Fréttablaðið - 16.08.2008, Blaðsíða 66
46 16. ágúst 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
DÖMULEGAR BUXNADRAGTIR Marc Jacobs notaði harem-buxnasniðið við fallega
jakka og aðsniðnar peysur.
GLAMÚR Þessi buxna-
dragt frá Armani minnir á
fimmta áratuginn.
LEÐUR Rautt og sexý hjá
Louis Vuitton.
Tískublöðin ytra eru sammála um að heitasta
buxnasniðið fyrir haustið séu hinar svokölluðu
harem- eða kvennabúrs-buxur sem sáust víða á
tískupöllunum, allt frá Marc Jacobs og Gaultier til
Armani. Að vissu leyti eru hönnuðir að sækja
innblástur aftur til níunda áratugarins þegar
rappið og MC Hammer komu þessu erfiða sniði á
kortið. En lykillinn að endurkomu harem-buxnanna
er að leyfa þeim að vera eins kvenlegar og mögu-
legt er. Sniðið á auðvitað uppruna sinn í seiðandi
austrænum dísum og magadansmeyjum og því
sniðugra að stæla Jasmín prinsessu úr Aladdín en
meistara Hammer. Nú síðsumars er þetta tilvalið
snið, sérstaklega ef buxurnar er í styttra lagi en þá
er fallegt að láta skína í ökkla og kálfa. Best er að
ganga í aðsniðnum jökkum eða peysum við buxurn-
ar svo að heildarútlitið sé ekki of vítt, og háir hælar
eru bráðnauðsynlegir til að gera lúkkið eins
kvenlegt og kynþokkafullt og unnt er.
amb@frettabladid.is
ÞÚSUND OG
EIN NÓTT
Buxurnar fyrir haust/vetur 2008
eru með harem-sniði.
FRAMÚRSTEFNULEGT.
Stórfenglegar glitr-
andi víðar buxur hjá
Yves St Laurent fyrir
vetur 2008.
Ég heyrði skemmtilegt orð fyrr í sumar sem notað var af ungum frænda
mínum um ákveðna tegund ungra íslenska kvenna. Orðið var „skinka“
og skilgreiningin var einhvers konar kvenkyns hnakki: stúlka sem
klæðist vakúmpökkuðum og flegnum fötum og er iðulega ljósabrún
með veikleika fyrir pastel og neon. Auðvitað er þetta nastí skilgreining
en leiddi þó til skemmtilegra samræðna milli stúlkna hér á vinnu-
staðnum í gær. Ein sagðist aldrei hafa nennt að lita á
sér hárið, önnur sagðist hafa sett á sig gervineglur í
eitt skipti á ævinni og verið fötluð í nokkra daga þar
sem hún gat varla notað fingurna. Við fórum að
ræða þessa séríslensku tísku sem hefur skapast
undanfarin ár og hefur skapað ótal klóna um land
allt: hvítt eða svart hár, dökkappelsínugul húð og
undarlegar ofurgervilegar sáðfrumulaga augabrúnir í
svörtum tón sem verða í einhverri hrópandi andstöðu
við háralit og andlitslag. Og hvaðan kemur þessi tíska?
Ekki er hún upp úr „mainstream“ tískublöðum og við
hölluðumst helst að því að þetta væri einhvers konar útlit
sem breskar týpur eins og Katie Price, öðru nafni Jordan,
hefðu komið á kortið. Þetta með augabrúnirnar er mér
mikil ráðgáta. Ég er ekki að mæla með því kannski að
þetta fari gersamlega í órækt ef fólk er sérstaklega vel
hært, en hvers vegna íslenskar konur þurfi að fara í „litun
og plokkun“ á tveggja vikna fresti er mér óskiljanlegt. Ef
við horfum á heitustu fyrirsæturnar um þessar mundir er
það klárlega ljóst að gervilega lagaðar og litaðar
augabrúnir sjást hvergi nema á dragdrottningum.
Hérlendis virðist samasemmerki með því að vera
„gella“ að þurfa að fara í reglulegt sprey-tan, vera með
langar hvítar gervineglur, gerviaugabrúnir og gervi-
legt hár. Önnur hver kona í Kringlunni lítur út eins og
Jenna Jameson. Ég verð þreytt og þunglynd bara af
því að hugsa um það hversu mikill tími og fjármunir
fara í það að líta út eins og Bratz-dúkka þegar ég hélt
að við vildum allar vera eins og Gisele Bündchen...
Vakúmpakkningar og neon
SKVÍSULEGAR Flottar gráar
buxur frá Top Shop.
> TÍSKUFRÉTTIR VIKUNNAR
Sólgleraugu frá Galliano
Hönnunarsnillingurinn breski
John Galliano hyggst nú
feta í fótspor hönnuða eins og
Karls Lagerfeld, Balenciaga og
Toms Ford og ætlar að setja
sólgleraugnalínu á markaðinn.
Galliano hefur skrifað undir
samning hjá ítalska fram-
leiðandanum Marcolin og
samstarfið á að spanna fimm
ár. John Galliano-sólgleraugu
munu verða bæði fyrir dömur
og herra og líta dagsins ljós
haustið 2009.
Æðislega hlýja haustpeysu
frá Henrik Vibskov. Fæst í
Kronkron, Laugavegi.
Gullfallegan ofursvalan
kjól frá Henrik Vibskov frá
Kronkron, Laugavegi.
Nýjasta ilminn frá Chloé.
Kynþokki í klassískri flösku.
OKKUR
LANGAR Í
…