Fréttablaðið - 14.06.2008, Blaðsíða 10
10 14. júní 2008 LAUGARDAGUR
STJÓRNSÝSLA „Ég er því algerlega
ósammála að sú hugmyndafræði
sem kynnt er í tveimur setningum
í tilboði Heilsuverndarstöðvarinn-
ar skáki okkur út af borðinu,“
segir Ari Matthíasson, fram-
kvæmdastjóri útbreiðslusviðs
SÁÁ.
Fjögur tilboð bárust velferðar-
sviði Reykjavíkurborgar þegar
auglýst var eftir samstarfsaðila
við rekstur á búsetuúrræði fyrir
einstaklinga sem eiga að baki
margar tilraunir til að hætta
áfengis- og vímuefnaneyslu. SÁÁ
átti lægsta tilboðið, sem nam um
þrjátíu milljónum króna. Hins
vegar var ákveðið að semja við
fyrirtækið Heilsuverndarstöðina/
Alhjúkrun sem bauð tíu milljónum
meira.
Þorleifur Gunnlaugsson, borg-
arfulltrúi Vinstri grænna, óskaði
eftir skýringum. Innri endurskoð-
un borgarinnar, sem lokið hefur
athugun á málinu, segir umrætt
verk ekki útboðsskylt þótt það
hafi verið auglýst til að gæta jafn-
ræðis. Velferðarsvið hafi ekki
þurft að fara eftir sérstöku
mats líkani við valið heldur aðeins
þurft að byggja á málefnalegum
forsendum og það hafi verið gert.
Í rökstuðningi til Innri endur-
skoðunar nefnir velferðarsvið
sem helstu ástæðu fyrir vali sínu
að útfærsla Heilsuverndarstöðv-
arinnar/Alhjúkrunar hafi verið
best mótuð á grundvelli faglegra
forsendna í auglýsingunni. Þá hafi
fyrirtækið boðið fram mjög hent-
uga raðhúsalengju undir starf-
semina. „Hvað varðar hagkvæmni
og þjónustu var talið að Heilsu-
verndarstöðin/Alhjúkrun væri sá
aðili er best væri fallinn til sam-
starfsins,“ segir velferðarsviðið.
„SÁÁ er með þrjátíu ára reynslu
af því að reka meðferð og endur-
hæfingu fyrir áfengissjúklinga og
tuttugu ára reynslu í að reka með-
ferð og stuðning fyrir endurkomu-
fólk. Þetta er nákvæmlega slíkur
hópur. Heilsuverndarstöðin hefur
enga reynslu í þessum efnum,“
segir Ari Matthíasson. „Borgin er
að segja að hugmyndafræði okkar
sé einskis virði og hefur trúverð-
ugleika okkar að engu. Ég vek
athygli á því að við erum lægst-
bjóðendur og tel eiginlega ekki
eiga að þurfa að rökræða það hvor
aðilinn er hæfari.“
Þá kveðst Ari furða sig á að
borgin skuli ekki hafa kannað
nánar raðhúsalengjuna sem nefnd
sé í umsókn Heilsuverndarstöðv-
arinnar. Fyrirtækið hafi það hús-
næði alls ekki í hendi. Eigandi
hússins sé gjaldþrota og þess utan
sé það aðeins tilbúið undir tré-
verk.
„Þegar svona er unnið þá hef ég
gríðarlegar áhyggjur af þeirri
staðreynd að enn er ósamið við
SÁÁ um rekstur göngudeildar í
Efstaleiti. Það er umhugsunarvert
að þetta mál og viljaleysi heil-
brigðisráðherra til að semja við
okkur kemur fram á sama tíma og
fleiri verkefnum er beint inn í
þetta batterí.“ gar@frettabladid.is
Borgin sögð vanmeta
reynslu SÁÁ í útboði
Ari Matthíasson hjá SÁÁ segir hagsmuni borgarbúa fyrir borð borna með vali á
rekstraraðila heimilis fyrir áfengis- og fíkniefnasjúklinga. Trúverðugleiki SÁÁ
sé hafður að engu. Valið er málefnalegt svarar Innri endurskoðun borgarinnar.
ARI MATTHÍASSON „Borgin er að segja að hugmyndafræði okkar sé einskis virði og
hefur trúverðugleika okkar að engu,“ segir framkvæmdastjóri útbreiðslumála hjá SÁÁ
sem hér stendur við göngudeild samtakanna í Efstaleiti. FRÉTTABLAÐIÐ/DANÍEL
FINNLAND Yfirborðsstaða sjávar
hefur mælst óvenjulág í Eystra-
salti að undanförnu og hefur hún
ekki verið jafnlág við Álandseyj-
ar frá árinu 1923. Undanfarna
viku hefur hún verið þrjátíu
sentímetrum lægri en venjulega á
þessum árstíma, að sögn Hufvud-
stadsbladet.
Ástæðan er rakin til óvenju-
mikilla þurrka framan af ári auk
þess sem háþrýstingur og
norðanáttir hafi verið ríkjandi
Ekki sé von á breytingum á
næstunni; það verði ekki fyrr en
suðvestanáttin nái sér á strik að
Eystrasaltið fari að fyllast aftur.
- ghs
Álandseyjar og Eystrasalt:
Sjávarstaðan
óvenju lág
EYRARSUNDSBRÚIN Yfirborð sjávar í
Eystrasalti er þrjátíu sentimetrum lægri
en venjan er á þessum árstíma.
MENNTAMÁL Stefán Einar Stefáns-
son, 25 ára gamall háskólanemi,
verður í dag fyrstur Íslendinga til
að útskrifast frá Háskóla Íslands
með sameinað kandídatspróf í guð-
fræði og meistarapróf í viðskipta-
siðfræði.
„Það var í raun bara tilviljun að
ég byrjaði í viðskiptasiðfræði,“
segir Stefán. „Ég var áður í Versló
og áhugasvið mitt hefur alltaf legið
í viðskiptalífinu. Fyrir nokkrum
árum var byrjað að bjóða upp á við-
skiptasiðfræði sem meistaranám í
háskólanum og ég ákvað þá að sam-
eina guðsorð og viðskiptin.“
Kandídatsritgerð Stefáns er á
sviði guðfræðilegrar siðfræði og
fjallaði um kenningu svissneska
guðfræðingsins Arthurs Rich um
siðfræði hagkerfanna.
Meistararitgerð Stefáns í við-
skiptasiðfræði ber nafnið „Sið-
ferðileg ábyrgð íslenskra lífeyr-
issjóða í alþjóðlegu samhengi“.
Í þeirri ritgerð segir frá rann-
sókn hans á því hvernig íslensku
lífeyrissjóðirnir mæta hinni sam-
félagslegu ábyrgð sem á þeim
hvílir og bar saman við norska
olíusjóðinn.
Spurður um framtíðina segir
Stefán Einar hana óráðna.
„Viðskiptalífið skipar æ stærri
sess í umræðunni og hvort sem
ég verð starfandi á vettvangi
kirkjunnar eða annars staðar mun
þessi menntun nýtast mér vel.“
- vsp
Stefán Einar Stefánsson útskrifast frá Háskóla Íslands í dag:
Sameinaði guðsorð og viðskiptalífið
STEFÁN EINAR STEFÁNSSON Kandídat í
guðfræði og meistari í viðskiptasiðfræði.
FRÉTTABLAÐIÐ/RÓSA
HRÍSEY Fjöldi fólks tók þátt í
vígsluhátíð nýs fjölnotahúss og
endurbættrar sundlaugar í
Hrísey um síðustu helgi. Gaman-
mál, söngur og ræður voru á
dagskrá hátíðarinnar auk þess
sem boðið var upp á veitingar. Þá
vígðu börn laugina.
Í húsinu er salur sem nýtist til
leikfimikennslu, íþróttaiðkunar
og samkomuhalds. Að auki er
þrekþjálfunarsalur og salur sem
nota má til fundahalda eða
tómstunda í húsinu. Í kynningar-
bæklingi frá Akureyrarbæ segir
að framkvæmdin gjörbreyti allri
aðstöðu fyrir íbúa Hríseyjar og
þá sem heimsækja eyjuna. - ovd
Vígsla á nýju fjölnotahúsi:
Fjölmenn hátíð
í Hrísey
STÓRBÆTT SUNDAÐSTAÐA Í HRÍSEY Mikl-
ar endurbætur voru gerðar á lauginni
auk þess sem steypt var ný barnalaug og
heitur pottur. MYND/RAGNAR HÓLM RAGNARSSON
DANMÖRK Lögregla í Danmörku
hefur handtekið hjón af súdönsk-
um uppruna eftir að læknisskoðun
leiddi í ljós að dætur þeirra hefðu
verið umskornar.
Dæturnar eru nú níu og ellefu
ára gamlar, en lögregla segir að
þær hafi verið umskornar í ferð til
Súdan árið 2003. Þá segir lögregla
einnig að hjónin hafi haft áform
um að fara með þriðju dóttur sína,
fimm ára gamla, til Súdan í sömu
erindagjörðum. Hjónin neita því
að hafa gert nokkuð rangt.
Aðeins er rúm vika síðan hjón í
Noregi voru ákærð fyrir að
limlesta dætur sínar með
umskurði. - þeb
Súdönsk hjón í Danmörku:
Ákærð vegna
umskurðar
Kveikt í bíl í Heiðmörk
Bifreið eyðilagðist í eldi í Heiðmörk
aðfaranótt föstudagsins. Talið er að
kveikt hafi verið í bílnum en slökkviliði
höfuðborgarsvæðisins gekk greiðlega
að slökkva eldinn. Þegar samband var
haft við eiganda bílsins kom í ljós að
bílnum hafði verið stolið.
Spólað á Akureyri
Lögreglunni á Akureyri bárust fimm
kvartanir vegna spóls og hávaða frá
bílum á plönum og götum bæjarins
í fyrrinótt.
Viðbúnaður lögreglunnar
Lögregla á Norðurlandi hefur aukið
eftirlit með umferð næstu daga
vegna hátíðarhalda á Akureyri. Hefur
lögreglunni á Akureyri meðal annars
borist aukinn mannafli til löggæslu-
starfa.
LÖGREGLUFRÉTTIR
SPÁNN Tvö börn á Spáni hafa verið lögð inn á
geðdeild til þess að fá meðferð við farsímafíkn. Það
voru foreldrar barnanna, sem eru tólf og þrettán
ára, sem lögðu þau inn. Foreldrarnir segja að
börnin geti ekki gert neitt án þess að hafa símana
við höndina.
Börnunum hefur gengið illa í skóla og þau hafa
logið að ættingjum sínum til þess að fá peninga
fyrir símnotkun. Læknir á spítalanum þar sem
börnin eru í meðferð segir þetta í fyrsta sinn sem
svona lagað kemur upp. Hann sagði spænskum
fjölmiðlum að bæði börnin hefðu sýnt truflaða
hegðun og hefðu átt í verulegum erfiðleikum með
að lifa eðlilegu lífi.
Börnin tvö höfðu átt símana sína í átján mánuði
áður en foreldrar þeirra gerðu sér grein fyrir
vandanum. Þau hafa nú verið að læra að lifa án
símanna í þrjá mánuði.
Að sögn spænsks fíknisérfræðings er farsíma-
fíkn ekki ósvipuð tölvuleikjafíkn. Börn verði pirruð
og ófélagslynd og gangi verr í skóla. Hann segir
jafnframt að farsímafíkn gæti orðið alvarlegt
vandamál í framtíðinni. - þeb
Spænskir foreldrar lögðu börnin sín inn á geðdeild:
Lögð inn vegna farsímafíknar
FARSÍMI Að sögn spænskra sérfræðinga getur farsímafíkn
orðið alvarlegt vandamál í framtíðinni.
MENNTAMÁL Verzlunarskóli Íslands
og Menntaskólinn við Hamrahlíð
eru vinsælustu menntaskólar
landsins. Þessir skólar þurftu
samtals að vísa á fimmta hundrað
nemenda á braut.
Þrátt fyrir að slíkum fjölda
nemenda hafi verið vísað frá eiga
þeir þó vísa skólavist í einhverj-
um hinna skólanna.
Umsóknarfrestur um fram-
haldsskólavist rann út á miðnætti
á miðvikudag og sóttu alls 4.400 af
4.600 nemendum grunnskólanna
um vist í framhaldsskóla. - ges
Umsóknir í framhaldsskólana:
MH og Versló
vinsælastir
VOTT STRANDBLAK Starfsmaður
alþjóðlegs strandblakmóts í Berlín
þurrkar boltann með handklæði í
gær. FRÉTTABLAÐIÐ/AP
Akureyri
Vík
Egilsstaðir
Selfoss
Hveragerði
Hafnarfjörður
Neskaupstaður
Grundarfjörður
Stykkishólmur
Súðavík
Ísafjörður
Akranes
Njarðvík
Sandgerði
Hreðavatnsskáli
Reykjavík
Þú sparar á Orkustöðvunum
Net Orkustöðvanna umhverfis landið þéttist sífellt til enn frekari
hagsbóta fyrir almenning. Kynntu þér hvar Orkustöðvarnar eru og
hvað bensínið er ódýrt þar.
SPÁÐU Í HVAÐ ÞÚ SPARAR!
www.orkan.is
D
Y
N
A
M
O
R
E
Y
K
JA
V
IK