Fréttablaðið - 06.09.2008, Blaðsíða 10

10 6. september 2008 LAUGARDAGUR
NÁTTÚRUAUÐLYNDIR Drekasvæðið
Margar áskoranir mæta þeim olíu-
leitarfyrirtækjum sem hyggjast
hefja rannsóknir á Drekasvæðinu.
Jan-Egil Arneberg, sérfræðingur
hjá fyrirtækinu Bayerngas í Nor-
egi, segir að áskoranirnar séu
einkum þrenns konar; dýpi, lofts-
lag og fjarlægð. Allt sé þetta yfir-
stíganlegt, tæknin sé fyrir hendi.
Arneberg fjallaði um borun og
framleiðslu á Jan Mayen-hryggn-
um á olíuráðstefnunni sem íslensk
stjórnvöld stóðu fyrir í Reykjavík
í gær. Hann sagði þar að Dreka-
svæðið væri einstakt að mörgu
leyti og sennilega um leið dýrasta
leitarsvæðið í boði um þessar
mundir vegna aðstæðna, dýptar,
fjarlægðar og veðurfars.
Olíufyrirtækin finna ekki leng-
ur stór olíuvinnslusvæði en Arne-
berg telur að rannsóknir á Dreka-
svæðinu gefi til kynna möguleika
á stórum olíufundi. „Þetta er eitt
af fáum svæðum í heiminum sem
hefur möguleika á virkilega stór-
um olíufundi,“ segir hann og bend-
ir á að áhugi sé vissulega fyrir
hendi. Samkeppnin sé hins vegar
mikil því að mörg svæði séu í boði
þar sem aðstæður séu betri en á
Drekasvæðinu.
Arneberg bendir á að þátttak-
endur á ráðstefnunni séu nánast
allir frá litlum olíufyrirtækjum
með litla reynslu af olíuleit og bor-
unum. Þau ráði ekki ein við jafn
viðamikið verkefni og rannsókn
og vinnsla á Drekasvæðinu er.
Hann telur að aðeins danska fyrir-
tækið DONG Energy og norska
Statoil ráði við svo stórt verkefni.
Arneberg telur að öryggismálin
þurfi að vera í góðu lagi á svona
svæði og veltir fyrir sér hvaða
öryggiskröfur verði gerðar af
hálfu íslenskra stjórnvalda. Hann
veltir einnig upp spurningum um
það hvort félögin þurfi ekki að
hafa reynslu af olíuleit og borun-
um og þá jafnvel á svona miklu
dýpi.
Arneberg bendir á að rannsóknir,
boranir og vinnsla verði gríðar-
lega dýrar á Drekasvæðinu.
Minnst tíu ár líði þar til hægt verði
að byrja að bora á svæðinu. Talið
er að það kosti jafnvirði 8,5 millj-
arða króna að bora eina holu á
þessu svæði.
Össur Skarphéðinsson iðnaðar-
ráðherra flutti ávarp á ráðstefn-
unni og sagði að það væri trú sín
að olía yrði í framtíðinni takmörk-
uð og eftirsótt auðlind á enn hærra
verði en nú þekkist.
ghs@frettabladid.is
OLÍURÁÐSTEFNAN Norskur sérfræðingur telur að á Drekasvæðinu sé möguleiki á
stórum olíufundi en dýrt og erfitt sé að leita þar að olíu. FRÉTTABLAÐIÐ/ARNÞÓR
Eitt dýrasta
leitarsvæðið
Drekasvæðið er spennandi leitarsvæði þar sem stór
olíufundur gæti leynst. Aðeins tvö fyrirtæki, sem
voru á olíuráðstefnu hér nýlega, myndu ráða við
verkefnið, hið danska DONG og hið norska Statoil.
HEILBRIGÐISMÁL „Við erum búin að
bregðast við á þann máta sem
hægt er,“ segir Guðrún Sigmunds-
dóttir, yfirlæknir á sóttvarnasviði
landlæknisembættisins, um salm-
onellusýkinguna sem kom upp
meðal Íslendinga á Ródos í sumar.
Að sögn Guðrúnar barst sótt-
varnalækni fyrst tilkynning um
salmonelluna í síðustu viku. Allir
sjúklingarnir hafi dvalist á sama
hótelinu á Ródos, það er að segja
Forum Beach. Send hafi verið
skilaboð til Sóttvarnastofnunar
Evrópu. Komið hafi í ljós að Svíar
hefðu einnig orðið varir við salm-
onellutilfelli frá umræddu hóteli.
„Við höfðum einnig samband
við heilbrigðisyfirvöld í Grikk-
landi sem sögðu að farið yrði á
hótelið og aðstæður skoðaðar. Ég
hef þó ekki fengið nákvæma
skýrslu um hver niðurstaða þeirr-
ar könnunar var,“ segir Guðrún
sem hvetur fólk til að vera áfram
vakandi þótt flest bendi til að hrin-
an sé yfirstaðin.
„En það á aldrei að segja aldrei
og nú erum við að fylgjast með
hvort það koma fleiri tilfelli. Eftir
að fólk fer til læknis þarf að senda
sýni í ræktun og það tekur tíma.
Þannig að það er ekki orðið ljóst
enn þá hvort fleiri bætast í hóp-
inn.“
Þess má geta að enn eru nokkrir
úr hópnum sem veiktist ekki búnir
að ná sér að fullu. - gar
Yfirlæknir á sóttvarnasviði segir alla salmonellusjúklingana vera af Forum Beach:
Engin skýrsla frá Grikklandi
GUÐRÚN SIGMUNDSDÓTTIR Aldrei að
segja aldrei, segir yfirmaður sóttvarna-
sviðs og hvetur fólk til að vera á verði
gagnvart salmonellu. FRÉTTABLAÐIÐ/ANTONÁ ÖXLUM AFA Þessi drengur hafði gott
útsýni yfir mannlífið ofan af öxlunum
á afa sínum þegar þeir brugðu sér í
bæinn í Kabúl í Afganistan.
FRÉTTABLAÐIÐ/AP
LÖGREGLUMÁL Lögreglan í
Árnessýslu fann fíkniefni við
húsleit í Hveragerði og á Selfossi
í fyrrinótt. Um var að ræða
lítilræði af kannabisefnum og
amfetamíni til einkanota.
Lögreglan stöðvaði ökumann
laust fyrir miðnætti, grunaðan
um akstur undir áhrifum
fíkniefna. Að sögn lögreglu er um
þekktan aðila að ræða og var slóð
hans því rakin í hús í Hveragerði
og Selfossi, þar sem efnin voru
gerð upptæk.
Þá var annar maður handtekinn
vegna gruns um fíkniefnaakstur í
Hveragerði um tíuleytið í
fyrrakvöld. Mál er í rannsókn. - kg
Lögreglan í Árnessýslu:
Fíkniefni fund-
ust við húsleit
DANMÖRK, AP Á nýju myndbandi
frá Al Kaída hótar Mustafa Abu al-
Yazeed, sem sagður er hæstráð-
andi samtakanna í Afganistan,
fleiri árásum á Vesturlönd, það er
á „krossfararíki sem niðurlægja,
hæðast að og ófrægja spámann
okkar“.
Einnig kemur fram á mynd-
bandinu Abu Ghareeb al-Makki,
sem féll í sjálfsvígsárás á danska
sendiráðið í Pakistan fyrr í sumar.
Hann beinir máli sínu til dönsku
þjóðarinnar og segir þetta hvorki
vera fyrstu né síðustu hefndar-
aðgerðina gegn þeim: „Við munum
þurrka ykkur af yfirborði jarðar,“
sagði hann. - gb
Al Kaída með hótanir um ódæði á Vesturlöndum:
Boða fleiri árásir á Dani
ÁVARPIÐ Myndbandsupptaka með
Mustafa al-Yazeed.