Fréttablaðið - 14.06.2008, Side 74

46 14. júní 2008 LAUGARDAGUR
HANDBOLTI Það var mikill hugur í
strákunum úr handboltalandsliðinu
og þjálfara þeirra á Hótel Loftleið-
um á fimmtudag. Framundan er
úrslitaleikur númer tvö gegn Make-
dóníumönnum um laust sæti á HM í
Króatíu. Strákarnir eru ákveðnir í
að bæta upp fyrir lélegan leik ytra
þar sem átta marka tap var niður-
staðan. Níu marka múrinn verður
erfiður að klífa, það veit Guðmund-
ur Guðmundsson, landsliðsþjálfari.
sem bendir þó á að allt sé hægt.
„Við munum ekki sýna þeim
neina gestristni, það er klárt,“
sagði Guðmundur ákveðinn.
„Okkur var ekki sýnd hún að mínu
mati, hvorki innan vallar né utan.
Hótelið var mjög dapurt og það
var margt sem ég var ekki sáttur
við,“ sagði Guðmundur en til að
mynda virkaði leikklukkan ekki
sem skyldi. „En auðvitað skiptir
mestu að sýna þeim enga gest-
ristni inni á vellinum.“
Guðmundur viðurkennir að
fyrri leikurinn hafi verið slakur
að öllu leyti. „Við verðum að bæta
fyrir þennan slaka leik okkar og
við bíðum bara eftir þessum leik
til að fá að gera það. Við spiluðum
mjög illa og við vitum það. Við
erum vonsviknir með sjálfa okkur
og það er ekkert annað en níu
marka sigur sem kemur til greina.
Við munum síðan bara láta verkin
tala á vellinum. Við skuldum sjálf-
um okkur og öðrum að bæta leik
okkar á öllum sviðum. Það er fátt
sem var í lagi í fyrri hálfleiknum en
það er allt hægt í þessu,“ sagði þjálf-
arinn. Hann viðurkennir jafnframt
að síðustu vikur hafi tekið á en
landsliðið hefur verið á ferð og flugi
síðustu þrjár vikur.
„Þó að ég vilji ekki tala um það þá
hefur þetta vissulega verið erfitt og
tekið á en við eigum eftir að klára
þetta verkefni og síðan getum við
tekið okkur frí. Við höfum skráð
okkur sjö til átta sinnum inn og út af
hótelum en nú erum við komnir
heim og hér líður okkur vel. Okkur
er ekkert að vanbúnaði að kýla á
þetta. Við getum hvílt okkur eftir
helgi og við iðum í skinninu að fá að
taka á Makedónunum,“ sagði Guð-
mundur.
Leikurinn hefst klukkan 16.00 á
morgun. Miðasala er á Miði.is. - hþh
Guðmundur Guðmundsson, landsliðsþjálfari í handbolta, leggur línurnar fyrir leikinn gegn Makedóníu:
„Munum ekki sýna þeim neina gestristni“
EINBEITTUR Guðmundur var raunsær en bjartsýnn á blaðamannafundinum á
fimmtudag. FRÉTTABLAÐIÐ/VILHELM
BADMINTON TBR tapaði öllum
þremur leikjum sínum á Evrópu-
mótinu í badminton í Moskvu.
Liðið varð þar með neðst í sínum
riðli en í gær lá það í valnum eftir
leik við tyrkneskt lið. TBR gat
ekki teflt fram sínu sterkasta liði
á mótinu og meðal annars var
Ragna Ingólfsdóttir ekki með
liðinu. - hþh
TBR á EM í Moskvu:
Tapaði öllum
leikjunum
ÞRJÚ TÖP TBR tapaði öllum leikjum
sínum í Rússlandi. Helgi Jóhannesson
var meðal keppenda. FRÉTTABLAÐIÐ/VALLI
FÓTBOLTI Sinisa Valdimar Kekic
hefur enn ekki fundið sér lið eftir
að hann hætti með Víkingum fyrr
í sumar. Hann hefur æft grimmt
sjálfur undanfarið. „Ég er enn í
fínu formi. Það voru þreifingar í
gangi hjá nokkrum liðum í
Landsbankadeildinni en ekkert
kom út úr þeim. Ég er nú bara að
leita mér að liði til að spila með út
tímabilið og ég sé svo til. Það
kemur allt til greina, sama hvaða
deild það er. Ég skoða allt,“ sagði
Kekic við Fréttablaðið í gær. - hþh
Sinisa Valdimar Kekic:
Opinn fyrir öllu
HANDBOLTI Íslenska hand-
boltalandsliðið þarf að vinna
Makedóníu með 9 mörkum á
sunnudaginn ætli liðið sér að kom-
ast á HM í Króatíu 2009. Ísland
hefur ekki unnið með meira en sex
mörkum í alvörulandsleik í Laug-
ardalshöllinni síðustu tólf ár, eða
síðan að landsliðið vann Eistland
með átta og níu mörkum í undan-
keppni HM í nóvember 1996.
Þessir leikir fyrir tólf árum
voru hluti af riðlakeppni undan-
keppni HM í Kumamoto 1997.
Ísland vann fyrri leikinn með 9
mörkum (28-19) á föstudagskvöldi
en þann seinni með 8 mörkum (30-
22) á sunnudagskvöldi.
Íslenska landsliðið hefur oft
spilað úrslitaleiki sína á Íslandi í
Kaplakrikanum og liðið hefur
aðeins spilað átta heimaleiki í
Höllinni í undankeppni HM eða
EM frá árinu 1996. Helmingur
þeirra leikja hefur unnist, liðið
hefur gert eitt jafntefli og tapað
þremur þeirra.
Þetta er í níunda sinn sem
íslenska landsliðið tekur þátt í
umspilsleikjum með þessum hætti
en aðeins í annað sinn sem íslenska
landsliðið þarf að vinna upp for-
skot í seinni leiknum. Hitt skiptið
var gegn Serbum í fyrra sem unnu
þá fyrri leikinn með einu marki en
íslenska liðið tryggði sér sæti á
EM í Noregi með því að vinna
seinni leikinn með tveggja marka
mun.
Landsliðið hefur ofast farið
langleiðina að því að tryggja sér
farseðilinn með góðum sigri á úti-
velli og hefur þannig komist tvisv-
ar sinnum upp með það frá 2001 að
tapa heimaleiknum. - óój
Íslenska handboltalandsliðið þarf að vinna upp átta marka tap úr fyrri leiknum við Makedóníu:
Þurfa stærsta sigur í Höllinni í tólf ár
MIKILVÆGUR Það reynir á Ólaf Stefáns-
son og félaga. FRÉTTABLAÐIÐ/VALLI
STAÐA ÍSLANDS FYRIR
SEINNI LEIK SÍÐUSTU ÁR:
HM 2009 -8 mörk (??)
EM 2008 -1 mark (+1 samanlagt)
HM 2007 +4 mörk (+3)
EM 2006 +3 mörk (+12)
HM 2005 +6 mörk (+18)
EM 2004 Fóru beint á EM
HM 2003 +5 mörk (+10)
EM 2002 +7 mörk (+6)
FÓTBOLTI Þróttarar urðu fyrir enn
einu áfallinu í fyrrakvöld þegar
Haukur Páll Sigurðsson meiddist
í 21 árs landsleik á móti Noregi.
„Það var traðkað ofan á ristinni
á mér og það er einhver flís farin
úr ristinni. Ég er í gipsi í viku og
fer síðan í aðra myndatöku á
fimmtudaginn og þá kemur betur
í ljós hvað ég verð lengi frá,“
sagði Haukur Páll sem hefur
staðið sig vel með Þrótti í sumar
og var sem dæmi í liði 6. umferð-
ar hjá Fréttablaðinu.
„Ég er alls ekki búinn að
afskrifa sumarið og ég geri það
seint,“ segir Haukur Páll og hann
segir Þróttara vera að endur-
heimta leikmenn. „Við erum með
stóran og breiðan hóp og svo eru
menn að koma aftur eftir meiðsli.
Simmi fer að vera klár og svo eru
Alli og Jenni að verða tilbúnir.
Það er gott að eiga þá þrjá inni,“
sagði Haukur en hann á þar við
Sigmund Kristjánsson, Arnljót
Ástvaldsson og Jens Sævarsson.
Þróttur hefur unnið tvo leiki í
röð í Landsbankadeildinni eftir að
hafa fengið aðeins tvö stig í
fyrstu fjórum leikjunum. - óój
Enn eitt áfall Þróttara:
Haukur Páll
meiddist illa
MEIDDUR Haukur Páll Sigurðsson gæti
verið frá í langan tíma. FRÉTTABLAÐIÐ/VALLI
KEKIC Leitar sér að félagi til að vera með
út tímabilið, frá 15. júlí þegar félaga-
skiptaglugginn opnar. FRÉTTABLAÐIÐ/X
FÓTBOLTI Hollendingar lifa góðu
lífi í dauðariðlinum á Evrópumót-
inu í fótbolta en þeir unnu sinn
annan leik í röð í gær þegar þeir
burstuðu Frakka 4-1. Eftir tvo
leiki eru Hollendingar með fullt
hús og hafa skorað sjö mörk gegn
einu. Rúmenar eru í öðru sæti rið-
ilsins eftir jafntefli við Ítali en
Frakkar og Ítalir hafa aðeins eitt
stig hvor þjóð.
Hollendingar héldu aftur af
stórsóknum Frakka eftir að Dirk
Kuyt hafði komið liðinu í 1-0 með
skalla eftir hornspyrnu strax á 10.
mínútu leiksins. Varamaðurinn
Robin van Persie kom Hollandi
síðan í 2-0 eftir skyndisókn en þær
hafa reynst Ítölum og Frökkum
illviðráðanlegar í fyrstu tveimur
leikjunum. Van Persie fékk frá-
bæra sendingu frá varamanninum
Arjen Robben í markinu.
Það er ekki hægt að segja að
skiptingar þjálfarans Marcos van
Basten hafi hitt beint í mark því
Rooben skoraði síðan þriðja mark-
ið aðeins örfáum sekúndum eftir
að Thierry Henry hafði minnkað
muninn fyrir Frakka. Það var
síðan hinn snjalli Wesley Sneijder
sem innsiglaði sigurinn með frá-
bæru marki í uppbótartíma.
Þetta var stærsta tap Frakka á
stórmóti síðan á HM 1958. Hol-
lendingar hafa þar með farið illa
með þau tvö lið sem spiluðu til
úrslita á síðustu HM og eru orðnir
sigurstranglegir á EM í ár.
„Lokatölurnar gefa engan veg-
inn rétta mynd af gangi leiksins
en þeir gerðu það sama og á móti
Ítalíu og treystu á skyndisóknir.
Við sköpuðum fullt af færum en
Hollendingarnir nýttu sín færi
fullkomlega. Nú verðum við bara
að vinna Ítali og treysta á það að
Rúmenar fari ekki að taka upp á
því að vinna Holland,” sagði
Frakkinn Thierry Henry eftir leik
en hann hafði auðveldlega getað
skorað þrennu í gær.
Varði víti og bjargaði Ítölum
Markvörðurinn snjalli Gianluigi
Buffon bjargaði heimsmeisturum
Ítala frá öðru tapinu í röð og hélt
lífi í Evrópudraumum liðsins
þegar hann varði vítaspyrnu frá
Adrian Mutu níu mínútum fyrir
leikslok.
Mutu hafði komið Rúmeníu í 1-0
eftir skelfileg varnarmistök Gian-
luca Zambrotta en það tók Christi-
an Panucci innan við mínútu að
jafna leikinn.
Ítalar fengu fjölmörg frábær
færi í leiknum og þá var skalla-
mark Luca Toni í lok fyrri hálf-
leiks ranglega dæmt af fyrir
rangstöðu. Leikurinn var opinn og
skemmtilegur og Rúmenar fengu
einnig fín færi, það besta var nátt-
úrulega vítaspyrnan í lokin.
„Við áttum skilið að vinna í dag
en lukkan var ekki í okkar liði,“
sagði Roberto Donadoni, þjálfari
Ítala, eftir leik en hann var ekki
ánægður með norska dómarann.
Rúmenar eiga enn möguleika á
að komast áfram eftir jafntefli á
móti bæði Frökkum og Ítölum.
„Þetta voru sanngjörn úrslit og
við verðum að líta á þetta sem
jákvæð úrslit þótt að við höfum
stjórnað stórum hluta leiksins og
klikkað á víti,“ sagði Victor
Piturca, þjálfari Rúmeníu.
Það verður mikil spenna í loka-
umferðinni þar sem Rúmenar,
Ítalir og Frakkar keppa um að
fylgja Hollandi í átta liða úrslitin.
Rúmenar mæta þá Hollandi á
sama tíma og Frakkar og Ítalir
keppast við að vinna sinn fyrsta
sigur á mótinu. ooj@frettabladid.is
Leika sér að dauðariðlinum á EM
Hollendingar urðu í gær þriðja þjóðin á eftir Portúgölum og Króötum til þess að tryggja sér sæti í átta liða
úrslitum EM eftir 4-1 stórsigur á Frökkum. Rúmenar, Ítalir og Frakkar eiga allir möguleika á hinu sætinu.
FRÁBÆR MARKVARSLA Gianluigi Buffon sést hér verja víti frá Adrian Mutu.
NORDICPHOTOS/AFP
HOLLENSK HAMINGJARafael van der Vaart og Dirk Kuyt fagna í gær. NORDICPHOTOS/AFP