Fréttablaðið - 17.07.2008, Blaðsíða 65
FIMMTUDAGUR 17. júlí 2008 45
GOLF Opna breska meistaramótið
hefst í dag á hinum glæsilega
Royal Birkdale-golfvelli. Tiger
Woods, sem unnið hefur mótið þrí-
vegis, er fjarri góðu gamni vegna
meiðsla og spilar ekki meira á
árinu. Einnig er óvissa með þátt-
töku Padraigs Harrington sem
vann mótið í fyrra eftir umspil
gegn Sergio Garcia. Harrington er
meiddur á úlnliði og hefur lítið
getað æft síðustu daga. Hann tók
til að mynda aðeins tvö högg á
æfingunni í gær.
„Ef þetta væri ekki opna breska
hefði ég þegar dregið mig úr mót-
inu. En maður leggur aukalega á
sig til þess að taka þátt í þessu
móti,“ sagði Harrington sem er í
holli með Justin Leonard og Retief
Goosen.
Fjarvera Tigers mun eðlilega
hafa nokkur áhrif á sjónvarps-
áhorf og þá aðallega í Bandaríkj-
unum þar sem búist er við 30 pró-
senta minna áhorfi en ella þar sem
Tiger er fjarverandi. Engu að síður
er búist við miklum áhuga heima-
manna á mótinu. Ekki síst í ljósi
þess að Evrópubúa hefur aldrei
tekist að vinna opna breska á Royal
Birkdale.
Heimamenn hafa mikla trú á
Lee Westwood en hann varð þriðji
á opna bandaríska mótinu á dögun-
um og lék vel.
Einnig bíða margir spenntir
eftir því að sjá Sergio Garcia sem
var mjög nálægt sigri í fyrra. Svo
eru spænskir íþróttamenn afar
heitir þessa dagana - Spánn vann
EM og Rafael Nadal vann ævin-
týralegan sigur á Wimbledon-mót-
inu í tennis.
Justin Rose verður einnig undir
smásjánni næstu daga en það var
einmitt á Royal Birkdale fyrir tíu
árum sem hann skaust óvænt fram
á sjónarsviðið. Rose var þá aðeins
17 ára gamall áhugamaður og lenti
í fjórða sæti á mótinu. Mikið vatn
hefur runnið til sjávar síðan og í
dag er Rose níundi á heimslistan-
um.
„Það væri ekki hægt að búa til
betra handrit að þessu. Ef þetta er
mín vika verður þetta rosaleg saga.
Ég hef alltaf sagt að til þess að búa
til aðra sögu um mig á mótinu verði
ég einfaldlega að vinna það. Það er
eðlilega markmiðið og það væri
svo sætt ef markmiðið næðist,“
sagði Rose. „Ég gleymi samt aldrei
mótinu fyrir tíu árum síðan. Það
var sannkölluð ævintýravika og
stuðningur áhorfenda ótrúlegur.
Það var staðið upp fyrir mér á nán-
ast hverri holu og fólk segist aldrei
hafa heyrt önnur eins læti á golf-
velli. Mér leið eins og Jack Nick-
laus,“ sagði Rose og brosti.
Maður fólksins, hinn skrautlegi
John Daly, er meiddur, líkt og Harr-
ington, en hefur ákveðið að hlusta
ekki á lækna og spila.
„Það hefur verið mjög erfitt að
spila allt þetta ár vegna meiðsl-
anna. Það var reyndar sama sagan
líka á síðasta ári,“ sagði Daly létt-
ur. „Ég hef hingað til hlustað á
læknana mína og látið þá laga það
sem hefur þurft að laga. Þetta er
reyndar í fyrsta skipti í tvö ár sem
ég hlusta ekki á læknana.“
henry@frettabladid.is
© GRAPHIC NEWS
Clubhouse
Royal Birkdale
Southport
BREYTINGAR
Á VELLINUM
Lengd vallarins
142 metrum hefur verið
bætt við lengd vallarins
síðan mótið fór síðast fram
á Royal Birkdale árið 1998.
Aðalbreytingar
Níunda holan færð 23 metra til
vinstri. Ný flöt er á 17. holunni og
það 23 metrum aftar en síðast.
Annað: Búið að bæta við 20 nýjum
sandglompum. Sjö flatir hækkaðar og sex nýir
teigar einnig búnir til.
Opna breska meistaramótið 2008 fer fram á Royal Birkdale-vellinum
VÖLLURINN HOLU FYRIR HOLU
Hola par metrar hola par metrar
1 4 411 10 4 373
2 4 385 11 4 399
3 4 412 12 3 168
4 3 184 13 4 456
5 4 316 14 3 184
6 4 456 15 5 497
7 3 163 16 4 401
8 4 418 17 5 523
9 4 379 18 4 433
Út 34 3124 Inn 36 3160
Samt. 70 6559
Heimild: R&A Championships Limited
Enginn Tiger Woods og meistarinn meiddur
Opna breska meistaramótið hefst í dag en þetta er í 137. skipti sem mótið er haldið. Það er erfiðara en oft áður og spá fyrir um sigur-
vegara enda er Tiger Woods meiddur. Meistari síðasta árs, Írinn Padraig Harrington, er einnig meiddur og óljóst hversu mikið, eða
hvort, hann getur tekið þátt á Royal Birkdale-vellinum.
DALY Tekur reyk á æfingu í gær og er af
mörgum talinn til alls líklegur.
JUSTIN ROSE Sló
í gegn á Royal
Birkdale-vellinum
fyrir tíu árum,
aðeins 17 ára
áhugamaður.
Hann ætlar
sér stóra hluti
að þessu sinni.
MYND/GRAPHIC NEWS
ÞRENNA HJÁ SPÁNVERJUM? Spánverjinn Sergio Garcia er efstur á blaði hjá veðmöngurum fyrir opna breska meistaramótið.
Garcia segist ætla að ná þrennunni fyrir landa sína en spænska landsliðið vann EM og síðan vann Rafael Nadal, vinur Garcias,
Wimbledon-mótið í tennis á dögunum. Garcia sést hér á æfingu í gær. NORDIC PHOTOS/GETTY IMAGES
+ Bókaðu flug á www.icelandair.is
*
ÍS
L
E
N
S
K
A
S
IA
.I
S
I
C
E
4
30
64
0
7
2
0
0
8
HUGURINN BER ÞIG AÐEINS HÁLFA LEIÐ