Fréttablaðið - 27.07.2008, Blaðsíða 22

6 FERÐALÖG
París er sennilega ein þekktasta
borg heims. Ljósmyndir, málverk,
söngtextar og skáldsögur hafa
fært okkur mynd af borginni í tugi
og jafnvel hundruð ára, mynd sem
gjarnan inniheldur langa og
afslappaða hádegisverði, rauðvín
og osta, kaffihús, sígarettur og
eldheitar ástir. En þegar ferðast
er til Parísar er alltaf hægt að upp-
götva á henni nýjar hliðar. Skoða
ný hverfi úr alfaraleið, eða að sjá
ferðamannaklisjur eins og Eiffel-
turninn eða Sacre-Coeur-kirkjuna
í fersku ljósi. Ágústmánuður er
heitur og latur mánuður í borginni
þar sem Frakkar taka sjálfir allt
sitt sumarfrí í þessum eina mán-
uði. Það er því upplagt að skella
sér í síðsumarsfrí til borgarinnar
þar sem tíminn virðist líða aðeins
hægar og lífsins er notið með mik-
illi nautn.
- amb
SUMAR VIÐ
SIGNU
Ágúst er rólegur mánuður í Parísarborg þegar heima-
menn eru allir í sumarfríi. Ljósmyndarinn Anton
Brink fangaði sumarstemninguna í borg ljósanna.
Málin rædd á kaffihúsi Les Deux Magots á St. Germain á vinstri bakkanum er eitt frægasta kaffihús Parísar. Fyrr á tímum hittust mestu
hugsuðir borgarinnar hér yfir spjalli, meðal annars Simone de Beuvoir, Jean-Paul Sartre, Albert Camus og Picasso. Kaffihúsið er vel sótt af
ferðamönnum og býður sennilega upp á dýrasta kaffibolla Parísarborgar.
„Terrace“ á vinstri bakkanum Parísarbúar virðast stundum eyða heilu dögunum úti á
veitingastöðum. Vinsælir drykkir í hitanum eru „Kir“ sem er hvítvín með cassis-sýrópi og
Pastis, kaldur og svalandi anísdrykkur. Slappað af í sólinni Ungt par hefur það náðugt í Jardin de Luxembourg
Nýjar hliðar borgarinnar Hvers vegna ekki að uppögtva ný hverfi utan ferðamannastraums-
ins?