Fréttablaðið - 22.07.2008, Blaðsíða 34

● lh hestar 22. JÚLÍ 2008 ÞRIÐJUDAGUR14
Stóðhesturinn Hágangur frá Narfastöðum er trúlega
einn mesti öðlingur í röðum stóðhesta. Eigandi hans
er Ingunn Ingólfsdóttir, sem er aðeins átta ára. Hún
reið honum sjálf í verðlaunaafhendingu á Landsmóti
hestamanna.
Hágangur var fjórði í röð sex stóðhesta sem sýnd-
ir voru til fyrstu verðlauna fyrir afkvæmi á LM2008.
Það vakti mikla athygli þegar Ingunn kom ríðandi á
honum í brautina. Hesturinn hlýddi henni í einu og
öllu og brá sér hvergi, hvorki við klapp áhorfenda né
hávaða úr hátalarakerfinu. Hann er undan Glampa
frá Vatnsleysu og Heru frá Herríðarhóli, sem er
undan Orra frá Þúfu. Í ættinni eru örir og skapmikl-
ir viljahestar.
En svona er hrossaræktin. Þar getur allt gerst.
Afkvæmi Hágangs eru flest klárhross eins og hann
sjálfur, hágeng, viljug og geðgóð.
EINSTAKLEGA BARNGÓÐUR OG TRAUSTUR
Óhætt er að segja að Hágangur sé einstkalega barn-
góður og traustur. Hann hefur látið flest eftir eiganda
sínum alveg frá því að hún gat sjálf haldið á beisli og
klifrað á bak. Fræg er sýning þeirra í Fluguhöllinni
á Sauðárkróki þar sem Hágangi var sleppt lausum
og Ingunn, þá aðeins fjögra ára, beislaði hann, príl-
aði á bak og reið honum um hallargólfið eins og ekk-
ert væri.
„Þeirra samband hefur verið alveg sérstakt frá
fyrstu tíð,“ segir Ingólfur Helgason á Dýrfinnustöð-
um, faðir Ingunnar. Það hefur aldrei komið upp á að
hann hlýði henni ekki í einu og öllu. Ég keypti Há-
gang tveggja vetra og það var ákveðið strax að hann
yrði hestur Ingunnar og skráður á hana. Hann er af-
skaplega þægur og traustur og afkvæmi hans hafa
flest verið þæg í tamningu, eftir því sem ég best
veit,“ segir Ingólfur.
Sérstakt samband frá upphafi
Söngkonan Elísabet Alla sló heldur betur í gegn á Landsmóti
hestamanna. Hún er aðeins fimm ára, en var ekki vitund tauga-
óstyrk þótt áheyrendur væru um fjórtán þúsund.
Elísabet Alla var sigurvegari í söngvakeppni barna sem fór fram í Húsa-
smiðjugarðinum svokallaða á LM2008, sem var leiksvæði fyrir börn. Hún
flutti svo sigurlagið á kvöldvöku á laugardagskvöldið og heillaði viðstadda
svo sannarlega upp úr skónum.
Elísabet Alla býr á Siglufirði hjá pabba og mömmu og Vigfúsi Fannari
bróður. Söng- og leiklistarhæfileikana fékk hún frá Steinu frænku og Öllu
ömmu á Sigló. Bróðir hennar, Vigfús Fannar, er líka tónlistarmaður, en
segir að litla systir sé bróðurbetrungur á því sviði. Aðaláhugamál fjöl-
skyldunnar er þó hestamennskan. Elísabet Alla ríður gjarnan fremst í
flokki á hestinum sínum Robba, sem er vindóttur öðlingur.
ROSALEGA GAMAN Á LANDSMÓTI
„Elísabetu fannst rosalega gaman á Landsmótinu,“ segir móðir henn-
ar, Sigríður Vigfúsdóttir. „Húsasmiðjugarðurinn sló alveg í gegn. Það er
óskaplega mikill munur að fá fría gæslu fyrir börnin á svona skemmtilegu
leiksvæði. Það gerir fjölskyldufólki mun auðveldara fyrir að sækja Lands-
mótin og hafa alla með. Þótt börn hafi gaman af hestum þá hafa þau enga
eirð í sér að horfa á keppni og sýningar allan daginn. Þetta gefur foreldr-
um kost á að sitja lengur í brekkunni og horfa á gæðingana í brautinni.“
En hvernig er það á Sigló, er hestamennskan búin þegar Landsmótið er
búið?
„Nei, síður en svo,“ segir Sigríður. „Sumarið er aðaltíminn í hesta-
mennskunni. Þá erum við með hrossin á Fyrirbarði í Fljótum, sem er ynd-
islegasta sveit á Íslandi. Þar er alltaf mikið um að vera, fullt af krökkum
og margt brallað; fylgst með folöldunum, hreiðrunum og endalaust hægt
að leika sér. Og svo förum við með hestana á Æskulýðsmót Norðurlands
á Melgerðismelum. Elísabet Alla verður að sjálfsögðu með, enda nýbúin á
viku reiðnámskeiði,“ segir Sigríður.
Söng fyrir fjórtán
Gári frá Auðsholtshjáleigu hlaut
efsta sætið í flokki stóðhesta sem
sýndir voru til fyrstu verðlauna
fyrir afkvæmi á LM2008. Hefur
hann þar með gert sig líklegan í
baráttunni um Sleipnisbikarinn
að tveimur til fjórum árum liðn-
um.
Gári er úr ræktun þeirra Gunn-
ars Arnarsonar og Kristbjarg-
ar Eyvindsdóttur á Auðsholts-
hjáleigu, undan Orra frá Þúfu
og Limru frá Laugarvatni. Gári
braut blað þegar hann hlaut 8,87
fyrir byggingu fjögurra vetra.
Afkvæmi hans sverja sig í ætt-
ina hvað sköpulagið varðar og eru
að auki viljug og glæsileg alhliða
hross. Átján þeirra eru með fulln-
aðardóm og þar af eru átta með
fyrstu verðlaun, eða tæpur helm-
ingur.
Fjöldi hrossa frá Auðsholtshjá-
leigu tók þátt í kynbótasýning-
um og gæðingakeppni á LM2008.
Til dæmis þá kepptu nafnarnir
og frændurnir Eyvindur Gunn-
arsson og Eyvindur Hreggviðs-
son til úrslita í ungmennaflokki,
báðir á hestum frá Auðsholtshjá-
leigu. Á ræktunarbússýningunni
kom fram myndarlegur hópur
frá búinu, sem taldi hvorki fleiri
né færri en tuttugu og eitt hross,
hvert öðru betra. Glæsilegur ár-
angur og myndarlega að staðið.
Glæsileg og sterkbyggð
Elísabet Alla söng lagið Bahama af mikilli
innlifun fyrir Landsmótsgesti. MYND/JENS EINARSSON
Ingunn Ingólfsdóttir, átta ára, á stóðhesti sínum, Hágangi frá Narfastöðum, á verðlaunaafhendingu á Landsmóti hestamanna.
MYND/JENS EINARSSON
Gunnar og Kristbjörg taka við verðlaunum fyrir Gára frá Auðsholtshjáleigu. Kristinn
Hugason, fyrrverandi hrossaræktarráðunautur, lengst til vinstri. MYND/JENS EINARSSON