Fréttablaðið - 28.06.2008, Blaðsíða 56
32 28. júní 2008 LAUGARDAGUR
menning@frettabladid.is
> Ekki missa af …
Sýningunni List mót bygg-
ingarlist sem nú stendur yfir
í Listasafni Íslands, en henni
lýkur á morgun. Á sýningunni
má sjá verk eftir listamennina
Elínu Hansdóttur, Finnboga
Pétursson, Franz West, Monicu
Bovicini og Steinu, en þau
takast í verkum sínum öll á
við sýningarrýmið, hvert á sinn
hátt.
Þriðju tónleikar sumartónleik-
araðar veitingahússins Jóm-
frúarinnar við Lækjargötu fara
fram síðdegis í dag. Kvartett
kontrabassaleikarans Tómasar R.
Einarssonar stígur þar á stokk og
kætir viðstadda með sumarleg-
um tónum. Tónleikarnir hefjast
kl. 15 og standa til kl. 17. Leikið
verður utandyra á Jómfrúrtorg-
inu ef veður leyfir, en annars
inni á Jómfrúnni. Aðgangur er
ókeypis.
Kvartettinn mun spila latínlög
Tómasar R. af plötunum Kúb-
önsku, Havönu og Romm Tomm
Tomm, ásamt sígrænum djass-
lögum í nýjum búningi. Tómas
hefur gefið út fjórtán plötur
sem innihalda einvörðungu eða
aðallega frumsamda tónlist
hans, síðast Rommtommtechno
þar sem alþjóðlegur hópur skífu-
snúða endurhljóðblandaði tíu
latínlög hans. Latínplötur hans
hafa hljómað á útvarpsstöðvum
í Ameríku og Evrópu og á síð-
asta ári var eitt laga hans valið á
safnplötu hins virta Putumayo-
fyrirtækis, Putumayo Presents
Latin Jazz, þar sem hann var í
hópi með flestum þekktustu
flytjendum latíntónlistarinnar.
Hann hefur komið fram með
eigin hljómsveit og öðrum í
meira en tuttugu löndum. Telja
má næsta víst að smurbrauðs-
sneiðarnar renni ljúflega niður
við seiðandi og suðræna tóna
kvartettsins. - vþ
Tómas og Jómfrúin
TÓMAS R. EINARSSON Kemur fram
með hljómsveit sinni á smur-
brauðsstofunni Jómfrúnni í dag.
Fimmta braggasýningin á
vegum listakonunar Yst verður
opnuð í Bragganum í Öxarfirði í
dag. Umfjöllunarefni sýningar-
innar er tilhugalíf, frjósemi,
væntingar og vonir.
Á sýningunni má sjá þrettán
verk eftir Yst, sem einnig
gengst við nafninu Ingunn St.
Svavarsdóttir. Verkin eru af
ýmsum toga; teikningar á léreft
og pappír, ásamt skúlptúr,
innsetningu og einu atómljóði á
ensku. Yst óskar eftir þýðingu á
ljóðinu yfir á íslenska tungu og
lofar þeim sem leggur til bestu
þýðinguna teikningu í verðlaun.
Enginn aðgangseyrir er að
sýningunni og eru allir vel-
komnir. Sýningin stendur til 13.
júlí og er opin alla daga frá kl.
11 til 18. - vþ
Braggi í Öxarfirði
TILFINNINGALÍF Frá sýningu Ingunnar
St. Svavarsdóttur.
Björn Steinar Sólbergs-
son, organisti við Hall-
grímskirkju og skólastjóri
Tónskóla Þjóðkirkjunnar,
leikur á tvennum tónleikum
í Hallgrímskirkju nú um
helgina á vegum Norrænu
orgelhátíðarinnar. Á efnis-
skrám tónleikanna má finna
norræn orgelverk en einnig
verk eftir J.S. Bach og
Charles-Marie Widor.
Fyrri tónleikarnir fara fram kl.
12 í dag og eru um hálftíma lang-
ir. Seinni tónleikarnir verða svo
kl. 17 á morgun og verða öllu
lengri, um klukkustund. Á fyrri
tónleikunum leikur Björn þrjú
verk eftir Bach, Intermezzo,
píanóverk eftir Pál Ísólfsson sem
Björn hefur umritað fyrir orgel
og svo fyrsta kafla Sinfóníu nr. 6
eftir Charles-Marie Widor.
Sunnudagstónleikarnir hefjast á
því að Björn leikur sjöttu orgel-
sinfóníu Widors í heild sinni, en
svo taka við norræn orgelverk
eftir Pál Ísólfsson og Edvard
Grieg.
„Efnisskrár þessara tveggja
tónleika skarast að nokkru leyti,
en segja mætti að tónleikarnir á
sunnudag séu þó aðaltónleikarn-
ir,“ segir Björn. „Á þeim koma
nefnilega glögglega í ljós tvær
ólíkar hliðar orgeltónlistar; ann-
ars vegar sú norræna og hins
vegar sú franska sem er öllu sin-
fónískari.“
Flest þeirra norrænu verka
sem Björn leikur um helgina voru
upphaflega samin fyrir píanó, en
hafa verið umrituð fyrir orgelið.
„Það er afar misjafnt með píanó-
verk hvort gott er að umrita þau
fyrir orgel, enda er um gjörólík
hljóðfæri að ræða. Orgelið er svo
umfangsmikið hljóðfæri að þetta
minnir einna helst á að setja
píanóverk í hljómsveitarbúning.
Þannig getur orgelið opnað alger-
lega nýjar víddir í tilteknu verki.
Mér þykja píanóverk oft hljóma
betur í orgelútsetningum, en ég
er reyndar ekki alveg viss um að
flestir píanóleikarar séu sammála
mér hvað það varðar,“ útskýrir
Björn og hlær.
Orgelhátíðin Alþjóðlegt orgels-
umar hófst um síðustu helgi með
tónleikum í Hallgrímskirkju og
stendur fram í ágúst. Björn segist
afar ánægður með hvernig tekist
hefur upp. „Hátíðin byrjaði vel;
tónleikarnir um síðustu helgi
voru afar vel sóttir og sama má
segja um hádegistónleika sem
fóru fram nú á fimmtudag. Von er
á mörgum helstu orgelleikurum
Norðurlanda til landsins í tengsl-
um við hátíðina og því spennandi
tónleikar í vændum næstu vik-
urnar.“
Áhugafólk um orgeltónlist
getur kynnt sér dagskrá hátíðar-
innar nánar á slóðinni www.list-
vinafelag.is vigdis@frettabladid.is
Tvær hliðar orgelsins
BJÖRN STEINAR SÓLBERGSSON Leikur á tveimur tónleikum í Hallgrímskirkju um
helgina.
Kl. 14
Félagið Matur-Saga-Menning heldur
opinn félagsfund í Skálholtsskóla í
dag kl. 14. Þar verða kynntir matar-
hættir á hinum forna Skálholtsstað
og garðrækt í klaustrum á Íslandi.
Einnig verður farið í stutta staðar-
skoðun undir leiðsögn heimamanna
og bragðað á krásum úr eldhúsi
skólans. Aðgangseyrir er kr. 1.000 og
eru kaffiveitingar innifaldar.
Sveitarfélagið Garður býður upp
á menningar- og sögutengda
göngu í dag kl. 11. Lagt verður
af stað frá stóra upplýsingaskilt-
inu við innkomuna í Garð við
Garðbraut.
Gengið verður meðal annars
að tóftum Heiðarhúsa, þar sem
þjóðsagan segir að hafi verið
stórbær með þrjátíu hurðir á
hjörum sem aflagðist vegna
reimleika.
Einnig verður gengið að
Ellustekk en þar var að sögn
heygður niðursetningur, sem dó
á dularfullan hátt.
Sigrún Jónsdóttir Franklín
mun leiða gönguna og fjalla um
það sem fyrir augu ber. Gert er
ráð fyrir að gangan taki um einn
til tvo tíma. - vþ
Menning og
saga skoðuð
Kanadíska skáldkonan Margaret
Atwood hlaut nýverið spænsk bók-
menntaverðlaun sem kennd eru
við Prinsinn af Asturias, sem er
Filippus krónprins Spánar. Í
úrskurði dómnefndar segir að
aðdáunarvert sé hversu auðvelt
Atwood virðist eiga með að færa
sig frá einni bókmenntagrein yfir
í aðra, án þess að gæði verka henn-
ar líði fyrir það á nokkurn hátt.
Einnig þótti til fyrirmyndar að
hún er óhrædd við að takast á við
stjórnmál og félagsleg vandamál í
bókum sínum. Atwood er 68 ára
gömul og hefur sent frá sér hátt á
þriðja tug bóka; ljóð, skáldsögur
og heimildarverk. Hún hlaut hin
eftirsóttu Booker-bókmenntaverð-
laun árið 2000 fyrir skáldsögu sína
The Blind Assassin. - vþ
Atwood fær kon-
ungleg verðlaun
MARGARET
ATWOOD
Spánverjar meta
skáldskap hennar
mikils.
Viltu skjól á veröndina?
www.markisur.com og www.markisur.is
Veðrið verður ekkert vandamál
Hrein fjárfesting ehf, Dalbraut 3, 105 Reykjavík
Upplýsingar í síma 567 7773 og 893 6337 um kvöld og helgar
ein stærstu
myndlistarver©laun
heims kynna 26 norræna
myndlistarmenn
í listasafni
kópavogs – ger©arsafni
hamraborg 4 | kópavogi
19. júní – 10. ágúst
opi© alla daga nema
mánudaga kl 11 – 17
lei©sögn mi©vikud.
kl. 12 og sunnud. kl. 15
www.gerdarsafn.is | www.carnegieartaward.com