Fréttablaðið - 27.07.2008, Blaðsíða 20
HEITIR KLÚBBAR, VEITINGASTAÐIR OG VERSLANIRBORGARFERÐIR
Þ
að fyrsta sem kemur ef til vill upp
í hugann þegar Vínarborg ber á
góma er dálítið þurr og háalvar-
leg heimsborg þar sem fólk
spásserar um í tírólajökkum og snæðir
eplastrúdel af silfurbökkum á fínum kaffihús-
um. Á síðasta áratug hefur Vín hins vegar
breyst ótrúlega mikið og hefur upp á margt
spennandi að bjóða fyrir ferðamenn. Vín
komst einmitt í sviðsljósið fyrr í sumar þegar
EM í fótbolta var haldið þar með pomp og
pragt. Verslanir og veitingahús blómstra,
teknóklúbbar borgarinnar eru orðnir heims-
frægir fyrir tónlist sína og við Dóná hefur
risið hálfgerð „Ibiza“ Mið-Evrópu með
tilheyrandi ströndum og afþreyingu. Og svo
er auðvitað hægt að njóta klassískra ferða-
mannaperlna eins og að skoða Klimt-verkin í
Belvedere-höllinni, gæða sér á súkkulaðitert-
unnni frægu á Hótel Sacher, stíga upp í
gamaldags hestvagn nú eða Riesenrad-
parísarhjólið sem varð heimsfrægt í
Hitchcock-myndinni Third Man.
AÐ KOMAST UM
Það er einfalt að ferðast um Vínarborg. Sam-
göngur eru þægilegar og hægt að komast á milli
staða í sporvögnum eða neðanjarðarlest. Vín er
líka borg hjólanna, það er lítið mál að leigja sér
hjól og sérstakar hjólaakreinar eru alls staðar.
Það er líka sniðugt að kaupa Vienna Card til að
fá ókeypis samgöngur í 72 tíma ásamt afslætti í
söfn og tívolíið. www.info.wien.at
HVAÐ Á AÐ SJÁ?
Af nógu er að taka þegar kemur að menningu.
Þeir sem hrífast af klassískri tónlist ættu að
heimsækja Mozarthúsið (Mozarthausvienna.
at) eða skella sér á óperu í einum af fjórum
óperuhúsum borgarinnar. Í Haus der Music í
Seilerstätte getur fólk prófað að stjórna heilli
hljómsveit í sýndarveruleika.
Listunnenndur mega ekki láta Belvedere-
höllina framhjá sér fara en hún er sannkölluð
barokk-veisla fyrir augað. Þar er einnig að finna
stórfenglega garða frá sautjándu öld og frægt
safn listaverka frá nítjándu öld en þar gefur
meðal annars að líta fjölmörg verk eftir Egon
Schiele og hinn heimsfræga Koss eftir Gustav
Klimt. Unnendur nútímalistar ættu að heim-
sækja MAK (Stubenring 5) en þar eru áhuga-
verðar sýningar og frábært kaffihús og garður.
Hundertwasserhaus er skemmtilegur
minnisvarði um þennan skrautlega austurríska
arkitekt og það er gaman fyrir unga sem aldna
að ganga eftir skökkum þrepum og stigum þess
og virða fyrir sér líkön af „psychadelic“
byggingum arkitektsins og málverkum hans.
Garðurinn er líka einstaklega fallegur og
þægilegt að sitja þar úti að snæðingi.
HVAR Á AÐ BORÐA?
Matarmenning Austurríkis er frægust fyrir
schnitzel, pylsur og epla-„strúdel“ og um að
gera að prufa einn slíkan stað. En Vín er orðin
sannkölluð matgæðingaborg og veitingahús er
að finna á hverju götuhorni. Það er áberandi
mikið af frábærum japönskum og kínverskum
veitingastöðum, og þar má nefna Koi
(Schwarzenbergerstrasse 8) sem er mjög
smekklegur og býður upp á einstaklega
fínlega eldamennsku. Klassískur Vínarstaður
er á Hotel Imperial þar sem hægt er að bragða
á keisaralegum réttum og upplifa anda fyrri
tíma. Plachutta í fyrsta hverfi er þekktur fyrir
að bjóða upp á Tafelspitz sem var uppáhalds-
réttur Franz Josefs keisara. Naschmarkt
markaðurinn er frábær kostur fyrir matgæð-
inga en þar gefur að líta endalausar raðir af
alls kyns litlum veitingahúsum, allt frá
ítölskum og austurrískum upp í persneskan og
japanskan mat. Þar er svo auðvitað líka hægt
að kaupa dýrindis ávexti, fisk og kjötmeti,
krydd og ólífur. Hotel Triest er stórfenglegt
dæmi um Art Nouveau-arkitektúrinn sem sést
víða um Vínarborg en þar er einmitt vinsælt
kaffihús og veitingastaður.
HVERT Á AÐ FARA ÚT Á LÍFIÐ?
Flex (Donaukanal, via Augartenbrücke) er
frægasti klúbbur Vínarborgar og DJ búrið er
enn mannað af meisturunum Kruder &
Dorfmeister. Í miðborginni er að finna hinn
pínulitla American Bar (Kärtnerdurchgang)
sem er vinsæll meðal hinna frægu og fallegu
og var hannaður af arkitektinum Adolf Loos.
Barirnir í Gurtel-hverfinu við Nussdorfer
Strasse, sem eitt sinn var rauða hverfi
borgarinnar, þykja mjög hipp og kúl og eru
sóttir af listaliði og stúdentum. Sky Bar á
efstu hæð stórverslunarinnar Steffl í Kártn-
erstrasse er einstaklega svalur og gaman að
fá sér drykk þar og virða fyrir sér þök
borgarinnar og fallegar skógi vaxnar
hæðirnar sem umlykja hana.
HVAR Á AÐ VERSLA?
Helstu tískukeðjur er að finna á stórum
verslunargötum eins og Kartnerstrasse og
Maria Hilferstrasse en dýru hönnuðirnir eins
og Prada og Chanel eru á Kohlmarkt. Frum-
legri tískuverslanir er aðallega að finna í
sjöunda hverfi, meðal annars Park (Monds-
cheinsgasse 20) sem er með föt eftir þekkta
alþjóðlega hönnuði ásamt austurískri hönnun.
Austurísk merki sem vert er að skoða í Vín
eru til dæmis Wolford sem framleiða flott-
ustu sokkabuxur í heimi, Swarowski kristals-
búðin og svo Gesschwein sem býður upp á
klassískan Loden-fatnað fyrir börn og hina
frægu inniskó úr þæfðri ull.
HVERNIG Á AÐ KOMAST ÞANGAÐ?
Lauda Air flýgur stundum beint á milli Vínar
og Reykjavíkur og upplýsingar er hægt að
finna á Katla-travel.is. Einfaldast er annars
að fljúga til Kaupmannahafnar og taka
Austrian Airlines beint til Vínar.
4 FERÐALÖG
VÍNARBORG
Höfuðborg fyrrum keisaraveldisins snýst ekki bara um Sacher-tertur, hallargarða og Gustav Klimt. Anna
Margrét Björnsson uppgötvaði nýjar hliðar á menningarborginni Vín sem er sannkallaður miðpunktur Evrópu.
Skrautlegur arkitektúr Hundertwasser-húsið er minnisvarði
um hinn merka austuríska arkitekt.
Verslunarparadís Kohlmarkt-gatan þar sem er að finna
helstu hátískumerki heims.
Dóná svo blá Vínarborg við sólarupprás með ána Dóná í forgrunni.
Stephansdom
kirkjunni
Dýragarðinum í
Schönbrunn
Parísarhjólinu í
Prater tívólíinu
Keisaraíbúðum
Sissyar
EKKI
MISSA AF
ÞESSU
➽➽ ➽ ➽AUSTURLENZKA
ÆVINTÝRAFÉLAGIÐ EHF.
267.800 kr.
Per mann í tvíbýli
3. til 21. október
Balí
Taílaodía
Kjarni þriggja landa
opinberaður:
Taíland – Laos – Kambódía.
288.400 kr.
Per mann í tvíbýli
Brottför 11. desember
www.oriental.is
Sími 577 4800 • oriental@oriental.is
STARFSFÓLK ÓSKAST!
Óríental leitar eftir hæfum aðilum til farar-
stjórnar og gerð ferðalýsinga. Reynsla og
þekking á Suðaustur Asíu nauðsynleg.
starf@oriental.is
Tour de
Angkor
Hjólað frá Taílandi til Angkor í
Kambódíu og ferðast áfram til
Phnom Penh.
Möguleiki á áframhaldandi ferð til
Saigon í Víetnam.
279.000 kr.
Per mann í tvíbýli
26. október til 8. nóvember