Fréttablaðið - 25.07.2008, Blaðsíða 8
8 25. júlí 2008 FÖSTUDAGUR
SKULDABRÉF N1 HF.
TEKIN TIL VIÐSKIPTA Á OMX NORDIC EXCHANGE ICELAND HF.
N1 hf. hefur birt lýsingu vegna töku skuldabréfa til viðskipta á OMX
Nordic Exchange Iceland hf.
Heildarnafnverð skuldabréfanna sem nú eru tekin til viðskipta er
2.000.000.000 kr. í einum flokki. Nafnverð hverrar einingar er
10.000.000 kr.
Skuldabréfin eru óverðtryggð og greiðir bréfið árlega 20,30% fasta vexti af
höfuðstól. Fyrsti vaxtadagur er 11. júlí 2008. Fyrsti vaxtagjalddagi er 13.
júlí 2009 og annar og síðasti vaxtagjalddagi er 11. janúar 2010. Höfuðstól
bréfanna ber að endurgreiða í einni greiðslu á lokagjalddaga þann 11.
janúar 2010. Auðkenni flokksins á OMX Nordic Exchange Iceland hf. er
N1 08 1 og ISIN IS0000018315.
OMX Nordic Exchange Iceland hf. mun taka skuldabréfin til viðskipta
þann 25. júlí 2008.
Umsjón með sölu skuldabréfanna og töku til viðskipta á OMX Nordic Exchange Iceland hf. er
Glitnir banki hf., Kirkjusandi 2, 155 Reykjavík. Lýsinguna og önnur gögn sem vitnað er til í
henni er hægt að nálgast hjá N1 hf, Dalvegi 10-14, 201 Kópavogi og á heimasíðu N1 hf.
www.n1.is fram til lokadags skuldabréfanna.
Reykjavík, 25. júlí 2008.
Auglýsingasími
– Mest lesið
ÞÝSKALAND, AP „Ný kynslóð, okkar
kynslóð, verður að setja mark sitt
á söguna,“ sagði Barack Obama,
forsetaefni bandaríska Demó-
krataflokksins, í ræðu sem hann
flutti við Sigursúluna í Berlín í
gær.
Meira en tvö hundruð þúsund
manns voru mætt til að hlýða á
ræðu hans, þar sem hann sagði
nauðsynlegt að rífa niður múra
milli trúarbragða, kynþátta og
þjóða.
„Þegar þið, þýska þjóðin, rifuð
niður þennan múr,“ sagði hann og
átti þá við Berlínarmúrinn, sem
stóð ekki langt frá ræðustað hans,
„þá hrundu niður múrar um heim
allan.“ Nú þurfi að halda áfram því
starfi.
Hann kom víða við í ræðu sinni
við Sigursúluna í Berlín í gær.
Hann hvatti Evrópubúa og Banda-
ríkjamenn til að starfa saman að
því að „vinna bug á hryðjuverkum
og þurrka upp þann öfgabrunn
sem nærir þau“.
Ljúka þurfi stríðinu í Írak,
krefja Írana um að hætta við kjarn-
orkuáform sín og efla baráttuna
gegn talibönum í Afganistan.
Barack Obama fetaði í fótspor
Bandaríkjaforsetanna Johns F.
Kennedy og Ronalds Reagan í gær
með því að flytja ræðu undir
berum himni í Berlín.
Mótherji hans, John McCain,
forsetaefni Repúblikanaflokksins,
sagðist þó frekar vilja flytja ræðu
þar þegar hann væri orðinn for-
seti Bandaríkjanna heldur en sem
forsetaframbjóðandi.
„Hann er að tala til Þjóðverja,
Berlínarbúa, en kjarninn í boð-
skapnum, hinn raunverulegi boð-
skapur, er ætlaður kjósendum
hans í Bandaríkjunum,“ sagði Eck-
art van Klaeden, þingmaður í
íhaldsflokki Angelu Merkel kansl-
ara.
Í mannfjöldanum í Berlín var
ungur Bandaríkjamaður, Vernon
Thomas frá Omaha í Nebraska,
sem sagði ótrúlegt að sjá hve mik-
inn stuðning Obama hafi í Þýska-
landi:
„Mér finnst þetta undravert.
Hér í Berlín er fleira fólk komið
til að sjá hann heldur en í heima-
bæ mínum,“ sagði Thomas, sem
tvisvar hefur hlýtt á Obama flytja
ræðu í Omaha.
Obama hitti fyrr um daginn
Angelu Merkel, kanslara Þýska-
lands, og Klaus Wowereit borgar-
stjóra. gudsteinn@frettabladid.is
Vill rífa fleiri
múra niður
Meira en tvö hundruð þúsund manns hlýddu á ræðu
Baracks Obama í Berlín í gær. Obama hvatti Evrópu-
menn og Bandaríkjamenn til að starfa saman.
OBAMA Í BERLÍN Forsetaefni bandaríska Demókrataflokksins var tekið eins og popp-
stjörnu í Berlín í gær, þar sem meira en tvö hundruð þúsund manns hlýddu á ræðu
hans við Sigursúluna á 17. júní-stræti. FRÉTTABLAÐIÐ/AP
DÓMSMÁL Verjandi Jóns Ólafsson-
ar, Ragnar Aðalsteinsson, sem og
ákæruvaldið, fengu ekki að tjá sig
um kröfur sínar og rök um skipan
Sigurðar G. Guðjónssonar sem
annars verjanda Jóns. Ragnar
hefur sagt að málið sé réttarfars-
leg mistök.
„Þegar við mættum til þing-
halds í fyrradag las dómarinn
úrskurðarorðin upp, án þess að
heyra sjónarmið aðila. Það er
grundvallarregla að við fáum að
tjá okkur,“ segir Ragnar.
Úrskurðað var í fyrradag að
ekki mætti skipa Sigurð sem verj-
anda Jóns því möguleiki væri á að
hann væri vitni í málinu, en hann
var eitt sinn forstjóri Norðurljósa.
„Sigurður hefur aldrei verið yfir-
heyrður sem vitni í þessu máli,“
segir Ragnar. „Sakborningur [Jón
Ólafsson] ætti að vera í bestu
aðstöðunni til að meta hvort verj-
andi geti sinnt starfi sínu af trú-
mennsku.“ Jón Ólafsson, ásamt
þremur öðrum sem störfuðu hjá
Norðurljósum, er ákærður fyrir
að hafa svikið 360 milljónir króna
undan skatti. Í lögum um meðferð
opinberra mála segir: „ekki má
skipa eða tilnefna þann mann verj-
anda sem kann að verða kvaddur
til að bera vitni“. Ákvörðunin
hefur verið kærð til Hæstaréttar.
- vsp
Ragnar Aðalsteinsson ósáttur við úrskurð:
Fengu ekki að tjá sig