Fréttablaðið - 27.07.2008, Blaðsíða 46
26 FERÐALÖG
FÖSTUDAGUR
Byrjaðu á að fara á Café Motu á
Trafalgar Street þar sem boðið er
upp á breskan morgunmat allan
daginn – bakaðar baunir, egg,
pylsur og besta beikon í heimi.
Skelltu þér svo í The Royal
Pavilion – þú trúir þessu ekki fyrr
en þú sérð það. Skálinn er höll í
Mið-Austurlandastíl, þar sem
Georg fjórði, 19. aldar spjátrungs-
konungur, geymdi hjákonur sínar
og hélt partí. Hvert herbergi er
hannað með fjör í huga og allt er
svo fáránlega yfirdrifið að þú
getur ekki annað en hrifist með.
Kristalsljósakróna sem vegur eitt
tonn, einhver?
Um kvöldið er gott að gera eins
og innfæddir og borða á makró-
bíótískum ökólógískum grænmet-
isfæðisstað. Food for Friends er
tilvalinn í því skyni. Að því búnu
geturðu syndgað örlítið og drukk-
ið fylli þína á The Hop Poles, sem
býður upp á góðan bjór, furðulega
tónlist og ruglingslegar innrétt-
ingar. Gættu þín samt að stálklóin
í loftinu hrifsi þig ekki upp þegar
síst varir.
LAUGARDAGUR
Í Brighton eru bóhemar á hverju
strái enda er sagt að önnur hver
manneskja í borginni sé listamað-
ur af einhverri sort. Flipp í klæða-
burði er einkenni þessa þjóðfé-
lagshóps. North Laine er góður
staður til að sjá
þessa kynlegu
kvisti – þeir
sækja í þessar
þröngu götur
sem eru fullar
af sérviskuleg-
um búðum,
mörkuðum,
kaffihúsum og
götulistamönnum. Það er enda-
laust hægt að vafra þarna um – í
lok dags gætirðu hafa fjárfest í
tígrismynstruðum samfestingi,
fengið göt í geirvörturnar, drukk-
ið yfir þig af ferskum engifersafa
með þangi og keypt uppblásinn
blómavasa.
Sértu í rómantískum hugleið-
ingum er ganga um The Old Lanes
ómissandi. Þessu skemmtilega
hverfi svipar til North Laine –
bara þrengri götur með endalaus-
um skartgripaverslunum – og
afhelgaðri kirkju þar sem hægt er
að horfa á fótbolta.
Allir sem koma til Brighton
verða að sjá ströndina. Fyrir hug-
djarfa mannfræðinga er gaman að
ganga út á hina frægu Brighton
Pier (bryggjan) og fara í gegnum
háværa spilakassasalina og í „tív-
olíið“ – samansafn hrörlegra leik-
tækja sem líta út fyrir að vera
meira hættuleg en spennandi.
Nálægt bryggjunni er svo sædýra-
safn sem skemmtilegt er að
skoða.
Steinsnar frá er svo huggulega
tehúsið The Mock Turtle. Staður-
inn er innréttaður að hætti ömmu
og afa og býður upp á æðislegar
skonsur og te sem frú Marple
hefði orðið hreykin af.
Um kvöldið er hægt að fara á
einhvern fjölmargra sjávarrétta-
staða í borginni – ferskt sjávar-
fang er auðfengið og ljúffengt.
Eftir það er pöbbarölt viðeigandi
og ef hugur er í fólki getur klúbb-
ahopp tekið við. Miðbærinn er
troðinn af afþreyingu. Þið finnið
bækling um skemmtanalíf í
Brighton á flestum kaffihúsum.
Annars gildir heilræðið leitið og
þér munuð finna. Allir nema hörð-
ustu djammhaukar ættu þó að
forðast klúbba með löngum röðum
af fólki í pínupilsum og hlýrabol-
um. Dæmi um slíkan stað er
„Reykjavik Icehouse“ – sem ku
vera í daprara lagi, þrátt fyrir
nafnið.
SUNNUDAGUR
Á sunnudögum kemur ekki annað
til greina en að fá sér sunnudags-
steik á pöbbnum – Sunday Roast,
eins og innfæddir kalla hana.
Ölkráin Yeoman, sem er nærri lest-
arstöðinni, er fremst á meðal jafn-
ingja í þeim efnum. Til að reyta af
sér hitaeiningarnar að átinu loknu
mæli ég með rölti um Kemp Town
(stundum kallað „Camp Town“
enda er hverfið afar vinsælt á
meðal samkynhneigðra). Þar halda
sig áhugaverðir furðufuglar sem
margir hverjir reka ýmsar búðir í
óræðum tilgangi. Þar má líka finna
verst þefjandi bar í heimi – ekki
óttast að erfitt sé að finna hann, þú
gengur bara á lyktina. Hún er svo
stæk að engu líkara er en að fasta-
gestirnir hafi verið dánir í nokkurn
tíma. En enn þá sitja þeir að sumbli.
Það er vel hægt að svolgra í sig
einn bjór meðan maður heldur
niðri í sér andanum. Eftir á má svo
fá sér frískt loft á nektarströndinni
sem er þar skammt frá. Aðgang fá
einungis allsberir svo hinir spé-
hræddu verða að leita annað.
24 TÍMAR Í BRIGHTON
Það þarf engum að leiðast í Brighton. Borgin býður upp á sitthvað forvitnilegt og skrýtið enda er hún þekkt fyrir að vera samastaður
frjálslyndra grænmetisætuhippa, róttækra listamanna og léttklæddra strandverja. Þórhildur Ólafsdóttir stundar nám í Brigthon og kann
að njóta þess sem borgin hefur upp á að bjóða.
Þórhildur Ólafsdóttir
Frábær gisting m/
hálfu fæði
–örfáar íbúðir í bo
ði!
Ströndin og bryggjan
með tívolíinu eru helsta
kennileiti Brighton.
N
O
R
D
IC
PH
O
TO
S/G
ETTY
IM
A
G
ES