Fréttablaðið - 14.06.2008, Blaðsíða 20
22 14. júní 2008 LAUGARDAGUR
FÖSTUDAGUR, 6. JÚNÍ.
Tölva og listmunur
Þá er mér ekkert að vanbúnaði
lengur að skrifa meistaraverk á
færibandi, að minnsta kosti hef ég
ritfærin til þess. Fólkið hjá Apple-
tölvu-umboðinu stóð við sitt og
gott betur og bjargaði öllu sem ég
þurfti úr hræinu af gamla pésan-
um mínum og flutti gögnin yfir
á Macbook Air-fartölvu sem er
svo glæsileg að ég er reyndar
soldið feiminn við hana ennþá,
nýendurreistur í Makkasöfn-
uðinum.
Þetta er ekki bara fallegur
listmunur heldur tölva og
atvinnutæki.
LAUGARDAGUR, 7. JÚNÍ.
Fótbolti á skilnings-
trénu
Ef það hefði verið fótbolti en ekki
epli sem Eva kom auga á í lauf-
þykkni skilningstrésins er ég
hræddur um að Adam hefði
verið snöggur upp í tréð að
sækja tuðruna; síðan hefði
hann hóað í tuttugu englaskját-
ur og þau Eva hefðu skipt liði á
tvö mörk í knattspyrnuleik sem
stæði sennilega ennþá yfir í
Paradís.
En það var bara epli á vís-
dómstrénu en ekki fótbolti og
því fór sem fór.
Til að gera mannkyninu lífið
bærilegra eftir hina harð-
ýðgislegu útskúfun úr Par-
adís var svo knattspyrnan
fundin upp og síðan heims-
meistarakeppni í greininni
og nú síðast sú Evrópu-
meistarakeppni sem hófst í
dag.
Það eru örlög mín sem
Adamssonar að geta ekki
neitað mér um að horfa á
knattspyrnu þegar bestu
leikmenn heims leiða
saman hesta sína. Konur
eru hins vegar meiri fyrir ávexti
og aðra hollustu en fótbolta af
sögulegum ástæðum.
Evrópumeistarakeppni landsliða
í knattspyrnu hófst í dag með leik
Svisslendinga og Tékka. Þeir síðar-
nefndu unnu með harmkvælum og
sennilega hefur dómarinn ekki
áttað sig á hvort liðið var heimalið
í Bern í Sviss þar sem leikurinn
fór fram, því að hann gleymdi að
dæma tvær vítaspyrnur á Tékk-
ana.
Svo tók ennþá betra við.
Portúgalar undir stjórn Brasil-
íumannsins Scolaris unnu Tyrki í
skemmtilegum leik.
Af öðrum íþróttafréttum ber að
nefna að Flokkurinn er búinn að
beygja Vilhjálm Þ. Vilhjálmsson til
hlýðni.
Villi lýsti því yfir í dag að Hanna
Birna sem var númer tvö á
framboðslistanum tæki við
oddvitahlutverki Flokksins í
borgarstjórn en hann sjálfur
ætlaði að sitja áfram sem
óbreyttur fulltrúi. Það er skilj-
anlegt að Vilhjálmur afsali sér
nú að kröfu Flokkseigendafé-
lagsins því umboði sem
óbreyttir Flokksmenn fólu
honum í fjölmennu próf-
kjöri. Þrýstingurinn á hann
að stíga til hliðar
hefur verið
mikill. Mogg-
inn hefur
beinlínis
ofsótt hann.
Maður hefði
haldið að
Vilhjálm-
ur ætti
betra skilið eftir 28 ára dygga þjón-
ustu. Ég veit að skoðanakannanir
hafa ekki styrkt stöðu hans að und-
anförnu, hins vegar taka stjórn-
málaflokkar aðeins tillit til skoð-
anakannana ef þeir halda að það
þjóni hagsmunum flokksins.
Mér líst ágætlega á að Hanna
Birna taki við borgarstjórahlut-
verkinu þegar Ár læknisins er liðið
og löngu kominn tími til að Flokk-
urinn tefldi fram konu í fremstu
röð til að bæta fyrir klúðrið sem
varð þegar Bíbí fékk frekjukastið
og ruddist fram fyrir Ingu Jónu.
Skrýtið að Vilhjálmur skuli svo
verða fórnarlamb pólitískra hreins-
ana Flokksins. Villi hefur sáralítið
gert af sér annað en að koma íhald-
inu aftur í meirihluta í borgar-
stjórn Reykjavíkur. Tvisvar.
SUNNUDAGUR, 8. JÚNÍ.
Gamlar glæður
Það logar lengi í gömlum glæðum.
Ég get varla slitið mig frá sjón-
varpinu meðan Evrópumeistara-
keppnin í knattspyrnu er að fara af
stað. Tveir leikir í dag. Þjóðverjar
líta mjög vígalega út og spila
skemmtilegri fótbolta en oft áður.
Talandi um gamlar glæður þá er
ég búinn að lesa bók Einars Más
Jónssonar „Vorið ’68“ um stúdenta-
óeirðirnar frægu í París. Frábær-
lega skemmtileg lesning um hvern-
ig ungu fólki tókst að stugga við
stöðnuðum og hrokafullum stjórn-
málamönnum. Vonandi verður
meira fjör í kynslóðinni sem held-
ur upp á fimmtugsafmæli vorsins
´68 eftir tíu ár en í þeirri sem
gleymdi fertugsafmælinu núna í
maí.
MÁNUDAGUR 9. JÚNÍ.
Þegar ljós slokknar
Minn kæri vinur Árni Bergmann
hringdi í morgun. Lena er búin að
kveðja. Hún dó á Landspítalanum í
nótt.
Leiðir okkar Árna lágu saman
þegar við vorum að vinna á Þjóð-
viljanum sem var dagblað gefið út
í því skyni að draga úr ójöfnuði í
þjóðfélaginu.
Eins og aðrir vissi ég að Árni
hafði stundað nám í Rússlandi og
eignast þar rússneska konu sem
mikið orð fór af fyrir gáfur og
heillandi persónutöfra.
Ég bar soldið óttablandna virð-
ingu fyrir þessum mikla lærdóms-
manni með stálminnið og laser-
skilninginn. Svo kom á daginn
þegar fram liðu stundir að ekki
einasta var Árni öðrum mönnum
fróðari heldur kunni hann einnig
þá list að fara vel með kunnáttu
sína, svo að manni leið ekki eins og
tossa í návist hans.
Þegar þar kom að ég hitti Lenu
Túvínu Bergmann fór ekki milli
mála að þar varð vinátta við fyrstu
sýn.
Í rómantík er oft talað um ást við
fyrstu sýn sem kann að vera stór-
merkilegt fyrirbæri en sjaldnar er
minnst á vináttu við fyrstu sýn
þegar tveir einstaklingar hittast og
vita báðir samstundis að þeir hafa
mikla ánægju af nærveru hins.
Núna finn ég fyrir tómleika, sorg
og myrkri. Það er eins og skært
ljós í hjarta mínu hafi slokknað.
Náttmyrkrið verður svartara.
Ókomnir dagar ekki eins bjartir.
MIÐVIKUDAGUR, 11. MAÍ.
Aldursmunur
Ungur maður gerir ráð fyrir því að
vera betur upplagður á morgun.
Miðaldra maður vonast til þess
að vera betur upplagður á morg-
un.
Roskinn maður veit að hann
verður ekki betur upplagður á
morgun.
Þess vegna skrifa ég á hverjum
degi.
Reyndar hef ég aldrei þolað
alveg rígskorðaða daglega rútínu.
Þessa dagana vakna ég stundum
kl. fjögur á morgnana, skrifa til
hálfátta. Legg mig smástund. Fer í
sund. Held svo áfram að skrifa eins
og orkan endist. Nota kvöldið til að
fara yfir textann og búa mig undir
næsta vinnudag.
Bogi vinur minn hjá Apple kom
við hjá mér og setti upp undratæki:
Time Capsule við prógramið Time
Machine. Þetta apparat afritar og
vistar allt sem ég geri í tölvunni
minni, þráðlaust og sjálfkrafa án
fyrirhafnar. Ef ég týni tölvunni
minni eða einhver auli heldur að
það sé góð hugmynd að stela henni
þrátt fyrir að hún innihaldi stað-
setningartæki sem segir nákvæm-
lega hvar hún er niðurkomin á
hverju augnabliki − þá hefur örugg-
lega ekki glatast nema nokkurra
mínútna vinna.
FIMMTUDAGUR, 12. JÚLÍ.
Sjálfmiðaðir dagar
Þessir dagar eru soldið sjálfmiðað-
ir og fjalla um vandamál sem
venjulegir lesendur eiga sjálfsagt
erfitt með að tengja sig við, sem sé
hvernig manni tekst að klára bók,
sem hefur hvílt á manni lengi, í
tæka tíð til að koma henni á flot í
þeim farvegi sem henni er ætlað að
fara. Og þótt maður dragi sig í hlé
heldur lífið áfram með áhyggjum
og sorgum, gleði og eftirvæntingu.
Reyndar þurfa flestir að standa
skil á einhverjum tímabundnum
verkefnum. Nemendur þurfa að
skila ritgerðum. Vinnandi fólk
skýrslum. Ljúka þarf ákveðnum
verkum á ákveðnum tíma. Og þá er
í flestum tilvikum gott ráð að gera
það sem maður getur til að geta
helgað sig verkinu og forðast sem
mest utanaðkomandi áreiti.
Versta áreitið í mínu tilviki er að
ég tilheyri þeim fyrirlitna og frum-
stæða hópi manneskja sem hafa
gaman af fótbolta, og núna er boðið
upp á fjóra klukkutíma af knatt-
spyrnu frá Evrópumeistaramót-
inu.
Að leyfa sér þann munað að
gleyma sér yfir hinni fögru íþrótt
nokkra sæta sumardaga í röð hefur
þó þá refsingu í för með sér að
maður verður að hlusta á þuli og
gesti þeirra „lýsa leikjunum“ sem
maður er, jú, að horfa á.
Flestar þessar lýsingar eru
afskaplega dapurlegar, þvogluleg-
ar í málfari og hugsun. Það setur
að mér hroll við að vita að ef ég læt
undan fótboltaáhuga mínum verð-
ur mér refsað fyrir með því að
heyra orðið „klárlega“ endurtekið
á nokkurra setninga fresti í 90 mín-
útur.
Þar er „klárlega“ um misnotkun
á málinu að ræða og flokkast undir
pyntingar.
KÆRA DAGBÓK
Þráinn Bertelsson skrifar
Þegar ljós slokknar
Í dagbók Þráins Bertelssonar er fjallað um epli eða fótbolta á greinum skilningstrésins, listrænt atvinnutæki, og blóraböggul
Flokksins sem vann sér það til óhelgi að koma íhaldinu til valda í Reykjavík. Tvisvar!! Einnig er sagt frá því þegar ljós slokknar.
FRÉTTABLAÐIÐ/SAMSETT MYND/KIDDI
FR
ÉT
TA
B
LA
Ð
IÐ
/S
A
M
SE
TT
M
YN
D
/K
ID
D
I
Viltu skjól á veröndina?
www.markisur.com og www.markisur.is
Veðrið verður ekkert vandamál
Hrein fjárfesting ehf, Dalbraut 3, 105 Reykjavík
Upplýsingar í síma 567 7773 og 893 6337 um kvöld og helgar