Fréttablaðið - 17.07.2008, Blaðsíða 38

● fréttablaðið ● austurland 17. JÚLÍ 2008 FIMMTUDAGUR6
Yndisfagurt umhverfi og
afslappað andrúmsloft mætir
börnunum sem njóta ókeypis
listnámskeiða á Eiðum. Um-
sjónarmaður er Sigríður Jóna
Þórisdóttir sérkennari.
„Krakkarnir teikna og mála, fást
við leir, kvik- og teiknimyndir. Svo
verða stundum til tónlistarhóp-
ar. Allt er þetta meira og minna
sjálfsprottið. Börnin eru svo góðir
listamenn. Þau eru líka í bátasmíði
og fá að veiða í vatninu.“ Þannig
lýsir Sigríður Jóna Þórisdóttir
viðfangsefnum barnanna á nám-
skeiðunum á Eiðum sem hún held-
ur utan um. Þriðja námskeiðið er í
gangi þessa viku með sautján þátt-
takendum en alls eru um 60 börn á
aldrinum 8 til 16 ára sem komast
að á hverju sumri.
Sigríður er eiginkona Sigur-
jóns Sighvatssonar kvikmynda-
gerðarmanns. Þótt hún sé pottur-
inn og pannan í sumarnámskeið-
unum á Eiðum kveðst hún hafa
gott fólk í vinnu með sér og nefn-
ir listamennina Daníel Björnsson,
Pétur Örn Friðriksson og Önnu
Hallin. Þetta er fimmta sumarið
sem námskeiðin eru haldin og sum
börnin hafa komið öll árin að sögn
Sigríðar. „Þau sýsla við margt
en taka því líka rólega því hér er
engin keyrsla. Það er viss lykill að
því að þeim líður svo vel,“ segir
hún. Börnin koma frá Borgarfirði
eystra, Neskaupstað, Egilsstöðum,
Reyðarfirði og víðar að, dvelja á
Eiðum yfir daginn en gista ekki.
„Foreldrarnir telja ekkert eftir
sér að keyra þau á milli og skipt-
ast bara á,“ lýsir Sigríður.
Síðasta dag hvers námskeiðs
koma foreldrarnir í heimsókn,
horfa á vídeó af vinnunni og hlýða
á tónlist ef hún hefur verið æfð.
„Þetta er góð samverustund þar
sem boðið er upp á hressingu. Svo
hefur Kiddi á Vídeóflugunni tekið
vídeómyndir og ein þeirra, „Oj á
Eiðum“, hefur verið í útláni hjá
honum, mörgum til ánægju. Það
er gaman að vinna með Kidda,
hann er svo listrænn,“ segir Sig-
ríður og bætir við að námskeiðin
séu framlag Eiðastóls á Austur-
landi og foreldrum og börnum að
kostnaðarlausu. - gun
Listin blómstrar á Eiðum
Sigurður og Daníel Björnsson að gera
tilraun með sápukúluvél.
Þátttaka í Listahátíð í Reykjavík:
Vídeósýning Hrafnkels Sigurðssonar í
gömlu sundlauginni og sýning Lennart
Alves á ljósmyndum og landslagsverk-
um úr álplötum í gamla íþróttahúsinu.
Báðir dvöldu í vinnustofum á Eiðum við
undirbúning.
Upptaka á ísdansi: Páll Steingríms-
son tók upp ísdans með Ernu
Ómarsdóttur.
Tvær ballettsýningar í maí: Klassíski
listdansskólinn.
Listabúðir í júní: 32 nemendur
myndlistaskóla í Reykjavík, Kaup-
mannahöfn og Helsinki. Ljósmyndir af
verkunum eru sýndar á LungA.
Hótel Edda: Starfar frá 15. júní til
ágústloka.
Skúlptúr í skóginum: Listaverkið
Macys eftir Jason Rode og Poul Mc.
Carthy.
Árshátíðir og ráðstefnur.
Skúlptúragarður í uppbyggingu.
Á EIÐUM 2008 Rabarbaragengið. Pétur Örn hjálpar
rabarbarahljómsveitinni.