Fréttablaðið - 16.08.2008, Blaðsíða 42

● heimili&hönnun
Bak við flóamarkaðinn fræga við
Porte de Clignancourt í St. Ouen,
rétt fyrir utan norðurmörk Parísar,
er hverfi með hundruðum fornsala
þar sem má finna allt milli himins
og jarðar til að fegra heimilið.
Þar er til dæmis hægt að finna
gömul húsgögn með sál. Eldhús-
áhöld, svo sem dollur og bauka
undir kaffi, hveiti eða pasta. Til-
komumikla spegla með fallegum
trérömmum sem sjálfsagt hafa
verið fyrir ofan arin á einhverjum
herragarðinum. Silfurkertastjaka
með einum og upp í óteljandi arma.
Fyrir utan húsbúnað er svo hægt að
finna skartgripi og föt, bækur og
leikföng.
Heimsókn í antíkhverfið er eins
og ferð í annan heim þar sem tím-
inn stendur kyrr. Þar er hægt að
ganga í friði og ró um þröngar
göngugöturnar sem eru í óregluleg-
um hlykkjum. Ómissandi viðkomu-
staður fyrir þá sem leita uppi sjald-
gæfa og frumlega muni.
Hver sölumaður hefur sína sér-
þekkingu eins og konan sem selur
postulínsbrúður og hefur gert ára-
tugum saman. Eða sölumaður-
inn sem eingöngu selur silfurmuni
hvort sem um er að ræða hnífapör
eða aðra silfurmuni. Því er fjöl-
breyttur varningur á boðstólum.
Þarna má finna kristalsljósakrón-
ur í öllum stærðum og færu sumar
vel í hvaða konunglegu húsakynn-
um sem er. Matar- og kaffistell frá
ýmsum tímum, hvort sem er frá 18.
öld eða í Art Déco-stíl. Sumir sér-
hæfa sig í vínglösum, aðrir í forn-
bókum og enn aðrir í leirtaui.
Markaðurinn er opinn um helgar
og á mánudögum en þess á milli
þvælast
grúskararnir
um á mörkuðum eða
bílskúrssölum til að finna hinn eina
sanna dýrgrip, sem eigendurnir
hafa oft enga hugmynd um hversu
verðmætur er. Það er hins vegar
nauðsynlegt að prútta því uppsett
verð er oft hærra en það sem selj-
andinn er tilbúinn að sætta sig við.
- beb
Leitin að týnda fjársjóðnum
● Húsgögn, málverk, bækur og borðbúnaður eru meðal þess sem er hægt að finna hjá fornsölunum í borginni St. Ouen.
Í St. Ouen má finna
kristalsljósakrónur
í öllum stærðum og
færu sumar vel í
hvaða konung-
legu húsakynn-
um sem er.
Á mörkuðum má
finna gömul hús-
gögn með sál.
Heimsókn í antík-
hverfið er eins og
ferð í annan heim
þar sem tíminn
stendur kyrr.
M
Y
N
D
/B
E
R
G
Þ
Ó
R
B
JA
R
N
A
S
O
N
16. ÁGÚST 2008 LAUGARDAGUR6