Fréttablaðið - 01.07.2008, Blaðsíða 28

● lh hestar 1. JÚLÍ 2008 ÞRIÐJUDAGUR8
Það er hánótt, en samt er næst-
um því eins bjart og dagur væri.
Sólin neitar að setjast. Hún felur
sig kannski augnablik á bak við
fjall eða hæð, en svo kemur hún
aftur og sveipar nóttina dulúðlegri
birtu. Ég fæ á tilfinninguna að æv-
intýri sé á næsta leiti. Þetta var
stórkostlegur dagur. Mér finnst ég
hafa séð öll bestu hross heimsins.
Íslenski hesturinn er auðvitað sá
lang fallegasti. Á morgun ætla ég
að kaupa mér folald, hryssu. Ég er
alveg handviss um að gæfan mun
ganga í lið með okkur. Hún mun
verða ein af þeim bestu og gefa mér
marga frábæra gæðinga.
Ég stíg út úr tjaldinu og út í nótt-
ina – á vit ævintýranna. Kannski
hitti ég gamla vini? Kannski nýja?
Kannski ástina? Tónlistin frá stóra
hvíta tjaldinu berst út í bjarta
sumar nóttina. Fólk situr fyrir utan
tjöld og hjólhýsi í daufu ljósinu frá
prímusnum, spjallar, syngur! Næst-
um allir kunna að syngja. Hross
drúpa höfði í litlum hólfum rétt hjá,
sátt og örugg. Hvar er ég eiginlega?
Þetta hlýtur að vera himnaríki!
EITT ÞÚSUND HROSS
Á Landsmóti leiða menn saman
hesta sína. Um eitt þúsund hross
taka þátt í sýningum og keppni á
LM2008: Gæðinga-, barna-, ungl-
inga- og ungmennakeppni, tölt-
keppni, skeiðkappreiðum, kynbóta-
sýningum og ræktunarbússýning-
um. Getur þú ímyndað þér það?
Eitt þúsund þrautþjálfaðir íslenskir
gæðingar á einum stað!
Mótið tekur heila viku. Byrjar á
mánudegi með forkeppni í hinum
ýmsu greinum og lýkur á sunnu-
degi með úrslitum og verðlauna-
afhendingum. Þeir sem eru á kafi í
hrossarækt fá allt fyrir peninginn.
Kynbótasýningar eru alla mótsdag-
ana. Fyrst einstaklingsdómar, síðan
yfirlitssýningar og svo verðlauna-
afhendingar.
Ræktunarbússýningar eru sér-
stakur kapítuli á Landsmótum og
vekja ævinlega mikla lukku. Þær
eru einskonar sambland af gæð-
inga- og kynbótasýningum. Þar
koma fram mörg af bestu hross-
um mótsins frá tíu til fimmtán
bestu ræktunarbúum landsins. Það
er ævin lega mikil stemning, dúnd-
randi tónlist og lifandi samband
milli sýnenda og áhorfenda.
LANDSMÓT ER GÆÐASTIMPILL
Allir sem eru í hestamennsku og
vilja ná árangri í reiðmennsku eða
ræktun vilja komast með hross
á Landsmót. Í því felst ákveðinn
gæðastimpill. Takmarki er náð. Þeir
sem ekki komast inn upplifa jafnvel
dálitla höfnun – eða alveg þangað
til þeir eru komnir í brekkuna! Þá
gleymist öll sorg og sút. Landsmót-
in eru mælikvarði á árangur. Ertu í
hópi þeirra bestu?
Í sögu Landsmótanna hafa nokkr-
ir skarað fram úr og dregið vagn-
inn. Annað hvort sem ræktend-
ur eða knapar – eða hvort tveggja!
Má þar nefna Svein Guðmundsson
á Sauðárkróki, Jóhann Þorsteinsson
Landsmót – næsti bær við himnaríki
● Ég stíg út úr tjaldinu og út í nóttina – á vit ævintýranna. Kannski hitti ég gamla vini? Kannski nýja? Kannski ástina?
Tvær vinkonur á bjartri sumarnótt. MYND/JENS EINARSSON
Gæðingurinn Rökkvi frá Hárlaugsstöðum, knapi Þorvaldur Árni Þorvaldsson.
MYND/JENS EINARSSON
Landsmót hestamanna eru öðrum þræði fjölskylduskemmtun.
Geisli frá Sælukoti, knapi Steingrímur Sigurðsson. MYND/EIRÍKUR JÓNSSON
LÍTTU VIÐ
ÞAÐ GÆTI BORGAÐ SIG,
VIÐ ERUM Í ALFARA LEIÐ
Knapinn • Borgarbraut 58 • 310 Borgarnes • Sími 4370001 • Netfang: knapinn.is • www.knapinn.is