Fréttablaðið - 01.07.2008, Blaðsíða 45
Sænska listakonan Berit Lind-
feldt opnar nýja sýningu á Loft-
inu í StartArt listamannahúsi,
Laugavegi 12b, á fimmtudag kl.
17.
Berit Lindfeldt býr og starfar í
Gautaborg og hefur vakið athygli
fyrir innihaldsrík verk, sem
byggja á hefðbundnum vinnuað-
ferðum í bland við tilraunir með
ólík efni, hlutföll og áferð. Verk
listakonunnar má finna í og við
opinberar byggingar í heima-
landinu Svíþjóð og nýlega vann
hún samkeppni um gerð minnis-
merkis til minningar um rithöf-
undinn Astrid Lindgren. Verkið
er í bænum Vimmerby. Lindfeldt
hefur áður sýnt á Íslandi árið
1997 og þá í Nýlistasafninu.
Önnur sýning opnar á jarðhæð
StartArt á sama tíma á fimmtu-
dag. Sú sýning er hluti af sýning-
unni Heima sem staðið hefur yfir
á Loftinu síðan um miðjan maí.
- vþ
Sænskur skúlptúr
á Laugavegi
ÞRIÐJUDAGUR 1. júlí 2008 21
menning@frettabladid.is
Stór sýning á verkum eftir
myndlistarmanninn Guð-
mund Ármann Sigurjónsson
verður opnuð í Listasafninu
á Akureyri á laugardag.
Sýningin verður í öllum
sölum safnsins og tekur
sérlega til tveggja tímabila í
ferli listamannsins.
Verkin á sýningu Guðmundar
Ármanns Sigurjónssonar í Lista-
safninu á Akureyri eru einkum af
tvennum toga; annars vegar hlut-
bundnar dúkristur og grafíkverk og
hins vegar óhlutbundin málverk.
„Grafíkverkin vann ég aðallega
á árunum 1968-1980. Þá var ég við
nám erlendis og svo við kennslu-
störf hér heima og var dálítið inn-
blásinn af sósíalisma,“ útskýrir
Guðmundur. „Mér þótti á þessum
árum myndlist eiga að vera í eins-
konar þjónustuhlutverki við
almenning og eiga að ná til fólks-
ins; þetta voru því að miklu leyti
myndir af fólki við störf sín og
óhætt að segja að það hafi verið
pólitískur þráður í þessari mynd-
sköpun. Málverkin á sýningunni
eru aftur á móti nýrri og spanna
tímabilið frá miðjum tíunda ára-
tugnum og fram til dagsins í dag.
Ég uppgötvaði um miðjan níunda
áratuginn að með þessum pólitísku
verkum mínum hafði ég vanrækt
fagurfræðina og fór því að snúa
mér meira að þeirri hlið myndlistar.
Út frá því urðu til óhlutbundin mál-
verk sem eru vissulega fremur ólík
grafíkverkunum.“
Sameiginlegur tónn í þessum
ólíku verkum Guðmundar er þó
áhugi og umhyggja gagnvart nátt-
úrunni. Guðmundur segir náttúr-
una sjá sér fyrir efniviði í mörg af
verkum sínum. „Það er kannski
erfiðara að sjá náttúruna í óhlut-
bundnu verkunum mínum, en hún
er þó til staðar í litavalinu og form-
unum sem ég nota. Listsköpun mín
gengur nokkuð í hringi og því eru
verk mín nú farin að þróast aftur í
hlutbundnari áttir. Til að mynda er
aftur orðið mögulegt að greina
landslag í myndum mínum.“
Í tengslum við sýninguna kemur
út bók um listsköpun Guðmundar á
vegum forlagsins Uppheima. Í bók-
inni má bæði sjá dæmi um mynd-
list Guðmundar en jafnframt lesa
texta eftir Hannes Sigurðsson, for-
stöðumann Listasafnsins á Akur-
eyri, Kristján Kristjánsson heims-
speking og listfræðinginn Shauna
Laurel Jones.
Pólitík og fagurfræði
Leiklistarhátíðin Act alone
hefst á Ísafirði á morgun og
stendur út vikuna. Á meðal
þess sem hátíðin býður upp á
er námskeið með Sigurði
Skúlasyni leikara um texta-
flutning í lausu og bundnu
máli.
Greining og túlkun texta er
mikilvæg öllum leikurum sem
og öðrum sem koma fram
hvort heldur á bæjarstjórnar-
fundum eða á þorrablótum.
Námskeiðið er því sérlega
hagnýtt fyrir alla sem á einn
eða annan hátt þurfa að koma
frá sér efni í mæltu máli.
Sigurður Skúlason er vel
kunnur fyrir leik sinn í
sjónvarpi og í kvikmyndum
auk þess sem rödd hans
hljómar oft í útvarpi. Óhætt
er að segja að Sigurður sé
meðal bestu upplesara hér á
landi og er því mikill fengur
að geta boðið upp á þetta
vandaða námskeið á Act alone
2008.
Þátttökugjald á námskeið-
inu er 10.000 krónur og
skráning fer fram hjá
Háskólasetri Vestfjarða í
síma 450 3040. Einnig er hægt
að senda tölvupóst á netfang
Háskólaseturs, lara@hsvest.
is.
- vþ
Námskeið í
textaflutningi
Kl. 20.30
Flautuleikarinn Hafdís Vigfúsdóttir
heldur tónleika í Hinu húsinu,
Pósthússtræti 3-5, í kvöld kl. 20.30. Á
efnisskrá tónleikanna eru verk eftir
Telemann, Kuhlau, Tomasi, Take-
mitsu og Piazzolla. Hafdís lauk B.
Mus gráðu frá Listaháskóla Íslands
vorið 2005 og hefur síðan stundað
framhaldsnám í flautuleik í París.
> Ekki missa af...
Heimildarmyndinni Kjötborg
eftir þær Helgu Rakel Rafns-
dóttur og Huldu Rós Guðna-
dóttur, en sýningum á henni
lýkur nú í vikunni í Háskóla-
bíói. Í myndinni er fylgst með
búðarrekstri bræðranna Gunn-
ars og Kristjáns í Vesturbæ
Reykjavíkur, en þeir leggja sig
fram við að veita viðskipta-
vinum sínum vandaða og
persónulega þjónustu.
LOGSUÐA Dúkrista eftir myndlistar-
manninn Guðmund Ármann.
Listasafn Reykjavíkur tók upp
á þeirri nýjung í vetur að
framlengja opnunartímann
í Hafnarhúsinu til kl. 22 á
fimmtudagskvöldum og að
nota í leiðinni tækifærið og
bjóða upp á lista- og menning-
artengda viðburði þessi kvöld.
Framtak þetta hefur verið afar
vel heppnað og hefur auðgað
menningarlíf borgarinnar svo
um munar. Viðburða röðin
heldur áfram næstkomandi
fimmtudagskvöld, en þá verður
sýnd þar heimildarmynd eftir
Egil Örn Egilsson um Sveinbjörn
Beinteinsson allsherjargoða.
Sveinbjörn Beinteinsson bjó
lengst af á Draghálsi í Svínadal.
Hann var skáld gott, kvæða- og fræðimaður,
og eftir hann liggja nokkrar ljóðabækur og
kver auk bókarinnar Bragfræði og hátta-
tal, sem er undirstöðurit kvæðamanna.
Sveinbjörn leit á náttúruna sem
lifandi veru og vildi að menn
lifðu í jafnvægi við náttúruöflin.
Hann vildi virkja íslenska þjóð-
menningu og þá fornu siði og
þann arf sem okkur var gefinn
af gengnum kynslóðum. Svein-
björn var einn af stofnfélögum
Ásatrúarfélagsins og allsherjar-
goði félagsins frá upphafi til
dánardags 1993.
Ljóst er að boðskapur Svein-
björns um samband manns og
náttúru á sérlega upp á pall-
borðið hjá þjóðinni um þessar
mundir og að auki er aldrei
gert of mikið af því að hampa
fornum íslenskum menningar-
arfi. Því er ekki úr vegi að
bregða sér í fimmtudagsbíó og kynnast betur
lífi og skoðunum Sveinbjörns Beinteinssonar.
Aðgangur að sýningunni er ókeypis og öllum
áhugasömum opinn. - vþ
Allsherjargoðinn í Hafnarhúsi
ÓHEFÐBUNDIN EFNI Verk eftir sænsku listakonuna Berit Lindfeldt.
SVEINBJÖRN BEINTEINSSON
Viðfangsefni heimildar-
myndar Egils Arnar Egils-
sonar sem sýnd verður í
Hafnarhúsinu á fimmtudag.
BMX-Freestyle hjólin
Notaðu skynsemina
og góða veðrið
...hjólaðu
15%
kynningarafsláttur
(gildir til 11. júlí)
Loksins á Íslandi!
Bæjarhrauni 22
220 Hafnarfirði
Sími 565 2292
www.hjolasprettur.is
GT Slammer, verð áður 29.900
verð nú 25.415
GT Slammer, verð áður 29.900
verð nú 25.415
GT Zone, verð áður 33.900
verð nú 28.815
GT Performer, verð áður 39.900
verð nú 33.915
GT Performer, verð áður 39.900
verð nú 33.915
GT Compe, verð áður 36.900
verð nú 31.365