Fréttablaðið - 28.06.2008, Blaðsíða 49
LAUGARDAGUR 28. júní 2008 25
Hægrirétturinn hvarf á bak við bið-
skyldumerkin og gangbrautirnar í borg-
inni hverfa óðum. Þær eru sagðar skapa
„falskt öryggi“ gangandi vegfarenda. Og
annars þyrftu bílstjórar að fylgjast með
því hvort einhver ætlaði yfir þær. Það er
erfitt á 110 kílómetra hraða á Miklubraut-
inni. Betra þykir að hafa sem flest umferð-
ar ljós eða hraðahindranir.
Annað dæmi um íslenska samgöngu-
hugsun er þegar götur eru þrengdar með
eyjum, til að draga úr hraða. Þess í stað
mætti leggja hjólabraut. Þannig fengju
heilbrigðar samgöngur pláss og það myndi
um leið hægja á bílunum.
„Þetta er sú aðferð sem öll nágranna-
löndin nota. En við erum á svipuðum basis
og Bandaríkjamenn,“ segir Magnús.
HJÓLATÍSKA Í VÍETNAM Líklega er langt í að vind-
urinn leyfi slíkar skreytingar á Íslandi. En þetta er
tískan í Hanoi. NORDICPHOTOS/AFP
ÞRAUTSEIG Sama hvað hjólagarparnir segja getur
nú verið leiðigjarnt að hjóla í snjónum.
FRÉTTABLAÐIÐ/VALLI
Tvær sérstakar akreinar fyrir reiðhjól
fyrirfinnast í gjörvallri höfuðborg
Íslendinga; við Laugaveg og við
Lönguhlíð. Á Laugaveginum er stutt
salíbuna og önnur í Lönguhlíð. Svo
eru göngustígar, en á þeim er rönd
fyrir hjól.
Víðast er því varla gert ráð fyrir
hjólum. Hjólafólk hefur undanþágu
í lögum til að hjóla á gangstéttum,
sem getur verið mun hættulegra en
að hjóla í umferðinni.
Magnús Bergsson hvetur fullorðið
fólk til að forðast ringulreið gangstétt-
anna og nota göturnar.
En reiðhjólafólk er annars flokks
á íslenskum strætum. Hér eru fáar
sérmalbikaðar hjólakreinar. Í Evrópu
eru hjólreiðamenn svo sjálfsagðir í
umferðinni að þeir hafa sérakreinar
og sérstök umferðarljós. Er þetta ekki
besta lausnin?
„Ekki endilega,“ segir Pétur Þór
Ragnarsson. Mörg hjólaslys, til dæmis
í Danmörku, verði vegna þessara
akreina. Bílstjórar gleyma þá að líta
í kringum sig þegar þeir beygja til
hægri og keyra yfir hjólreiðamanninn.
Magnús Bergsson bendir á að
ak reinalausnin sé einnig dýr og
tímafrek. Bæta þurfi umferðarmenn-
inguna sem fyrst, þannig að hún geri
ráð fyrir hjólum.
„Það þarf að gera eitthvað strax.
Það þýðir ekki að gera einhverja
fimmtíu ára áætlun um sérstakar
akreinar.
Ódýrasta og fljótlegasta lausnin
kann að vera sú sem Magnús leggur
til; að mála svokallaða hjólavísa í
götuna. Merki sem gefi til kynna að
á götunni megi hjóla, en sé ekki sér-
stakt afmarkað pláss. Önnur fljótleg
lausn gæti verið tillaga Gísla Marteins;
að setja skýrar línur í malbikið. Landa-
mæri hjólreiða.
EKKI GERT RÁÐ FYRIR HJÓLINU
HJÓLAVÍSIR Þetta er lausn sem hefur verið reynd í Bandaríkj-
unum, þar sem eru fáar akreinar fyrir hjól. Mun hún hafa gefist
vel. Formaður samgöngunefndar er hrifnari af því að marka
einfalda línu í götuna. FRÉTTABLAÐIÐ/ÚR SAFNI