Hún
hlaut margvísleg meiðsl af
völdum misþyrminganna, mar og
eymsli víða um líkamann.
Árásarmanninum var gert að
greiða henni ríflega sex hundruð
þúsund krónur í skaðabætur. - jss
Fjögurra mánaða fangelsi:
Misþyrmdi
sambýliskonu
KÍNA, AP Kínverjar og Taívanar
hafa ákveðið að hefja beint flug á
milli meginlandsins og eyjunnar.
Það var ákveðið í fyrstu formlegu
viðræðunum milli Kínverja og
Taívana árið 1999.
Byrjað verður að fljúga á milli
hinn 4. júlí, en hingað til hefur
aðeins verið flogið beint á
hátíðisdögum. Þá verður 3.000
ferðamönnum á dag leyft að
dveljast á hvorum stað.
Samskipti Kína og Taívans hafa
batnað til muna eftir að Ma Ying-
jeou tók við embætti forseta í
Taívan í maí. - þeb
Samskipti að batna:
Beint flug milli
Kína og Taívan
HEILBRIGÐISMÁL Staða forstjóra
Landspítalans hefur verið auglýst
laus til umsóknar. Skipað verður í
stöðuna 1. september og er
ráðningin til fimm ára í senn. Þetta
kemur fram á vefsíðu heilbrigðis-
ráðuneytisins.
Kröfur til forstjórans eru auk
heppilegrar háskólamenntunar
reynsla af rekstri og stjórnun, leið-
togahæfileikar og samskiptahæfni.
Deilt hefur verið um brotthvarf
Magnúsar Péturssonar, fyrrver-
andi forstjóra, og telja stjórnar-
andstæðingar á Alþingi að pólitísk
sjónarmið hafi ráðið þeirri
ákvörðun. - ges
Staða opin til umsóknar:
Auglýst eftir
nýjum forstjóra
LANDSPÍTALINN Það verður kannski
bjartara yfir spítalanum eftir að nýi
forstjórinn tekur við. FRÉTTABLAÐIÐ/PJETUR
VEÐURSPÁ
Kaupmannahöfn
Billund
Ósló
Stokkhólmur
Gautaborg
Helsinki
Eindhofen
Amsterdam
London
Berlín
Frankfurt
Friedrichshafen
París
Basel
Barcelona
Alicante
Algarve
Tenerife
HEIMURINN
Vindhraði er í m/s.
Hitastig eru í °C.
Gildistími korta er um hádegi.
19°
15°
16°
15°
17°
18°
17°
16°
18°
19°
18°
19°
17°
19°
22°
27°
30°
20°
14
18
Á MORGUN
5-13 m/s, hvassast
vestan til
MÁNUDAGUR
10-15 m/s hvassast
NV-til
12
16
17
14
17
13
16
10
12
12
6
5
3
5
3
5
1
6
5
5
5
12 16
1412
11 11
11
1213
17
19HELGIN
Blíðskaparveður
verður yfi rleitt
á landinu í dag.
Víðast bjartviðri
og hægur vindur
og auk þess milt,
einkum til landsins.
Þungbúnast verður
á vestanverðu
landinu, einkum
er líður á daginn.
Á morgun nálgast
lægð. Við það
þykknar víða upp
og það bætir í vind.
Þá má búast við
vætu vestan til.
Sigurður Þ.
Ragnarsson
veður-
fræðingur
Sænskir skátar tjalda frítt
Flokkur fjörutíu skáta frá Svíþjóð tjald-
ar ókeypis á tjaldstæðinu í Hveragerði
fram á þjóðhátíðardaginn 17. júní
samkvæmt ákvörðun hreppsnefndar
sem þar með varð við ósk Skáta-
félagsins Stróks.
HVERAGERÐI
Hraðakstur við Akureyri
Lögreglan á Akureyri stöðvaði 21
ökumann fyrir hraðakstur aðfaranótt
föstudagsins. Þrír þeirra voru á yfir
150 kílómetra hraða á klukkustund
þar sem hámarkshraði er 90.
LÖGREGLUFRÉTTIR
Laus úr varðhaldi
Manninum sem handtekinn var á
Akranesi á fimmtudaginn vegna
ofsaaksturs og fíkniefnabrots var
sleppt undir hádegi í gær. Ekki þótti
ástæða til að krefjast gæsluvarðhalds-
úrskurðar yfir manninum en málið er
í rannsókn.
GENGIÐ 13.06.2008
GJALDMIÐLAR KAUP SALA
HEIMILD: Seðlabanki Íslands
157,1712
GENGISVÍSITALA KRÓNUNNAR
79,29 79,67
154,14 154,88
121,44 122,12
16,286 16,382
15,092 15,18
12,948 13,024
0,7318 0,736
127,24 128
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR