Fréttablaðið - 14.06.2008, Blaðsíða 72
44 14. júní 2008 LAUGARDAGUR
sport@frettabladid.is
NBA Leikmenn Boston Celtics voru
mest 24 stigum undir gegn Los
Angeles Lakers í fjórða úrslitaleik
liðanna um NBA-meistaratitilinn í
fyrrinótt. Með ótrúlegri baráttu og
eljusemi tókst þeim að jafna metin
og vinna glæstan 97-91 sigur.
Þetta er stærsta endurkoman í
NBA-úrslitunum frá því árið 1971
þegar Milwaukee Bucks með
Kareem Abdul-Jabbar og Oscar
Robertson í broddi fylkingar sóp-
aði Baltimore Bullets 4-0. Engu
liði hefur tekist að koma til baka
og verða meistari eftir að hafa
lent undir 3-1 í lokaúrslitum en
næsti leikur fer fram í Los Angel-
es, aðfaranótt mánudags.
Mesti munur í seinni hálfleik
var 20 stig, í miðjum þriðja leik-
hluta. Þá skoraði Boston 21 stig
gegn þremur og staðan var 73-71
fyrir lokaleikhlutann. Þar reynd-
ist Boston sterkara og endurkoma
þeirra var fullkomnuð.
„Þetta var stórkostlegt en ég vil
ekki missa mig yfir einum sigri,“
sagði Paul Pierce sem var stiga-
hæstur leikmanna Boston með 20
stig, Ray Allen skoraði 19, James
Posey 18 og Kevin Garnett 16.
Mikið er gert úr slökum leik
Kobe Bryant sem skoraði aðeins
úr sex af nítján skotum sínum.
“Þeir voru ákveðnir í að láta mig
ekki gera neitt í þessum leik. Það
viru þrír eða fjórir leikmenn í
kringum mig um leið og ég fékk
boltann,“ sagði Kobe sem skoraði
sautján stig eins og Pau Gasol en
Lamar Odom var stigahæstur með
nítján.
„Þetta var engin smá endur-
koma,“ sagði Phil Jackson, þjálfari
Lakers. „Loftið fór bara úr bygg-
ingunni. Það er ekki annað hægt en
að hrósa þeim. Serían er samt sem
áður langt frá því að vera búin, við
eigum heimaleik næst sem við
verðum að vinna.“ - hþh
Boston Celtics er einum leik frá sautjánda meistaratitli félagsins:
Ótrúleg endurkoma hjá Boston
EKKI HÉR, GAMLI Kevin Garnett stöðvar
Kobe Bryant í leiknum í fyrrinótt, Paul
Pierce til ánægju. FRÉTTABLAÐIÐ/AFP
FÓTBOLTI KSÍ hefur skipað
starfshóp til að fjalla um ábyrga
framkomu í fjölmiðlum hjá öllum
sem koma að knattspyrnunni,
félögum og dómurum. „Starfs-
hópurinn er stofnaður fyrst og
fremst út af því sem undan hefur
gengið, bæði í ár og á síðasta ári
hvað varðar ummæli sem látin
hafa verið falla hjá leikmönnum
og þjálfurum og raunar öllu sem
snýr að knattspyrnuhreyfingunni,
hvernig menn koma fram og hvað
þeir láta hafa eftir sér,“ sagði
Þórir Hákonarson, framkvæmda-
stjóri KSÍ, sem situr í hópnum.
„Þetta er fyrst og fremst til að
athuga hvernig staðan er í
nágrannalöndunum og hvort að til
séu reglur um það hvernig koma
skal fram í fjölmiðlum. Það getur
alveg eins verið að það þurfi að
breyta refsirammanum hér og fá
skýrari reglur um sérstök
viðurlög við ákveðnum brotum,“
sagði Þórir sem hefur vísað
einum ummælum til aganefndar
KSÍ í sumar en síðasta sumar
vísaði hann fjórum ummælum til
nefndarinnar.
Í starfshópnum sitja auk Þóris
Lúðvík Georgsson, varaformaður
KSÍ og formaður mótanefndar,
Þórarinn Gunnarson, formaður
dómaranefndar, Stefán Geir
Þórisson, formaður laga- og
leikreglnanefndar. - hþh
KSÍ stofnar starfshóp:
Harðari refsing
fyrir ummæli?
ÞÓRIR Situr í starfshópnum um fram-
komu í fjölmiðlum. FRÉTTABLAÐIÐ/RÓSA
FÓTBOLTI Sigurður Ragnar Eyjólfs-
son landsliðsþjálfari tilkynnti í
gær 22ja manna leikmannahóp
Íslands fyrir leikina gegn Slóven-
íu og Grikklandi í undankeppni
EM kvenna 2009, sem fram fara
21. og 26. júní á Laugardalsvelli.
Íslenska liðið á þrjá leiki eftir í
riðlinum en getur með sigri gegn
Slóveníu tryggt sér sæti í umspili
um sæti á lokakeppni EM 2009.
Sigur gegn bæði Slóveníu og
Grikklandi myndi setja upp algjör-
an úrslitaleik við Frakkland um
toppsætið þar sem íslenska liðinu
myndi nægja jafntefli.
Sigurður Ragnar hefur ekki
farið leynt með markmið íslenska
liðsins en það er að komast á stór-
mót. Hann gerir sér þó grein fyrir
því að enn er löng leið fyrir hönd-
um.
„Þrátt fyrir yfirlýst markmið
okkar förum við ekkert fram úr
okkur og tökum bara einn leik
fyrir í einu. Þetta verður hörku-
leikur gegn Slóveníu og við eigum
harma að hefna frá því í fyrri
leiknum, sem er eini leikurinn
sem við höfum tapað í undan-
keppninni til þessa. Lið Slóveníu
er vel skipulagt lið sem spilar
agaðan varnarleik, er líkamlega
sterkt og hættulegt í föstum leik-
atriðum og skyndisóknum, þannig
að ég á von á erfiðum leik,“ sagði
Sigurður Ragnar, sem telur
íslenska liðið tilbúið í verkefnið.
„Undirbúningsleikirnir sem við
höfum spilað upp á síðkastið hafa
nýst mjög vel og stelpurnar hafa
staðið sig frábærlega. Ég tel því
liðið vera tilbúið í þessi erfiðu
verkefni sem fram undan eru,“
sagði Sigurður Ragnar, sem hefur
unnið stíft í að bæta varnarleik
liðsins síðan hann tók við því.
„Stelpurnar hafa verið að spila
vel í bæði vörn og sókn. Í þeim
sextán leikjum sem ég hef stýrt
liðinu í hefur það aðeins fengið á
sig þrettán mörk þannig að ég er
vitanlega mjög ánægður með
varnarleik liðsins. Á meðan við
erum með lið sem fær á sig fá
mörk erum við alltaf með góða
möguleika á að vinna leiki þar sem
við erum líka með frábæra marka-
skorara fram á við,“ sagði Sigurð-
ur Ragnar, sem leggur ríka áherslu
á mikilvægi stuðnings áhorfenda í
komandi verkefnum.
„Við fengum sex þúsund manns
á síðasta heimaleik og stelpurnar
fundu vel fyrir stuðningnum inn á
völlinn og nutu góðs af því. Við
höfum því verið að slá því fram
núna, af hverju gæti ekki orðið
uppselt á leik hjá kvennalandslið-
inu? Það væri frábært að fá fullan
Laugardalsvöll og mér finnst liðið
í raun eiga það skilið fyrir góðan
árangur,“ sagði Sigurður Ragnar
að lokum. omar@frettabladid.is
Frábært að fá fullan Laugardalsvöll
Íslenska kvennalandsliðið í fótbolta leikur á næstu vikum mikilvæga leiki gegn Slóveníu og Grikklandi í
undankeppni EM. Stuðningur áhorfenda gæti skipt sköpum og fólk er því hvatt til að fjölmenna á völlinn.
22 manna landsliðshópur:
Markverðir:
Þóra Björg Helgadóttir (Anderlecht)
María Björg Ágústsdóttir (KR)
Sandra Sigurðardóttir (Stjarnan)
Varnarmenn:
Katrín Jónsdóttir (Valur)
Guðrún Sóley Gunnarsdóttir (KR)
Ásta Árnadóttir (Valur)
Ólína Guðbjörg Viðarsdóttir (KR)
Embla S. Grétarsdóttir (KR)
Sif Atladóttir (Valur)
Pála Marie Einarsdóttir (Valur)
Miðjumenn:
Edda Garðarsdóttir (KR)
Dóra Stefánsdóttir (LDB FC Malmö)
Hólmfríður Magnúsdóttir (KR)
Erla Steina Arnardóttir (Kristianstad)
Katrín Ómarsdóttir (KR)
Sara Björk Gunnarsdóttir (Haukar)
Gunnhildur Yrsa Jónsdóttir (Stjarnan)
Framherjar:
Margrét Lára Viðarsdóttir (Valur)
Dóra María Lárusdóttir (Valur)
Greta Mjöll Samúelsdóttir (Breiðablik)
Rakel Hönnudóttir (Þór/KA)
Berglind B. Þorvaldsd. (Breiðablik)
FR
ÉT
TA
B
LA
Ð
IÐ
/V
A
LL
I
VONGÓÐUR Sigurður Ragnar Eyjólfsson landsliðs-
þjálfari telur íslenska liðið tilbúið í verkefnin og
hvetur fólk til að fjölmenna á völlinn og styðja
við bakið á stelpunum.
Landsliðsmaðurinn Aron Einar Gunnarsson skrifaði í gær undir
þriggja ára samning við Coventry en félagið, sem leikur í
næstefstu deild á Englandi, hafði áður náð samkomulagi við
hollenska félagið AZ Alkmaar um kaupverðið.
„Ég er varla enn búinn að átta mig á því að þetta sé orðið
að veruleika, en ég er mjög sáttur með þetta,“ sagði Aron Einar,
sem getur ekki beðið eftir því að byrja að æfa með enska
félaginu.
„Læknisskoðunin gekk fljótt fyrir sig og allt í góðu
lagi þar. Mér leist bara mjög vel á allar aðstæður enda
leikvangurinn sérstaklega glæsilegur og rúmar þrjátíu
þúsund manns,“ sagði Aron, sem var að fara að hitta
knattspyrnustjórann Chris Colemann þegar Frétta-
blaðið náði tali af honum.
„Ég veit af því að Coventry var búið að fylgj-
ast með mér í nokkurn tíma og Coleman
var meðal annars búinn að leita til Heiðars
Helgusonar og spyrja hann út í mig. Ég er
að fara að hitta Colemann en er búinn að
spjalla mikið við aðstoðarþjálfarann og hann virðist hafa mikla
trú á mér. Hann talaði um að ef ég stæði mig vel myndi ég
vera í baráttu um sæti í byrjunarliðinu því þar myndi aldur ekki
skipta máli heldur geta. Það er gott að finna að þeir hafi trú
á mér og ég er harðákveðinn í að standa mig vel,“ sagði Aron
Einar, sem kvað framtíðarmarkmið Coventry skýr.
„Þeir ætla sér aftur upp í úrvalsdeild, það er ekk-
ert flóknara en það. Þrátt fyrir að félagið hafi átt í
erfiðleikum á síðasta keppnistímabili er allt annað
uppi á teningnum núna með nýjum eiganda og
nýjum knattspyrnustjóra. Það eru fyrirhugaðar
stórtækar breytingar á leikmannahópnum og
mér var tjáð að sjö leikmenn væru á förum og
félagið væri með nokkur járn í eldinum hvað
varðar styrkingu á leikmannahópnum. Það eru
því spennandi tímar fram undan hjá Coventry og
það verður gaman að taka þátt í því,“ sagði Aron
Einar að lokum.
ARON EINAR GUNNARSSON: SKRIFAÐI Í GÆR UNDIR ÞRIGGJA ÁRA SAMNING VIÐ ENSKA FÉLAGIÐ COVENTRY
Spennandi tímar fram undan hjá Coventry
> Gerir sér vonir um meira en fjórar
milljónir fyrir Eið Smára
Arnór Guðjohnsen, faðir og umboðsmaður Eiðs
Smára Guðjohnsen, segir að Barcelona geri
sér vonir um að fá meira en fjórar milljónir
punda fyrir leikmanninn, ákveði hann að
róa á önnur mið. Fréttir frá Englandi í gær
hermdu að Eiður gæti farið fyrir fjórar
milljónir punda. Arnór staðfesti einnig
við Fréttablaðið að Portsmouth væri
meðal þeirra félaga sem sýndu honum
hvað mestan áhuga en Eiður er nú í
fríi á Íslandi þar sem hann er að fara
yfir sín mál. Hann gæti farið frá Barce-
lona í sumar en hann hefur ekki hitt Josep
Guardiola til að ræða sína stöðu frekar en
aðrir leikmenn félagsins.