Fréttablaðið - 21.06.2008, Qupperneq 36

● heimili&hönnun
„Ég vil anda þar til ég kafna. Ég vil elska þar til ég
dey,“ er haft eftir hinum tilfinningaríka og litskrúð-
uga ítalska hönnuði Fabio Novembre, sem er frá Míl-
anó og hefur svo sannarlega hleypt nýju blóði í ít-
alska hönnun.
„Helsta vandamál hönnuða í dag er að þeir hugsa
ekki nógu stórt,“ segir Novembre, sem er mennt-
aður arkitekt, auk þess sem hann hefur sótt nám í
kvikmyndagerð, skrifað ljóð og dýft tánni í heim-
speki. Hann telur að nota eigi vinnuna til að
segja það sem maður hefur að segja, hvort sem
það er gert með því að vinna í banka eða skapa
list, og hefur það sjálfur að mark-
miði. „Maður á að hugsa stórt,
vera sinn eigin Messías, láta
drauma sína rætast og lifa
listrænu lífi til að geta skap-
að list.“
Novembre er hamingju-
samlega kvæntur fjölskyldu-
faðir og sagði eitt sinn í við-
tali að hann dýrkaði eiginkonu
sína mest allra og þakkaði
henni fyrir að þola sig. Hann
hefur einnig lýst því yfir að
hann sé heltekinn af kynlífi
og nálgist arkitektúr eins og
konur og kynlíf, auk þess sem
hann telur heiminn þurfa á
meira kynlífi að halda.
„Ég kann alls ekki að teikna,
það er ekki mín náðargáfa. En
ég hef góð tök á ímyndunar-
aflinu og mitt helsta verk er að koma hugmyndum
mínum til skila. Það geri ég oft með því að skrifa
sögur og lýsa þannig umhverfinu sem ég ætla mér
að skapa,“ segir Fabio um óvenjulegar vinnuaðferð-
ir sínar.
Á stóru hönnunarsýningunni í Mílanó sýndi hann
nýja stóla sem heita Hann og Hún og eru afsteypur
af afturhluta karls og konu. Ekki voru allir á eitt
sáttir um fegurð stólanna, enda er Fabio ekki
á höttunum eftir því að þóknast öllum. - keþ
Lifir eins og hann skapar
● Hinn ítalski Fabio Novembre er ástríðufullur arkitekt og hönnuður sem hugsar langt út
fyrir kassann, fer eigin sínar leiðir og hefur hrist upp í hinni hefðbundnu ítölsku hönnun.
Fabio Novembre er ástríðufullur arkitekt og hönnuður, skáld og listamaður. Hann er nánast órjúfanlegur hluti hönnunar sinnar
og segist lifa eins og hann skapar. MYND/SETTEMIO BENEDUSI
S.O.S. Sofa of Solitude, eða einverusófinn er hlut-
gervingur neyðarkalls segir Fabio Novembre, sem er
jafnframt sá sem situr í sófanum. Að kunna ekki
að tjá sig er tilvistarlegt ástand sem eyði-
leggur allar tilraunir til að elska.
MYND/CAPPELLINI
Stóllinn Histogram er grind smíðuð
úr birki klædd plexígleri og er nýj-
asta afrek Fabio Novembre.
MYND/ARCHIVIO NOVEMBRE/PASQUALE FORMISANO
Cappellini framleiðir
stólinn Sec sem Fabio
Novembre kynnti
fyrr á þessu ári.
MYND/CAPPELLINI
Hér sést stóllinn Hún
sem er afsteypa af
kvenmannslíkama.
Fyrirmyndin er hinn frægi
Panton-stóll eftir Verner
Panton.
MYND/ARCHIVIO NOVEMBRE/
PASQUALE FORMISANO
Ástin opnar hurðir
eða Love Opens
Doors kallast
þessi skemmtilegi
hurðarhúnn. Aðrir
hurðarhúnar í sömu
línu skarta hjörtum.
Ármúla 36 • 108 Rvk
S. 581 4070 • www.jabohus.is
SUMARHÚS HEILSÁRSHÚS GESTAHÚS
Finnsk og sænsk gæðahús
Koma tilbúin til uppsetningar
Góð reynsla og hagstætt verð
21. JÚNÍ 2008 LAUGARDAGUR4