Fréttablaðið - 16.08.2008, Blaðsíða 69
LAUGARDAGUR 16. ágúst 2008 49
Konungleg frumsýning verður á
nýju James Bond-myndinni,
Quantum of Solace, í London 29.
október. Prinsarnir Vilhjálmur og
Harry verða viðstaddir sýninguna
og að beiðni þeirra mun allur ágóði
af henni renna til samtakanna
Help for Heroes og The Royal
British Legion. Auk prinsanna
tveggja verða viðstaddir sýning-
una aðalleikarar myndarinnar,
Daniel Craig, Judi Dench, Olga
Kurylenko, Mathieu Amalric og
Gemma Arterton.
Quantum Solace, sem er 22.
Bond-myndin, verður frumsýnd
erlendis 31. október. Hér á landi
verður hún frumsýnd 7. nóvember
en eina forsýning myndarinnar
verður í Smárabíói kvöldið áður.
Daginn eftir frumsýninguna, eða
8. nóvember, verður síðan haldið
glæsilegt Bond-einkasamkvæmi á
skemmtistaðnum Rúbín.
Konungleg sýning
JAMES BOND Olga Kurylenko, Daniel
Craig og Gemma Arterton verða að
sjálfsögðu viðstödd frumsýninguna í
London.
Fjögur ný lög með rokkurunum í
Rolling Stones verða á viðhafnar-
útgáfu heimildarmyndarinnar
Shine a Light á mynddiski. Á
disknum, sem verður tvöfaldur
og kemur út í nóvember, verða
einnig myndir sem voru teknar
baksviðs á tónleikunum og viðtöl
við hljómsveitarmeðlimi. Einnig
verður heimildarmyndin sjálf í
stafrænni útgáfu svo að hægt sé
að hlaða henni inn í tölvur og
tónlistarspilara.
Í heimildamyndinni, sem
Martin Scorsese leikstýrði, er
fylgst með Stones á tvennum
tónleikum í Beacon-leikhúsinu í
New York fyrir tveimur árum. Á
meðal þeirra sem stigu á svið
með jöxlunum voru Jack White
og Christina Aguilera.
Fjögur ný lög
á mynddiski
ROLLING STONES Fjögur ný lög verða á
DVD-mynddisknum Shine a Light með
Rolling Stones.
Hljómsveitin Gus Gus heldur
tónleika á Nasa í kvöld, en enn er
hægt að kaupa miða á midi.is.
Sveitin lofar nýju efni úr
smiðju President Bongo og
Veirunnar, en til þess að tónarnir
skili sér sem best hefur hljóð-
kerfi Nasa verið skipt út fyrir
stærra hljóðkerfi. Stefnt er að
útgáfu nýrrar plötu með Gus Gus
í byrjun næsta árs. Sú verður sú
sjötta frá hljómsveitinni.
Seinustu tónleikar sveitarinnar
hérlendis voru í Laugardalshöll,
en hún hefur verið á tónleika-
ferðalagi um Póland og spilaði á
Moving City Festival í Zürich
um síðustu helgi. Gus
Gus spilar á
Iceland Airwaves í
október.
Tónleikarnir
hefjast kl 23.59
og kostar
3.500 krónur
inn í almennri
miðasölu.
- kbs
Nasa í kvöld
NÝTT STUÐ Gus Gus frumflytur nýtt efni
á Nasa í kvöld. FRÉTTABLAÐIÐ/DANÍEL
„Við byrjuðum á því að vinna
með tilgangsleysi – hvort það sé
ekki hægt að njóta lífsins og
gera það gott án þess að hafa
nokkurn tilgang. Nú brýtur sýn-
ingin allar reglur um tilgang
leikhúss. Það er rosalega mikið
af okkur sjálfum í henni og hún
er í raun mjög einlæg,“ segir
Kolbeinn Arnbjörnsson um verk-
ið Vituð ér enn eða hvað..? sem
frumsýnt verður á artFart í
kvöld.
Verkið er samið af Kolbeini,
Hirti Jóhanni Jónssyni, Haraldi
Ágústssyni, Tryggva Gunnars-
syni leikstjóra og Anahitu Deh-
bonehie, sem sér um búninga og
leikmynd. „Það má segja að þetta
sé svona absúrd tilfinninga-
húmor. Þetta gerist á engum
tíma og engum stað, enda tíma-
laust snilldarverk,“ segir Kol-
beinn og hlær. Þeir Hjörtur hefja
leikaranám hjá Listaháskólanum
í haust, en hin stunda nám utan-
lands. „Þetta er okkar „flipp“
áður en við setjumst á skóla-
bekkinn aftur. Þetta er beint frá
okkur, áður en við förum að leika
eftir reglunum.“
Sýnt verður í Smiðjunni, Sölv-
hólsgötu 13, bakdyramegin, í
kvöld, 18. og 19. ágúst. Svo er
ferðinni heitið á Ólafsfjörð þar
sem verkið verður sýnt í
Tjarnarborg, 21. og 22. ágúst.
Aðgangseyrir er þúsund krónur.
Hægt er að panta miða í síma
896-0483. - kbs
Fagna tilgangsleysinu í kring
TÍMALAUST SNILLDARVERK Kolbeinn
Arnbjörnsson tekur þátt í Vituð ér enn
eða hvað? FRÉTTABLAÐIÐ/ANTON