Fréttablaðið - 01.07.2008, Blaðsíða 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Á annasömum vinnudegi er oft erfitt að finna
tíma fyrir heilsuna. Gunnar Ingi Sigurðsson,
framkvæmdastjóri Hagkaupa, hleypur stigana í
vinnunni.
„Það eru uppi veðmál hérna í vinnunni um það hve-
nær ég dett í stiganum,“ segir Gunnar. „Ég reyni
yfirleitt að fara tvisvar til þrisvar í viku í hádeginu á
hlaupabrettið en svo er galdurinn sá að hreyfa sig
hratt alls staðar þar sem það er hægt. Ef farið er upp
stiga eða úr bíl þá á bara að hlaupa.“
Gunnar segist ekki hafa stundað íþróttir framan af
og ekki hafa áttað sig á því hvað hreyfing skipti miklu
máli fyrr en hann var kominn „af léttasta skeiði“ eins
og hann orðar það.
„Ég hafði aldrei æft neitt af viti fyrr en fyrir svona
sex, sjö árum. Þá byrjaði ég að hlaupa og fann mun á
mér. Stundum er mikið að gera í vinnunni hjá mér, til
dæmis í kringum jól. Þá dettur út ein og ein vika en
hreyfing er nokkuð sem þarf að gera þegar maður er
í vinnu þar sem álag er mikið. Það að fara í hádeginu
brýtur líka upp daginn, gefur manni aukaorku eftir
hádegið og ótrúlegt hvað maður getur lifað á því.“
Gunnar segist huga að mataræðinu en viðurkennir
að matseðillinn hafi ekki verið upp á marga fiska í
eina tíð. „Ég lifði svolítið á frönskum og kokkteilsósu
hérna áður fyrr, en nú er það bara saga, ég er löngu
hættur því. Eftir að ég byrjaði að hreyfa mig fór ég
ósjálfrátt að hugsa um mataræðið og nú stend ég mig
oft að því að lesa innihaldslýsingar. Maður verður
samt að leyfa sér eitthvað öðru hvoru og hafa nammi-
daga um helgar.“
Fjölskylda Gunnars hreyfir sig líka en önnur dótt-
irin keppir í fimleikum og hin hjólar úti í Kaupmanna-
höfn. Tíu ára sonurinn spilar fótbolta en yngsti stubb-
urinn sem er þriggja ára er ekki byrjaður á öðru en
að „brúka munn“ eins og faðir hans kemst að orði.
Annars tekur Gunnar það rólega um helgar með fjöl-
skyldunni og fer þá gjarnan í sumarbústaðinn.
„Það er líka líkamsrækt að gera ekki neitt. Það þarf
að rækta líkama og sál og líkamann ræktar maður á
brettinu og sálina í sveitinni.“
heida@frettabladid.is
Hleypur upp og niður stiga
Vinnufélagarnir veðja um það hvenær Gunnar dettur í stiganum en hann notar hverja stund til að hreyfa sig. FRÉTTABLAÐIÐ/VALLI
ÚTIGRILL FYRIR ALLA
Almenningsútigrill er að
finna víða um borgina. Mikil-
vægt er að ganga vel um.
SUMAR 3
STRANDBLAK Í
SUMAR
Fáir vita að strandblak er
þó nokkuð stundað hér
á landi.
HEILSA 2