Fréttablaðið - 17.07.2008, Blaðsíða 2

2 17. júlí 2008 FIMMTUDAGUR
Jón Reynir, áttu hauk í horni í
bílskúrnum?
„Ég átti hann þar, en nú er hann
farinn. En ég á víða hauk í horni.“
Jón Reynir Sigurvinsson, skólameistari
MÍ, fékk smyril í heimsókn í bílskúrinn til
sín um helgina. Hann dvaldi þar yfir nótt
en er nú farinn.
527 040
REYKJAVÍK Heilbrigðisnefnd Reykjavíkur hefur
lagst gegn því að Kaffi Stígur fái óbreytt rekstr-
arleyfi. Lögreglan tekur ákvörðun byggða á
umsögn nefndarinnar og segist bundin af henni.
Í umsögn nefndarinnar kemur fram að hrein-
læti á staðnum hafi verið ábótavant og nágrannar
telji sig verða fyrir miklu ónæði af starfseminni.
Margoft hafi verið kvartað yfir staðnum.
Staðurinn er með leyfi í flokki III, í hverjum
eru umfangsmiklir áfengisveitingastaðir. Heil-
brigðisnefnd hefur bent eiganda á að hann geti
breytt rekstri staðarins þannig að hann falli undir
flokk I, verði staður án áfengisveitinga.
Hjálmar Hermannsson, eigandi Kaffi Stígs,
segir ekkert til í því að mikið ónæði sé af staðnum
og gefur lítið fyrir kvartanir nágranna. Hann
segir ásakanir um óþrif skýrast af því að þegar
eftirlitið kom hafi hann átt eftir að fara með
kassa og flöskur eftir helgina, líkt og hann geri
alltaf. Ekkert tillit hafi verið tekið til þess.
„Það er búið að leggja mann í hálfgert einelti
hérna af nágrönnunum. Auðvitað fer fólk út að
reykja hér eins og annars staðar. Við hverju bjóst
þetta fólk þegar það tók ákvörðun um reykinga-
bann? Nær væri að ég fengi að stúka af aðstöðu
þar svo gestir mínir geti reykt inni,“ segir
Hjálmar.
Stefán Karl Kristjánsson, lögmaður Hjálmars,
segir engin lagaleg rök fyrir synjun á rekstrar-
leyfi. „Það hefur ekkert breyst í rekstri staðarins
sem réttlætir synjun leyfis. Reksturinn hefur
verið í gangi í fjórtán ár og við sjáum því ekki að
niðurstaðan verði önnur en að hann fái leyfi,“
segir Stefán.
Heiða Gestsdóttir, hjá leyfadeild lögreglunnar,
segir að niðurstaða komist í málið á næstu vikum.
Umsagnir lögbundinna aðila séu nú í kynningu
hjá eigandanum og hann hafi rétt til andmæla.
Heiða segir umsagnirnar bindandi og nóg sé að
ein sé neikvæð til að leyfi verði hafnað. Þó geti
komið fram andmæli sem tillit sé tekið til.
Hjálmar segir að fái hann ekki leyfið fari hann
einfaldlega á hausinn. „Ég keypti húsnæðið og get
þá ekki rekið bar í því og verð atvinnulaus. Mér
finnst hart ef á að sækja að þessum hóp sem hér
er. Ég afgreiði aldrei dópista; hér eru bara
venjulegar fyllibyttur. Einhvers staðar verða þær
að vera.“ kolbeinn@frettabladid.is
Leggja til að Kaffi
Stígur verði vínlaus
Heilbrigðisnefnd leggur til að Kaffi Stígur verði áfengislaus veitingastaður.
Eigandinn segir það munu setja sig á hausinn og kennir reykingabanni um fjöl-
margar kvartanir frá nágrönnum. Fyllibyttur þurfi sinn stað eins og aðrir.
SEGIST FARA Á HAUSINN Hjálmar segist fara á hausinn fái
hann ekkert leyfi. Á Kaffi Stíg séu bara venjulegar fyllibyttur
sem einhvers staðar þurfi að fá að drekka. FRÉTTABLAÐIÐ/AUÐUNN
VIÐSKIPTI „Það er alveg ljóst að
gjaldþrotum hefur fjölgað veru-
lega. Það eru allar líkur til þess að
þeim fjölgi enn meira út þetta ár.
Afleiðingarnar eru ekki almenni-
lega komnar í ljós ennþá. Gjald-
þrot munu ekki koma inn af fullri
hörku fyrr en í haust því það er
það stutt síðan hægja fór á efna-
hagslífinu,“ segir Haukur Örn
Birgisson, héraðsdómslögmaður
og eigandi Ergo lögmanna.
Lögmenn hafa fundið fyrir
aukningu innkallana síðustu
vikur. 200 fyrirtæki eru á kröfu-
fresti næstu tvo mánuði.
Haukur segir að flest fyrirtækj-
anna séu einstaklingsfyrirtæki.
„Fyrirtæki eiga orðið erfitt með
að fjármagna lán sem tekinn voru
fyrir rekstri. Rekstrarforsendur
eru að bregðast hjá mörgum eins
og staðan er í dag,“ segir hann.
Haukur telur þó að afleiðingar
af þrengingunum séu ekki að
fullu farnar að sjást. „Það tekur
tíma fyrir félög að fara í þrot.
Jafnvel mánuði eða ár. Afleiðing-
ar af því að það sé farið að drag-
ast saman koma ekki í ljós fyrr en
á haustmánuðum,“ segir hann.
Hann segist hafa byrjað að
finna fyrir auknum gjaldþrotum
nú á vormánuðum.
„Fyrirtæki geta ekki staðið við
þær fjárskuldbindingar sem þau
eru búin að taka á sig. Þar af leið-
andi fara fjármálafyrirtæki að
óska eftir auknum veðum eða
tryggingum sem félögin geta
síðan ekki staðið við,“ segir
hann.
Ofan á þetta bætist síðan að
framleiðsla og þjónusta dragast
saman þar sem eftirspurn eftir
þeim minnkar. -as
Gjaldþrotum hefur fjölgað mikið undanfarna mánuði:
Gjaldþrotahrinu spáð í haust
Á EFTIR AÐ VERSNA Þrátt fyrir aukningu
gjaldþrota á þeim eftir að fjölga enn
frekar í haust. Byggingafyrirtæki hafa
sem dæmi yfirleitt góða verkefnastöðu
yfir sumarið. FRÉTTABLAÐIÐ/ANTON
SLYS Fisvél fór á hvolf þegar henni
var lent í Hornvík við Hornstrand-
ir um klukkan fjögur í gær. Tveir
menn voru í vélinni en þeir
meiddust ekki.
Að sögn Landhelgisgæslunnar
var haft samband við áhöfnina á
bátnum Sædísi sem var í Norður-
firði og sigldi hún í Hornvík og
vitjaði um mennina. Síðan fóru
björgunarsveitarmenn og lögreglu-
menn á bátnum Gunnari Friðriks-
syni frá Ísafirði og náðu í mennina
þangað. - jse
Engan sakaði í flugslysi:
Fisvél á hvolfi
SLYS Hannes Óskarsson, bílstjóri
Íslandspósts í Ísafjarðarbæ, var
hætt kominn í fyrradag þegar
hann var að aka um Óshlíð en þá
fékk hann stóran hnullung
framan á bílinn.
„Það var þokuslæðingur svo
skyggnið var slæmt,“ segir hann,
„en ég var á um 75 kílómetra
hraða þegar ég sé einhverja
hreyfingu og slæ þá af en það var
of seint svo steinninn lenti á
framhliðinni á bílnum og skall
svo við afturhjólið. Afturdekkið
sem og felgan eru ónýt og svo er
bílinn nokkuð rispaður.“
Þegar steinninn lenti á bílnum
fór Hannes yfir á hinn vegar-
helminginn en til allrar lukku var
engin umferð þar. Hannes segist
þó ekki bera beyg í brjósti þegar
hann fari um Óshlíð en hins vegar
muni hann fagna því þegar
göngin verði tilbúinn árið 2010.
- jse
Pósturinn á Ísafirði:
Hætt kominn
í Óshlíðinni
HANNES ÓSKARSSON Óshlíðin getur
verið varasöm, því fékk pósturinn að
kynnast sem er þó hvergi banginn.
ÖRYGGISMÁL Haraldi Sverrissyni,
bæjarstjóra Mosfellsbæjar, hefur
verið falið að kanna möguleikana á
því að semja við einkafyrirtæki um
hverfisgæslu þar í bæ. Haraldur
segir þetta þó ekki til komið vegna
illrar nauðsynjar. „Það hefur ekki
verið neitt meira um innbrot nú en
áður, við viljum aðeins kanna það
hvort við getum ekki bætt enn
frekar þjónustuna við bæjarbúa,“
segir hann.
Ef af verður mun Mosfellsbær
verða þriðja bæjarfélagið til að
taka þetta skref en á Seltjarnarnesi
hefur þetta verið reynt með góðum
árangri og nýlega var samþykkt að
fara þessa leið í Kópavogi. - jse
Bæjaryfirvöld í Mosfellsbæ:
Íhuga að ráða
hverfisgæslu
HEILBRIGÐISMÁL Fjórar kærur hafa
borist umhverfisráðuneytinu vegna
starfsleyfisveitingar Heilbrigðis-
eftirlits Suðurlands til handa
fiskþurrkun Lýsis í Þorlákshöfn.
Leyfið var veitt 13. júní síðastlið-
inn en nokkur styr hefur staðið milli
sveitarfélagsins Ölfuss, fyrirtækja
og íbúa í sveitarfélaginu annars
vegar og forsvarsmanna Lýsis hins
vegar um starfsemina. Hefur helst
verið rætt um lyktarmengun og
hugsanlegar leiðir til að draga úr
henni. Ólafur Áki Ragnarsson,
bæjarstjóri í Ölfusi, staðfestir að
sveitarfélagið sé meðal kærenda en
hjá umhverfisráðuneytinu fengust
þær upplýsingar að aðrir kærendur
væru einstaklingar. „Stjórnsýslan
er ekki þannig að við gerum okkur
vonir um að eitthvað gerist fyrir
áramót,“ segir Ólafur Áki. - ovd
Starfsleyfi fiskþurrkunar Lýsis:
Fjórar kærur bor-
ist ráðuneytinu
FISKÞURRKUN LÝSIS Í ÞORLÁKSHÖFN
Nokkur styr hefur staðið um rekstur
fiskþurrkunar Lýsis í Þorlákshöfn.
MYND/GKS
SAMGÖNGUR „Það er fásinna að
skylda okkur til að klæðast fatnaði
sem enginn veit hver er,“ segir
Sylvía Guðmundsdóttir, formaður
Sniglanna.
Bifhjólafólk á að klæðast viður-
kenndum lágmarkshlífðarfatnaði
lögum samkvæmt. Unnið er að
reglugerð um hvað teljist viður-
kenndur fatnaður í samgöngu-
ráðuneytinu að sögn Ragnhildar
Hjaltadóttur ráðuneytisstjóra.
„Við teljum vonlaust fyrir lög-
reglu að fylgja slíkri reglugerð
eftir þar sem hún getur með engu
móti séð hvort galli er viðurkennd-
ur hlífðarfatnaður eða tískuvara,“
segir Sylvía.
„Ég sé ekki hvernig hægt verði
að stöðva hvern einasta bifhjóla-
mann og láta hann fletta niður um
sig til að sýna lögreglu hvort
ákveðnar merkingar séu til stað-
ar.“
Sylvía segir að Sniglarnir leggi
þó mikla áherslu á að bifhjólafólk
sé vel búið. „Fólk á að klæða sig
fyrir fallið, ekki ferðina.“
Sylvía segir mikið forvarnar-
starf fólgið í því að koma öllum í
galla. „Við hefðum vilja sjá um
það starf innan klúbbanna í stað
þess að setja í landslög,“ segir
Sylvía. „Við vitum hvergi til þess
að slík lög hafi verið sett.“
„Við erum að enn að vinna í að
ákvarða hvað telst viðurkenndur
búnaður,“ segir Ragnhildur. „Til
þess höfum við meðal annars fund-
að með Sniglunum.“ - ht
Bifhjólafólki gert að klæðast viðurkenndum lágmarkshlífðarfatnaði:
Bifhjólafólk ósátt við fatalög
Í HLÍFÐARFATNAÐI Sniglarnir vilja sjálfir
sinna forvarnarstarfi til að koma félags-
mönnum í galla í stað þess að það sé
bundið í lög. FRÉTTABLAÐIÐ/AUÐUNN
Hafi hemil á mótmælum
Ríkisstjórn Kína hefur beint því til
staðbundinna stjórnvalda að bregðast
betur við kvörtunum frá fólki til að
hindra frekari mótmæli fyrir Ólympíu-
leikana í næsta mánuði. Nokkur mót-
mæli hafa verið síðustu vikur í Kína
vegna ósættis með stjórnvöld.
KÍNA
SPURNING DAGSINS