Fréttablaðið - 01.07.2008, Blaðsíða 54

30 1. júlí 2008 ÞRIÐJUDAGUR
LÁRÉTT
2. eyja, 6. þófi, 8. málmur, 9. dæling,
11. til dæmis, 12. hökutoppur, 14.
þátttakandi, 16. pípa, 17. gestrisni, 18.
rell, 20. fyrir hönd, 21. ögn.
LÓÐRÉTT
1. hland, 3. bardagi, 4. vitsmunamiss-
ir, 5. á móti, 7. læstur, 10. skap, 13.
gljúfur, 15. innyfla, 16. egna, 19. tveir
eins.
LAUSN
LÁRÉTT: 2. java, 6. il, 8. tin, 9. sog, 11.
td, 12. skegg, 14. aðili, 16. æð, 17. löð,
18. suð, 20. pr, 21. arða.
LÓÐRÉTT: 1. piss, 3. at, 4. vitglöp, 5.
and, 7. lokaður, 10. geð, 13. gil, 15.
iðra, 16. æsa, 19. ðð.
1
6 7 8
10
13
119
12
15
16
18
21
20
17
14
19
2 3 4 5
VEISTU SVARIÐ
Svör við spurningum á síðu 8.
1 Spánn.
2 Ólöf Guðný Validmarsdóttir.
3 Rúmlega þrjátíu milljónir króna.
BESTI BITINN Í BÆNUM
„Besti bitinn í Reykjavík er
humarsúpa á Sægreifanum og
mexíkóski veitingastaðurinn
Santa Maria. Hér fyrir vestan
finnst mér aftur á móti Hópið
á Tálknafirði vera æðislegur
staður og sömuleiðis veitinga-
staðurinn Vegamót á Bíldudal.
Þar er hægt að fá mjög góða
pönnusteikta bleikju.“
Eva Ísleifsdóttir, myndlistarkona á
Bíldudal.
„Já, ég er að láta af starfi sem ritstjóri
Eyjunnar þó að ég haldi áfram að blogga
þar,“ segir Pétur
Gunnarsson sem
hefur nú stýrt
vefmiðlinum í
eitt ár.
Fyrir þá sem
ekki þekkja sig
á Netinu er
eyjan.is einhver
fjölsóttasti
vefmiðill landsins
þar sem blandað er
saman fréttum og
bloggi nokkurra snörpustu penna landsins.
Hallgrímur Thorsteinsson, sá gamalreyndi
fjölmiðlamaður, mun taka við ritstjórataum-
um á Eyjunni en hann hefur starfað þar í
hlutastarfi að undanförnu.
Pétur segir aðspurður að nú taki við frí en
ritstjóraskiptin taka gildi strax. „Þetta hefur
átt sér nokkurra vikna aðdraganda. Ég ákvað
að þetta væri orðið gott að standa fréttavakt-
ina. En ég verð eftir sem áður einn aðstand-
enda Eyjunnar.“
Pétur segir ekki tímabært að segja til um
hvað taki við hjá sér. „Ég er ekki tilbúinn að
tjá mig um það. Fyrst er að taka sér gott
sumarfrí. Ég ætla að nota næstu vikur í að
teikna það upp hvað stendur fyrir dyrum og
er opinn fyrir góðum hugmyndum. Eyjan er
komin á sinn stað og ég er ánægður með
hvernig hefur til tekist. Hún mun nú þróast í
höndum annarra.“ - jbg
Pétur hættir sem ritstjóri á Eyjunni
„Já, ég er mikill náttúruverndarsinni,“ segir Valtýr
Valtýsson, sveitarstjóri í Bláskógabyggð. Fyrir
tveimur árum keypti Valtýr sér Toyota Prius, en
þeir bílar hafa bæði bensín- og rafmagnsmótor og
framleiðir bíllinn raforkuna sjálfur. Síðasta sumar
bætti Valtýr svo um betur og fékk sér mótorhjól.
Þar með hefur hann líklegast öðlast titilinn vistvæn-
asti sveitarstjóri Íslands. Valtýr býr í Holtunum, um
tíu kílómetrum frá Hellu, og þarf því að keyra
dágóðan spöl til vinnu. Það gerir hann þó með
minnsta mögulega útblæstri. „Ég nota hjólið mjög
mikið yfir sumartímann og svo auðvitað Priusinn
yfir vetrartímann,“ segir Valtýr og lætur vel af
hvoru tveggja. „Ég hef náð Priusnum niður fyrir
fimm lítra á sumrin. Mótorhjólið er svo millistig
milli bílsins og hestsins. Ég er hestamaður en því
miður tekur það of langan tíma að fara til vinnu á
hestum. Á mótorhjólinu finn ég graslyktina, heyri
fuglasönginn og svo finn ég líka lyktina þegar
bændurnir bera skítinn á túnin,“ segir hann og hlær.
Hann segir sveitunga í Bláskógabyggð vera að
vakna til vitundar um umhverfismál. „Þetta háa
orkuverð er að spila inn í og svo er fólk farið að
hugsa um umhverfið,“ segir hann. - shs
Vistvænn sveitarstjóri
PÉTUR GUNNARSSON Segir
komið gott að standa frétta-
vaktina á Eyjunni.
HALLGRÍMUR THORSTEINSSON Tekur við ritstjórn
Eyjunnar.
VISTVÆNN VALTÝR Valtýr Valtýsson er vistvænasti sveitarstjóri á
landinu. FRÉTTABLAÐIÐ/SUDURGLUGGINN.IS
„Við erum bara að fara að klappa
ljónum og konum,“ segir Sigurður
Eggertsson, handknattleiksmaður
hjá Val, sem heldur til Kenía á
mánudaginn. Þar hyggst hann
dvelja í fjórar vikur ásamt vini
sínum Magnúsi Birni Ólafssyni.
Sigurður fór til Taílands fyrir
tveimur árum og varð heillaður. Þá
ákvað hann að fara einn daginn til
Afríku.
Sigurður segist hafa heillast af
því hvað „menn voru góðir á því“ í
Taílandi. „Ég gekk í gegnum
fátækraþorp og var með peninga á
mér sem voru meiri en ævilaun
allra í þorpinu. Í staðinn fyrir að
ræna mig og drepa mig þá voru
allir bara almennilegir við mann.
Létu mig halda á krökkunum sínum
og allt hvað eina. Ég býst við að
mæta sama viðmóti í Kenía,“ segir
Sigurður en hann hyggst gista hjá
innfæddum. „Já, ég verð bara sof-
andi á moldargólfi og þrífst á fræj-
um og hræjum.“
Sigurður þykir afbragðs hand-
knattleiksmaður og er einn hans
helsti styrkleiki gífurlegur hraði. Í
Kenía eru menn hins vegar þekkt-
ari fyrir langhlaup. „Ef ég lendi í
mannætum, sem ég býst fastlega
við að gera, þá treysti ég á það að
geta hlaupið svo hratt í burtu að
þær missi sjónar á mér. Annars
munu þær ná mér þegar ég fer að
þreytast. Svo hjálpar til að vera
með innfæddum. Þeir geta sagt við
mannætu sem ætlar að éta mig:
„Nei, ekki éta“.“
Sigurður hefur ekki getað leikið
handknattleik í fjóra mánuði sökum
nárameiðsla. Hann segir ferðina
ekki síst ætlaða til þess að leita
lækninga við meinum sínum. „Ég
hef heyrt því fleygt að maður geti
læknast ef maður sefur hjá hreinni
mey,“ segir Sigurður og bætir við:
„Ég er búinn að reyna allt annað.
Valsmenn treysta nú á hreinu
meyjarnar.“
Sigurður ber smávægilegan
kvíða í brjósti hvað sjúkdóma
varðar. „Þessar sprautur voru svo
dýrar að ég sleppti tveimur. Svo gat
ég valið um tvær tegundir af
malaríutöflum. Ein hafði þær auka-
verkanir að hún kostaði 30 þúsund.
Hin kostar fjögur þúsund en veldur
martröðum og þunglyndi. Ég sá
meiri hag í þeirri síðarnefndu,“
segir gleðigjafinn Sigurður Egg-
ertsson. soli@frettabladid.is
SIGURÐUR EGGERTSSON: Á LEIÐ TIL KENÍA
Sefur á moldargólfi og
stingur mannætur af
SUMARLEGUR SIGURÐUR Heldur til Kenía næsta mánudag þar sem hann vonast til
að fá bót nárameina sinna. FRÉTTABLAÐIÐ/ARNÞÓR
Helgi Björnsson hefur sent frá sér
plötuna Ríðum sem fjandinn. Þar
syngur Helgi eftirlætislög reið-
mannsins af sinni alkunnu snilld.
Á plötunni nýtur Helgi aðstoðar
ýmissa hæfileikamanna á sviði tón-
listar. Jóhann Sigurðarson syngur
til að mynda lagið Stóð hesturinn.
Á disknum sannast einnig hið forn-
kveðna um eplið og eikina. Sonur
Helga, Björn Halldór, syng-
ur nefnilega bak raddir á
disknum. Án nokkurs vafa
mun hann færa sig
í fremstu víglínu
þegar fram líða
stundir.
Rapparinn Erpur Eyvindarson er
nú í óða önn við að ganga frá sóló-
plötu sinni sem væntanleg er innan
tíðar. Víst er að Erpi liggur ýmislegt
á hjarta og í texta við lagið „Hler-
aðu þetta“, sem tekið var nýlega
upp á vídeó, fá vestræn stjórnvöld
á baukinn: Fjallar um þetta 1984
ógeð sem Vesturlönd eru
að sigla inn í, heyrist haft
eftir Erpi. Vídeóið byggist
á grimmum hópsenum
og var meðal annars tekið
upp fyrir framan Stjórnar-
ráðið og byggingu ríkis-
lögreglustjóra svo ekki
fari nú neitt á milli
mála um hverjum
skeytin eru ætluð.
Velgengni leikstjórans Rúnars
Rúnarssonar heldur áfram úti
í löndum. Um helgina var mynd
hans Smáfuglar sýnd á kvik-
myndahátíðinni í Edinborg og varð
hlutskörpust í flokki stuttmynda,
en keppt var um tilnefningu til
Evrópsku stuttmyndaverðlaun-
anna sem afhent verða í lok árs.
Í tilkynningu frá framleiðslufyrir-
tækinu ZikZak segir að í síðustu
viku hafi Smáfuglar hlotið Canal+
verðlaunin á hátíð í Valencia á
Spáni og fyrir hálfum mánuði varð
Rúnar verðlaunaður á alþjóðlegu
kvikmyndahátíðinni í Pét-
ursborg. Þessi verðlaun
eru gott veganesti fyrir
Rúnar en nú er unnið að
samningum um dreif-
ingu myndarinnar
í Bandaríkjunum
og víðar.
- shs, jbg, hdm
FRÉTTIR AF FÓLKI
Auglýsingasími
– Mest lesið