Fréttablaðið - 25.07.2008, Blaðsíða 52

28 25. júlí 2008 FÖSTUDAGUR
tonlist@frettabladid.is
TÓNNINN GEFINN
Trausti Júlíusson
Til skamms tíma voru sjóræningja-
útgáfur (eða „bootleggar“) mjög
eftirsóttar meðal tónlistaraðdáenda.
Þetta var sériðnaður til hliðar við
opinbera útgáfubransann. Oftast
voru þetta tónleikaupptökur í
misjöfnum gæðum og óútgefið efni.
Ég man vel eftir öllum sjóræningja-
sölunum á Camden-markaðnum og
svo var Kiddi í Hljómalind líka með
fínar tónleikaútgáfur frá Ítalíu, en
höfundarréttarlög þar í landi eru
öðruvísi en annars staðar. Sá sem
tekur upp á útgáfuréttinn …
Með tilkomu skráarskiptaforrita og netsins eru hins vegar allar
sjóræningjaútgáfurnar falar án greiðslu á netinu rétt eins og aðrar
útgáfur þannig að fágæti þeirra er að mestu fyrir bí.
Undanfarið hafa líka nokkrar af eftirsóttustu sjóræningjaútgáfunum
fengið opinbera útgáfu, sem er auðvitað skynsamlegasta leiðin til þess
að höfundar efnis fái greitt og aðdáendur fái gæðavöru í hendurnar.
Ágætt dæmi er The Bootleg Series með Bob Dylan. Nýlega gaf EMI út
einn eftirsóttasta bootleg David Bowie, útvarpsupptöku af tónleikum
hans með Spiders From Mars-bandinu í Santa Monica í Kaliforníu 20.
október 1972.
Þetta voru tónleikar á fyrsta Ameríkutúr Bowies og hann er í
fantastuði. Lagalistinn er hrein snilld, 18 lög; Ziggy, Changes, Life on
Mars?, Five Years, Space Oddity, Moonage Daydream, With of a Circle,
Jean Genie o.s.frv., en líka My Death eftir Jacques Brel og Velvet-
slagarinn Waiting For The Man … Bandið auðvitað frábært, ekki síst
gítarhetjan Mick Ronson. Þessi nýja útgáfa kemur í flottri öskju með
auglýsingaefni og blaðagreinum frá þessum tíma. Hún er unnin með
þátttöku Bowies sjálfs.
Mikið gleðiefni fyrir Bowie-aðdáendur þó að einhverjir séu óhressir
með að hluti af kynnningum Bowies hafi verið klipptur burt.
Sjóræningjaútgáfa upp á yfirborðið
BOWIE OG RONSON Santa Monica-
tónleikarnir frá 1972 hafa lengi verið
eftirsóttir meðal aðdáenda.
> Plata vikunnar
Atomstation - Exile Republic
★★
„Atomstation gefur skít í
frumleika og rokkar að hætti
pungsveittra kana. Spilagleði
sveitarinnar ætti auðveldlega
að smita keyrsluþyrsta rokk-
hausa.“
- KG
> Í SPILARANUM
Dr. Dog - Fate
The Hold Steady - Stay Positive
Fleet Foxes - Fleet Foxes
Villi Valli - Í tímans rás
Conor Oberst - Conor Oberst
DR. DOGCONOR OBERST
Fáar hljómsveitir fá eins
mikið pláss hjá pressunni
um þessar mundir og
hljómsveitin Black Kids frá
Flórída. Frumburður sveit-
arinnar var að koma út en
ótrúlegar væntingar hafa
verið um plötuna. Steinþór
Helgi Arnsteinsson athug-
aði hvort Black Kids sé enn
ein oflofsbólan eða hafi
virkilega eitthvað fram-
bærilegt fram að færa.
Í upphafi árs settu helstu miðlar, á
borð við BBC og Rolling Stone,
saman lista yfir þá listamenn sem
þeir þóttu líklegir til að slá í gegn á
árinu 2008. Nokkur nöfn á þessum
listum hafa þegar slegið í gegn og
má þar til dæmis nefna MGMT,
Duffy og Santogold. Önnur hljóm-
sveit sem var ofarlega á öllum þess-
um spekingslistum var Black Kids
frá borginni Jacksonville í Flórída.
Væntingarnar til sveitarinnar hafa
í raun verið ótrúlegar en nú er plat-
an, Partie Traumatic, komin út og
sitt sýnist hverjum.
Frá sömu borg og Limp Bizkit
Black Kids á ekki að baki langan
starfsaldur. Hún var stofnuð í byrj-
un árs 2006 í Jacksonville en borgin
er líklegast þekktust fyrir að hafa
alið af sér hina ótrúlegu hljómsveit
Limp Bizkit. Black Kids eru hins
vegar eins langt frá því að líkjast
lina kexinu og hugsast getur.
Hljómsveitin er saman sett af
fimm einstaklingum, þar af einu
systkinapari. Þau hittust öll í sunnu-
dagsskóla en að sögn eins meðlima
Black Kids er það frábær staður til
þess að kynnast einstaklingum af
hinu kyninu.
Eins og The Go! Team að spila
Arcade Fire
Eftir frábæra frammistöðu Black
Kids á tónlistarhátíð í Georgíu-
fylki í ágúst í fyrra hófst fárið.
Blaðamenn NME, Guardian og
Vice, meðal annarra, stóðu agndofa
og í kjölfarið tóku háskólaútvarps-
stöðvarnar við sér.
Stuttu seinna gaf sveitin út fjög-
urra laga EP-plötu frítt til niður-
hals á MySpace-síðu sinni. Formúl-
an var síðan frekar fyrirsjáanleg
eftir það. Tónlistarbloggarar hömp-
uðu sveitinni í hástert og sögðu
hana eins og The Go! Team að spila
Arcade Fire með kímni Architect-
ure in Helsinki. Blanda sem fær
hvaða indí-krakka sem er til að
missa legvatnið.
Pitchfork gefur skít í frumburðinn
Vinsældir Black Kids getur sveitin
ekki síst þakkað indí-biblíunni
Pitchfork Media. Miðillinn var ekki
lengi að blása upp bóluna og smellti
einkunninni 8,4 á fyrrnefnda EP-
plötu, Wizard of Ahhhs, sem verður
að teljast frábær einkunn fyrir ein-
göngu fjögur lög. Sérstaklega vakti
lagið I’m Not Gonna Teach Your
Boyfriend How To Dance With You
mikla lukku.
Adam var hins vegar ekki lengi í
paradís því Partie Traumatic fékk
vægast sagt háðulega útreið hjá
Pitchfork. Dómurinn var mynd af
tveimur pug-hundum, mjög sorg-
legum á svip, sem á stóð Sorry :-/.
Einkunnin fyrir ofan var líka grát-
brosleg, 0,0, en henni var þó seinna
breytt í 3,3. Ég veit ekki alveg hvort
er betra (Þetta toppar þó ekki dóm
Pitchfork um plötu Jet, Shine On,
en þar mátti sjá myndband af apa
að pissa upp í munninn á sér).
Black Kids eiga gott skilið
Flestir dómarnir eru þó töluvert
jákvæðari um Partie Traumatic
enda ekkert skrítið því hér er um
fína plötu að ræða. Hún var tekin
upp af Bernard Butler, fyrrverandi
gítarleikara Suede, og er hin fínasta
gæðagítarpoppsplata.
Vissulega anga sum lögin af fljót-
færni og klisju en meirihlutinn er
grípandi gleðigjafar með skemmti-
legum textum. Black Kids eiga
alveg rétt á því að slá í gegn.
Pitchfork getur bara hoppað upp í
r******** á sér!
Skúrkar eða snillingar?
BLACK KIDS Fyrsta plata sveitarinnar fær víðast hvar góða dóma. Pitchfork rakkar þó
plötuna niður, eftir að hafa verið einn af miðlunum sem hóf bandið upp til skýjanna
þegar það var að byrja.
Bertel Ólafsson er 38 ára Garð-
bæingur í útlegð í Hafnarfirði.
Hann er viðskiptafræðingur hjá
Icelandic Cargo og hefur stundað
tónlistarsköpun undir nafninu
Ruddinn síðustu árin.
„Þetta hefur komið í staðinn
fyrir sjónvarpsgláp,“ segir Bertel
Ruddi. „Konan heldur líka fast um
fjarstýringuna svo þetta er mjög
gott fyrirkomulag. Hún horfir á
Lost eða einhverja vitleysu en ég
læðist upp í stúdíóið. Maður hefur
frítíma eftir að það er búið að
svæfa, svona eftir níu, og ég reyni
að sinna þessu tvisvar til þrisvar í
viku.“
Bertel hefur ekki staðið í hljóm-
sveitarmennsku að neinu gagni og
kann vel við tölvutæknina og ein-
veruna. „Það er gott að geta gert
tónlist á eigin forsendum og ráðið
þessu alveg sjálfur,“ segir hann.
„Þetta er gefandi og skemmtilegt.
Fátt er betra en að standa upp frá
tölvunni þegar gott lag er tilbúið
og ganga sáttur til náða. Þetta er
bara mitt golf. En ég spila reyndar
golf líka.“
En hvað með þetta nafn, Rudd-
inn?
„Það er nú bara nafn sem festist
á mig í djamminu í gamla daga.
Maður átti það til að segja sína
meiningu umbúðalaust. Ruddinn
er þó engan veginn lýsandi fyrir
tónlistina, þetta er frekar „melló“.
Mínar uppáhalds-hljómsveitir eru
New Order og Joy Division og það
heyrist kannski aðeins.“
Fyrsti diskur Ruddans var
heimabrugg og kom út í ársbyrjun
2007. Nú er kominn út „Ruddinn
2“, sem er „alvöru“. „Ég vona að
mér sé að fara eitthvað fram.
Diskurinn byrjar á greddurokki
og fer svo í poppaðari og melód-
ískari áttir. Þetta er fyrst og
fremst poppplata með broddi.“
Plötunni er dreift af 12 tónum
og af Lakeland Records í Bret-
landi. Ruddinn er þegar byrjaður
á næstu plötu og er að íhuga leiðir
til að flytja efnið á tónleikum. „Ég
er að tala við nokkra gamla metal-
hausa upp á tónleikahald. Það
kemur allt í ljós.“ - glh
Ruddinn spilar popp með broddi
RUDDINN ER EKKERT RUDDALEGUR
Bertel Ólafsson læðist í heimastúdíóið á
meðan konan horfir á sjónvarpið.
FRÉTTABLAÐIÐ/ANTON
Færeyska hljómsveitin
Boys in a Band gefur út
fyrstu plötu sína á mánu-
daginn næsta. Platan
kallast Black Diamond
Train. Sveitin er mörg-
um Íslendingum að góðu
kunn eftir frábæra tón-
leika á Airwaves-hátíð-
inni í fyrra.
Boys in a Band spila
hressilegt rokk og hefur
sveitin vakið talsverða
athygli síðasta árið. Til
að mynda sigraði sveitin
í Global Battle of the
Bands í London í desem-
ber. Sigurlaunin, 100
þúsund dollara, not uðu
þeir til að taka upp
plötuna og gefa hana sjálfir
út í Færeyjum og á Íslandi.
Boys in a Band eru vænt-
anlegir til Íslands til að
fylgja plötunni eftir. Þeir
spila á Innipúkanum á Nasa
um verslunarmannahelgina
og sömuleiðis á Þjóðhátíð í
Vestmannaeyjum. Þá troða
þeir upp á Dillon. Boys in a
Band stefna svo á að fara
tónleikaferðalag um Ísland í
október.
Færeyingar taka sviðið
BOYS IN A BAND Færeyskir
rokkarar gefa út fyrstu plötu sína
eftir helgi. Þeir eru væntanlegir til
Íslands til tónleikahalds.
V
in
n
in
g
a
r
ve
rð
a
a
fh
e
n
d
ir
h
já
B
T
S
m
á
ra
lin
d
. K
ó
p
av
o
g
i.
M
e
ð
þ
v
í a
ð
t
a
k
a
þ
á
tt
e
rt
u
k
o
m
in
n
í
S
M
S
k
lú
b
b
. 1
4
9
k
r/
sk
e
yt
ið
.
FRÁ MANNFÓLKINU SEM FÆRÐI OKKUR
„FINDING NEMO“ OG „RATATOUILLE“
“…EINHVER BESTA TEIKNIMYND
SEM ÉG HEF SÉð.”
– KVIKMYNDIR.IS
“…EIN BESTA MYND SUMARSINS…”
–USA TODAY
“…MEISTARVERK.”
– NEW YORK MAGAZINE
FRUMSÝND 30. JÚLÍ
HVER VINNUR!
9.
SENDU SMS
BTC WALL
Á NÚMERIÐ 1900
VINNINGAR: BÍÓMIÐAR, WALL· E TÖLVULEIKIR,
DVD MYNDIR OG FLEIRA!