Fréttablaðið - 17.07.2008, Blaðsíða 18

18 17. júlí 2008 FIMMTUDAGUR
FRÉTTASKÝRING: Starfsnám presta
Narfeyrarstofa í Stykkishólmi
Glæsilegt veitingahús í eigin húsnæði á besta stað í
Stykkishólmi. Reksturinn hefur gengið vel og vaxið
með hverju ári. Góður hagnaður.
Um er að ræða timburhús á tveimur hæðum sem
stendur á steyptum kjallara. Húsið er 156 fm að
stærð, auk stórs sólpalls sem nýtist vel á sumrin.
Húsið er byggt árið 1906 og endurbyggt í gömlum
stíl fyrir rúmum 10 árum. Það er í góðu ástandi
með vönduðum innréttingum.
Nánari upplýsingar veitir Jens Ingólfsson í
símum 414 1200 og 820 8658.
Í guðfræðideild HÍ eru óglögg
skil milli trúarlegrar innrætingar
og fræðilegrar kennslu, en aka-
demískt nám ætti að vera verald-
legt. Starfsnám presta færi líka
betur fram í kirkjunni, sagði Teit-
ur Atlason í júní-útgáfu menning-
ar blaðs Fréttablaðsins. Þau Hjalti
Hugason, forseti guðfræðideild-
ar, og Kristín Ingólfsdóttir, rektor
Háskóla Íslands, svara hér að
hluta til gagnrýni Teits, sem er
útskrifaður frá deildinni.
Guðfræðideild Háskólans er elsta
deild hans og á rætur að rekja allt
aftur til stofnunar Prestaskólans
árið 1847, segir á heimasíðu henn-
ar. Þar er tekið fram að deildin sé
„miklu meira en prestaskóli“.
Rektor og forseti guðfræði-
deildar fara þó ekki í launkofa
með að meginþorri nemenda
deildarinnar stefni á starf sem
prestar þjóðkirkju og námið taki
mið af því. Ákveðin „mótun“ sé
óhjákvæmileg í slíku námi, en
„trúarleg innræting“, orðalag
Teits Atlasonar, sé allt of sterkt
hugtak til að lýsa henni.
„Og mótun er alls ekki það
sama og trúboð,“ segir Hjalti.
Námið í deildinni sé að ýmsu leyti
veraldlegt.
Kristín rektor bendir á að
erlendir sérfræðingar, valdir af
Rannís og menntamálaráðuneyt-
inu, hafi nýlega farið yfir starf
guðfræðideildar.
„Og þeir minntust ekki á trúar-
innrætingu. Þeir hefðu nú líklega
sagt eitthvað ef svo hefði verið,“
segir hún. Ekkert hafi bent til að
deildin standi verr en sambæri-
legar deildir erlendis.
Breyttir tímar
Hjalti segir deildina leggja
áherslu á að koma til móts við
nýja tíma og þarfir alþjóðasamfé-
lagsins. Það gerir Kristín líka.
Deildin muni vissulega sinna
hundrað ára gömlu meginhlut-
verki sínu enn sem fyrr, að
mennta presta fyrir lúterska
kirkju, en með nýrri áherslu.
„Til dæmis er nýráðinn kennari
til deildarinnar, sem er sérfræð-
ingur í Íslam. Við finnum einnig
fyrir miklum áhuga á því námi
frá nemendum í öðrum deildum,“
segir Kristín.
Hlutverk háskóla
Um hvort ekki væri nær að hafa
starfsnámið í þjóðkirkjunni og
guðfræði Háskólans veraldlegri,
segir Kristín rektor:
„Það má auðvitað spyrja að því
hvort þetta sé hlutverk háskóla.
Við erum í stöðugri endurskoðun
og tökum mið af breyttum þjóðfé-
lagsaðstæðum.“
Hjalti bendir hins vegar á að í
nágrannalöndunum sé málum
ekki þannig háttað.
„Lúterskar kirkjur hafa ætíð
lagt áherslu á að prestar hennar
hafi vísindalega menntun. Þetta
er lúter-evrópsk hefð að standa
svona að verki. Hagnýtasti þátt-
urinn í starfsmenntuninni fer nú
þegar fram á vegum kirkjunnar.
Ýmist alfarið eða gegnum þjón-
ustusamning sem við höfum gert
við hana,“ segir hann.
Opið fyrir önnur trúfélög
Hjalti segist opinn fyrir því að
deildin geri sambærilega samn-
inga við önnur trúfélög, svo sem
Fríkirkjuna. Jafnvel við trúfélög
sem ekki játa trú á Krist.
„En frumkvæðið þyrfti þá að
koma frá trúfélögunum sjálfum,“
segir hann. Guðfræðideildin sé
þannig ekki bundin evangelísk-
lúterskri játningu, þótt söguleg
hefð geri að verkum að sú áhersla
sé ríkjandi og það eðlilega, að
mati Hjalta.
Teitur Atlason ræddi einnig að
lítil umræða færi fram í guð-
fræðináminu um „kenningar um
hinn sögulega Jesú“.
Spurður hvort sagan um Jesú
Krist sé kennd sem sagnfræðileg
staðreynd eða frekar sem trúar-
brögð við deildina, segir Hjalti að
skýr greinarmunur sé gerður á
trúfræðilegum og sögulegum
atriðum í náminu:
„Ég er sannfærður um að í
Nýja-testamentisfræðum er gætt
mjög vísindalegra vinnubragða.“
Trúarbrögð í Háskólanum
SANNLEIKURINN MUN GJÖRA YÐUR FRJÁLSA Kapella guðfræðideildar er í aðalbyggingu Háskóla Íslands. Þar eru haldnar
bænastundir. Guðfræðinemum er frjálst, en ekki skylt, að taka þátt í þeim. FRÉTTABLAÐIÐ/GVA
FRÉTTAVIÐTAL
KLEMENS ÓLAFUR ÞRASTARSON
klemens@frettabladid.is
TEITUR
ATLASON
HJALTI
HUGASON
Það
má
auðvitað
spyrja að því
hvort þetta
sé hlutverk
háskóla.
KRISTÍN INGÓLFSDÓTTIR
REKTOR HÍ
Xavier Rodríguez er ungur spænskur
lögfræðingur sem búið hefur hér á
landi í þrjú ár og talar afbragðsgóða
íslensku. Hann er með embættispróf
frá háskóla í Barcelona og meistara-
gráðu í alþjóða- og umhverfisrétti
frá Háskóla Íslands. Hann hefur sótt
um nokkur lögfræðistörf hjá hinu
opinbera, aldrei fengið vinnu og
aldrei verið boðaður í viðtal. Hann
vinnur nú sem fjölmiðlatæknikennari
í Flensborgarskólanum í Hafnarfirði
og vinnur í og með hjá Alþjóðahús-
inu. Hann var jafnframt einn þeirra
sem stóð að Útlendingaútvarpinu í
Hafnarfirði sem er með tíðnina 97,2
þegar það er starfandi.
Hvar hefur Xavier sótt um starf?
Xavier hefur sótt um starf hjá Háskóla
Íslands, umhverfisráðuneytinu og
Umhverfisstofnun enda sérmenntað-
ur í umhverfisrétti. Hann hefur aldrei
verið boðaður í viðtal hjá neinum
af þessum stofnunum. Í ráðningar-
ferli Umhverfisstofnunar voru tveir
umsækjendur boðaðir í viðtal
af þeim fimm sem sóttu um.
Auglýst var eftir lögfræðingi í
starfið en laganemi var ráðinn
í hans stað. Starfsmannastjóri
Umhverfisstofnunar segir góðan
rökstuðning vera fyrir ráðningu
laganemans. Þetta lyktar af
fordómum að mati
Xaviers og segir
hann að vinkona
hans hafi lent í
svipuðu. Hún er
menntaður lög-
fræðingur og hafði
búið hér í um það
bil átta ár og fékk
aldrei vinnu. Eftir
að hún kláraði
doktorsgráðu í
fræðunum fékk
hún vinnu við sitt
hæfi hjá hinu opin-
bera. Samkvæmt
EES-samningnum
og lögum um réttindi
og skyldur opinberra
starfsmanna þá eiga ríkisborgarar frá
EES-ríkjunum að hafa nákvæmlega
sömu réttindi og íslenskir ríkisborgar-
ar með tilvísun til ákvæðis fjórfrelsis-
ákvæðis EES-samningsins um frjálsa
fólksflutninga milli aðildarríkjanna.
Hér áður fyrr gilti hins vegar sú regla
að til þess að fá vinnu hjá hinu opin-
bera þurfti maður að vera íslenskur
ríkisborgari.
Hvað segir fólk um þetta?
Nokkrir hafa kvatt sér hljóðs í þessu
máli. Ráðgjafi hjá Alþjóðahúsinu
hefur sagt að nokkuð algengt sé að
leitað sé til þeirra vegna mála sem
þessara. Heilbrigðisstarfsmenn eins
og læknar og tannlæknar erlendis
frá fái menntun sína ekki metna
sem skyldi og þess vegna fái þeir
ekki starf við hæfi. Dæmi er um
að kona frá Austur-Evrópu sem var
menntaður læknir í heimalandi sínu
kom til Íslands og fékk nám sitt ekki
metið. Hún hefði þurft að byrja á
læknanáminu frá byrjun hér á landi
en í staðinn hóf hún nám í
sjúkraþjálfun. Mikið er um að
heilbrigðismenntaðir erlendis
frá gegni umönnunarstörfum
á elliheimilum og þess háttar.
Framkvæmdastjóri Bandalags
Háskólamanna, BHM, segir
málið þarfnast skoðunar og
bandalagið muni líklega
fara í þetta mál, þó Xavi-
er sé ekki félagsmaður.
Hæstaréttarlögmaður
segir að ef hann væri
sjálfur að ráða í
starf á vegum hins
opinbera mundi
hann líklega
ráða sem flesta
erlenda starfs-
menn sem tala
tungumálið
og geta sinnt
starfi sínu vel
því það auki
tiltrú almenn-
ings á starfsað-
ferðir stjórnvalda.
FBL-GREINING: XAVIER RODRÍGUEZ FÆR EKKI VINNU
Laganemi ráðinn
fram yfir lögfræðing