Fréttablaðið - 16.08.2008, Blaðsíða 64

44 16. ágúst 2008 LAUGARDAGUR
menning@frettabladid.is
Kl. 14
Sýningin „Grálist – Engin smálist“
verður opnuð í Deiglunni á Akureyri í
dag kl. 14. Um er að ræða samsýn-
ingu ungra listamanna sem eiga það
sameiginlegt að hafa útskrifast úr
Myndlistarskólanum á Akureyri.
Verkin á sýningunni mælast öll metri
eða meira á lengd, hæð eða breidd og
er titill sýningarinnar af þessum
mælingum dreginn. Sýningin stendur
til 31. ágúst.
Á sumartónleikum Sigurjóns-
safns næstkomandi þriðju-
dagskvöld munu hjónin
Guðný Guðmundsdóttir og
Gunnar Kvaran leika einleiks-
og tvíleiksverk fyrir fiðlu og
selló. Guðný Guðmundsdóttir
og Gunnar Kvaran eru meðal
þekktustu tónlistarmanna
á Íslandi. Auk þess að leika
saman í Tríói Reykjavíkur hafa
þau komið víða fram sem
dúó, bæði heima og erlendis.
Efnisskrá tónleikanna hverf-
ist að miklu leyti um meist-
araverk Johanns Sebastians
Bach. Þá verður hlaupið yfir
nokkur tímabil tónlistarsögunnar og leikin tónlist
frá 20. og 21. öldinni, meðal annars nýtt íslenskt
verk eftir Karólínu Eiríksdóttur og fjörugt tvíleiks-
verk fyrir fiðlu og selló eftir Arthur Honegger.
Verkin sem flutt verða
eru Svíta nr. 2 í d-moll fyrir
einleiksselló og Ciaconne úr
partitu í d-moll fyrir einleiks-
fiðlu eftir Bach, Eintal fyrir
einleiksfiðlu eftir Karólínu
Eiríksdóttur, Sónatína í E-
dúr fyrir fiðlu og selló eftir
Honegger. Karólína Eiríks-
dóttir hefur samið fjöldann
af verkum allt frá einleik upp
í sinfónísk verk og óperur.
Verkið Eintal fyrir einleiksfiðlu
samdi hún snemma árs 2008
og tileinkaði Guðnýju í tilefni
af stórafmæli hennar. Verkið
var frumflutt hinn 27. mars
síðastliðinn.
Miðasala á tónleikana fer fram við innganginn,
einnig er hægt að kaupa miða í síma 553-2906.
Aðgangseyrir er 1.500 krónur. - vþ
Frá Bach til nútímans
GUNNAR KVARAN OG GUÐNÝ
GUÐMUNDSDÓTTIR Koma fram á
Sumartónleikum Listasafns Sigurjóns
á þriðjudag.
Myndlistarmaðurinn Hlynur
Hallsson opnar sýninguna Tillit –
Rücksicht – Regard í Nýlistasafn-
inu, Laugavegi 26, í dag kl. 17.
Kalla mætti sýninguna nokkurs
konar yfirlitssýningu, enda má á
henni sjá bæði eldri og nýrri verk
eftir Hlyn, þar á meðal línuteikn-
ingar, „sprey“-verk, myndbönd og
viðamikla litastúdíu í gluggum
safnsins. Í tilefni af sýningunni
mun Hlynur jafnframt kynna bók
um verkaröðina Myndir – Bilder –
Pictures sem kemur út í septem-
ber.
Sýning Hlyns er hluti af
afmælisdagskrá Nýlistasafnsins,
en það fagnar þrjátíu ára afmæli
sínu í ár. Sýningin mun standa til
28. september næstkomandi. - vþ
Hlynur Halls
í Nýló
HLYNUR HALLSSON MYNDLISTARMAÐUR
Opnar sýningu í Nýlistasafninu á
laugardag.
>Ekki missa af...
Sýningu Joris Rademaker í
Grafíksafni Íslands, Tryggva-
götu 17, en henni lýkur á
morgun. Form og fundið efni
einkenna verk Jorisar. Hvort
tveggja á sér rætur í einhverju
lífrænu, tengist mannslíkam-
anum eða öðrum náttúruleg-
um efnum. Joris er líkast til
eini listamaðurinn á landinu
sem vinnur svart-hvít málverk,
en í þeim skapast átakamikil
blæbrigði.
Eistneski kammerkórinn Kalev
heldur tónleika í Akureyrarkirkju
á miðvikudagskvöld kl. 20. Kórinn
hefur starfað frá árinu 1998 og
hefur innanborðs um fjörutíu
manns sem eiga sameiginlegan
áhuga sinn á flutningi metnaðar-
fullra kórverka.
Á hverju ári kemur kórinn fram
á fjölda tónleika í tónlistarsölum og
kirkjum í Tallinn, höfuðborg
Eistlands. Kórinn leggur mikla
áherslu á vandaðan flutning og
dvelur af þeim sökum tvisvar á ári
í sérstökum söngæfingabúðum.
Tónleikaferðir til útlanda eru
fastur liður í starfsemi kórsins og
hefur hann gert garðinn frægan í
Bretlandi, Rússlandi, Lettlandi,
Finnlandi og Svíþjóð, svo nokkur
lönd séu nefnd.
Kórinn flytur fjölbreytta tónlist
frá ýmsum tímum, má nefna
þjóðlega tónlist frá Eistlandi,
klassísk kórverk og verk eftir
samtímahöfunda. Erik Meister
hefur verið stjórnandi kórsins frá
upphafi.
Aðgangur að tónleikum kórsins í
Akureyrarkirkju er ókeypis og
öllum opinn. - vþ
Eistneskur
kór á ferð
FJÖLBREYTT TÓNLIST Kammerkórinn
Kalev frá Eistlandi kemur fram í
Akureyrar kirkju á miðvikudag.
Vadim Repin, einn fremsti fiðlu-
leikari heims, leikur fiðlukonsert
Tsjajkovskís á upphafstónleikum
Sinfóníuhljómsveitar Íslands hinn 4.
september næstkomandi, en þá hefst
síðasta heila starfsár Sinfóníunnar í
Háskólabíói. Hljómsveitin verður með
fjörutíu tónleika á komandi vetri og
mun að auki fara í tvær tónleikaferðir
til Spánar og Japan.
Vadim Repin á glæsilegan feril að baki: Hann
hóf tónlistarnám í Síberíu og vann til gullverð-
launa í sinni fyrstu alþjóðlegu keppni aðeins 11
ára gamall. Hann var yngsti sigurvegari í sögu
Queen Elizabeth-keppninnar í Brüssel aðeins
átján ára gamall árið 1989. Repin hefur komið
fram á tónleikum með öllum helstu hljómsveit-
um heims, og lék meðal annars einleik með
Berlínarfílharmóníunni og Sir Simon Rattle á
hinum frægu Evróputónleikum hljóm-
sveitarinnar í Sankti Pétursborg fyrr á þessu
ári. Repin er á samningi hjá Deutsche
Grammophon og hafa hljómdiskar hans fengið
frábæra dóma gagnrýnenda um allan heim.
Þetta er í fyrsta sinn sem Repin leikur á Íslandi.
Árni Heimir Ingólfsson, tónlistarstjóri
Sinfóníunnar, segir að koma Repins sé mikill
fengur fyrir íslenska tónlistarunnendur. „Þetta
er glæsileg byrjun á starfsárinu, það er ekki
hægt að neita því. Repin er á hátindi ferils síns
um þessar mundir og er orðinn sannkölluð
stórstjarna í klassíska heiminum. Hann er
tvímælalaust einn af fimm fremstu fiðluleikur-
um heimsins í dag, ásamt Anne-Sophie Mutter
og örfáum öðrum. Repin sameinar fullkomna
tækni og djúpa túlkun í flutningi sínum og er
glæsilegur fulltrúi rússneska skólans í
fiðluleik. Stíll hans þykir minna mjög á David
Oistrakh, sem var einn mesti fiðluleikari 20.
aldarinnar, svo það er ekki leiðum að líkjast.“
Ársbæklingur Sinfóníunnar verður tilbúinn
til dreifingar í vikunni og þar kennir margra
grasa að venju. Miðasala á tónleikana 4.
september hefst í miðasölu Sinfóníunnar í
Háskólabíói á mánudag.
Áhugasamir um einleikarann sem hefur
starfsárið geta litið á heimasíðu hans með
myndum og nánari umfjöllun: http://www.
vadimrepin.com/ pbb@frettabladid.is
Repin með Sinfó
REPIN Kemur fram á upphafstónleikum tónleikaárs
Sinfóníuhljómsveitar Íslands í september.
STYRKIR VERÐA VEITTIR TIL BARNA Á ALDRINUM 6–16 ÁRA
Ferðasjóður Vildarbarna er sameiginlegt átak Icelandair og viðskiptavina félagsins
til að gera langveikum börnum og fjölskyldum þeirra, og börnum sem búa við sérstakar
aðstæður vegna veikinda, kleift að ferðast. Ferðasjóður Vildarbarna hefur gert yfir
200 börnum og fjölskyldum þeirra mögulegt að fara í ógleymanlega og uppbyggjandi
fjölskylduferð.
Verndari Vildarbarna er frú Vigdís Finnbogadóttir, fyrrverandi forseti Íslands.
Umsóknarfresturinn er til 1. september 2008.
Úthlutað verður úr sjóðnum fyrsta vetrardag 25. október 2008.
Þeir umsækjendur sem ekki hafa fengið úthlutað úr sjóðnum áður ganga fyrir.
+ Umsóknareyðublöð eru á www.vildarborn.is
UMSÓKNIR UM FERÐASTYRKI
VILDARBARNA ICELANDAIR
M
A
D
R
ID
B
A
R
C
E
LO
N
A
PAR
ÍS
LO
NDO
N
MANCHESTER
GLASGOW
MÍLANÓ
AMSTERDAM
MÜNCHEN
FRANKFURT
BERLÍN
KAUPMANNAHÖFN
BERGEN
GAUTABORG
OSLÓ
STOKKHÓLMUR
HELSINKI
HA
LIF
AX
BO
ST
ON
OR
LAN
DO
MINN
EAPOL
IS – ST. P
AUL
TOR
ONT
O
NE
W
YO
RK
REYKJAVÍK
AKUREYRI
ÍS
L
E
N
S
K
A
S
IA
.I
S
I
C
E
4
33
04
0
8
/0
8