Fréttablaðið - 01.07.2008, Blaðsíða 2
2 1. júlí 2008 ÞRIÐJUDAGUR
SPÁNN „Ef ég væri ofbeldisfullur maður sem gengi
um á Spáni með byssu, þá væri fyrir löngu búið að
loka mig inni,“ segir Halldór Haraldsson, fertugur
Íslendingur sem búsettur er á Costa Blanca á Spáni.
Fréttablaðið greindi frá því í gær að Halldór hefði
verið kærður fyrir hótanir, meðal annars með byssu, í
garð breskra hjóna sem leigðu Halldóri og fjölskyldu
hans íbúð. Halldór segir hins vegar að málum sé
öfugt farið.
Í spænska blaðinu Leader, sem gefið er út á Costa
Blanca, kemur fram að Mark Mayled, breski
maðurinn sem Halldór á í deilum við, hafi sakað
Halldór um að auglýsa fasteignir Mayleds sem sínar
eigin á heimasíðu sinni. Þegar Mayled hafi beðið hann
um að láta af þessu, og greiða sér skuld fyrir
ógreidda húsaleigu, hafi Halldór brugðist ókvæða við
og hótað honum öllu illu. Þetta staðfesti Mayled í
samtali við Vísi.is í gær.
Kolbrún Jónsdóttir, sem leigði hús hjá Halldóri á
Spáni í fyrra, segir í samtali við Vísi.is að reynsla
hennar af Halldóri sé algjörlega í takt við þá lýsingu
sem Mayled hafi gefið af honum.
Halldór neitar allri sök í málinu. Hann segir Mark
Mayled hafa brugðist skyldum sínum sem leigusali.
Þegar Halldór hafi beðið Mayled að sinna fram-
kvæmdum í leiguíbúðinni hafi Mayled hótað sér og
fjölskyldu sinni með byssu, en ekki öfugt. Einnig hafi
tveir menn á vegum Mayleds ráðist á konu Halldórs
og lamið hana. „Þessi maður [Mayled] var í hernum í
fjórtán ár og hikar ekki við að drepa fólk,“ segir
Halldór. Halldór segist hins vegar enga byssu eiga.
Hann hafi kært Mayled til lögreglu fyrir hótanir
oftar en einu sinni. - kg
Halldór Haraldsson sem kærður hefur verið fyrir hótanir á Spáni neitar allri sök:
Segir að sér hafi verið hótað
LÖGREGLUMÁL Engan sakaði þegar
lítil eins hreyfils flugvél nauðlenti
á þjóðvegi eitt á sunnanverðri
Holtavörðuheiði um klukkan tvö í
gær. Að sögn varðstjóra lögregl-
unnar í Borgarnesi var aldrei
nokkur hætta á ferð.
Í vélinni var flugmaður og einn
farþegi. Flugmaðurinn ákvað að
lenda vélinni á veginum þegar
hreyfillinn tók að hökta. Eftir
lendinguna hjálpuðu vegfarendur
til við að ýta vélinni út á útskot
fyrir vörubíla. Óverulegar tafir
urðu á umferð.
Rannsóknarnefnd umferðar-
slysa kom á staðinn um klukkan
fimm. - sh
Eins hreyfils flugvél í kröggum:
Nauðlenti á
þjóðvegi eitt
DÓMSMÁL Rúmenskt par, sem
dæmt var í Héraðsdómi Reykja-
ness í fangelsi fyrir helgina fyrir
fjársvik með illa fengnum
greiðslukortum, var sent úr landi
eftir dóminn. Lögreglan á
Suðurnesjum gómaði skötuhjúin í
maí, með sextíu greiðslukort með
stolnum kortaupplýsingum,
lögreglustjórinn ákærði þau og
þau voru dæmd í 35 daga fangelsi.
Fangelsismálastofnun veitti þeim
reynslulausn, þar sem þau höfðu
setið í gæsluvarðhaldi meira en
helming refsitímans. Lögreglan á
Suðurnesjum fór síðan með þau í
Útlendingastofnun, sem vísaði
þeim úr landi.
Hjúin þurftu að greiða 950
þúsund krónur í málskostnað. - jss
Par dæmt fyrir fjársvik:
Kortasvindlarar
sendir úr landi
Guðlaug, finnið þið fyrir sam-
drætti í samfélaginu?
„Já, þessi samdráttur er orðinn að
hríðarstormi.“
Fjöldi ljósmæðra hefur sagt upp störf-
um. Ástæðan er lág grunnlaun stéttar-
innar miðað við menntun. Guðlaug
Einarsdóttir er formaður Ljósmæðra-
félagsins.
ÍSRAEL, AP Ríkisstjórn Ísraels
hefur samþykkt að láta líbanska
skæruliðahópnum Hisbollah í té
fimm fanga úr röðum samtakanna,
tólf lík skæruliða og óuppgefinn
fjölda palestínskra fanga. Í
staðinn fá Ísraelsmenn lík tveggja
ísraelska hermanna og upplýsing-
ar um lát annarra ísraelskra
hermanna.
Líkin sem Hisbollah afhendir
eru af ísraelskum hermönnum,
Ehud Goldwasser og Eldad Regev,
sem samtökin rændu fyrir
tveimur árum. Ránið hleypti af
stað blóðugu mánaðarlöngu stríði
milli Ísraels og Hisbollah. - gh
Ísrael og Hisbollah:
Líkskipti við
Miðjarðarhaf
Við vinnslu fréttar um kæru á hendur
meindýraeyði í Fréttablaðinu í gær
féll út setning. Meindýraeyðirinn segir
ekkert hreiður hafa fundist daginn
sem hann er sakaður um að hafa
drepið starraunga. Hann hafi hins
vegar litið á aðstæður að samtali
við blaðamann loknu og þá fundið
hreiður með ungum í.
ÁRÉTTING
FERÐAÞJÓNUSTA Kárahnjúkavirkjun
hefur haft jákvæð áhrif á ferða-
þjónustu á Austurlandi og er orðin
að vinsælum áfangastað ferða-
manna, innlendra sem erlendra.
Þetta segja Helga Jónsdóttir, bæjar-
stýra Fjarðabyggðar, Hildigunnur
Jörundsdóttir, ferða- og menningar-
fulltrúi, og Sólveig Dagmar Berg-
steinsdóttir, kynningarfulltrúi á
Végarði sem er upplýsingamiðstöð
fyrir ferðamenn á Kárahnjúkum.
„Til dæmis eru Kárahnjúkar
einn af föstum áfangastöðum í
hringferð um landið á vegum þýsku
ferðaskrifstofunnar Studiosus
Reisen og svo veit ég að aðrar
erlendar ferðaskrifstofur hafa
Kárahnjúka inni á sinni ferða-
áætlun þó að þær hafi ekki beint
samband við okkur,“ segir Sólveig.
Ekki liggja fyrir tölur um
hversu margir koma á Kára-
hnjúkasvæðið en árið 2006 komu
um 16 þúsund ferðamenn í Végarð
en í fyrra fækkaði þeim niður í 10
þúsund. „Ég tel að það stafi einna
helst af því að veðrið var afar gott
sunnan- og vestanlands en síðra
hér. Innlendir ferðamenn komu
því síður austur en þeim erlendu
hefur fjölgað,“ segir hún. Hildi-
gunnur segir að álverið á Reyðar-
firði dragi einnig til sín fjölda
ferðamanna. „Sem dæmi erum við
að fá fólk í júlíbyrjun á hundrað
húsbílum sem er að fara að skoða
álverið,“ segir hún.
Helga Jónsdóttir bæjarstýra
segir að með tilkomu Kárahnjúka-
virkjunar hafi Austfirðingum tek-
ist betur að fá ferðamenn til að
stoppa við á Austurlandi. „Það
kemur mér ekkert á óvart að fólk
vilji fara að skoða þetta verk-
fræðilega þrekvirki, hvaða afstöðu
sem það kann að hafa gagnvart
virkjunum,“ segir Erna Hauks-
dóttir framkvæmdastýra Samtaka
ferðaþjónustunnar. „Þarna er líka
búið að opna leið inn á hálendið
sem ekki var áður svo fólk er einn-
ig að nýta sér það. En við höfum
aldrei sagt að stóriðja og ferða-
þjónusta fari ekki saman. Við
þekkjum það að utan, að víða eru
til sérstakar ferðir að virkjunum.
Hins vegar eru skiptar skoðanir
um það hvar beri að virkja og hvar
ekki. Við verðum að haga málum
þannig að sem flestar atvinnu-
greinar geti lifað hlið við hlið.“
jse@frettabladid.is
Ferðamenn laðast
að Kárahnjúkum
Kárahnjúkar eru á meðal áfangastaða ferðamanna sem koma á vegum er-
lendra ferðaskrifstofa. Ferðaþjónusta og stóriðja geta vel farið saman segir
framkvæmdastýra Samtaka ferðaþjónustunnar.
FRÁ FRAMKVÆMDUM VIÐ KÁRAHNJÚKA Margt hefur breyst frá því þessi mynd var tekin sumarið 2006. Eflaust eru breytingarnar
frá ári til árs eitt af því sem vekur forvitni ferðamanna sem leggja leið sína á svæðið. FRÉTTABLAÐIÐ/VILHELM
Guðrún Halldórsdóttir ljósmóðir var
rangnefnd í allt atvinnu í Fréttablað-
inu á sunnudag.
LEIÐRÉTTING
RÆTT VIÐ SPÆNSKA LÖGREGLU Halldór Haraldsson sést hér
ræða við lögreglu. Hann snýr baki í myndavélina. MYND/VÍSIR
UMFERÐIN Fimmtán létust í fimmtán slysum í umferð-
inni á síðasta ári samkvæmt skýrslu Rannsóknar-
nefndar umferðarslysa fyrir árið 2007 sem birt var í
gær. Það er sextán dauðsföllum færra en árið 2006.
Dauðsföll hafa ekki verið jafnfá síðan árið 1997.
Í skýrslu Rannsóknarnefndarinnar er sérstaklega
vakin athygli á því að í fjórum af þessum fimmtán
slysum hafi deilur, rifrildi eða andlegt uppnám komið
við sögu.
Fjöldi alvarlegra bifhjólaslysa hefur margfaldast
síðastliðin fimm ár að sögn Rannsóknarnefndar
umferðarslysa. Þar kemur fram að þrír bifhjólamenn
hafi látist í umferðarslysum á árinu 2007. Sé hins
vegar skoðaður fjöldi slysa sést að þau eru rúmlega
þrefalt fleiri árið 2007, þar sem þau voru 21, en árin
2003 og 2004 þar sem bifhjólaslys voru einungis sex.
Bifhjólafólki er í skýrslunni ráðlagt að tileinka sér
svokallaðan varnarakstur sem felst í því að vera með
góð viðbrögð við óvæntri hindrun. Í fimm af þeim
fimmtán slysum sem áttu sér stað voru bílbelti ekki
notuð og í sex slysum var um of hraðan akstur að
ræða. Í einu slys telur Rannsóknarnefnd umferðar-
slysa að um sjálfsvíg hafi verið að ræða. - vsp
Fimmtán manns létust í fimmtán slysum á síðasta ári í umferðinni:
Alvarlegum bifhjólaslysum fjölgar
UMFERÐARSLYS Þeim hefur fækkað um helming milli ára
samkvæmt skýrslu. FRÉTTABLAÐIÐ/JAK
KJARAMÁL Bandalag háskóla-
manna lýsti því yfir í gær að
ljósmæður nytu stuðnings
félagsins í kjaradeilu sinni við
ríkið. Í tilkynningu frá BHM
segir að eitt meginmarkmiða
bandalagsins sé að menntun sé
metin að verðleikum og að kröfur
ljósmæðranna snúist um
sanngjarna launaröðun miðað við
menntun.
„Ljósmæður, sem eiga að baki
6 ára háskólanám, standa höllum
fæti gagnvart öðrum ríkisstarfs-
mönnum með sambærilega
menntun og gera kröfu um
leiðréttingu á því,“ segir enn
fremur í tilkynningunni. - sh
Ljósmæður njóta stuðnings:
BHM styður
ljósmæðurnar
NAUÐLENT Eins hreyfils flugvél nauð-
lenti á Holtavörðuheiði í gær.
MYND/INGIMAR DAVÍÐSSON
Árekstur á Gullinbrú
Stór gámabíll ók utan í jeppabifreið
með þeim afleiðingum að jeppa-
bifreiðin skemmdist mikið. Við
áreksturinn rákust bílarnir utan í tvö
önnur ökutæki sem einnig skemmd-
ust. Ökumaður jeppans var fluttur á
slysadeild til aðhlynningar.
Ölvunarakstur í Kópavogi
Karlmaður var tekinn fyrir ölvunar-
akstur í Kópavogi í nágrenni við
lögreglustöðina. Málið er í rannsókn.
LÖGREGLUFRÉTTIR
SPURNING DAGSINS