Fréttablaðið - 28.06.2008, Blaðsíða 70
46 28. júní 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT 2. eyja í asíu, 6. frú, 8. ósigur,
9. pfn., 11. átt, 12. framvegis, 14.
blóm, 16. í röð, 17. maka, 18. sam-
hliða, 20. rykkorn, 21. nabbi.
LÓÐRÉTT 1. þurrka út, 3. ólæti, 4.
lítilsvirða, 5. herma, 7. rauðber, 10.
æxlunarkorn, 13. fæða, 15. lengdar-
eining, 16. kerald, 19. tveir eins.
LÁRÉTT: 2. java, 6. fr, 8. tap, 9. mig,
11. na, 12. áfram, 14. sóley, 16. áb, 17.
ata, 18. með, 20. ar, 21. arða.
LÓÐRÉTT: 1. afmá, 3. at, 4. vanmeta,
5. apa, 7. rifsber, 10. gró, 13. ala, 15.
yard, 16. áma, 19. ðð.
VEISTU SVARIÐ
Svör við spurningum á blaðsíðu 8
1 Spánn og Þýskaland
2 Össur Skarphéðinsson
3 Nýhil
LAUSN
PERSÓNAN
Birta Björnsdóttir
Aldur: 31 árs.
Starf: Fatahönnuður.
Fjölskylda: Eiginmaður er Jón Páll
Halldórsson og sonurinn Stormur
Björn Jónsson, þriggja ára.
Foreldrar: Eygló Eyjólfsdóttir,
starfsmaður hjá Orkuveitunni, og
Björn Emilsson, dagskrárgerðarmað-
ur hjá Ríkissjónvarpinu.
Búseta: Miðbær Reykjavíkur.
Stjörnumerki: Naut
Birta Björnsdóttir fatahönnuður opnaði
nýja og stærri Júniform-verslun í byrjun
maí í Ingólfsstræti 8.
„Ég hef verið með alvarlega mótor-
hjóladellu alveg frá því að ég var
með skellinöðru á sínum tíma, en
ég lét nú ekki freistast til þess að
kaupa mér hjól fyrr en fyrir mán-
uði síðan,“ segir Geir Jón Þórisson
yfirlögregluþjónn sem nýlega
splæsti í hjól af tegundinni Honda
VTX 1300. Hann hyggur á hjóla-
ferð til Bandaríkjanna í haust,
þegar hann leggur upp í drauma-
ferðina um Route 66 í Bandaríkj-
unum.
„Við förum til Los Angeles og
leigjum þar splunkuný Harley
Davidsson-mótorhjól. Svo ökum
við eins og leið liggur eftir Route
66 langleiðina til Chicago. Þá beygj-
um við niður til hægri og endum í
Orlando, þar sem við ætlum að
slappa af í svona viku,“ útskýrir
Geir Jón. Ferðin á að taka þrjár
vikur, en Geir hefur ekki áhyggjur
af því að aksturinn verði nokkuð
stífur. „Hann verður það kannski,
en með góðri skipulagningu hefst
þetta alveg. Við erum með fínan
fararstjóra, svo þetta á allt að
ganga upp,“ segir hann. „Svo býðst
okkur að kaupa hjólin þegar við
erum búin að nota þau, sem væri
nú kannski dálítið sniðugt að
skoða,“ segir Geir Jón hugsi.
Geir Jón gekk nýlega í mótor-
hjólaklúbbinn Trúboðana, samtök
kristinna bifhjólamanna, en Banda-
ríkjafararnir eru aðallega úr þeim
félagsskap. „Þetta byrjaði allt
saman þannig að ég var spurður
hvort ég vildi ekki koma með í
ferðina. Það var nú ekki annað
hægt en að stökkva á það og láta
drauminn rætast. Ég sagði já, og
þá varð ég að rifja upp gömlu takt-
ana til að vera klár í slaginn,“ segir
Geir Jón, sem í kjölfarið gekk í
Trúboðana og festi kaup á Hond-
unni góðu. „Þetta hefur allt gerst
núna í júnímánuði,“ segir Geir Jón,
sem nýtur fulls stuðnings konu
sinnar, Guðrúnar Ingveldar
Traustadóttur, í dellunni. „Hún
hefur farið mikið með mér á hjól-
inu hérna heima og hefur voðalega
gaman af. Hún fer með út og verð-
ur hnakkaskraut,“ segir Geir Jón
og hlær við.
Hann hefur lagt fjölskyldubíln-
um og geysist frekar á hjólinu til
vinnu. „Já, ég stórspara eldsneyti,“
segir Geir Jón, sem segir það þó
ekki hafa komið til greina að festa
kaup á vespu, sem hafa verið afar
vinsælar upp á síðkastið. „Nei,
maður verður að hafa kraftinn á
milli fótanna, finnst mér, og kom-
ast leiðar sinnar almennilega,“
segir hann. sunna@frettabladid.is
GEIR JÓN ÞÓRISSON: FER ROUTE 66 Á HARLEY Í SEPTEMBER
Konan verður hnakkaskraut
MEÐ KRAFTINN Á MILLI FÓTANNA Geir Jón Þórisson festi nýlega kaup á Hondu-mót-
orhjóli og hyggur á mótorhjólaferð eftir Route 66 í Bandaríkjunum í haust.
FRÉTTABLAÐIÐ/GVA
„Það kom ekki annað til greina hjá þeim en
að gifta sig á Íslandi,“ segir Bryndís Guð-
mundsdóttir, eiginkona Árna Sigfússonar
bæjarstjóra Reykjanesbæjar, en dóttir
þeirra Aldís Kristín Árnadóttir mun ganga
að eiga unnusta sinn Ralph David Firman í
Landakotskirkju í dag.
Ralph er fyrrverandi formúlukappakst-
ursmaður og keppir nú fyrir Honda í Japan,
en Aldís Kristín er lögfræðingur og starfar
bæði í London og Mónakó, svo parið á heim-
ili á báðum stöðum.
„David er mjög hrifinn af Íslandi og hefur
ferðast töluvert innanlands bæði með Aldísi
og farið með okkur fjölskyldunni í lunda til
Eyja. Hann er mjög góður drengur og fellur
vel inn í fjölskylduna. Hann er líka mikill
húmoristi og þar sem hann er hálfírskur
grínumst við oft með að hann falli því vel inn
í íslenska húmorinn,“ segir Bryndís, sem
var önnum kafin við að undirbúa helgina
þegar blaðamaður náði tali af henni, en
helmingur brúðkaupsgestanna kemur
að utan.
Ralph David er kaþólskur og að sögn
Bryndísar verður athöfnin bæði með
íslensku og írsku ívafi, en tveir prest-
ar munu vígja þau Aldísi Kristínu
og Ralph og tveir vinir hans verða
svaramenn. „Þau vildu gjarnan
vera á Reykjanessvæðinu svo
veislan verður haldin á Lava í
Bláa lóninu og brúðkaups-
myndirnar verða teknar á
svæðinu í kring, enda birtan
þar engu lík,“ segir Bryndís að
lokum.
- ag
Árni fær formúlukappa sem tengdason
Jón Sæmundur Auðarson, sem
sumir þekkja betur sem Nonna
Dead, hefur tónlistarferil sinn af
krafti. Hann stígur á stóra svið
Glastonbury-hátíðarinnar, Pýra-
mídasviðið, á sunnudaginn klukk-
an tvö. Búist er við um 70-80 þús-
und áhorfendum. Jón Sæmundur
tekur lagið með hinni umdeildu
Brian Jonestown Massacre, en
hann á söng og texta við lagið Gold-
en Frost, af My Bloody Underg-
round, nýjustu plötu sveitarinnar.
Jón kynntist forsprakkanum
Anton Newcombe seinasta haust,
en hann tók plötuna að mestu upp
hérlendis. Jón er ekki einn um að
ljá bandinu rödd sína, en Krummi
úr Mínus öskrar og Sigga af Bos-
ton talar, hvort í sitt laginu. Spurð-
ur hvort hann byrji á toppnum, en
Golden Frost er fyrsta tilraun Jóns
í hljóðveri og Glastonbury fyrsta
sviðsframkoman, svaraði hann:
„Er ekki bara fínt að byrja þar.“
Jón hefur, ásamt öðrum Íslend-
ingum, unnið að myndböndum við
lög nýju plötunnar, sem birtast á
samnefndum DVD-disk, auk ann-
arra myndbanda á DVD-disknum
Book of Days, sem kemur út í
haust.
Anton Newcombe er afar
umdeildur, sérstaklega eftir heim-
ildarmyndina Dig, þar sem fylgst
er með Dandy Warhols og Brian
Jonestown Massacre. Virðist hann
þar í talsverðu rugli. En hvernig
líst Nonna á bandið? „Ég þekki
ekkert hina. Anton er mjög fínn og
bara góður vinur minn. Erum á
svipuðum aldri og með svipuð
áhugamál.“ Varðandi Dig sagði
hann: „Sú mynd er tekin á ein-
hverjum tíu árum. En hann er ekki
alveg svoleiðis núna, ég vona að
minnsta kosti ekki. Hann er bara
mjög rólegur og yfirvegaður.“
Í texta Golden Frost endurtekur
Jón orðin „Andskotans helvítis
djöfll“ og í myndbandinu sést hann
framan við íslenskan fána. „Undir-
aldan er að ég er að blóta djöflin-
um. Svæla hann aftur niður þegar
þriðji ísbjörninn kemur á land og
Hekla gýs. Ég spái því að hann
komi á sunnudaginn og Hekla byrji
að gjósa, um leið og ég stíg á svið.“
Hann bætir við „En þið þurfið ekk-
ert að vera hrædd.“ - kbs
Jón Sæmundur á Glastonbury
SPÁIR HEKLUGOSI OG ÍSBJÖRNUM Jón
Sæmundur syngur með Brian Jones-
town Massacre. FRÉTTABLAÐIÐ/ANTON
Með Icelandair-vél frá París á
fimmtudaginn flugu tveir helstu
máttarstólpar landsins. Geir Haar-
de mætti í vélina ásamt þremur
skjalatöskukörlum og tveimur
lögregluþjónum og beygði til vinstri
í Saga Class. Strax á
eftir forsætisráðherr-
anum arkaði Björk
með sínu liði, en það
hafði verið að spila
í Olympiu-höllinni
daginn áður. Hún
beygði til hægri í
almenninginn.
Mál Ólafs F. Magnússonar og
söngkonunnar Sólváar Ford, sem
hann bauð að syngja á menning-
arnótt, tekur stöðugt á sig nýjar
myndir. Í Morgunblaðinu í gær
sagði hún frá því hvernig kynnum
hennar og borgarstjórans var háttað.
Eftir að hún hafði sungið gospellag
settist hann niður með kassagítar
og spilaði lagið As Tears Go By með
Rolling Stones, og heimtaði að sú
færeyska tæki undir. Draumaenda-
punktur þessa máls
væri vafalaust sá að
Færeyingar myndu
gjalda Ólafi greiðann
og bjóða honum að
syngja á Ólafsvökunni
í Færeyjum. Sólvá
myndi radda.
Mikið er rætt og ritað um dóm-
gæslu í Landsbankadeild karla.
Egill Einarsson, eða Stóri G, hefur
meðal annarra látið dómara kenna
á því í orði. Nú hefur hann látið Val-
geir Valgeirsson fá það óþvegið
á bloggi sínu fyrir að gefa Prince
Rajcomar, leikmanni Blika, rautt
spjald gegn Fram. Segir hann Prince
hafa rekið framhandlegginn óvart í
enni Auðuns Helgasonar
enda það óhjákvæmilegt.
„Hafið þið séð ennið á
Auðuni Helga? Það væri
hægt að byggja raðhús
á enninu á honum,“
segir Egill ósáttur.
-glh/shs
FRÉTTIR AF FÓLKI
Auglýsingasími
– Mest lesið