Fréttablaðið - 14.06.2008, Blaðsíða 8
8 14. júní 2008 LAUGARDAGUR
KÓPAVOGUR „Þess misskilnings
virðist gæta hjá Gunnari Birgis-
syni að hönnuðir Lundarsvæðisins
hafi flutt húsin nær umferðar-
mannvirkjum en áætlað var sam-
kvæmt skipulagi. Okkur finnst að
heiðri okkar vegið,“ segir Guð-
mundur Gunnlaugsson, arkitekt
og einn af aðalhönnuðum svæðis-
ins, um málið.
Íbúar í fjölbýlishúsinu Lundi 1
segja að Kópavogsbær hafi brotið
gildandi deiliskipulag og að þeir
eigi heimtingu á að því verði fram-
fylgt.
Nýlega var Nýbýlavegur í Kópa-
vogi færður í norðurátt auk þess
sem hringtorgi var komið fyrir á
hann til þess að tengjast Lundar-
braut. Lundur 1 stendur vestan-
megin við Lundarbraut með
Nýbýlaveg í suðurátt.
Í tillögum sem bæjarráð Kópa-
vogs lagði fram í fyrradag er
stungið upp á að Vegagerð ríkisins
skuli færa hringtorgið í suðurátt,
auk þess sem skuldinni er skellt á
hönnuði fjölbýlishússins. Í frétta-
tilkynningu frá bæjarráðinu segir
að framkvæmdin sé „innan marka
gildandi skipulags, í samræmi við
hönnunar og útboðsgögn og ekki
nær lóðamörkum fjölbýlishússins
við Lundarbraut 1 en heimilt er“.
Sigurður G. Guðjónsson, lög-
fræðingur húsfélagsins að Lundi 1,
er á öðru máli og segir að „Kópa-
vogsbær hafi ekki farið að gildandi
deiliskipulagi frá 2004 og að bæði
hringtorgið og Nýbýlavegur eftir
færslu séu á skjön við það“. Sig-
urður segir einnig að Nýbýlavegur
sé 6,3 metrum nær Lundi 1 en deili-
skipulag geri ráð fyrir og að hring-
torgið sé 5,4 metrum nær en leyfi-
legt sé.
Undir þetta tekur Guðmundur
Gunnlaugsson. Hann segir að
Gunnar Birgisson, bæjarstjóri
Kópavogs, misskilji framkvæmda-
ferlið og bendir á að Gunnar hafi
sjálfur gert athugasemdir við
færslu Nýbýlavegar áður en fram-
kvæmdir fóru af stað.
Í fréttatíma Sjónvarpsins skellti
Gunnar Birgisson hins vegar
skuldinni á framkvæmdaaðila á
svæðinu, þar á meðal Byggingar-
félag Gylfa og Gunnars (BYGG),
sem Guðmundur vann Lundar-
svæðið í samstarfi við. Gunnar
lagði ekki til að Nýbýlavegur yrði
færður í samræmi við gildandi
deiliskipulag.
Sigurður G. Guðjónsson sagði
að lokum að ef Kópavogsbær
stöðvaði ekki framkvæmdir
myndi húsfélagið íhuga alvarlega
að krefjast lögbanns.
helgath@frettabladid.is
Segja vegið að heiðri sínum
Hönnuðum Lundarsvæðisins finnst Gunnar Birgissson og bæjarráð Kópavogs hafa vegið að heiðri sínum
með ummælum í máli íbúa Lundar 1. Lögmaður húsfélagsins íhugar að leggja fram lögbannskröfu verði
framkvæmdir við færslu Nýbýlavegs og lagningu hringtorgs ekki stöðvaðar.
FINNLAND Jutta Urpilainen, 32 ára
þingmaður, var kjörin formaður
finnska jafnaðarmannaflokksins
með miklum meirihluta á flokks-
þingi fyrir helgina. Jutta hafði
sigur yfir Erkki Tuomioja, fyrr-
verandi utanríkisráðherra.
Urpilainen tekur við af Eero
Heinäluoma en hann lýsti yfir að
hann myndi hætta formennsku
eftir að flokkurinn beið afhroð í
þingkosningum í fyrra.
Urpilainen lýsti sigrinum sem
sögulegum í finnska dagblaðinu
Helsingin Sanomat. Hún sagði að
nú yrði flokkurinn opnari og að
ný kynslóð stjórnmálamanna
myndi taka til hendinni. „Við
ætlum að koma draumum fólks í
framkvæmd,“ sagði hún og
kvaðst vera reiðubúin til að vera
forsætisráðherraefni jafnaðar-
manna í kosningum árið 2011.
Konur eru nú formenn fjög-
urra jafnaðarmannaflokka af
fimm á Norðurlöndum: Mona
Sahlin í Svíþjóð, Helle Thorning-
Schmidt í Danmörku, Ingibjörg
Sólrún Gísladóttir á Íslandi og nú
er Jutta Urpilainen tekin við í
Finnlandi. Jens Stoltenberg, for-
sætisráðherra Noregs, er for-
maður norska Verkamanna-
flokksins.
Konur eru hins vegar formenn
þriggja annarra stjórnmála-
flokka í Noregi. Kristin Halvor-
sen fer fyrir Sósíalíska vinstri-
flokknum, Erna Solberg fyrir
Hægriflokknum og Siv Jensen
fyrir Framfaraflokknum. - ghs
Konur eru nú formenn fjögurra af fimm jafnaðarmannaflokkum á Norðurlöndum:
Urpilainen kjörin í Finnlandi
NÝR FORMAÐUR Jutta Urpilainen er
tekin við forystu finnskra jafnaðarmanna.
1 Heima hjá hverjum var
lögheimili Luciu Celeste Molina
Sierra þegar hún sótti um
íslenskan ríkisborgararétt?
2 Hve gamalt er varðskipið
Ægir?
3 Hvað heitir plata Sigurðar
Guðmundssonar og Memfis-
mafíunnar?
SVÖRIN ERU Á SÍÐU 50
SKAGAFJÖRÐUR Þau Björn Sveins-
son og Magnea Guðmundsdóttir
hafa reist reiðhöll að Varmalæk
II í Skagafirði. Þar er einnig
hesthús og gestamóttaka.
Byggingin er rúmir 1000 fermetr-
ar og segir Björn að um hundrað
manns komist í áhorfendastæðin.
„Tilgangurinn er fyrst og
fremst að skapa aðstöðu til
tamninga en kröfurnar eru
orðnar þannig nú til dags að
maður verður að geta stundað
þær hvernig sem viðrar,“ segir
Björn. „En við höfum nú þegar
haft nokkrar hestasýningar hér
fyrir ferðamenn.“
Höllin var vígð síðasta föstudag
með viðhöfn. „Við urðum að láta
kanna hljómburðinn hérna.
Karlakórinn Heimir og Álftagerð-
isbræður sáu um það og svo var
hér lúðrasveit og allt hljómaði
vel,“ segir Björn. - jse
Ný reiðhöll risin:
Hægt að temja
innan dyra
VIÐ REIÐHÖLLINA Þau Björn og Magnea
hafa reist reiðhöll í Skagafirði.
MYND/FEYKIR
SAMGÖNGUR „Án þess að ég hafi
skoðað það gaumgæfilega þá held
ég að þessi tímabundna fólksfjölg-
un í Bolungarvík sé sú mesta frá
því hún fékk kaupstaðarréttindi
árið 1974,“ segir Einar K. Guð-
finnsson, sjávarútvegsráðherra og
Bolvíkingur.
Undirbúningur er nú hafinn
fyrir gerð ganga um Óshlíð en
framkvæmdir hefjast í haust og
munu þá um 40 til 50 starfsmenn á
vegum verktakanna, Ósafls, flytja
til Bolungarvíkur. Verklok eru fyr-
irhuguð árið 2010.
„Ég tel að ákvörðunin um að gera
þessi göng sé sú mikilvægasta
fyrir Bolungarvík sem tekin hefur
verið í seinni tíð,“ segir Einar. „Og
ég held að ekkert okkar sem í Bol-
ungarvík búum geri sér í raun
grein fyrir því hvaða jákvæðu
afleiðingar þetta hafi í för með sér.
Þetta mun einnig styrkja allt svæð-
ið í heild; þetta er margra milljarða
framkvæmd sem mun skilja heil-
mikið eftir sig og sé hugsað til
lengri tíma þá er helsta hagsbótin í
því fólgin að Ísafjarðarbær, Súða-
vík og Bolungarvík verða eitt
atvinnusvæði.“
En mun ráðherrann sakna öku-
ferðanna eftir Óshlíð? „Ég á bæði
slæmar og góðar minningar frá
Óshlíð. Útsýnið er náttúrulega
býsna fagurt en ég er satt að segja
til í að fórna því fyrir öryggið, enda
var ég nær dauður fyrir 18 árum
þegar ég var þarna á ferð um svip-
að leyti og ein snjóskriðan.“ - jse
Mest fólksfjölgun frá því kaupstaðarréttindi fengust:
Vatnaskil í sögu
Bolungavíkur
ÓSHLÍÐ Ökuferð meðfram Óshlíð hefur mörgum reynst hættuför. Sjávarútvegsráð-
herra var hætt kominn í einni slíkri ferð.
SKULD SKELLT Á FRAMKVÆMDARAÐILA Húsfélagið í Lundi 1 íhugar að krefjast lög-
banns verði framkvæmdir ekki stöðvaðar strax.
SVÍÞJÓÐ Sænskir hjúkrunarfræð-
ingar hafa tapað verulegum
fjárhæðum á verkfalli sem stóð í
sex vikur, ekki síst í töpuðum
mánaðarlaunum og launahækkun-
um sem hefðu getað tekið gildi 1.
apríl, þegar fyrsta tilboð barst.
Ef hjúkrunarfræðingarnir
hefðu tekið tilboðinu hefðu þær
fengið launahækkunina frá 1.
apríl en þar sem þær hafa nýlega
samið tekur launahækkunin gildi
frá 1. júní. Þetta bætist við þau
mánaðarlaun sem þær hafa tapað
í verkfallinu.
Þá hefur verulega gengið á
verkfallssjóð hjúkrunarfræðing-
anna, að sögn Aftonbladet. - ghs
Sænskir hjúkrunarfræðingar:
Tapa veruleg-
um fjárhæðum
Kópavogsbær hefur
ekki farið að gildandi
deiliskipulagi frá 2004 og bæði
hringtorgið og Nýbýlavegur eftir
færslu eru á skjön við það.
SIGURÐUR G GUÐJÓNSSON
LÖGFRÆÐINGUR HÚSFÉLAGSINS LUNDI 1
VEISTU SVARIÐ?